قاتىستى تاراۋلار پىكىر شىعارىپ، ءتۇزىلىس، مەحانيزم جانە ساياساتتىق شارالاردى كەمەلدەندىردى
ەنەرگيانىڭ جاسىل، تومەن كومىرتەكتى تيپكە بۇرىلىس جاساۋىن ىلگەرىلەتۋ كەرەك
2022.02.11 16:21 كەلۋ قاينارى : حالىق تورابى
«حالىق گازەتى»، 2 - ايدىڭ 10 - كۇنى، بەيجيڭ (ءتىلشى ديڭ ي – تيڭ). مەملەكەتتىك دامۋ جانە رەفورما كوميتەتى، مەملەكەتتىك ەنەرگيا مەكەمەسى تاياۋدا «ەنەرگيانىڭ جاسىل، تومەن كومىرتەكتى تيپكە بۇرىلىس جاساۋ ءتۇزىلىس، مەحانيزمىن جانە ساياساتتىق شارالارىن كەمەلدەندىرۋ جونىندەگى پىكىردى» باسىپ تاراتتى. «پىكىردە» مەملەكەتتىڭ ەنەرگيا ستراتەگياسى مەن پلانىنىڭ اتقارىلۋىن سايكەستى ىلگەرىلەتۋ مەحانيزمىن كەمەلدەندىرۋ، جاسىل ەنەرگيا تۇتىنۋىنا جەتەكشىلىك ەتۋ ءتۇزىمى مەن ساياسات جۇيەسىن كەمەلدەندىرۋ، جاسىل، تومەن كومىرتەكتى بولۋدى جەتەكشى ەتكەن ەنەرگيانى اشۋ، پايدالانۋدىڭ جاڭا مەحانيزمىن ورناتۋ سياقتى جاقتاردا كوپتەگەن شارا ورتاعا قويىلدى.
مەملەكەتتىك ەنەرگيا مەكەمەسىنىڭ قاتىستى جاۋاپتىسى بىلاي دەپ تانىستىردى: تاياۋ جىلداردان بەرى جەر - جەر، قاتىستى تاراۋلار ەنەرگيانىڭ جاسىل، تومەن كومىرتەكتى دامۋىن ارقاۋ ەتە وتىرىپ ءبىرقىدىرۋ ساياساتتىق شارا بەلگىلەپ، تازا ەنەرگيانى اشۋدى، پايدالانۋدى ىلگەرىلەتۋدە كورنەكتى ونىمدىلىككە قول جەتكىزدى، الايدا قازىرگى ءتۇزىلىس، مەحانيزم، ساياسات جۇيەسى، جونگە سالۋ ءتاسىلى سياقتىلار ءالى دە كەيبىر قيىنشىلىقتار مەن سىندارعا ءدوپ كەلىپ، جاڭا جاعدايدا ەنەرگيانىڭ جاسىل، تومەن كومىرتەكتى تيپكە بۇرىلىس جاساۋىن ىلگەرىلەتۋدىڭ قاجەتىنە ۇيلەسە الماي وتىر.
«پىكىردە» مىنالار اتاپ كورسەتىلدى: تازا، تومەن كومىرتەكتى ەنەرگيانى نەگىزگى تۇلعا ەتكەن ەنەرگيامەن قامداۋ جۇيەسىن قۇرۋدى ىلگەرىلەتۋ كەرەك. قۇمدى ءشول، ءشول، ءشول وڭىرلەردى ءتۇيىن ەتىپ، ءىرى تۇرپاتتى جەل ەلەكتر، فوتوۆولتتىق ەلەكتر بازاسى قۇرىلىسىن جەدەل ىلگەرىلەتىپ، وڭىردەگى قازىرگى كومىر، ەلەكتر اگراگاتتارىنىڭ دارەجەسىن جوعارىلاتىپ، وزگەرتىپ، ەكى جاقتى سەلبەسىپ، جاڭا ەنەرگيالى ەلەكتر جەتكىزۋدەگى رەتتەۋ مەحانيزمىن ورناتۋ جونىندە ىزدەنىس جاساپ، جاڭا ەنەرگيالى ەلەكتر قۋاتىن مۇمكىندىكتىڭ بارىنشا قۇرۋعا، تولىق پايدالانۋعا، تولىق تاراتۋعا قولداۋ كورسەتۋ كەرەك.
