مەملەكەتتىك كەڭەس مەملەكەت بويىنشا 3 - رەتكى توپىراقتى جاپپاي تەكسەرۋ جونىندەگى ۇقتىرۋدى باسىپ تاراتتى
2022.02.17 16:06 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 16 - كۇنى، بەيجيڭ. مەملەكەتتىك كەڭەس تاياۋدا «مەملەكەت بويىنشا 3 – رەتكى توپىراقتى جاپپاي تەكسەرۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىەندى) باسىپ تاراتىپ، 2022 – جىلدان باستاپ مەملەكەت بويىنشا 3 – رەتكى توپىراقتى جاپپاي تەكسەرۋدى ورىستەتىپ، 4 جىلدا اۋىل شارۋاشىلىعىنا پايدالانىلاتىن جەردىڭ توپىراق ساپاسىن جاپپاي انىقتاۋدى ۇيعاردى. «ۇقتىرۋدا» جاپپاي تەكسەرۋدىڭ جالپىلىق تالابى، وبيەكتىسى جانە مازمۇنى، ۋاقىت ورنالاستىرۋى، ۇيىمداستىرىپ اتقارۋ، قاراجاتپەن قامتاماسىزداندىرۋ جانە قىزمەت تالابى ايقىندالدى.
«ۇقتىرۋدا» بىلاي دەپ دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ءار كەزەكتى جالپى ءماجىلىسىنىڭ رۋحىن جاپپاي دايەكتىلەندىرىپ، پارتيا قۇرۋ ۇلى رۋحىن ساۋلەلەندىرىپ، جاڭا دامۋ كوزقاراسىن تولىق، دۇرىس، جاپپاي دايەكتىلەندىرىپ، جاڭا دامۋ جۇيەسىن قۇرۋدى تەزدەتىپ، ساپالى دامۋدى ىلگەرىلەتىپ، جان - جاقتىلىق، عىلميلىق، كاسىپتىك پرينسيپتەرىنە بويسۇنىپ، ەلىمىزدىڭ توپىراق تۇرلەرى مەن تارالۋ زاڭدىلىعىن، توپىراق بايلىعىنىڭ قازىرگى جاعدايى مەن وزگەرىس بەتالىسىن جاپپاي تەكسەرىپ انىقتاپ، توپىراقتىڭ ساپاسى، قاسيەتى جانە پايدالانۋ احۋالى قاتارلى نەگىزدىك ساندى مالىمەتتەردى شىنايى دۇرىس يگەرىپ، توپىراق بايلىعىن قورعاۋ - پايدالانۋ ورەسىن جوعارىلاتۋ، ەگىستىك جەردىڭ قىزىل سىزىعىن ساقتاۋ، اۋىل شارۋاشىلىق ءوندىرىسىنىڭ ورنالاسۋىن ساپالىلاندىرۋ، مەملەكەتتىڭ استىق حاۋىپسىزدىگىنە كەپىلدىك ەتۋگە بەرىك نەگىز قالاۋ ءۇشىن، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ، اۋىل - قىستاقتىڭ گۇلدەنۋىن جاپپاي ىلگەرىلەتۋ، ەكولوگيالىق وركەنيەت قۇرىلىسىن جەبەۋ ءۇشىن پارمەندى تىرەك ازىرلەۋ كەرەك.
«ۇقتىرۋدا» مىنالار ايقىن بەلگىلەندى: جاپپاي تەكسەرۋ وبيەكتىسى بۇكىل ەلدەگى ەگىستىك جەر، باۋ – باقشا، ورماندى جەر، جايىلىم سياقتى اۋىل شارۋاشىلىعىنا پايدالانىلاتىن جەرلەر مەن پايدالانىلماعان ءىشىنارا جەرلەردەگى توپىراق. مۇنىڭ ىشىندە ورماندى جەرلەر مەن جايىلىمداردا ازىق - تۇلىك وندىرىسىنە قاتىستى جەرلەر ءتۇيىندى تۇردە تەكسەرىلەدى، پايدالانىلماعان جەرلەردە تىڭ يگەرۋگە بولاتىن ەگىستىك جەر بايلىعىنا قاتىستى جەرلەردى، مىسالى، سورتاڭ جەرلەر قاتارلىلار ءتۇيىندى تۇردە تەكسەرىلەدى. جاپپاي تەكسەرۋدىڭ مازمۇنى نەگىزىنەن مىناداي ءتورت جاقتى قامتيدى: جەر شارت - جاعدايىن جاپپاي تەكسەرۋ، بۇل جەر بەدەرى، گيدرولوگيا سياقتىلاردى قامتيدى؛ قاسيەتىن تەكسەرۋ، بۇل ورگانيكالىق زات، قىشقىلدىق - سىلتىلىك، قورەكتىك جاعدايىن جانە ءتۇس، ساپا قاتارلى فيزيكالىق، حيميالىق قاسيەتتەردى قامتيدى؛ تيپتەردى جاپپاي تەكسەرۋ، بۇل تۇرلىشە توپىراق انالىق زاتى، تۇرلىشە كليمات شارت - جاعدايى، تۇرلىشە جەر بەدەرى، تۇرلىشە پايدالانۋ جاعدايىندا توپىراق تۇرلەرىن انىقتاۋ جانە تولىقتاۋ، كەمەلدەندىرۋ سياقتىلاردى قامتيدى؛ پايدالانۋ احۋالىن جالپى بەتتىك تەكسەرۋ، بۇل سۋارۋ، ىعىستىرۋ قۇرىلعىلارىنىڭ احۋالى، وسىمدىكتەردىڭ ءوسۋ احۋالى، ەگۋ ءتارتىبى سياقتى نەگىزدىك ينفورماتسيالاردى، سونداي - اق تىڭايتقىش، ەگىس دارىلەرى، اۋىل شارۋاشىلىق جارعاعى قاتارلى قوسىلىمدى پايدالانۋ احۋالىن ءوز ىشىنە الادى.
