وتكەن جىلى ناقتى پايدالانىلعان شەتەل قارجىسى ءبىر تريلليون يۋاننان اسىپ، سايكەس مەزگىلدەگىدەن %14.9 ارتتى
قارجى ەنگىزۋ كولەمى تىڭ دەڭگەيگە جەتىپ، قۇرىلىم ساپالىلاندى
«حالىق گازەتىنىڭ» تىلشىلەرى دۋ حايتاۋ، لو شانشان
2022.02.11 16:19 كەلۋ قاينارى : حالىق تورابى
بىلتىر تۇتاس جىلدا ناقتى پايدالانىلعان شەتەل قارجىسى ءبىر تريلليون 149 ميلليارد 360 ميلليون يۋان بولىپ، تۇڭعىش رەت تريلليون يۋاننان اسىپ، سايكەس مەزگىلدەگىدەن %14.9 ارتتى. 2021 - جىلى حالىقارالىق جاعداي قىم - قۋىت كۇردەلى بولعانىمەن، ەلىمىزدىڭ شەتەل قارجىسىنان پايدالانۋداعى باۋراۋ قۋاتى ازايماي، قارجى ەنگىزۋ كولەمى تاعى دا تىڭ ورەگە كوتەرىلدى.
باۋراۋ قۋاتى السىرەمەدى
شەتەل قارجىسىنان پايدالانۋ كولەمى ورنىقتى بولدى
شانشيدىڭ شي - ان قالاسىندا سامسۇڭ جارتىلاي وتكىزگىش زاۆودىنىڭ 2 - مەرزىمدىك 2 - كەزەڭدىك نىسانى رەسمي ىسكە قوسىلدى؛ تيانجيندە سامسۇڭ كوپ قاباتتى فارفور ىدىس زاۆودىنىڭ ەڭ جاڭا ونىمدەرىنىڭ ءونىم مولشەرى ورىندالدى. «جۇڭگونىڭ ساپالى دامۋىنىڭ جاڭا قاجەتىنە سايكەسۋ ءۇشىن، ءبىز جوعارى تەحنيكالى شارۋاشىلىققا قارجى قوسۋدى ۇزدىكسىز كۇشەيتىپ، جۇڭگوداعى كاسىپ قۇرىلىمىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتتىك. 2021 - جىلى ءار دارەجەلى ۇكىمەتتەردىڭ كومەگىندە، ءبىز ىندەتتىڭ ىقپالىن جەڭىپ، تيانجين، شي - ان سياقتى جەرلەردىڭ جارتىلاي وتكىزگىشى، جاڭا ەنەرگيالى اۆتوكولىكتەردىڭ قوزعاۋشى كۇش باتەرياسى، اۆتوكولىككە پايدالانىلاتىن فارفور ىدىس سياقتى قامداۋ تىزبەگىندەگى جوعارى دەڭگەيلى كاسىپتەردىڭ جەدەل دامۋىن ورنىقتى ىلگەرىلەتتىك». جۇڭگو سامسۇڭ توبىنىڭ باس القاسى حۋاڭ دىجۋ مىنانى ءبىلدىردى: تاياۋداعى 5 جىلدا سامسۇڭ جۇڭگودا 20 ميلليارد دوللاردان استام قارجى قوستى.
كوپتەگەن شەتەل كاپيتالىمەن قۇرىلعان كاسىپورىندار جۇڭگو ەكونوميكاسىنا ۇزدىكسىز نازار اۋدارىپ، جۇڭگوداعى دامۋ سەنىمىن بەكەمدەدى. 2021 - جىلى ەلىمىزدىڭ شەتەل قارجىسىنان پايدالانۋ كولەمى ورنىقتى بولىپ قانا قالماستان، ساپاسى دا جوعارىلادى.
− كاسىپ سالاسىنان الىپ قاراعاندا، قىزمەت وتەۋ كاسىبىنىڭ ناقتى پايدالانعان شەتەل قارجىسى 906 ميلليارد 490 ميلليون يۋان بولىپ، سايكەس مەزگىلدەگىدەن %16.7 ارتتى. جوعارى تەحنيكالى كاسىپتەردىڭ ناقتى پايدالانىلعان شەتەل قارجىسى سايكەس مەزگىلدەگىدەن %17.1 ارتتى، مۇنىڭ ىشىندە جوعارى تەحنيكالى جاساۋ كاسىبىنىكى %10.7 ارتقان، جوعارى تەحنيكالى قىزمەت وتەۋ كاسىبىنىكى %19.2 ارتتى.
