ەگىنشى - مالشىلار سەنىم ارتاتىن «جاقسى اندا» بولايىق (باس شۋجي مەنىمەن قول الىسقان)
ــــ ىشكى موڭعۇل اۆتونوميالى رايونى داماۋ حوشۇنىنىڭ پروكۋرورى پان جىرۇڭعا قايتالاي تىلشىلىك ىستەۋ
«حالىق گازەتىنىڭ» تىلشىلەرى حۋاڭ چيڭچاڭ، ديڭ جىجۇن
2022.02.09 16:29 كەلۋ قاينارى : حالىق تورابى
جاڭا جورىقتا، ءبىز، ءسوز جوق، حالىققا بەرىك سۇيەنىپ تاريحتى جاراتىپ، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىندا تاباندى بولىپ، حالىق مايدانىندا بەرىك تۇرىپ، پارتيانىڭ بۇقارالىق لۋشيانىن دايەكتىلەندىرىپ، حالىقتىڭ جاسامپازدىق رۋحىنا قۇرمەت ەتىپ، حالىقتى وزەك ەتكەن دامۋ يدەياسىن امالياتتا ايگىلەپ، جالپى بارىستىق حالىق دەموكراتياسىن دامىتىپ، قوعامدىق ادىلدىك پەن ادىلەتتىلىكتى قورعاپ، دامۋدىڭ بىركەلكى، تولىق بولماۋى ماسەلەسى مەن حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشىپ، ادامنىڭ جان - جاقتى دامۋىن ىلگەرىلەتىپ، جالپى حالىقتىڭ بىرگە اۋقاتتانۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋىمىز كەرەك!
− شي جينپيڭ
«قار قانشا قالىڭ بولسا دا، اۋىل - قىستاققا ءتۇسۋ جوسپارىم وزگەرمەيدى». پان جىرۇڭعا قايتالاي تىلشىلىك ىستەۋ ونىڭ اۋىلعا ءتۇسىپ جاعداي ۇعىسۋىنان باستالدى. اۆتوموبيلمەن ىشكى موڭعۇل اۆتونوميالى رايونىنىڭ داماۋ ساحاراسىندا ءجۇرىپ كەلەمىز، قار قىلاۋلاپ تۇر، توڭىرەك اق قار جامىلعان. ساحارادا تۋىپ، ساحارادا وسكەن پان جىرۇڭ تەرەزە سىرتىنا قاراپ، ءسوز ساندىعىن اشتى.
2016 - جىلى پان جىرۇڭ مەملەكەتتىك تاڭداۋلى پارتيا مۇشەلەرىنىڭ ۋاكىلى رەتىندە باس شۋجي شي جينپيڭنىڭ ىقىلاستى قابىلداۋىندا بولدى. باس شۋجي شي جينپيڭمەن 5 جىلدان استام ۋاقىتتىڭ الدىندا قول الىسىپ تۇرعان كەزدى ەسكە العاندا، پان جىرۇڭنىڭ جۇزىنەن ماقتانىش لەبى ەسىپ: «باس شۋجيدىڭ قولى مەيىرىمدى دە قۋاتتى ەدى. باس شۋجيدىڭ كۇلىمسىرەۋى ءبىزدى ايرىقشا اسەرلەندىردى» دەدى.
