24 - كەزەكتى قىسقى وليمپيادا جارىسى بەيجيڭدە تابىسپەن جابىلدى
شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، حالىقارالىق وليمپيادا كوميتەتىنىڭ ءتوراعاسى باح جابىلۋ سالتىنا قاتىناستى
2022.02.21 16:21 كەلۋ قاينارى : حالىق تورابى
2 - ايدىڭ 20 - كۇنى كەشتە 24 - كەزەكتى قىسقى وليمپيادا سپورت جارىسىنىڭ جابىلۋ سالتى مەملەكەتتىك دەنەتاربيە الاڭىندا سالتاناتپەن وتكىزىلدى. سۋرەتتە: مەملەكەت ءتوراعاسى شي جينپيڭ حالىقارالىق وليمپيادا كوميتەتىنىڭ ءتوراعاسى باحپەن بىرگە ءتوراعالار مىنبەسىندە كوپشىلىككە قول بۇلعاپ قۇرمەت بىلدىرۋدە.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگى، 2 - ايدىڭ 20 - كۇنى، بەيجيڭ. 24 - كەزەكتى قىسقى وليمپيادا سپورت جارىسىنىڭ جابىلۋ سالتى 2 - ايدىڭ 20 - كۇنى كەشتە مەملەكەتتىك دەنەتاربيە الاڭىندا سالتاناتپەن وتكىزىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار، حالىقارالىق وليمپيادا كوميتەتىنىڭ ءتوراعاسى باح جابىلۋ سالتىنا قاتىناستى.
2008 - جىلى عاسىرلىق وليمپيادا ارمانى ىسكە اسقاننان 2022 - جىلى وليمپيادا سپورتىمەن تاعى دا قاۋىشۋعا دەيىن، بەيجيڭ تاريحتاعى تۇڭعىش «قوس وليمپيادا قالاسىنا» اينالدى. وتكەن 16 كۇندە بەيجيڭ باسەكەلىك سپورتتىڭ داڭقى مەن ارمانىنا كۋا بولىپ، ادامزات قوعامىنىڭ ىنتىماعى مەن دوستىعىن ۇيىستىردى. 5 ساقينالى تۋدىڭ استىندا 91 مەملەكەت پەن رايوننان كەلگەن 3000 عا جۋىق سپورتشى قۇلشىنا كۇرەس جۇرگىزىپ، ەڭ جوعارى شەككە سايىس جاريالاپ، وزىنەن اسىپ ءتۇسىپ، 2 تۇردەن دۇنيە جۇزىلىك رەكوردتى جانە 17 تۇردەن قىسقى وليمپيادا رەكوردىن جاڭالاپ، «اناعۇرلىم تەز، اناعۇرلىم جوعارى، اناعۇرلىم كۇشتى − اناعۇرلىم ىنتىماقتى» تاماشا سيمفونيانى ورىندادى. جۇڭگو ىندەتتىڭ ىقپالىن جەڭىپ، قىسقى وليمپيادا سپورت جارىسىن قاراپايىم، حاۋىپسىز، تارتىمدى وتكىزۋگە وراسان زور قۇلشىنىس جاسادى، ماڭداي الدى جارىس الاڭى قۇرىلعىلارى، تاماشا ۇيىمدىق قىزمەت وتەۋ وليمپيادا ۇلى شاڭىراعى مەن حالىقارالىق قوعامنىڭ كەڭ كولەمدى جاقسى باعاسىنا يە بولدى. جۇڭگو ۋاكىلدەر ۇيىرمەسى 9 التىن مەدال، 4 كۇمىس مەدال، 2 قولا مەدالمەن ءبىر كەزەكتى قىسقى وليمپيادا سپورت جارىسىنىڭ التىن مەدال سانى مەن مەدال سانى سىندى ەكى رەكوردتى جاڭالاپ، التىن مەدال تاقتاسىندا 3 - ورىندى يەلەپ، 1980 - جىلى قىسقى وليمپيادا سپورت جارىسىنا قاتىناسقاننان بەرگى تاريحتاعى ەڭ جاقسى ناتيجەگە قول جەتكىزدى.