− «ءبىر بەلدەۋ، ءبىر جول» بويىنداعى ەلدەر مەن شىعىس وڭتۇستىك ازيا ەلدەرى وداعىنىڭ ناقتى قوسقان قارجىسى سايكەس مەزگىلدەگىدەن جەكە – جەكە %29.4 جانە %29 ارتتى.
− وڭىرلىك ورنالاسۋدان قاراعاندا، ەلىمىزدىڭ شىعىس، ورتا، باتىس بولەك رايوندارىندا ناقتى پايدالانىلعان شەتەل قارجىسى سايكەس مەزگىلدەگىدەن جەكە - جەكە %14.6، %20.5، %14.2 ارتتى.
2021 - جىلى ەلىمىزدىڭ شەتەل قارجىسى قۇرىلىمى ۇزدىكسىز ساپالىلاندى. جوعارى تەحنيكالى جاساۋ كاسىبىندە ەلەكتروندىق ونەركاسىپتىڭ ارناۋلى جابدىقتارىن جاساۋ، جالپىلىق اسپاپ - جابدىقتار جاساۋ، قارجى ەنگىزۋ سايكەس مەزگىلدەگىدەن جەكە - جەكە 2 ەسە جانە %64.9 ارتتى؛ جوعارى تەحنيكالى قىزمەت وتەۋ كاسىبىندە ەلەكتروندىق ساۋداعا قىزمەت وتەۋ، عىلىم - تەحنيكا جەتىستىكتەرىن وندىرگىش كۇشكە اينالدىرۋعا قىزمەت وتەۋ، قارجى ەنگىزۋ سايكەس مەزگىلدەگىدەن جەكە - جەكە 2. 2 ەسە جانە %25 ارتتى. ءىرى نىسانداردىڭ سانى ءبىرشاما تەز ارتىپ، توقتام جاسالعان شەتەل قارجىسى 50 ميلليون امەريكا دوللارىنان، 100 ميلليون امەريكا دوللارىنان جوعارى ءىرى نىسانداردىڭ سانى جەكە - جەكە %26.1، %25.5 ارتتى.
«دۇنيە جۇزىندەگى 2 - ۇلكەن ەكونوميكالىق تۇلعا رەتىندە، جۇڭگو جاساۋ كاسىبىندەگى ءىرى ەلدىك ورنىن ساقتاۋمەن بىرگە، بىرتىندەپ تۇتىنۋداعى ءىرى ەلگە، جاڭالىق اشۋداعى ءىرى ەلگە اينالدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى ءبىز ءوندىرىس تورابى جۇيەسىنە رەتتەۋ جۇرگىزدىك، جۇڭگودا 8 ءىس بازاسى جاڭادان سالىندى، توڭازىتىپ ساقتاۋ جابدىقتارىن ءوندىرۋ، ساتۋ سياقتى كوپتەگەن كاسىپتىك بولەكتەر جۇڭگوعا كوشىرىلدى. پاناسونيك توبى دۇنيە جۇزىلىك ءتوراعاسىنىڭ ورىنباسارى تەسيو حونما مىنانى ءبىلدىردى: قازىر پاناسونيكتىڭ جۇڭگودا 9 مىڭعا جۋىق زەرتتەرمەنى بار، جۇڭگو بازارىنا باعىتتالعان ونىمدەر جۇڭگو ۇيىرمەلەرىنىڭ اشۋىنا كوبىرەك سۇيەنەدى.
كوپ ءتۇرلى شارانى قاتار قولدانۋ − قۇلاشىن كەڭ جايعان ەكونوميكالىق دامۋدىڭ نەگىزى
2021 - جىلى 9 - ايدا نىسان تۇرعىزۋدى تەكسەرىپ بەكىتۋ رەسمي بەكىتىلگەننەن 11 - ايدا رەسمي قۇرىلىس باستاعانعا دەيىن، «جەرگىلىكتى ۇكىمەتتىڭ دەمەۋىندە، نىسان بولەكتەرگە، باسقىشتارعا ءبولۋ نەگىزىندە ءتارتىپتى جۇرىلۋدە». شاڭحاي لىگاۋ - لىيۋان باقشاسى دەمالىس ورنىنىڭ باس ديرەكتورى چىن جيە بىلاي دەدى: شاڭحاي − چاڭجياڭ اتىراۋىنا ىقپال جاسايتىن توڭىرەكتىڭ ءتورت بۇرىشىن باۋرايتىن حالىقارالىق قالا، «لىگاۋ - لىيۋان باقشاسىنىڭ بولاشاقتاعى دامۋىنا سەنىمىمىز كامىل».