«باس شۋجيدىڭ حالىققا دەگەن تەرەڭ سۇيىسپەنشىلىگى تەرەڭ اسەر قالدىردى»
جاڭ جىرۇڭ − ىشكى موڭعۇل اۆتونوميالى رايونى باۋتوۋ قالاسى دارقان ماۋميڭ - ان بىرلەسكەن حوشۇنى پروكۋراتۋرا مەكەمەسى تەكسەرۋ كوميتەتىنىڭ ارناۋلى مۇشەسى، 3 - پروكۋراتۋرا ءبولىمىنىڭ مەڭگەرۋشىسى. ول ءار جىلى ۇشتەن ەكى بولەك ۋاقىتىن ەگىن، مال شارۋاشىلىق رايوندارىندا وتكىزىپ، 100 مىڭ ارىپكە جۋىق حالىق جاعدايى كۇندەلىگىن جازدى؛ 6 مىڭنان استام «پروكۋراتۋرا مەكەمەسى مەن حالىقتىڭ بايلانىس كارتوچكاسىن» تاراتىپ، 24 ساعات بويى قول تەلەفونىن اشىق ۇستادى. 35 جىلدان بەرى ول كوممۋنيستەردىڭ اۋەلگى ماقساتىنان، بورىشىنان باستان - اياق جازباي، نەگىزگى ساتىعا تامىر تارتىپ، قالتقىسىز ۇلەس قوسىپ، ساحاراداعى بۇقارا جاعىنان «جاقسى اندا» (جاقسى باۋىرلاس) دەپ اتالدى.
2016 - جىلى مەملەكەتتىك تاڭداۋلى پارتيا مۇشەلەرىنىڭ ۋاكىلى رەتىندە پان جىرۇڭ ۇسىنىس بويىنشا بەيجيڭگە كەلىپ، جۇڭگو كوممۋنيستىك پارتياسى قۇرىلعانىنىڭ 95 جىلدىعىن قۇتتىقتاۋ قيمىلىنا قاتىناستى. 6 - ايدىڭ 29 - كۇنى كەشتە «ماڭگىلىك سەنىم» اتتى مۋزىكا كەشىن تاماشالادى. سول ءساتتى كۇنى كەشە بولعانداي ەسىنە ساقتاعان ول: «سول كۇنى كەشكى ساعات 7 دەن 55 مينۋت وتكەندە باس شۋجي شي جينپيڭ قاتارلى پارتيا مەن مەملەكەت باسشىلارى مۋزىكا ساۋىعى الاڭىنا كەلىپ، بىزبەن ءبىر - بىرلەپ ىقىلاسپەن قول الىستى. سول كۇنى كەشتە قاتتى قۋانعانعاننان ۇيىقتاي المادىم» دەدى.
2016 – جىلى 7 - ايدىڭ 1 - كۇنى باس شۋجي شي جينپيڭ جۇڭگو كوممۋنيستىك پارتياسى قۇرىلعانىنىڭ 95 جىلدىعىن قۇتتىقتاۋ جينالىسىندا ماڭىزدى ءسوز سويلەدى. باس شۋجي شي جينپيڭ بىلاي دەپ اتاپ كورسەتتى: «95 جىلدان بەرى ۇرپاقتان - ۇرپاققا جالعاسقان تاڭداۋلى جۇڭگو كوممۋنيستەرى وتان مەن حالىق ءۇشىن قالتقىسىز ۇلەس قوسىپ، كوممۋنيستەردىڭ حالىققا دەگەن سۇيىسپەنشىلىگىن، وسكەلەڭ قاسيەتىن جاندى ايگىلەدى. وسى رەت ماداقتالىپ - سيلانعان مەملەكەتتىك تاڭداۋلى پارتيا مۇشەلەرى، تاڭداۋلى پارتيا ىستەرى قىزمەتكەرلەرى جانە وزات نەگىزگى ساتى پارتيا ۇيىمدارى − ءار سالا، ءار كاسىپتىڭ كورنەكتى ۋاكىلدەرى. مەن پارتيا ورتالىق كوميتەتى اتىنان وسى جولى ماداقتالىپ - سيلانعان جولداستارعا وسكەلەڭ قۇرمەت بىلدىرەمىن!».
