لي كىچياڭ كوكتەمگى اۋىل شارۋاشىلىق ءوندىرىسى جانە كۇزدىك ءبيداي اتىزىن باپتاۋ قىزمەتى جونىندەگى مەملەكەتتىك ماجىلىسكە ماڭىزدى بەكىتۋ جازىپ، مىنانى دارىپتەدى
اۋىل شارۋاشىلىق ءوندىرىسىن سۇيەمەلدەۋ تەبىنىن ارتتىرىپ، جەرگە، مايساعا قاراي كوكتەمگى اتىز باپتاۋدى مىقتى يگەرىپ، تۇتاس جىلدا استىق ءونىمىنىڭ ءبىر تريلليون 300 ميلليارد جىڭنان جوعارى بولۋىنا كەپىلدىك ەتۋ كەرەك
حۋ چۇنحۋا ماجىلىسكە قاتىناستى ءارى ءسوز سويلەدى
2022.02.14 17:04 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 13 – كۇنى، جينان. كوكتەمگى اۋىل شارۋاشىلىق ءوندىرىسى جانە كۇزدىك ءبيداي اتىزىن باپتاۋ قىزمەتى جونىندەگى مەملەكەتتىك ءماجىلىس 2 - ايدىڭ 13 - كۇنى شاندۇڭ ولكەسىنىڭ دىجوۋ قالاسىندا اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ سالدى. بەكىتۋدە مىنالار اتاپ كورسەتىلدى: كوكتەمگى ەگىسكە دايىندالۋ قىزمەتىن ويداعىداي ىستەۋ تۇتاس جىلدا استىقتان مول ءونىم الۋعا كەپىلدىك ەتۋدە توتەنشە ماڭىزدى. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، استىق حاۋىپسىزدىگىنە پارتيا مەن ۇكىمەت بىردەي جاۋاپتى بولۋدى تياناقتاندىرىپ، كوكتەمگى اۋىل شارۋاشىلىق ءوندىرىسىن تىڭعىلىقتى يگەرىپ، ەكونوميكانىڭ، قوعامنىڭ ورنىقتى، اقاۋسىز دامۋىنا پارمەندى تىرەك ازىرلەۋى كەرەك. قازىر كۇزدىك ءبيدايدىڭ مايساسى ءالسىز، مايسا جەتىلدىرۋدى جەبەۋ مىندەتى اۋىر، جەرگە، مايساعا قاراي كوكتەمگى اتىز باپتاۋدى مىقتى يگەرىپ، دەرت - دەربەزدەن، زياندى جاندىكتەردەن ساقتانۋ جانە ەرەكشە اۋا رايىنا توتەپ بەرۋ قىزمەتىن ويداعىداي ىستەپ، جازعى استىقتان تاعى دا مول ءونىم الۋعا كۇش سالۋ كەرەك. اۋىل شارۋاشىلىق ءوندىرىسىن سۇيەمەلدەۋ تەبىنىن ارتتىرىپ، اۋىل شارۋاشىلىق ءوندىرىس قۇرال - جابدىقتارىمەن قامداۋدى قامتاماسىزداندىرىپ، اۋىل شارۋاشىلىق ءوندىرىس قۇرال - جابدىقتارىنىڭ باعاسىن ورنىقتىرىپ، اۋىل شارۋاشىلىق تەحنيكاسىنا جەتەكشىلىك ەتۋدى كۇشەيتىپ، كوكتەمگى ەگىس دايىندىعىنىڭ ءساتتى ورىستەتىلۋىنە كەپىلدىك ەتۋ كەرەك. استىق ەگىلەتىن جەر كولەمىن ورنىقتىرىپ، ەت، جۇمىرتقا، كوكونىس سياقتى كوجە - قاتىق ونىمدەرىن ءوندىرۋدى ءبىر تۇتاس جوسپارلاپ، ەگىستىك جەردى قورعاۋ مەن جوعارى ولشەمدى ەگىنجاي قۇرىلىسىن كۇشەيتىپ، تۇقىم شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، تۇتاس جىلدا استىق ءونىمىنىڭ ءبىر تريلليون 300 ميلليارد جىڭنان اسۋىنا كەپىلدىك ەتىپ، استىق حاۋىپسىزدىگىنە كەپىلدىك ەتىپ، ءىس جۇزىندىك ارەكەتپەن پارتيانىڭ 20 - قۇرىلتايىنىڭ تابىسپەن اشىلۋىن قارسى الۋ كەرەك!