«ۇقتىرۋدا» مىنالار ايقىن بەلگىلەندى: جاپپاي تەكسەرۋ ۋاقىتى 2022 – جىلدان 2025 – جىلعا دەيىن بولادى. 2022 - جىلى جاپپاي تەكسەرۋ تەحنيكاسى، ارناعا ءتۇسىرۋ، زاتتىق ماتەريال سياقتى دايىندىقتار ورىندالىپ، مەملەكەتتىك سىناق تۇيىندەرى ورىستەتىلەدى؛ 2023 - جىلدان 2024 - جىلعا دەيىن جاپپاي تەكسەرۋ جۇرگىزىلىپ، كەزەڭدىك تابىسقا قول جەتكىزىلەدى؛ 2025 - جىلعا دەيىن جاپپاي تەكسەرۋ ساندى مالىمەتتەرىن تەكسەرۋ، جەتىستىكتەردى جيناقتاۋ، تەكسەرىپ وتكىزىپ الۋ جانە قورىتىندىلاۋ ورىستەتىلىپ، جاپپاي تەكسەرۋ مىندەتى جاپپاي ورىندالدى.
«ۇقتىرۋدا» مىنالار اتاپ كورسەتىلدى: توپىراقتى جاپپاي تەكسەرۋ − مەملەكەت جاعدايى مەن مەملەكەت قۋاتى جونىندەگى ماڭىزدى تەكسەرۋ، شارپيتىن كولەمى كەڭ، قاتىناساتىن تاراۋلارى كوپ، قىزمەت مىندەتى اۋىر، تەحنيكالىق تالابى جوعارى. ۇيىمدىق باسشىلىقتى كۇشەيتۋ ءۇشىن، مەملەكەتتىك كەڭەستىڭ 3 - رەتكى مەملەكەت بويىنشا توپىراقتى جاپپاي تەكسەرۋ باسشىلىق گرۋپپاسىن قۇرىپ، جاپپاي تەكسەرۋ ۇيىمىنىڭ اتقارۋ بارىسىنداعى كەلەلى ماسەلەلەردى زەرتتەۋگە جانە شەشىم جاساۋعا جاۋاپتى بولادى. «ءبىر تۇتاس باسشىلىق ەتۋ، تاراۋلار سەلبەسۋ، دارەجە بويىنشا جاۋاپتى بولۋ، ءار جاق ات سالىسۋ» تالابى بويىنشا توپىراقتى جاپپاي تەكسەرۋدى ۇيىمداستىرىپ اتقارادى. قاتىستى تاراۋلار ءوز مىندەتتەرىن وتەپ، تىعىز سايكەسىپ، قامتاماسىز ەتۋدى كۇشەيتۋى كەرەك. ولكە دارەجەلى حالىق ۇكىمەتتەرى ءوز رايوندارىنىڭ توپىراقتى جاپپاي تەكسەرۋ قىزمەتىنىڭ جاۋاپكەرلىك نەگىزگى تۇلعاسى، ۇيىمدىق باسشىلىقتى، جۇيەلى جوسپارلاۋدى، ءبىر تۇتاس ىلگەرىلەتۋدى كۇشەيتىپ، جاپپاي تەكسەرۋ مىندەتىنىڭ ساپالى ورىندالۋىنا كەپىلدىك ەتۋى كەرەك. جەرگىلىكتى ءار دارەجەلى حالىق ۇكىمەتتەرى جاپپاي تەكسەرۋ باسشىلىق گرۋپپاسىن جانە كەڭسەسىن قۇرىپ، ءوز رايوندارىنىڭ جاپپاي تەكسەرۋ قىزمەتىن ۇيىمداستىرۋعا جانە اتقارۋعا جاۋاپتى بولۋ كەرەك. جەر - جەر مامانداردىڭ تەحنيكالىق جەتەكشىلىگىن، كاسىپتىك - تەحنيكالىق قىزمەتكەرلەردى ورنالاستىرۋدى، جاپپاي تەكسەرۋ قوسىنىن تاربيەلەۋدى كۇشەيتىپ، توپىراقتى جاپپاي تەكسەرۋدىڭ ارنايىلانۋىنا، ولشەمدەنۋىنە، ارناعا تۇسۋىنە كەپىلدىك ەتۋى كەرەك. توپىراقتى جاپپاي تەكسەرۋدىڭ ماڭىزدى ءمانى مەن تالابىن كەڭىنەن ۇگىتتەپ، جاپپاي تەكسەرۋ قىزمەتىنىڭ ءساتتى ورىستەتىلۋىنە تاماشا قوعامدىق ورتا ازىرلەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
