ەلىمىزدىڭ سالىنىپ جاتقان ءىرى سۋ يگىلىگى ينجەنەريالارىنا قارجى قوسۋ كولەمى ءبىر تريلليون يۋاننان استى (جاڭا ساندى مالىمەت، جاڭا ءتۇيىن)
«حالىق گازەتىنىڭ» تىلشىلەرى ۋاڭ حاۋ، لي شياۋچيڭ
2022.02.17 16:04 كەلۋ قاينارى : حالىق تورابى
مەملەكەتتىڭ كەلەلى سۋ يگىلىگى ينجەنەرياسى − جۋجياڭ اتىراۋىنىڭ سۋ بايلىعىن ورنالاستىرۋ ينجەنەرياسىنىڭ جۇمىس مايدانى، ەلىمىزدە وندىرىلگەن نەشە ونداعان ءىرى تۇرپاتتى ۇڭگۋ ماشيناسى ۇڭگۋ جۇمىسىن جەدەل جۇرگىزىپ جاتىر. «قازىر ينجەنەريا قۇرىلىسىنىڭ جارتىسىنان استامى سالىنىپ، سۋ جەتكىزەتىن 10 نەشە تۋنەل تۇتاستىرىلدى، 2023 - جىلدىڭ سوڭىندا الدىن الا سۋ جەتكىزۋگە كۇش سالامىز». ينجەنەريا قۇرىلىسىنىڭ جاۋاپتىسى دۋ سانياڭ بىلاي دەپ تانىستىردى: ينجەنەرياعا جالپى 35 ميلليارد 399 ميلليون يۋان قارجى قوسىلعان، جوبالانعان جىلدىق سۋمەن قامداۋ مولشەرى ءبىر ميلليارد 708 ميلليون تەكشەمەتر، بۇل گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ سۋدان پايدالانۋ قاجەتىن ءونىمدى قامتاماسىز ەتەدى.
قاتار – قاتار توسپالار وزەن - داريالاردى ەندەي ءوتىپ، تارام – تارام قۇبىرلار تاۋ قويناۋلارىن كەسىپ ءوتىپ، توپ – توپ سۋ قويمالارى سۋعا تولدى ... ءبىر توپ نەگىزدىك، توراپتىق، ستراتەگيالىق كەلەلى سۋ يگىلىگى ينجەنەريالارى بوي كوتەرىپ، مەملەكەتتىڭ سۋ تورابى قۇرىلىسى جەدەل ىلگەرىلەدى. سۋ يگىلىگى مينيسترلىگىنىڭ ساندى مالىمەتىندە كورسەتىلۋىنشە، 150 ءتۇرلى كەلەلى سۋ يگىلىگى ينجەنەريا قۇرىلىسى جەدەل اتقارىلىپ، 2021 - جىلدىڭ سوڭىنا دەيىن 67 نىسان بەكىتىلىپ، 62 نىساندا جۇمىس باستالعان. قازىرگە دەيىن ەلىمىزدە سالىنىپ جاتقان كەلەلى سۋ يگىلىگى ينجەنەريالارىنا قوسىلعان قارجى ءبىر تريلليون يۋاننان اسقان.
ماڭىزدى سۋ يگىلىگى ينجەنەريالارى وزەن – داريالاردى ساباسىنا ءتۇسىردى. حۋايحى وزەنىنىڭ جوعارعى اعارىندا سۋ جوڭكىلە اعىپ، ۇلكەن توسپا ەڭسە كوتەرىپ تۇر. تاياۋدا حىنان ولكەسىنىڭ شينياڭ قالاسىنداعى شۋشانديان سۋ قويماسى سالىنىپ بولىپ، تەكسەرىپ وتكىزىپ الىندى. «سۋ قويماسىنىڭ تاسقىننان ساقتانۋ سيىمدىلىعى 691 ميلليون تەكشە مەترگە جەتىپ، سۋ قويماسىنىڭ تومەنگى اعارىنداعى 2 ميلليون 200 مىڭ مۋ جەردىڭ جانە ءبىر ميلليون 700 مىڭ ادامنىڭ حاۋىپسىزدىگىنە كەپىلدىك ەتۋگە بولادى» دەپ تانىستىردى شۋشانديان سۋ قويماسى قۇرىلىسىن باسقارۋ مەكەمەسىنىڭ باستىعى جۋ يۇنشيان.