2021 - جىلى 7 - ايدىڭ 1 - كۇنى پان جىرۇڭ ۇسىنىس بويىنشا جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىنا قاتىناسىپ، باس شۋجي شي جينپيڭنىڭ ماڭىزدى ءسوزىن ناق مايداننان تىڭدادى. «2017 - جىلى پارتيا 19 - قۇرىلتايىنىڭ ۋاكىلى بولىپ سايلاندىم، 2019 - جىلى حالىق رازى بولعان مەملەكەت قىزمەتكەرلەرىن ماداقتاۋ - سيلاۋ قيمىلىنا قاتىناسىپ، جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ جينالىسىنا ۇسىنىسپەن قاتىناستىم، 2020 - جىلى مەملەكەتتىك وزات قىزمەتكەر اتاعىن الدىم، مەن باس شۋجيدىڭ ماڭىزدى ءسوزىن ءار جولى ناق مايداندا تىڭداپ وتىردىم» دەدى پان جىرۇڭ ايرىقشا ماقتانىشپەن.
«باس شۋجيدىڭ ماڭىزدى ءسوزىن كوپ رەت ناق مايداندا تىڭداۋ نەتكەن زور داڭق دەسەڭىزشى!». پان جىرۇڭ بىلاي دەدى: «ءار جولى باس شۋجيدىڭ حالىققا دەگەن تەرەڭ سۇيىسپەنشىلىگىنەن قاتتى اسەرلەندىم».
«حالىقتى كوكەيدەگى ەڭ جوعارى ورىنعا قويۋ كەرەك»، «بيلىك دەگەنىمىز حالىق، حالىق دەگەنىمىز بيلىك، بيلىككە قول جەتكىزۋدە، بيلىكتى قورعاۋدا حالىقتىڭ تىلەگى قورعالادى»، «جۇڭگو كوممۋنيستىك پارتياسىنىڭ نەگىزى حالىقتا، قان تامىرى حالىقتا، كۇش – قۋاتى حالىقتا». باس شۋجي شي جينپيڭنىڭ جەلىلەس ماڭىزدى سوزدەرىن قايتا ەسكە العاندا، پان جىرۇڭ نازارىن الدىڭعى جاقتاعى كەڭ ساحاراعا اۋدارىپ، اسقاق تا شىنايى سەزىممەن: «مەن جەر - كوكتى ءدۇر سىلكىندىرگەن ءىرى ءىس ىستەمەدىم، پارتيا مەن حالىق ماعان وسىنشاما كوپ داڭق سيلادى. باس شۋجي شي جينپيڭنىڭ تاپسىرماسىن ەستە بەرىك ساقتاپ، حالىق ءۇشىن قىزمەت ىستەۋ سەنىمىن بەكەمدەگەندە عانا، وسى داڭقتى اقتاۋعا، پارتيا مەن حالىقتىڭ ءۇمىتىن اقتاۋعا بولادى» دەدى.
«ءار ۇلت ءبىر ءۇيلى جانداي، ءبىز ءبىر - ءبىرىمىزدى ءسۇيۋىمىز كەرەك»
باقىتتى ساتتەردى ەسكە الۋ ۋاقىتتىڭ قادامىن تەزدەتىپ جىبەرگەندەي بولدى. 2 ساعات وتە شىقتى، پان جىرۇڭنىڭ باراتىن جەرى − ماندۋلا وتكەلى بويىنداعى كومىردى جوتكەپ تاسىمالداۋ بەكەتىنە جەتىپ كەلدىك.
وسى كومىردى جوتكەپ تاسىمالداۋ بەكەتىندە بۇرىن ۇنتاق كومىر اشىق جەردە ءۇيىلىپ جاتاتىن، جەل سوقسا، كومىر توزاڭى جان – جاقتى قاپتاپ كەتەتىن.
«ەكولوگيانى الدىمەن ەسكەرۋ، جاسىل دامۋ» − باس شۋجي شي جينپيڭنىڭ ىقىلاستى تاپسىرماسى. قايتكەندە زاڭ ارقىلى وتانىمىزدىڭ سولتۇستىك شەكارا ءوڭىرىنىڭ ەكولوگيالىق حاۋىپسىزدىك قالتقىسىن بەكەمدەپ، مالشىلاردىڭ زاڭدى ۇقىق - مۇددەسىن قورعاۋعا بولادى؟ وسى تۇرعىدان پان جىرۇڭ جۇمىسقا كىرىسكەن بولاتىن.
