شينجياڭدا جەكەلەردىڭ ينفورماتسياسىنا قول سۇعۋعا قاتىستى الەۋمەتتىك يگىلىك سيپاتىنداعى ارىز – شاعىم دەلوسىنا تۇڭعىش رەت ۇكىم جاريالاندى
بۇراتالا قالالىق حالىق سوتى 3 ايىپكەردى قىلمىستىق ىستەر بويىنشا جازالادى ءارى اشىق كەشىرىم سۇراۋعا بۇيىردى
2022.02.11 15:34 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ۋاڭ شۋلين، ەرىكتى ءتىلشىسى جاڭ تيڭ حابارلايدى. جۋىردا شينجياڭ ۇيعۇر اۆتونوميالى رايونى بۇراتالا قالالىق حالىق سوتى ازاماتتاردىڭ جەكەلىك ينفورماتسياسىنا قول سۇعۋعا قاتىستى قىلمىستىق ىسپەن قوسا ازاماتتىق ءىس جونىندە الەۋمەتتىك يگلىك سيپاتىندا ارىز – شاعىم ايتۋ دەلوسىنا شينجياڭ بويىنشا تۇڭعىش رەت اشىق ۇكىم جاريالادى؛ 3 ايىپكەردى جەكە – جەكە 8 ايدان ءبىر جىل 6 ايعا دەيىنگى ارالىقتا مەرزىمدى قاماق جازاسىنا ۇكىم ەتتى، جازانى كەشەۋىلدەتىپ اتقارۋدى ءارى اقشالاي ايىپ سالۋدى، زاڭسىز قولعا كەلتىرگەن تابىستارىن قايتارىپ الىپ، دەلو تۋدىرعان قۇرالدارىن ءمۇسادىرالاۋدى جاريالادى. سونىمەن بىرگە، 3 ايىپكەردى زياندى تولەۋگە جانە اقپارات قۇرالدارىندا اشىق كەشىرىم سۇراۋعا بۇيىردى، جازانى كەشەۋىلدەتىپ اتقارىپ، سىناۋ مەزگىلىندە تەلەگراف سالاسىنداعى قىزمەتپەن شۇعىلدانۋىنا تيىم سالدى.
2020 – جىلى 11 – ايدا، ايىپكەر بۇراتالا قالاسىنداعى بەلگىلى حابارلاسۋ دۇكەنىنىڭ قوجايىنى سۇن X «تۇتىنۋشىلارعا تەلەفون ءنومىر ءبىتىرىپ بەرگەن كەزدە، سايكەستى كۋالاندىرۋ ءنومىرىن ۋيچاتتاعى توپقا جاريالاسا، سايكەستى قارىمجىعا يە بولادى» (ادەتتە «جاڭا مۇشە تارتۋ» دەپ اتايدى) دەگەن ءسوزدى ەستيدى. سۇن X دۇكەن قىزمەتكەرى يان X دى ۇيرەنىپ كەلۋگە ورنالاستىرادى، يان X «جاڭا مۇشە تارتۋ» ۋيچات توبىنا قوسىلىپ، سايكەستى قارىمجى العان سوڭ، سۇن X دۇكەندەگى باسقا قىزمەتكەرلەردى كۋرسقا ۇيىمداستىرىپ، ولاردى «جاڭا مۇشە تارتۋعا» ورنالاستىرادى.
2021 – جىلى 1 – ايدا، سۇن X دىڭ ماقۇل بولۋىمەن، يان X، قا X جانە دۇكەندەگى باسقا بىرنەشە قىزمەتكەر تۇتىنۋشىلارعا قولفون ءنومىرىن ءبىتىرىپ بەرۋ سىندى قولايلى ورايدان پايدالانىپ، تۇتىنۋشىلاردىڭ رۇقساتىن الماي تۇرىپ، ولاردىڭ قولفونىن ىسكە قوسۋ دەگەن جەلەۋمەن، قولفون ءنومىرىن جانە سايكەستى كۋالاندىرۋ ءنومىرىن «جاڭا مۇشە تارتۋ» توپتارىنا جولداپ، ەسەسىنە اقى الىپ وتىرعان. 2021 – جىلى 7 – ايدا، سۇن X، يان X، قا X قاتارلىلار «جاڭا مۇشە تارتۋ» توپتارىندا ازاماتتاردىڭ تەلەفون نومىرلەرىنەن 1855 ينفورماتسيانى جولداعان جانە ساتقان، 55790.77 يۋان زاڭسىز پايدا تاپقان.
