جەلى ارقىلى زورلىق – زومبىلىق جۇرگىزۋگە قارسى تۇرۋدا زاڭ جاساۋدى كەمەلدەندىرۋ العى شارت ەسەپتەلەدى
2022.02.10 14:31 كەلۋ قاينارى : حالىق تورابى
2 – ايدىڭ 8 – كۇنى «زاڭمەن جونگە سالۋ گازەتىنىڭ» حابارلاۋىنشا، جۋىردا حىبەي ولكەسى شيڭتاي قالاسىندا 17 جاستاعى ليۋ X جوۋ ەسىمدى ۇل بالا جەلى ارقىلى جۇرگىزىلگەن زورلىق – زومبىلىق سەبەبىنەن ءوزىن مەرت قىلىپ، جۇرت بۇل ىسكە نازار اۋداردى. ينتەرنەت داۋىرىندە «ءتىلتاقتالى باتىرلاردىڭ» جەلىدەگى لەبىز جازۋ رولىنان پايدالانىپ، اق – قارانى شاتاستىرىپ، جوق جەردەن داۋ شىعاراتىن ىستەرى كوبەيدى، وسى جونىندە اتالعان سالاداعى ماماندار جەلى ارقىلى جۇرگىزىلگەن زورلىق – زومبىلىققا قارسى تۇرۋعا قاتىستى ارناۋلى زاڭ جاساۋ جونىندە ۇسىنىس بەردى.
رەال ومىردە جەلى ارقىلى جۇرگىزىلگەن زورلىق – زومبىلىقتىڭ زالالىنا ۇشىرعان جالعىز ليۋ X جوۋ عانا ەمەس. «ءتىلتاقتالى باتىرلار» اق پەن قارانى پارىقتاماستان كۇمان ءبىلدىرىپ، جالا جاۋىپ، جات نيەتپەن جابىرلەپ، بالاعاتتاپ جانە شىندىقتى بۇرمالاپ، ىسكە قاتىستى ادامعا پسيحيكالىق جاقتان زور قىسىم تۇسىرەدى ءارى ونى مۇڭايتادى. وكىنەرلىگى، «دىياڭداعى ايەل شيپاگەر جەلى ارقىلى جۇرگىزىلگەن زورلىق – زومبىلىق سەبەبىنەن ءوزىن ولتىرگەن دەلوعا ۇكىم جاريالاندى، ءۇش ايىپكەرگە دە جابىرلەۋ قىلمىسى بويىنشا جازا كەسىلدى» دەگەن سياقتى ءساتتى دەلو مىسالدارى بولعانىمەن، جەلى ارقىلى زورلىق – زومبىلىق جۇرگىزەتىندەردىڭ كوبىنە سايكەستى جازا قولدانىلعان جوق، جەلى ارقىلى جۇرگىزىلەتىن زورلىق – زومبىلىق ارەكەتتەرىنىڭ باسىم كوپ ساندىسىنىڭ سوڭى سيىر قۇيمىشاقتانىپ جوق بولدى.
«ينتەرنەت زاڭنان تىسقارى جەر ەمەس» دەگەنىمىزبەن، ينتەرنەتتىڭ ۋيرتۆالدى سيپاتى، جاسىرىنعىشتىق سيپاتى قاتارلى فاكتورلاردىڭ ىقپالى سەبەبىنەن، جەلىدەگى زورلىق – زومبىلىقتى تەكسەرۋ مەن ىسپات الۋ ۇنەمى زور قيىندىققا ءدوپ كەلەدى، ەگەر وعان سايكەستى دەرەگىن ىزدەۋ مەحانيزمى ىسكە قوسىلماسا، زياندالعان ادامنىڭ تۋىس – تۋعانى قاتارلىلار ازاماتتىق ءىس بويىنشا شاعىم ايتپاسا، زورلىق – زومبىلىق ىستەۋشى جازادان جەڭىل جالتارىپ كەتەدى، وسىنىڭ سالدارىنان زورلىق – زومبىلىق ىستەۋشىلەر ونان ارى ەشتەڭەدەن يمەنبەيتىن بولادى.
قازىر ەلىمىزدە جەلى ارقىلى جۇرگىزىلگەن زورلىق – زومبىلىققا باعىتتالعان ارناۋلى زاڭ جوق، قاتىستى بەلگىلەمەلەر ازاماتتىق زاڭناما، قىلمىستىق ىستەر زاڭى، اماندىق باسقارۋعا قايشى كەلگەندەردى جازالاۋ زاڭى، ينتەرنەت حاۋىپسىزدىگى زاڭى قاتارلى زاڭ – تۇزىمدەردە بىتىراڭقى كۇيدە ايتىلادى. وسى بىتىراڭقى زاڭ تارماقتارىن ءبىر اراعا جيناۋ ءارى جاڭا جاعدايعا، جاڭا ماسەلەلەرگە باعىتتاي وتىرىپ، جاڭادان زاڭ تارماقتارىن جاساۋ، زاڭ جاساۋدى ارناۋلىلاندىرۋدى، جۇيەلىلەندىرۋدى ىسكە اسىرۋ — رەال ءومىردىڭ قاجەتى، سونىمەن بىرگە، حالىق بۇقاراسىنىڭ ءۇنى. اناعۇرلىم كەمەلدەنگەن، جاقسارتىلعان زاڭدىق نەگىز بولعاندا عانا، جەلى ارقىلى زورلىق - زومبىلىق جۇرگىزەتىندەردىڭ تۇرلەرىن، پارىقتاۋ ولشەمىن ايقىنداپ، جەلى ارقىلى زورلىق –زومبىلىق جۇرگىزەتىندەرگە قارسى تۇراتىن قىزمەتتىك جاۋاپكەرشىلىك تۇلعالارىن، ولاردىڭ ۇقىعىن اتقارۋ ءتارتىبى جانە قولدانۋ كولەمى قاتارلىلاردى ايقىنداۋعا، وسىدان سوڭ ازاماتتىق ىستەر جاۋاپكەرشىلىگىن، اماندىق قورعاۋعا قاتىستى جازانى جانە قىلمىستىق ىستەر جاۋاپكەرشىلىگىن پارىقتاۋعا ءارى ولاردىڭ اراسىنداعى بايلانىستى بايقاۋعا بولادى.
سۇيەنەتىن زاڭ بولۋ — زاڭمەن جونگە سالۋدىڭ العى شارتى، جەلى ارقىلى جۇرگىزەتىن زورلىق – زومبىلىقتىڭ اسقىنعان جاعدايىنا ءدوپ كەلگەندە، قاتىستى زاڭ جاساۋ قىزمەتىنە جاۋاپتى تاراۋلار بەلسەندى ءۇن قاتۋى، ءوز رولدارىن ساۋلەلەندىرۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