جاڭ جىرۇڭ كومىردى جوتكەپ تاسىمالداۋ بەكەتىنىڭ لاستانۋ ماسەلەسىنە باعىتتاي وتىرىپ، پروكۋراتۋرا الەۋمەتتىك يگىلىك ارىز - شاعىمىن باستادى. دالەل - ىسپاتتى تۇراقتاندىرۋ، ارىز - شاعىمنان بۇرىن ۇسىنىس بەرۋ، ىزىنە ءتۇسىپ باقىلاۋ - تەكسەرۋ، وسى ەكى ساعاتتىق جولدا پان جىرۇڭنىڭ قانشا رەت جول جۇرگەنى ەسىندە قالماپتى، قۋانارلىعى، ەڭ سوڭىندا ورتانى قورعاۋ، قامبادا ساقتاۋ قالتقىسىن سالۋ ءىسىن ىلگەرىلەتە العان.
«‹تۇنىق سۋ، جاسىل تاۋ − باعالى بايلىق› ۇستانىمىن امالياتتا ايگىلەۋدەگى ماقسات − حالىقتى باقىتقا كەنەلتۋ». پان جىرۇڭ قورشاعان ورتانى قورعاۋ تۇرعىسىنان دەڭگەيى جوعارىلاتىلىپ، جاڭالانعاننان كەيىنگى كومىردى جوتكەپ تاسىمالداۋ بەكەتىن زەر سالا كورۋدە، كومىر تاسىعان اۆتوكولىك قايشالىسىپ ءجۇرىپ جاتىر، ءبىراق كوزگە كومىر شالدىقپايدى، جول تازا، اۋا دا تازە ەكەن. ول بىلاي دەدى: تاياۋ جىلداردان بەرى ورمان، ءشوپ بايلىعىن قورعاۋعا ساياتىن ءبىر توپ دەلونى ءبىر جاقتى ەتىپ، تاماشا زاڭدىق ونىمدىلىككە جانە قوعامدىق ونىمدىلىككە قول جەتكىزدىك.
جاڭ جىرۇڭ كومىردى جوتكەپ تاسىمالداۋ بەكەتىن كوزدەن كەشىرىپ، قايتار جولىندا قول تەلەفونىن الىپ شىعىپ، بەينە ەكران ارقىلى اڭگىمەلەستى، قارسى جاقتاعى كىسى دارقانسۇمىن التىن حوشۇنى گاچاسىنىڭ مالشىسى اراتونچيگ ەكەن، ولار شاتتانا پىكىر اۋىستىردى. تەلەفوندى ۇزگەن سوڭ پان جىرۇڭ: «بەينە ەكران ارقىلى اڭگىمەلەسۋگە بولادى، بۇل قول تەلەفون سيگنالىنىڭ راسىندا جاقسى ەكەنىن تۇسىندىرەدى. مالشىلار قول تەلەفونىن كوتەرىپ سيگنال ىزدەمەيتىن بولدى!» دەدى.
اسىلىندە، پارتيا تاريحىن ۇيرەنۋ تاربيەسىندە داماۋ حوشۇنىنداعى كوپتەگەن ورىن «پان جىرۇڭنىڭ ىزگى ىستەرىنەن ۇيرەنۋ» تاقىرىبىنداعى پارتيا كۇنى قيمىلىن ورىستەتكەن بولاتىن. پان جىرۇڭ دا وسى ورايدا كوپتەگەن ورىنعا جايشىلىقتا جيناعان بۇقارانىڭ ارمان - تىلەگىن اڭىس ەتىپ، «بۇقارا ءۇشىن ناقتى ءىس ىستەيمىن» امالياتتىق قيمىلىن بىرگە ىلگەرىلەتكەن بولاتىن. قول تەلەفون سيگنالىنىڭ جاقسى بولماۋى، سيىر، قويدىڭ جەم – شوپتەن تارىعۋى، قىستا جاعاتىن كومىردىڭ تاپشىلىعى سياقتى ماسەلەلەر ءبىر - بىرلەپ شەشىلىپتى.
