قىزمەتتەن بوساۋعا ءوتىنىش بەرگەنىمەن، ءالى قىزمەتتەن بوساماعان جاعدايدا، ءوتىنىشتى قايتارىپ الۋعا بولا ما؟
حالىق گازەتىنىڭ ءتىلشىسى جين شين
2022.02.11 15:20 كەلۋ قاينارى : حالىق تورابى
[دەلو جاعدايى] زىڭ XX ءبىر سەرىكتەستىكتە قىزمەت ىستەيتىن. 2019 – جىلى 6 – ايدىڭ 26 – كۇنى زىڭ XX سەرىكتەستىككە قىزمەتتەن بوساۋ ءوتىنىشىن تاپسىرىپ، سەرىكتەستىكتىڭ «قىزمەتتەن بوساۋ ءوتىنىشى كەستەسىن» تولتىرادى ءارى قىزمەتتەن بوساۋ ۋاقىتى 7 – ايدىڭ 25 – كۇنى دەپ انىق جازادى. 2019 – جىلى 6 – ايدىڭ 27 – كۇنى سەرىكتەستىكتىڭ قاتىستى جاۋاپتىسى بەكىتۋ ورنىنا قول قويىپ، ءوتىنىشتى ماقۇلدايدى. 7 – ايدىڭ 2 – كۇنى زىڭ XX جەكەلىك سەبەپپەن قىزمەتتەن بوساۋ ءوتىنىشىن قايتارىپ الۋدى ويلاپ، قىزمەتتەن بوساۋ ءوتىنىشىن كۇشىنەن قالدىرۋدى تالاپ ەتەدى. سەرىكتەستىك زىڭ XX عا: «ءسىز قىزمەتتەن بوساۋ كەستەسىنە قول قويىپ تاپسىردىڭىز، قىزمەتتەن بوساۋ ءتارتىبى ىسكە قوسىلدى ءارى باس مەكەمە ءوتىنىشتى بەكىتتى، قازىر قىزمەتتەن بوساۋ ءوتىنىشىن وزگەرتۋگە كەلمەيدى»، — دەپ جاۋاپ قايتارعان.
وسىدان سوڭ، زىڭ XX تورەلىك ايتۋعا ءوتىنىش بەرىپ، قىزمەتتەن بوساۋ ءوتىنىشىن كۇشىنەن قالدىرۋدى، ەڭبەك توقتامىن جالعاستى اتقارۋدى وتىنەدى، تورەلىك ايتۋ كوميسسياسى زىڭ XX نىڭ تالابىن تويتارادى. زىڭ XX تورەلىك ايتۋ كوميسسياسىنىڭ شەشىمىنە مويىنسال بولماي، سوت مەكەمەسىنە ارىزدانادى.
سوت مەكەمەسى تەكتەۋ ارقىلى بىلاي دەپ قارايدى: زىڭ XX تولتىرعان قىزمەتتەن بوساۋ ءوتىنىشى كەستەسىنەن قاراعاندا، 2019 – جىلى 6 – ايدىڭ 26 – كۇنى قىزمەتتەن بوساۋ ءوتىنىشىن تاپسىرعان ءارى 7 – ايدىڭ 25 – كۇنى قىزمەتتەن بوسايتىنىن انىق جازعان، ەڭبەك توقتامىندا بەلگىلەنگەن ەڭبەكشىنىڭ 30 كۇن بۇرىن نەمەسە 3 كۇندىك ءبىرجاقتى ەسكەرتۋ بەرۋ ارقىلى كۇشىنەن قالدىرۋ ءتاسىلىن قولدانۋعا جاتادى، قىزمەتكەر ىستەتۋشى ورىننىڭ ماقۇلداۋ – ماقۇلداماۋ سىندى پىكىر ءبىلدىرۋىن قاجەت ەتپەيدى، كۇشىنەن قالدىرۋدىڭ ماعىناسىن قارسى جاق قابىلداعان ساتتەن باستاپ، زاڭدىق كۇشكە يە بولادى. سوندىقتان، 7 – ايدىڭ 2 – كۇنى زىڭ XX نىڭ قىزمەتتەن بوساۋ ءوتىنىشىن قايتارىپ الۋ نەمەسە كۇشىنەن قالدىرۋ پىكىرىن جولداۋى ءوتىنىشتى قايتارىپ الۋ ويىن ىسكە اسىرا المايدى. سوت مەكەمەسى زىڭ XX نىڭ ارىز – شاعىم تالابىن تويتارعان.
[زاڭ جونىندە ۇگىت] بۇل تالاس – تارتىستىڭ وزەكتى ءتۇيىنى — قىزمەتتەن بوساۋ ءوتىنىشىن قايتارىپ الۋعا بولاتىن – بولمايتىنى جايلى بولىپ وتىر. «جۇڭحۋا حالىق رەسپۋبليكاسىنىڭ ەڭبەك توقتامى» زاڭىنىڭ 37 – تارماعىنداعى بەلگىلەمەگە نەگىزدەلگەندە، ەڭبەكشىنىڭ 30 كۇن بۇرىن قىزمەتكەردى ىستەتۋشى ورىنعا جازباشا تۇردە ۇقتىرۋ ارقىلى ەڭبەك توقتامىن كۇشىنەن قالدىرۋىنا بولادى. ەڭبەكشىنىڭ سىناق رەتىندە ىستەتۋ مەرزىمىندە 3 كۇن بۇرىن قىزمەتكەر ىستەتۋشى ورىنعا ۇقتىرۋ ارقىلى ەڭبەك توقتامىن كۇشىنەن قالدىرۋىنا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