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حۋ چۇنحۋا ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ ماڭىزدى ءسوزى مەن نۇسقاۋىنىڭ رۋحىن باتىل دايەكتىلەندىرىپ، لي كىچياڭ زۇڭليدىڭ بەكىتۋىنىڭ تالاپتارىن تياناقتاندىرىپ، ءونىمدى ورنىقتىرۋ، ءونىمدى ارتتىرۋ شارالارىن شىنايى كۇشەيتىپ، جاۋاپكەرلىكتى دارەجە بويىنشا ناقتىلاندىرىپ، استىقپەن جانە ماڭىزدى اۋىل شارۋاشىلىق ونىمدەرى وندىرىسىمەن قامداۋدى بار كۇشپەن ويداعىداي يگەرىپ، ەكونوميكالىق، قوعامدىق دامۋدىڭ جالپى جاعدايىن ورنىقتىرۋعا پارمەندى تىرەك ازىرلەۋ كەرەك.
حۋ چۇنحۋا مىنالاردى اتاپ كورسەتتى: اۋىل شارۋاشىلىعىندا ءونىمدى ارتتىرۋعا كەپىلدىك ەتۋ، اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋ − اۋىل شارۋاشىلىق وندىرىسىندە، ءسوز جوق، باستان - اياق مىقتى يگەرۋگە ءتيىستى ءىرى، ماڭىزدى ءىس. پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارى بويىنشا، بيىلعى اۋىل شارۋاشىلىعىنىڭ ءونىمدى ورنىقتىرۋ، ارتتىرۋ نىسانالىق مىندەتتەرىن بۇلجىتپاي ورىنداپ، استىق داقىلى ەگىلەتىن جەر كولەمىن كۇش سالا ورنىقتىرىپ، سويا بۇرشاق پەن مايلى داقىل ءوندىرىسىن شىن مانىندە كەڭەيتىپ، كوجە - قاتىق ونىمدەرىن ءوندىرۋ مەن قامداۋدى ويداعىداي يگەرىپ، اتىز باپتاۋدى كورنەكتى كۇشەيتىپ، اۋىل شارۋاشىلىعىندا اپاتتان ساقتانۋ، اپات زيانىن ازايتۋ قىزمەتىن جاپپاي جاقسى ىستەۋ كەرەك. ەگىستىك جەردى قورعاۋ قۇرىلىسىن كۇشەيتىپ، ەگىستىك جەردى قورعاۋ مىندەتىن ناقتى جەر بولەكتەرى مەن جاۋاپتى ادامدارعا دەيىن تياناقتاندىرىپ، ەگىستىك جەر قۇرىلىسىن جاڭالاپ، جەردىڭ ورتاشا ءونىمىن جوعارىلاتىپ، جاڭادان اشىلعان ەگىستىك جەردى يەمدەنۋ مەن تولىقتاۋدىڭ تەپە - تەڭدىگىن جوعارى ساپامەن قامتاماسىز ەتۋ كەرەك. اۋىل شارۋاشىلىق عىلىم - تەحنيكاسىنا تىرەك بولۋدى كۇشەيتىپ، تۇقىم شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، اۋىل شارۋاشىلىعىنداعى شەشۋشى، وزەكتى تەحنيكالاردان قامال الۋدى تىڭعىلىقتى ىلگەرىلەتىپ، اۋىل شارۋاشىلىعىنىڭ ەرەكشەلىگىنە ۇيلەسەتىن عىلمي زەرتتەۋ جۇيەسىن جەدەل كەمەلدەندىرۋ كەرەك. وسىزاماندانعان قۇرىلعىلارعا سۇيەنىپ ەگىمشىلىكپەن، باعىمشىلىقپەن شۇعىلدانۋدى بەلسەنە دامىتىپ، جەرگىلىكتى جاعدايعا قاراي قۇرىلعىلى كوكونىس پەن قۇرىلعىلى مال، قۇس باعىمشىلىعىن دامىتىپ، سۋ ونىمدەرى باعىمشىلىعىنىڭ كولەمىن شىنايى ورنىقتىرىپ، باعىمشىلىق كەڭىستىگىن كەڭەيتىپ، ماڭىزدى قوسالقى ازىق - تۇلىكپەن قامداۋ دەڭگەيىن جوعارىلاتۋ كەرەك. اۋىل شارۋاشىلىعىن ماشينالاندىرۋدى كۇش سالا ىلگەرىلەتىپ، ەگىستىك جەردى رەتتەۋ قۇرىلىسىن جانە ماشينامەن ەگۋگە بەيىمدەۋدى كۇشەيتىپ، وزىق، قولدانىلمالى اۋىل شارۋاشىلىق ماشينالارى جابدىقتارىن زەرتتەۋ - اشۋدى جەدەلدەتىپ، اۋىل شارۋاشىلىق ماشينالارىنىڭ جۇمىس ىستەۋىنە ۇيلەسەتىن ءونىم تۇرلەرى مەن تەحنيكالىق ۇلگىلەردە جاڭالىق اشۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