داماۋ حوشۇنى پروكۋراتۋرا مەكەمەسى ساياسي ءبولىمىنىڭ مەڭگەرۋشىسى تاۋ گىسۋ بىلاي دەپ تانىستىردى: «ساحاراداعى ءار ۇلت حالقى جونىنەن العاندا، پان جىرۇڭ پارتيانىڭ ەلشىسى سياقتى». بۇل جونىندە پان جىرۇڭ ەشقاشان ءدۇدامال بولعان ەمەس، ول بىلاي دەيدى: «پارتيانىڭ قامقورلىعى مەن مەيىر - شاپاعاتىن ساحاراداعى ءار ۇلت بۇقاراسىنا جەتكىزۋ − مەنىڭ ماقتانىشىم، ونان دا ماڭىزدىسى، جاۋاپكەرلىگىم».
ج ك پ ورتالىق كوميتەتى ماڭىزدى ءماجىلىس اشقاندا، پان جىرۇڭ ءماجىلىس رۋحىن دەر كەزىندە مۇقيات ۇيرەنىپ، ءتۇسىنىپ، بۇقارا تىڭداعىسى كەلەتىن، تۇسىنە الاتىن، كوكەيگە ۇيالاتا الاتىن مازمۇنداردى ازىرلەپ، قايدا بارسا، سول ارادا ۇگىت - لەكسيا جاسايتىن.
پان جىرۇڭ پارتيا 19 - قۇرىلتايىنىڭ رۋحىن ۇگىتتەۋ ءۇشىن اۋىل - قىستاققا، مال شارۋاشىلىق رايوندارىنا، زاۆود - كەندەرگە، سەحتارعا بارىپ 50 نەشە رەت ۇگىت - لەكسيا جاسادى. مالشى دولايفۋ ەسكە ءتۇسىرىپ: «لاۋپان باس شۋجي مەن پارتيا ورتالىق كوميتەتى ءبىزدىڭ ساحارا حالقىنىڭ ءوندىرىسى مەن تۇرمىسىنا ەرەكشە كوڭىل بولەدى، كوپشىلىكتىڭ تۇرمىسىنىڭ بارعان سايىن جاقسارۋىنا، بىرگە اۋقاتتانۋىنا مۇمكىندىك جاساۋىمىز كەرەك دەگەندى ايتىپ وتىرادى» دەدى.
2021 - جىلى 8 - ايدا باس شۋجي شي جينپيڭ ورتالىقتىڭ ۇلت قىزمەتى ءماجىلىسىندە بىلاي دەپ دارىپتەدى: «جۇڭحۋا ۇلتى ورتاق تۇلعا تانىمىن بەرىك ورناتۋدا ءار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋعا جەتەكتەۋ كەرەك». پان جىرۇڭ كوپتەگەن گاچاعا (قىستاق) بارىپ، مالشىلارعا: ءار ۇلت ءبىر ءۇيلى جانداي، ءبىز ءبىر - ءبىرىمىزدى ءسۇيۋىمىز كەرەك» دەپ وتىرادى.«اياعىمىز باتپاققا كوبىرەك شىلانسا، ەگىنشى - مالشى قاۋىمىمەن ارالىعىمىز سونشالىق جاقىندايدى»
جاڭ جىرۇڭمەن بىرگە ساحارادا 2 كۇن ءجۇرىپ، پان جىرۇڭدى ۇيلەرىنە ءدام تاتۋعا شاقىرعان ەگىنشى - مالشىلاردى كوپتەپ كەزىكتىردىك. كوڭىلدى كۇلكى ءۇنى ىشىندە ەگىنشى - مالشىلاردىڭ پان جىرۇڭدى الدەقاشان جاقىن تارتىپ كەتكەنىن سەزىندىك. پان جىرۇڭ: «اياعىمىز باتپاققا كوبىرەك شىلانسا، ەگىنشى - مالشى قاۋىمىمەن ارالىعىمىز سونشالىق جاقىندايدى» دەدى.
