ج ك پ ورتالىق كوميتەتى، مەملەكەتتىك كەڭەس بەيجيڭ 24 - كەزەكتى قىسقى وليمپيادا سپورت جارىسىنا قاتىناسقان جۇڭگو دەنەتاربيە ۋاكىلدەر ۇيىرمەسىنە قۇتتىقتاۋ تەلەگرامماسىن جولدادى
2022.02.21 16:17 كەلۋ قاينارى : حالىق تورابى
جۇڭگو دەنەتاربيە ۋاكىلدەر ۇيىرمەسى:
بەيجيڭ 24 - كەزەكتى قىسقى وليمپيادا سپورت جارىسىندا جۇڭگو دەنەتاربيە ۋاكىلدەر ۇيىرمەسىنىڭ بەينەسى كورنەكتى بولىپ، ەرلىكپەن 9 التىن مەدال، 4 كۇمىس مەدال، 2 قولا مەدال الىپ، ەلىمىزدىڭ قىسقى وليمپيادا سپورت جارىسىنا قاتىناسۋ تاريحىنداعى ەڭ جاقسى ناتيجەگە قول جەتكىزىپ، وتان مەن حالىققا داڭق اپەردى، بەيجيڭ قىسقى وليمپيادا سپورت جارىسىن ءساتتى وتكىزۋگە ماڭىزدى ۇلەس قوستى. پارتيا ورتالىق كوميتەتى، مەملەكەتتىك كەڭەس سىزدەردى قىزۋ قۇتتىقتايدى جانە سىزدەردەن شىنايى حال سۇرايدى!
وسى كەزەكتى قىسقى وليمپيادا سپورت جارىسىندا سىزدەر پارتيا مەن حالىقتىڭ تاپسىرماسىن ەستە بەرىك ساقتاپ، كوكتەم مەرەكەسى باستالىسىمەن جورىققا اتتانىپ، باتىلدىقپەن كۇرەس جاساپ، ءبىر نيەت، ءبىر تىلەكتە بولىپ، بارلىق ءتۇر بويىنشا جارىسقا قاتىناسىپ، بار كۇشپەن جەڭىسكە جەتىپ، جارىس مىندەتىن جەڭىسپەن ورىنداپ، سپورت ناتيجەسى مەن رۋحاني وركەنيەتتەن بىردەي قوماقتى ناتيجە جاراتتىڭىزدار، وتان مەن حالىق سىزدەردىڭ قول جەتكىزگەن تابىستارىڭىزدى ماقتانىش ەتەدى. سىزدەر وليمپيادا جارىس الاڭىندا جاڭا داۋىردەگى جۇڭگو سپورتشىلارىنىڭ رۋحاني بەت - بەينەسى مەن باسەكەلىك ورەسىن ايگىلەپ، ءىس جۇزىندىك ارەكەتتەرىڭىز ارقىلى «ءمورالدىڭ التىن مەدالىن»، «ستيلدىڭ التىن مەدالىن»، تازا التىن مەدالدى الۋ تالابىن تياناقتاندىرىپ، وليمپيادا رۋحى مەن جۇڭحۋا دەنەتاربيە رۋحىن جاندى تۇسىندىردىڭىزدەر. سىزدەر دۇنيە جۇزىندەگى ءار ەلدىڭ، ءار رايوننىڭ سپورتشىلارىمەن ءوزارا كەڭەسىپ، ءوزارا شابىت بەرىپ، قار - مۇز سالتاناتىنان بىرگە يگىلىكتەنىپ، اۋىس - كۇيىستى جەبەپ، دوستىقتى كۇشەيتتىڭىزدەر. سىزدەردىڭ تاماشا بەينەلەرىڭىز ەلىمىزدىڭ قار - مۇز سپورتىنىڭ دامۋىن ونان ارى جەبەپ، ەل ءىشى - سىرتىنداعى جۇڭحۋا ۇلاندارىنىڭ وتانشىلدىق ىنتاسىن ونان ارى قوزعاپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا زەيىن - زەردەنى، كۇش - قۋاتتى شوعىرلاندىرىپ، ىنتىماقتاسا كۇرەس جاساۋىنا رۋحاني كۇش قوستى.
قازىر بۇكىل پارتيا، بۇكىل ەلدەگى ءار ۇلت حالقى تاسقىندعان جىگەرمەن ەكىنشى 100 جىلدىق كۇرەس نىساناسىنا قاراي قادام تاستاۋدا. سىزدەردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، اۋەلگى ماقساتتى، بورىشتى ەستە بەرىك ساقتاپ، داڭقتى ءداستۇردى ساۋلەلەندىرىپ، ەلىمىزدىڭ باسەكەلىك سپورتىنىڭ جالپىلىق قۋاتىن ۇزدىكسىز جوعارىلاتىپ، وتانعا داڭق اپەرۋ قۋاتىن جوعارىلاتىپ، «300 ميلليون ادامدى قار - مۇز سپورتىنا ات سالىسۋعا جەتەكتەۋ» جەتىستىكتەرىن بەكەمدەۋگە جانە كەڭەيتۋگە، دەنەتاربيەدە قۇدىرەتتى جۇڭحۋا ەلىن قۇرۋدى جەدەلدەتۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋلارىڭىزدى ءۇمىت ەتەمىز.
ج ك پ ورتالىق كوميتەتى
مەملەكەتتىك كەڭەس
2022 - جىلى 2 - ايدىڭ 20 - كۇنى
(شينحۋا اگەنتتىگى، 2 - ايدىڭ 20 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