2021 - جىلى شاڭحايدىڭ ناقتى پايدالانعان شەتەل قارجىسى 22 ميلليارد 550 ميلليون امەريكا دوللارى بولىپ، سايكەس مەزگىلدەگىدەن %11.5 ارتىپ، تاعى دا تاريحتاعى ەڭ جوعارى ورە جاراتىلدى؛ ەل ارالىق سەرىكتەستىكتەردىڭ وڭىرلىك باس شتابى تىڭنان 60 ورىن ارتىپ، جيىنى 831 گە جەتتى، جاڭادان قوسىلعان شەتەل قارجىسىن زەرتتەۋ - اشۋ ورتالىعى تىڭنان 25 ورىن ارتىپ، جيىنى 506 عا جەتتى.
شەتەل قارجىسىنان پايدالانۋدىڭ ورنىقتىلىق بارىسىندا جاقسارۋى ەلىمىز ەكونوميكاسىنىڭ ساپالى دامۋ ونىمدىلىگىن ايگىلەدى. 2021 - جىلى ەلىمىزدىڭ ىشكى ءوندىرىس جالپى ءونىم قۇنى سايكەس مەزگىلدەگىدەن %8.1 ارتىپ، ەكونوميكانىڭ ارتۋ قارقىنى دۇنيە جۇزىندەگى نەگىزگى ەكونوميكالىق تۇلعالاردىڭ ىشىندە الدىڭعى قاتارعا ءوتتى؛ ەكونوميكانىڭ جالپى مولشەرى 114 تريلليون 400 ميلليارد يۋانعا جەتىپ، دۇنيە ءجۇزى ەكونوميكاسىنداعى سالىستىرماسى مەجەمەن %18 تەن استى؛ ادام باسىنا تۋرا كەلەتىن ىشكى ءوندىرىستىڭ جالپى ءونىم قۇنى 12 مىڭ دوللاردان استى. مەملەكەتتىڭ جالپىلىق قۋاتى، قوعامدىق وندىرگىش كۇش، حالىقتىڭ تۇرمىس دەڭگەيى اناعۇرلىم جوعارىلاپ، ساپالى دامۋدىڭ نەگىزى اناعۇرلىم بەكەمدەلىپ، شارت - جاعدايى اناعۇرلىم ساپالىلانىپ، قوزعاۋشى كۇشى اناعۇرلىم جەتكىلىكتى بولىپ، شەتەل قارجىلاندىرعان كاسىپورىنداردىڭ جۇڭگودا قارجى قوسىپ تيجارات جۇرگىزۋىنە ورنىقتى قوعامدىق ورتا ازىرلەدى. ساۋدا مينيسترلىگىنىڭ تاياۋ مەزگىلدەگى سۇراۋ قاعازىن تاراتىپ تەكسەرۋىنە قاراعاندا، 3 مىڭنان استام ءتۇيىندى شەتەل قارجىلاندىرعان كاسىپورىنداردىڭ ىشىندە %94.9 كاسىپورىن تيجاراتتىڭ بولاشاعىنا جالپى جاقتان ءۇمىتتى پوزيتسيا ۇستانعان.