قاراپايىم پان جىرۇڭ بەرىك سەنىم ارقالاپ، داماۋ حوشۇنىنداعى 77 گاچانى (قىستاق) ارالاپ، 267 تابيعي قىستاقتا، ءبىر مىڭ 100 دەن استام مال فەرماسىندا جانە 6 مىڭ 400 دەن استام ەگىنشى - مالشى وتباسىندا جاعداي ۇعىسىپ، بۇقارا اراسىنداعى 100 دەن استام قايشىلىق پەن داۋ - شاردى شەشتى.
داماۋ ساحاراسىندا: «پروكۋرورلار حالىقتىڭ مۇڭ - مۇقتاجىن شەشۋگە كۇش سالدى، 10 نەشە جىلدان بەرى كورشىلەر اراسىنداعى داۋ – شار ۇيلەسىمدى شەشىلىپ وتىردى» دەگەن القاۋ ءسوز تارالعان، مۇندا پان جىرۇڭنىڭ قايشىلىق پەن داۋ - شاردى شەشۋ ءىسى ايتىلعان، پارتيا ورتالىق كوميتەتىنىڭ ۇلتتار ىنتىماعى مەن نەگىزگى ساتىنى جونگە سالۋعا ءمان بەرگەنىنە ماداق جاۋدىرىلعان.
پان جىرۇڭ جاعداي ۇعىسا بارعاندا، مالشى گاۋ لانيىڭ وعان ءوزىنىڭ جايىلىمىنان 2 مىڭ مۋدان استام جەردى كورشىسىنىڭ يەلەپ العانىن ايتادى.
پان جىرۇڭ سايكەستىرۋ قىزمەتىن ىرىقتىلىقپەن ۇستىنە الىپ، قاتىستى تاراۋلارمەن بايلانىس جاساپ، ناق مايداندا ولشەپ، شەكارا بەلگىلەپ، زاڭدى، قاعيدانى، ادامگەرشىلىكتى دارىپتەدى. كوپ رەت جاراستىرۋ ارقىلى كورشىسى ءوزىنىڭ جايىلىمىنا 1500 مۋ جەرگە گاۋ لانيىڭعا قايتارىپ بەرۋگە ماقۇل بولادى، ءبىراق گاۋ لانيىڭنىڭ ءۇيىنىڭ الدىنداعى 500 مۋ جايىلىمدى وعان قايتارىپ بەرگىسى كەلمەيدى، تەك باسقا جەردەن تولىقتاماق بولادى. ەگەر وسىلاي بولسا، گاۋ لانيىڭنىڭ قويى جاڭادان بولىنگەن جايىلىمعا بارىپ جايىلۋدا كورشىسىنىڭ جايىلىمىنان ءوتۋى كەرەك.
پان جىرۇڭ ماسەلەنى تۇبىرىنەن شەشىپ، جاڭا قايشىلىقتىڭ تۋىلۋىنان ساقتانۋ ءۇشىن، گاۋ لانيىڭنىڭ كورشىسىمەن ىرىقتى تۇردە دوستاسىپ، سابىرلىلىقپەن سايكەستىرۋ ارقىلى ەڭ سوڭىندا ەكى وتباسىنى 500 مۋ جايىلىمدى ورتاق پايدالانۋ كەلىسىمىن جاساۋعا كوندىردى.