«جۇڭحۋا حالىق رەسپۋبليكاسىنىڭ جەكەلەردىڭ ينفورماتسياسىن قورعاۋ زاڭىنداعى» بەلگىلەمەلەرگە ساي، بۇراتالا قالالىق حالىق پروكۋراتۋراسى زاڭ بويىنشا بۇراتالا قالالىق حالىق سوتىنا قىلمىستىق ىستەرمەن قوسا ازاماتتىق ىستەر جونىندەگى الەۋمەتتىك يگىلىك سيپاتىنداعى ارىز – شاعىم كوتەرگەن.
سوت مەكەمەسى تەرگەۋدەن سوڭ، ايىپكەر سۇن X، يان X، قا X مەملەكەتتىڭ قاتىستى بەلگىلەمەلەرىنە قايشىلىق جاساپ، ازاماتتاردىڭ جەكەلىك ينفورماتسيالارىن باسقالارعا زاڭسىز ساتقان، بەرگەن، ولاردىڭ ارەكەتى تۇگەلدەي ازاماتتاردىڭ جەكەلىك ينفورماتسياسىنا قول سۇعۋ قىلمىسىن قالىپتاستىرعان دەپ قاراعان، 3 ايىپكەردى جەكە – جەكە 8 ايدان ءبىر جىل 6 ايعا دەيىنگى ارالىقتا مەرزىمدى قاماق جازاسىنا ۇكىم ەتكەن، جازانى كەشەۋىلدەتىپ اتقارۋدى ءارى اقشالاي ايىپ سالۋدى، زاڭسىز قول جەتكىزگەن پايدانى قايتارىپ الۋدى، دەلو تۋدىرعان قۇرالداردى ءمۇسادىرالاۋدى جاريالاعان. سونىمەن بىرگە، 3 ايىپكەردىڭ جازانى كەشەۋىلدەتىپ اتقارىپ سىناۋ كەزەڭىندە تەلەگراف سالاسىنداعى قىزمەتپەن شۇعىلدانۋىنا تيىم سالعان. سوت كەڭەسىنىڭ باسقارۋىندا، 3 ايىپكەر دە قىلمىستارىن مويىنداپ، جازاعا مويىنسال بولىپ، زاڭسىز تابىستارىن ىرىقتىلىقپەن قايتارعان، زياندى تولەۋگە ءارى اقپارات قۇرالدارىندا اشىق كەشىرىم سۇراۋعا ماقۇل بولعان.
[سۋديانىڭ ەسكەرتۋى]
2021 – جىلى 11 – ايدىڭ 1 – كۇنى «جۇڭحۋا حالىق رەسپۋبليكاسىنىڭ جەكەلەردىڭ ينفورماتسياسىن قورعاۋ زاڭى» رەسمي اتقارىلدى. جەكەلەردىڭ ينفورماتسياسىن قورعاۋدى پروكۋراتۋرانىڭ الەۋمەتتىك يگىلىك سيپاتىنداعى ارىز – شاعىمىنىڭ زاڭدا بەلگىلەنگەن كولەمىنە ەنگىزۋدى ايقىنداپ، جەكەلەردىڭ ينفورماتسياسىن قورعاۋدىڭ اناعۇرلىم كەمەلدى جۇيەسىن ورناتتى، جەكەلەردىڭ ينفورماتسياسىن قورعاۋ جانە جونگە سالۋ جۇيەسىن اناعۇرلىم كەمەلدەندىردى، بۇل جەكەلەردىڭ ينفورماتسيالىق ۇقىق – مۇددەسىنىڭ زاڭمەن جونگە سالۋ جاعىنداعى اناعۇرلىم جۇيەلى قامتاماسىزداندىرۋعا يە بولعانىن كورسەتىپ، جەكەلەردىڭ ينفورماتسياسىن ءبىرجاقتى ەتۋ ارەكەتىنە اناعۇرلىم ايقىن زاڭدىق جول نۇسقادى. ازاماتتاردىڭ جەكەلىك ينفورماتسيالارىن قورعاۋ ءبىزدىڭ قالىپتى قوعامدىق ءتارتىبىمىزدى قورعاۋ ەسەپتەلەدى. ازاماتتاردىڭ جەكەلىك ينفورماتسيالارىنا قول سۇعۋ سىندى قىلمىستىق ارەكەتتەرگە سوت مەكەمەسى زاڭ بويىنشا باتىل سوققى بەرەدى ءارى الەۋمەتتىك يگىلىك سيپاتىنداعى ارىز – شاعىمنىڭ الەۋمەتتىك مۇددەنى قورعاۋ جاعىنداعى رولىن تولىق ساۋلەلەندىرەدى، وسى ارقىلى ازاماتتاردىڭ جەكەلىك ينفورماتسيالارىنىڭ حاۋىپسىزدىگىن قورعاۋعا پارمەندى ءادىليالىق كەپىلدىك ازىرلەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