شەتەل قارجىسىنان پايدالانۋدىڭ ورنىقتىلىق بارىسىندا جاقسارۋى ەلىمىزدىڭ جوعارى دەڭگەيدەگى سىرتقا ەسىك اشۋ ونىمدىلىگىن ايگىلەدى. 2021 - جىلى ەركىن ساۋدا سىناق رايونى، ەركىن ساۋدا پورتى، قىزمەت وتەۋ كاسىبىنىڭ ەسىكتى ايقارا اشۋ سىناق ءتۇيىنى ۇلگى رايونى سياقتى اشىق تۇعىرلارعا قارجى قوسۋدى ەركىندەندىرۋ، قولايلىلاندىرۋ شارالارى ۇزدىكسىز شىعارىلىپ، شەتەل قارجىسىن باۋراۋدىڭ بەلەسىنە اينالدى. ساۋدا مينيسترلىگى شەتەل قارجىسىن باسقارۋ تارماق مەكەمەسىنىڭ باستىعى چىن چۇنجياڭ تانىستىرىپ بىلاي دەدى: 2021 – جىلى 21 ەركىن ساۋدا سىناق رايونىنىڭ شەتەل قارجىسىن باۋراۋى %19 ارتتى، حايناننىڭ ەركىن ساۋدا پورتىنا قارجى ەنگىزۋى ەسەلەپ ارتتى، قىزمەت وتەۋ كاسىبىنىڭ ەسىكتى ايقارا اشۋ سىناق ءتۇيىنى ەتىلگەن رايونداردىڭ قىزمەت وتەۋ كاسىبىنە قارجى ەنگىزۋى بۇكىل ەلدىڭ %33.4 ىن يەلەپ، جوعارى دەڭگەيدە اشىق ۇستالعان تۇعىرلاردىڭ شەتەل قارجىسىن باۋراۋ قۋاتىن تولىق ايگىلەدى.
سەنىم بەكەمدەلىپ، شەتەل قارجىسىنىڭ نەگىزگى جاعدايى ورنىقتىرىلدى
قازىر دۇنيە جۇزىندەگى 100 جىلدىق وزگەرىس جاعدايى مەن عاسىرلىق ىندەت توعىسىپ ىقپال جاساپ، دۇنيە ءجۇزى اۋمالى - توكپەلى وزگەرىس كەزەڭىنە ءوتتى، ورنىقسىزدىق، تۇراقسىزدىق كورنەكتى جوعارىلادى. بىرلەسكەن مەملەكەتتەر ۇيىمىنىڭ ەڭ جاڭا جاريالاعان بايانداماسىندا كورسەتىلۋىنشە، دۇنيە ءجۇزى ەكونوميكاسىنىڭ قالپىنا كەلۋى وراسان زور قىسىمعا ءدوپ كەلگەن. بىرلەسكەن مەملەكەتتەر ۇيىمىنىڭ ساۋدانى دامىتۋ ءماجىلىسىنىڭ مەجەلەۋىنشە، 2022 – جىلى دۇنيە ءجۇزى بويىنشا ەل ارالىق قارجى قوسۋدىڭ تەز قارقىنمەن ارتۋىن جۇزەگە اسىرۋ قيىن ەكەن. بۇدان سىرت، 2021 - جىلعى جوعارى نەگىزدىك سان، جوعارى ارتۋ مولشەرى نەگىزىندە، بيىل ەلىمىزدىڭ شەتەل قارجىسىنان پايدالانۋ قىزمەتى ءبىرشاما زور سايىسقا ءدوپ كەلگەن.
«سىن - سايىسقا ءدوپ كەلگەنىمەن، ەلىمىز ەكونوميكانىڭ دامۋى مەن ىندەتتەن ساقتانۋ - تىزگىندەۋدە دۇنيە ءجۇزى بويىنشا الدىڭعى ورىندى ساقتاۋ سىندى تاماشا نەگىزگە يە، كاسىپ سالاسى كەمەلدى، نەگىزدىك قۇرىلعىلارى كەمەلدى، ادام كۇشى بايلىعى مول بولۋ سياقتى ءتيىمدى شارت - جاعدايلار بار، ەرەكشە كەڭ كولەمدى بازاردىڭ شەتەل قارجىسىن باۋراۋ قۋاتى كۇشتى، شەتەل ساۋداگەرلەرىنىڭ جۇڭگوداعى قارجى قوسۋ جالپى تۇلعالىق مەجەسى جاقسى». چىن چۇنجياڭ مىنانى ءبىلدىردى: ءىرى شەتەل ساۋدا قوعامدارىنىڭ بايانداماسىندا كورسەتىلۋىنشە، جۇڭگو ءالى دە ەل ارالىق سەرىكتەستىكتەردىڭ نەگىزگى قارجى قوسۋ نىسانالى جەرىنىڭ ءبىرى ەكەن. جۇڭگو - گەرمانيا ساۋدا قوعامى جاريالاعان 2021 - جىلدان 2022 - جىلعا دەيىنگى ساۋدا سەنىمىن تەكسەرۋ مالىمەتىندە كورسەتىلۋىنشە، جۇڭگوداعى گەرمانيا كاسىپورىندارى جۇڭگو بازارىنىڭ ارتۋىنا تولىق سەنىم ارتقان، %71 كاسىپورىن جۇڭگودا قارجى قوسۋدى ءۇرتىس ارتتىرۋدى جوسپارلاعان.