«بۇقارانىڭ ءوندىرىس، تۇرمىستاعى قيىن ماسەلەلەردى شەشۋىنە كومەكتەسۋ − پروكۋرورلاردىڭ جاۋاپكەرلىگى، ونان دا ماڭىزدىسى، كوممۋنيستەردىڭ جاۋاپكەرلىگى». پان جىرۇڭ بىلاي دەيدى: «ەگىنشى - مالشىلار مەنى ىزدەسە بولعانى، مەن ‹جوق› دەپ ايتا المايمىن».
«مەن ۇزاق جىلدار بويى مال شارۋاشىلىق رايوندارىندا جۇگىرىپ، داماۋ ساحاراسىندا تۋىلعان وراسان زور وزگەرىستەرگە كۋا بولدىم». پان جىرۇڭ بىلاي دەدى: بۇرىن اۋىل - قىستاققا بارعاندا اۆتوبۋزعا وتىرىپ، موتوتسيكلگە، اتقا مىنەتىنمىن، ءبىر مال شارۋاشىلىق تۇيىنىنە بارۋ ءۇشىن، كوبىندە 2 - 3 كۇن ۋاقىت قاجەت بولاتىن؛ قازىر تاس جول بارلىق قىستاققا تۇتاستى، جول جاعدايى دا جاقسى، حوشۇنداعى ەڭ الىس دەگەن مال شارۋاشىلىق تۇيىنىنە كولىكپەن ءبىر كۇندە بارىپ - كەلۋگە بولادى.
پان جىرۇڭدى اسەرلەندىرگەنى، ول قالىڭ ەگىنشى - مالشى بۇقاراسىنىڭ باس شۋجي شي جينپيڭگە دەگەن شىنايى سۇيىسپەنشىلىگىن، پارتيا ورتالىق كوميتەتىن شىنايى قولدايتىنىن قاي - قاشان دا سەزىنىپ وتىرعان. بايىنوبا سۇمىنى دابۋشجەتۋ گاشاسىندا مالشى بيليگى وتباسىنىڭ جىلدىق ناق كىرىسى ءبىر ميلليون يۋانعا تاياپ، جاڭا ءۇي سالىپ، شاعىن اۆتوموبيل ساتىپ العان. بيليگى العىس سەزىمىمەن: «مالشىلارىمىزدىڭ تۇرمىسى جاقساردى! باس شۋجيگە راقىمەت، پارتيانىڭ ابزال ساياساتىنا راقىمەت!» دەدى.
59 جاستاعى پان جىرۇڭ ساحارادا توقتاۋسىز شاپقىلاپ جۇرەدى. ول بىلاي دەدى: ۋاقىتتى مىقتى يگەرىپ، قوس ءتىل پروكۋرورلارىن كوبىرەك تاربيەلەۋ كەرەك. ءوزىم زەينەتكە شىققان كۇننىڭ وزىندە، پارتيا مۇشەسى سالاۋاتىم وزگەرمەيدى، ءالى دە ءبىر ءتۇپ ءشوپ سياقتى ساحاراعا تەرەڭ تامىر تارتىپ، ماڭگى ەگىنشى - مالشىلار سەنەتىن «جاقسى اندا» بولامىن!
«باس شۋجي شي جينپيڭنىڭ شىنايى قامقورلىعى ماعان باستان - اياق مەيىر باعىشتادى؛ باس شۋجيدىڭ ىقىلاستى تاپسىرماسىن ماڭگى ەستەن شىعارمايمىن». تىلشىلىك اياقتاعان كەزدە پان جىرۇڭ ءوزىنىڭ: «ەگەر وراي بولسا، مەن داماۋ ساحاراسىندا سوڭعى جىلدارى تۋىلعان وراسان زور وزگەرىستەردى، سونداي - اق ساحاراداعى ءار ۇلت حالقىنىڭ باس شۋجيدى قادىرلەۋ، پارتيا ورتالىق كوميتەتىن قولداۋ احۋالىن باس شۋجيگە مالىمدەگىم كەلەدى» دەگەن ەڭ ۇلكەن تىلەگىن ايتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
