ىندەتتىڭ تارالۋ حاۋپى ءالى دە بار! كوپ جەر ىندەت جاعدايى جونىندە ەڭ جاڭا تۇجىرىم جاسادى

2022.02.21 15:44   كەلۋ قاينارى : حالىق تورابى

　　2 – ايدىڭ 18 – كۇنىنە دەيىن، بۇكىل ەلىمىز بويىنشا جاڭا تيپتى ايدارشا ۆيرۋس ۆاكسيناسىنان 3 ميلليارد 75 ميلليون 752 مىڭ دوزاسى ەگىلگەن، تولىق ەكتىرىپ بولعانداردىڭ سانى ءبىر ميلليارد 232 ميلليون 543 مىڭ ادام بولعان.

　　جۋىردا مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ بەكىتۋىمەن، مەملەكەتتىك دەنساۋلىق ساقتاۋ – سالاماتتىق كوميتەتى ۆاكسينانى رەتى بويىنشا جالعاستىرىپ ەگۋ ارقىلى يممۋنيتەتتى كۇشەيتۋگە ورنالاستىرۋ جاساي باستادى.

　　جەرگىلىكتى ورىندا ىندەتتىڭ شوعىرلى تۇردە تارالۋ جاعدايى ءالى دە تۋىلۋدا، مەرەكەدەن كەيىن قايتا ساپارلاۋعا جانە جۇمىستى، ءوندىرىستى قالپىنا كەلتىرۋگە بايلانىستى، ىندەتتىڭ تارالۋ حاۋپى ءالى دە ساقتالىپ وتىر.

　　مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى قىزمەت گرۋپپاسىن جىبەرىپ، لياۋنيڭ، ىشكى موڭعۇل، گۋاڭدۇڭ قاتارلى جەرلەردە ىندەتتىڭ شوعىرلى تارالۋ جاعدايىن ءبىرجاقتى ەتۋدە.

　　قازىر ەلىمىزدە جەرگىلىكتى ورىننان بايقالعان ىندەتتىڭ جاعدايى جالپى جاقتان العاندا ورنىقتى كۇيدە.

　　گۋاڭشيدىڭ بايسى قالاسىنداعى ىندەت جاعدايى اياقتاۋ، اداقتاۋ كەزەڭىنە ءوتتى؛

　　لياۋنيڭ ولكەسى حۋلۋداۋ قالاسىندا جۋىردا جاڭادان ارتقان ناۋقاستار نەگىزىنەن شوعىرلى اۋاشالاۋ بارىسىندا تەكسەرۋ كەزىندە بايقالعان، ىندەتتىڭ تارالۋ اۋقىمى باسەڭدەگەن، قوعامدا تارالۋ حاۋپى نەگىزىنەن تىزگىندەلگەن؛

　　حەيلۇڭجياڭ ولكەسى حەيحى قالاسىنداعى ىندەت جاعدايى قازىر نەگىزىنەن حەيحى قالاسىنا شوعىرلانعان، ىندەتتىڭ تارالۋ جەلىسى كوپ بولىپ وتىر، ىشكەرىلەي ەپيدەميولوگيالىق تەكسەرۋ جۇرگىزۋ، قاينارىن ىزدەۋ جانە ناۋقاستاردى تەكسەرۋ قىزمەتى تارتىپپەن ورىستەتىلۋدە.

　　گۋاڭدۇڭ ولكەسىنىڭ شىنجىن، جۋحاي، دۇڭگۋان قالالارىندا جۋىردا شەكارا سىرتىنان كەلۋشىمەن قاتىستى شوعىرلى تۇردە تاراعان ىندەت جاعدايى بايقالعان بولاتىن. شىنجىندە وميكرونمەن بايلانىستى ىندەت جاعدايى نەگىزىنەن تىزگىندەلگەن، دۇڭگۋان مەن جۋحايدا ىندەتكە قاتىستى ەپيدەميولوگيالىق تەكسەرۋ جۇرگىزۋ، قاينارىن ىزدەۋ قىزمەتى كۇشەيتىلۋدە.

　　يۇنناننىڭ ۋىنشان، حۇڭحى، رۇيلي قاتارلى ءۇش جەرىندە ارت – ارتىنان ىندەت جاعدايى بايقالىپ، جۇعىمدالۋ قاينارى ءالى دە انىق بولماي وتىر، جەرگىلىكتى ورىن ءتۇيىندى وڭىرلەردە نۋكلەين قىشقىلىن تەكسەرۋ ارقىلى پارىقتاۋ قىزمەتىن كۇش سالا ورىستەتۋدە.

　　جياڭسۋ ولكەسى سۋجوۋ قالاسىنداعى ىندەت جاعدايىنا قاتىسى گەن ءتارتىبىن تەكسەرۋ ناتيجەسىنەن بۇل ۆيرۋستىڭ وميكرون وزگەرگەن تۇبىرشىگى ەكەنى بايقالدى، بۇل شەكارا سىرتىنان كەلۋشىگە بايلانىستى جەرگىلىكتى ورىندا تۋىلعان جاڭا ءبىر رەتكى ىندەت جاعدايى، قازىر جەدەل ۇلعايۋ كەزەڭىنە ءوتتى، جەرگىلىكتى ورىن ەپيدەميولوگيالىق تەكسەرۋ، قاينارىن ىزدەۋ قىزمەتىن جەدەل ورىستەتۋدە.

　　ىشكى موڭعۇلدىڭ حوححوت قالاسىنداعى ىندەتكە بايلانىستى گەن ءتارتىبىن تەكسەرۋ ناتيجەسىنەن بۇل ۆيرۋستىڭ دەلتا وزگەرگەن تۇبىرشىگى ەكەنى بايقالدى، بۇل شەكارا سىرتىنان كەلۋشىگە بايلانىستى جەرگىلىكتى ورىندا تۋىلعان جاڭا ءبىر رەتكى ىندەت جاعدايى بولىپ، قازىر باۋتوۋ قالاسىن دا شارپىعان. قازىر ىندەتتىڭ تارالۋى باستاپقى كەزەڭدە بولىپ، ناۋقاستاردىڭ سانى جەدەل ارتۋدا، مەكەمە ورىن، توي قاتارلى ادام شوعىرلانعان ورىنداردا ىندەتتىڭ شوعىرلى تۇردە تارالۋ جاعدايى بايقالعان، الەۋمەتتىك اۋماقتا تارالۋ جانە سىرتقا جايىلۋ قاتەرى ءبىرشاما زور.

　　كەلۋ قاينارى: حالىق تورابى