دەلويتتە سەرىكتەستىگىنىڭ قاتىستى جاۋاپتىسى مىنانى ءبىلدىردى: جۇڭگو ەسىك اشۋدى تاباندىلىقپەن كەڭەيتىپ، ساۋدا ورتاسىن ۇزدىكسىز ساپالىلاندىرىپ، ەل اتتاعان كاسىپورىنداردىڭ جۇڭگوعا تامىر تارتۋىنا كەڭ تۇعىر ازىرلەدى. شەتەل قارجىسىنىڭ بازارعا كىرۋىنە رۇقسات ەتۋ جاعىندا، بازارعا كىرۋگە رۇقسات ەتۋدەن بۇرىن ازاماتتىق مامىلە شەكتەلگەن سالالار تىزىمدىگىن قوسىپ باسقارۋ ۇلگىسىن جاپپاي اتقاردى، ونىڭ ۇستىنە شەكتەلگەن سالالار تىزىمدىگىن ۇزدىكسىز ازايتتى؛ كاسىپ سالاسىن اشىق ۇستاۋ تۇرعىسىنان جۇڭگو العاشقى كەزدەگى مانەرلەۋ ساۋداسىن، اۋىر ونەركاسىپتى اشىق ۇستاۋدان فينانس، ەمدەۋ، تەلەگراف سياقتى قىزمەت وتەۋ سالالارىنا ەسىك اشۋعا دەيىن كەڭەيدى؛ ساۋدا ورتاسىندا ساۋداعا قارجى قوسۋدىڭ ەركىندەنۋىن، قولايلىلانۋىن ۇزدىكسىز ىلگەرىلەتىپ، ءبىلىم مەنشىك ۇقىعىن قورعاۋعا اناعۇرلىم ءمان بەردى. ونان دا ماڭىزدىسى، جۇڭگو بازارىنىڭ جاندانۋ دارەجەسى مەن ورنىقتىلىعى دۇنيە ءجۇزى بويىنشا الدىڭعى قاتاردا تۇرادى، دەلويتتە سەرىكتەستىگى جۇڭگو بازارىنا تولىق سەنىم ارتادى.
ورنىقتىلىق بارىسىندا ىلگەرىلەۋدە تاباندى بولىپ، سىرتقى ساۋدا، شەتەل قارجىسىنىڭ نەگىزگى جاعدايىن ورنىقتىردى، ساۋدا مينيسترلىگىنىڭ قاتىستى جاۋاپتىسى مىنانى ءبىلدىردى: جوعارى دەڭگەيدەگى سىرتقا ەسىك اشۋدى كەڭەيتۋگە ۇزدىكسىز كۇش سالامىز. 2021 - جىلعى مەملەكەتتىك جانە ەركىن ساۋدا سىناق رايونىنداعى شەتەل قارجىسىنىڭ كىرۋىنە رۇقسات ەتۋدىڭ شەكتەلگەن سالالار ءتىزىمىن ويداعىداي تياناقتاندىرىپ، اۆتوكولىك جاساۋ سياقتى سالالارداعى ەسىك اشۋ شارالارىنىڭ تياناقتانىپ، ءونىم بەرۋىنە كەپىلدىك ەتىپ، ءتىپتى دە كوپ ەل ارالىق سەرىكتەستىكتەردى قارجى قوسۋعا باۋرايمىز. شەتەل ساۋداگەرلەرى قارجى قوسۋ زاڭى مەن ونى اتقارۋ ەرەجەسىن ويداعىداي اتقارىپ، شەتەل كاپيتالىمەن قۇرىلعان كاسىپورىنداردىڭ ازاماتتىق مامىلەسىن ويداعىداي تياناقتاندىرىپ، اناعۇرلىم تاماشا تيجارات - ساۋدا ورتاسىن قالىپتاستىرىپ، جۇڭگونى باستان - اياق شەتەل ساۋداگەرلەرىنىڭ قارجى قوسۋىنىڭ قۇتتى مەكەنىنە اينالدىرامىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
