لي جانشۋ جاڭا زەللانديانىڭ پارلامەنت باستىعى ماللاردپەن كەڭەس وتكىزدى
2022.02.18 17:45 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 17 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 2 - ايدىڭ 17 - كۇنى بەيجيڭدەگى حالىق سارايىندا بەينە ەكران تاسىلىمەن جاڭا زەللانديانىڭ پارلامەنت باستىعى ماللاردپەن كەڭەس وتكىزدى.
لي جانشۋ بىلاي دەپ اتاپ كورسەتتى: بيىل − جۇڭگو مەن جاڭا زەللانديانىڭ ديپلوماتيالىق قاتىناس ورناتقانىنىڭ 50 جىلدىعى، ەكى ەل قاتىناسى باياندى دامىپ، ەكى ەلگە جانە ەكى ەل حالىقتارىنا ناقتى پايدا جەتكىزدى. ءتوراعا شي جينپيڭ مەن اردەرن زۇڭلي جاڭا جاعدايدا جۇڭگو - جاڭا زەللانديا قاتىناسىنىڭ اقاۋسىز، ورنىقتى دامۋى جونىندە ماڭىزدى ورتاق تانىمعا كەلدى. جۇڭگو جاڭا زەللانديامەن بىرگە ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، جۇڭگو مەن جاڭا زەللانديانىڭ جالپى بەتتىك ستراتەگيالىق سەرىكتەستىك قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى.
لي جانشۋ مىنالاردى دارىپتەدى: جۇڭگو مەن جاڭا زەللانديانىڭ تۇرلىشە قوعامدىق تۇزىمدەگى، تاريحي مادەنيەتتەگى، دامۋ ساتىسىنداعى، ەكونوميكالىق مولشەردەگى ەلدەردىڭ سەلبەسىپ تەڭ يگىلىككە كەنەلۋىنىڭ ۇلگىسىنە اينالۋىنداعى ەڭ ءتۇبىرلى تاجىريبە − ءوزارا قۇرمەت ەتۋدە، تەڭ تۇرعىدا مامىلە جاساۋدا تاباندى بولۋ. مەن مىنالاردى ءۇمىت ەتەمىن: ءبىرىنشى، ەكى جاق ساياسي سەنىمدىلىكتى كۇشەيتىپ، جوعارى جىكتەگىلەردىڭ بارىس - كەلىسىن جيىلەتىپ، ەكى ەلدىڭ ورتاق مۇددەسى مەن ەكى ەل حالىقتارىنىڭ باقىتىندا تاباندى بولىپ، جۇڭگو - جاڭا زەللانديا قاتىناسىنىڭ باستان - اياق دۇرىس بەتالىسپەن العا باسۋىنا كەپىلدىك ەتۋى كەرەك. ەكىنشى، ناقتى سەلبەستىكتى كەڭەيتىپ، دارەجەسى جوعارىلاعان ەركىن ساۋدا كەلىسىمىنىڭ ساپالى اتقارىلۋىنا كەپىلدىك ەتىپ، ەكى ەلدىڭ ساۋداعا قارجى قوسۋىنىڭ ەركىن، قولايلى بولۋىن جەبەپ، جاسىل دامۋ سەلبەستىگىنىڭ جاڭا سالاسىن اشۋ كەرەك. ءۇشىنشى، گۋمانيتارلىق اۋىس - كۇيىستى تەرەڭدەتىپ، وقۋ - اعارتۋ، دەنەتاربيە، ساياحات سياقتى سالالارداعى سەلبەستىكتى ىلگەرىلەتىپ، جەرگىلىكتى ورىنداردىڭ دوستىعى مەن ەكى ەل بۇقاراسىنىڭ ءوزارا ءتۇسىنىسۋىن كۇشەيتىپ، «رەۋي اللەي رۋحىنىڭ» ەكى ەل حالىقتارى، اسىرەسە، جاستارى اراسىندا جالعاسىپ دامۋىنا مۇمكىندىك جاساۋ كەرەك. ءتورتىنشى، كوپ جاقتى ىستەردى سايكەستىرۋدى كۇشەيتىپ، بىرلەسكەن مەملەكەتتەر ۇيىمى، دۇنيە جۇزىلىك ساۋدا ۇيىمى سياقتى كوپ جاقتى جۇلگەدەگى بايلانىستى كۇشەيتىپ، كليمات وزگەرىسى سياقتى دۇنيە جۇزىلىك سايىستارعا سەلبەسىپ توتەپ بەرىپ، ءوڭىردىڭ گۇلدەنۋى مەن دۇنيە ءجۇزىنىڭ بەيبىت دامۋىن جەبەۋگە ۇلەس قوسۋ كەرەك.
لي جانشۋ مىنالاردى ءبىلدىردى: جۇڭگو مەن جاڭا زەللانديانىڭ زاڭ شىعارۋ قۇرىلىمدارى ۇزاق ۋاقىت بويى كوپ ساتىلى، كوپ سالالى دوستىق بارىس - كەلىستى جالعاستىرىپ كەلەدى. جۇڭگو مەملەكەتتىك حالىق قۇرىلتايى جاڭا زەللانديا پارلامەنتىمەن ءار دارەجەلى اۋىس - كۇيىستى كۇشەيتىپ، اۋىل شارۋاشىلىعى، ازىق - تۇلىك، بيولوگيالىق ەمدەۋ، تازا ەنەرگيا، سيفرلى ەكونوميكا سياقتى جاقتارداعى زاڭمەن جونگە سالۋ قۇرىلىسىنىڭ تاجىريبەلەرىن ءبولىسىپ، ءتۇرلى كەلىسىمدەردىڭ تياناقتانۋىن زاڭ بويىنشا باقىلاپ، ەكى ەلدىڭ ءار سالاداعى سەلبەستىگىنە تاماشا ساياساتتىق جانە زاڭدىق ورتا ازىرلەپ، وزدەرىنىڭ ەكونوميكالىق، قوعامدىق دامۋىنا قىزمەت ەتىپ، ەكى جاقتى قاتىناستىڭ دامۋىنا دەم بەرۋدى قالايدى.
ماللارد بىلاي دەدى: جاڭا زەللانديا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسى ەكونوميكا، ساياسي، مادەنيەت، وقۋ - اعارتۋ سياقتى سالالاردا توتەنشە ماڭىزدى. جاڭا زەللانديا جۇڭگونىڭ بەيجيڭ قىسقى وليمپيادا سپورت جارىسىنىڭ ءساتتى وتكىزىلۋى ءۇشىن كورسەتكەن ەرەكشە قۇلشىنىسىن جوعارى باعالايدى. جاڭا زەللانديا ءبىر جۇڭگو ساياساتىن باتىل اتقارادى. ەكى جاقتىڭ بىرگە قۇلشىنىپ، جاڭا زەللانديا مەن جۇڭگونىڭ ديپلوماتيالىق قاتىناس ورناتقانىنىڭ 50 جىلدىعىن وراي ەتىپ، ەكى ەل قاتىناسىنىڭ تىڭ دامۋعا قول جەتكىزۋىن ۇزدىكسىز ىلگەرىلەتۋىن ءۇمىت ەتەمىن. جاڭا زەللانديا پارلامەنتتى جۇڭگو مەملەكەتتىك حالىق قۇرىلتايىمەن اۋىس - كۇيىستى كۇشەيتىپ، ەكى ەلدىڭ ءار سالاداعى سەلبەستىگىن جەبەۋگە، حالىق دوستىعىن كۇشەيتۋگە بەلسەندى ۇلەس قوسۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