تاسقىن اپاتىنان ساقتانۋدى نەگىز ەتكەن ءبىر توپ كەلەلى سۋ يگىلىگى ينجەنەرياسى جەدەل سالىنىپ، تاسقىننان ساقتانۋ ينجەنەريا جۇيەسى ۇزدىكسىز كەمەلدەندى. سۋ قويمالارى، تاسقىننان ساقتانۋ توسپاسى، تاسقىن ىركۋ رايونى سياقتى ينجەنەريالار ەلىمىزدىڭ وزەن الاپتارىنىڭ تاسقىننان ساقتانۋ قۋاتىن كورنەكتى جوعارىلاتتى.
كەلەلى سۋ يگىلىگى ينجەنەريالارى وزەن - كولدەردىڭ ەكولوگياسىن قالپىنا كەلتىرۋدىڭ تاسىلدەرىن اناعۇرلىم كوبەيتتى. 150 ءتۇرلى كەلەلى سۋ يگىلىگى ينجەنەرياسى اتقارىلعاننان كەيىن جونگە سالۋعا بولاتىن وزەن ارناسىنىڭ ۇزىندىعى مەجەمەن 2950 كيلومەتر بولىپ، جىلدىق سۋمەن قامداۋ قۋاتى شامامەن 42 ميلليارد تەكشەمەتر ارتادى، بۇل سۋ ساقتاۋدى ءونىمدى كۇشەيتىپ، جەر استى سۋىنىڭ قالىپتان تىس قازىلۋىن جونگە سالۋعا دەم بەرىپ، سۋ ەكولوگياسىن قورعاۋ، جونگە سالۋ قۋاتىن جوعارىلاتادى.
ماڭىزدى سۋ يگىلىگى ينجەنەريالارى استىق حاۋىپسىزدىگىنىڭ تىرەگىن ونان ارى كۇشەيتتى. حۋبەيدە 150 ءتۇرلى كەلەلى سۋ يگىلىگى ينجەنەرياسىنىڭ ءبىرى بولعان چيشۇي سۋارمالى رايونى قۇرىلعاننان كەيىن 380 مىڭ مۋدان استام قۇنارلى اتىزدى سۋارۋعا بولادى؛ گۇيجوۋدا جيايان سۋ يگىلىگى تورابى قۇرىلىسى سالىنعاننان كەيىن سۋ قابىلدايتىن وڭىردەگى 900 مىڭ مۋ اينالاسىنداعى ەگىستىك جەردى سۋمەن قامدايدى.
قازىر ەلىمىز دۇنيە ءجۇزى بويىنشا كولەمى ەڭ ۇلكەن، اۋماعى ەڭ كەڭ، يگىلىگىن كورگەن حالىق سانى ەڭ كوپ سۋ يگىلىگى نەگىزدىك قۇرىلعى جۇيەسىن قۇردى. سۋ يگىلىگى مينيسترلىگى بيىل مەملەكەتتىك سۋ ەلەكتر تورابىنىڭ كەلەلى ينجەنەرياسىن اتقارىپ، ەلىمىزدىڭ سۋ بايلىعىن ءبىر تۇتاس جوسپارلاپ ورنالاستىرۋ قۋاتىن، سۋمەن قامداۋدى قامتاماسىزداندىرۋ قۋاتىن، ستراتەگيالىق زاپاس قۋاتىن كۇشەيتۋدى العا قويدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