«پىكىرگە» ساي، تۋىندامالى ەنەرگيا مەن شيكىزاتتى تىڭنان پايدالانۋ ەنەرگيا تۇتىنۋ جالپى مولشەرىنە ەنگىزىلمەدى. جەر - جەردىڭ تۋىندامالى ەنەرگيا بايلىعى جاعدايى، اشۋ، پايدالانۋ شارت - جاعدايى جانە ەكونوميكالىق دامۋ دەڭگەيى سياقتىلاردى ءبىر تۇتاس ويلاستىرىپ، بۇكىل ەلدەگى تۋىندامالى ەنەرگيانى اشۋ، پايدالانۋدىڭ ورتا، ۇزاق مەرزىمدىك جالپى مولشەرى مەن ەڭ تومەنگى ارا سالماعى نىساناسىن ءارقايسى ولكەگە (اۆتونوميالى رايون، توتە قاراستى قالاعا) عىلمي ءبولىپ اتقارىپ، تۋىندامالى ەنەرگيا، ەلەكتر قۋاتىن قابىلداۋدى قامتاماسىزداندىرۋ مەحانيزمىن كەمەلدەندىرۋ كەرەك.
تازا، تومەن كومىرتەكتى ەنەرگيانى اشىپ پايدالانۋدىڭ مەملەكەت جەر بايلىعى كەڭىستىگىن باسقارۋ مەحانيزمىن ورناتۋ كەرەك. تۋىندامالى ەنەرگيانى اشۋدا تەڭىزدەن، جەردەن پايدالانۋ تالابىن رەتتەپ، ساپالىلاندىرىپ، قۇمدى شولدەن، قۇمايت الاپتان، ءشول دالادان پايدالانىپ تۋىندامالى ەنەرگيا شىعارۋ، ەلەكتر تاراتۋ ينجەنەرياسىن جەر ارقىلى قولداۋ ساياساتىن بەلگىلەۋ كەرەك. ەنەرگيانى اشۋعا ساياتىن جەرلەردەن (تەڭىز) سالىق الۋدى زاڭ بويىنشا قاتاڭ ارناعا ءتۇسىرۋ كەرەك. شارتقا ۇيلەسەتىن تەڭىزدەگى جەل ەلەكتر سياقتى تۋىندامالى ەنەرگيا نىساندارىندا بەلگىلەمە بويىنشا تەڭىز ايدىنىنان پايدالانۋ اقىسىن كەمەيتۋدى، كەشىرىم ەتۋدى ءوتىنىش ەتۋگە بولادى.
«پىكىردە» مىنالار العا قويىلدى: اۋىل - قىستاقتاعى تۋىندامالى ەنەرگيانى اشۋ، پايدالانۋ مەحانيزمىندە جاڭالىق اشۋ كەرەك. اۋىل - قىستاق رايوندارىندا ءۇي توبەسىنە ورناتىلاتىن فوتوۆولتتىق ەلەكتر تاراتۋدى، سونداي - اق شالشىق گازىمەن ەلەكتر شىعارۋ سياقتى بيولوگيالىق ەنەرگيانى ەلەكتر تورابىنا جەتكىزۋدى الدىمەن قولداۋ كەرەك، ەلەكتر تورابى كاسىپورىندارى قاتارلىلار ونىڭ توك تاراتۋ مولشەرىن الدىمەن ساتىپ الۋى كەرەك؛ ورتالىق قازىنا قارجىسى اۋىل - قىستاق ەنەرگيا قۇرىلىسىنا ونان ارى بەيىمدەلىپ، قازىرگى قارجى ارناسىنان پايدالانىپ، اۋىل - قىستاق ەنەرگياسىمەن قامداۋ نەگىزدىك قۇرىلعىلار قۇرىلىسى، سولتۇستىك رايونداردىڭ قىستا جىلۋمەن تازا قامدالۋى، قۇرىلىستاردا ەنەرگيا ۇنەمدەۋ سياقتىلاردى قولداۋ كەرەك.
«پىكىرگە» ساي، 2030 – جىلعا بارعاندا ەنەرگيانى جاسىل، تومەن كومىرتەكتى دامىتۋدىڭ نەگىزگى ءتۇزىمى مەن ساياساتتىق جۇيەسىن نەگىزىنەن ورناتىپ، بەيتۇنبا ەنەرگيا ءارى ەنەرگيا سۇرانىمىنىڭ ارتۋىن نەگىزىنەن قاناعاتتاندىراتىن، ءارى كولەمدەنگەن مۇناي حيميا ەنەرگيا قورىنىڭ ورنىن باساتىن، ەنەرگيا حاۋىپسىزدىگىن قامتاماسىزداندىرۋ قۋاتى جاپپاي كۇشەيگەن ەنەرگيا ءوندىرىسى مەن تۇتىنۋ جۇيەسىن قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
