مەملەكەت قورعانىسى مينيسترلىگىنىڭ اقپارات مالىمدەمەشىسى ا ق ش – تىڭ تايۋانعا اسكەري قارۋ - جاراق ساتىپ بەرۋ جونىندە تىلشىلەردىڭ سۇراۋىنا جاۋاپ بەردى
2022.02.10 13:14 كەلۋ قاينارى : حالىق تورابى
شينحۋا اگەنتتىگىنىڭ 2 - ايدىڭ 9 - كۇنى بەيجيڭنەن بەرگەن حابارى. مەملەكەت قورعانىسى مينيسترلىگىنىڭ اقپارات مالىمدەمەشىسى ۋ چيان 2 - ايدىڭ 9 – كۇنى ا ق ش – تىڭ تايۋانعا اسكەري قارۋ - جاراق ساتىپ بەرۋى جونىندە تىلشىلەردىڭ سۇراۋىنا جاۋاپ بەردى.
ءبىر ءتىلشى بىلاي دەپ سۇراۋ قويدى: حابارعا قاراعاندا، ا ق ش قورعانىس مينيسترلىگىنىڭ مەملەكەت قورعانىسى حاۋىپسىزدىگى سەلبەستىك مەكەمەسى 2 - ايدىڭ 7 - كۇنى ا ق ش تايۋانعا قۇنى 100 ميلليون ا ق ش دوللارىندىق «وتانشىل» ماركالى باسقارىلمالى بومبىدان قورعانۋ جۇيەسىنىڭ جابدىقتارى مەن قىزمەت وتەۋىن ساتىپ بەرۋدى بەكىتكەندىگىن جاريالادى. بۇعان قالاي باعا بەرەسىز؟
ۋ چيان بىلاي دەپ اتاپ كورسەتتى: ا ق ش جۇڭگونىڭ تايۋان رايونىنا قارۋ ـ جاراق ساتۋى ءبىر جۇڭگو پرينسيبى مەن جۇڭگو - ا ق ش 3 بىرلەسكەن مازمۇنداماسىنا، اسىرەسە، «17 ـ تامىز» مازمۇنداماسىنداعى بەلگىلەمەلەرگە اۋىر قايشىلىق جاساپ، جۇڭگونىڭ ىشكى ىسىنە دورەكىلىكپەن كيلىگىپ، جۇڭگونىڭ يەلىك ۇقىعى مەن حاۋىپسىزدىك مۇددەسىنە زيان جەتكىزىپ، جۇڭگو - ا ق ش ەكى ەلدىڭ، ەكى ەل ارمياسىنىڭ قاتىناسىن ءبۇلدىرىپ، تايۋان بۇعازىنىڭ بەيبىتشىلىگى مەن ورنىقتىلىعىنا زيان جەتكىزدى، جۇڭگو بۇعان كۇشتى نارازىلىق بىلدىرەدى جانە باتىل قارسى تۇرادى، ا ق ش ـ قا قاتاڭ نارازىلىق بىلدىرەدى.
ۋ چيان بىلاي دەدى: دۇنيە جۇزىندە ءبىر عانا جۇڭگو بار، تايۋان جۇڭگو تەرريتورياسىنىڭ ايرىلماس ءبىر بولىگى. جۇڭگو ا ق ش – تان تايۋانعا اسكەري قارۋ - جاراق ساتىپ بەرۋ جوسپارىن دەرەۋ كۇشىنەن قالدىرىپ، ا ق ش پەن تايۋاننىڭ اسكەري بايلانىسىن توقتاتىپ، «تايۋاندى دەربەستەندىرۋدى» كوزدەيتىن بولشەكتەۋشى كۇشتەرگە قاتە سەگنال بەرۋدى توقتاتىپ، جۇڭگو - ا ق ش ەكى ەلدىڭ، ەكى ەل ارمياسىنىڭ قاتىناسى مەن تايۋان بۇعازىنىڭ بەيبىتشىلىگى مەن ورنىقتىلىعىنا اۋىر زارداپ تۋدىرۋدان ساقتانۋدى قاتاڭ تالاپ ەتەدى.
ۋ چيان مىنانى باسا دارىپتەدى: تايۋاننىڭ بولاشاعى مەملەكەتتىڭ تۇتاستىعىندا، تايۋاننىڭ حاۋىپسىزدىگى استە ا ق ش - تىڭ تايۋانعا قارۋ - جاراق ساتۋىنا ەمەس، قايتا ءبىر جۇڭگو پرينسيپى بويىنشا ەكى جاعالاۋداعى باۋىرلاستاردىڭ ورتاق قۇلشىنۋىنا سۇيەنەدى. جۇڭگو حالىق ازاتتىق ارمياسى بارلىق قاجەتتى شارالاردى قولدانىپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاپ، ءارقانداي فورماداعى سىرتقى كۇشتەردىڭ كيلىگۋى مەن «تايۋاندى دەربەستەندىرۋدى» كوزدەۋ سىندى بولشەكتەۋ قاسكۇنەمدىگىن باتىل تالقانداپ، وتاننىڭ بىرلىككە كەلۋ اياق الىسىن ۇزدىكسىز ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