ءتۇن شىمىلدىعى قىمتاعان مەملەكەتتىك دەنەتاربيە الاڭى كوزدىڭ جاۋىن الىپ، قىزۋ مەرەيگە شومدى.
«بەيبىتشىلىك − تاعدىرلاس ورتاق تۇلعا» مۋزىكاسىنىڭ ءۇنى ىشىندە شي جينپيڭ مەن حانىمى پىڭ لييۋان باح قاتارلىلارمەن بىرگە ءتوراعالار مىنبەسىنە شىعىپ، كورەرمەندەرگە قول بۇلعاپ قۇرمەت ءبىلدىردى. زالدان دۋ قول شاپالاق ءۇنى كوتەرىلدى.
ساعات 20 دا جابىلۋ سالتىنداعى بەتاشار ويىنى «جارىقتاندىرۋ» باستالدى. بالالار قار گۇلى شىراعىن كوتەرىپ، يۋانشياۋ مەرەكەسىندە اشەكەيلى شام جاعۋ ءداستۇرى بويىنشا الاڭداعى جينالىس بەلگىسى ەتىلگەن حانزۋشا «قىس» دەگەن جازۋدى جارىقتاندىردى.
بارلىق ادام ورىندارىنان تۇرىپ، جۇڭحۋا حالىق رەسپۋبليكاسىنىڭ ايبىندى مەملەكەت ءانى ورىندالىپ، بەس جۇلدىزدى نارت قىزىل تۋ باياۋ كوتەرىلدى.
الاڭدا وراسان ۇلكەن جۇڭگو تۇيىنشەگى ورنەگى پايدا بولىپ، تۋ ۇستاۋشىلار وسى كەزەكتى قىسقى وليمپيادا سپورت جارىسىنا قاتىناسقان 91 ۋاكىلدەر ۇيىرمەسىنىڭ تۋىن ۇستاپ الاڭعا كىردى. «شاتتىق جىرى» اتتى كلاسسيكالىق مۋزىكا ءۇنى كوتەرىلىپ، سپورتشىلاردىڭ ۋاكىلدەرى الاڭعا كىردى، كورەرمەندەر شاپالاق ءۇنى مەن شاتتىق ءۇنى ارقىلى سپورت ساڭلاقتارىن قىزۋ قۇتتىقتادى جانە ولارعا شىن جۇرەكتەن قۇرمەت ءبىلدىردى.
ۇلكەن ەكراندا «2022 – جىل، مەن بارمىن!» اتىنداعى قىسقا فيلم قويىلىپ، سپورتشىلاردىڭ ەرلىكپەن كۇرەس جاساعان، اسقاق سەزىمگە تولى تاماشا ساتتەرىن قايتا ەلەستەتتى. وسىدان كەيىن ايەلدەر 30 كيلومەترلىك دالا شاڭعى توپتىق جارىسىنىڭ ەركىن تەحنيكا تۇرىندە جانە ەرلەر 50 كيلومەترلىك دالا شاڭعى توپتىق جارىسىنىڭ ەركىن تەحنيكا تۇرىندە جۇلدەلى بولعان سپورتشىلارعا سيلىق تاراتىلدى.
ەرىكتىلەردىڭ كۇلكى ۇيىرىلگەن جۇزدەرى ۇلكەن ەكراندا ۇزدىكسىز كورىنىپ جاتتى. جاڭادان سايلانعان حالىقارالىق وليمپيادا كوميتەتى سپورتشىلار كوميتەتىنىڭ مۇشەلەرى بارلىق سپورتشى اتىنان ەرىكتىلەردىڭ 6 ۋاكىلىنە قۇرمەت ءبىلدىرىپ، قالىڭ ەرىكتىلەرگە دەگەن شىنايى العىسىن بەينەلەدى. 2008 - جىلعى بەيجيڭ وليمپيادا سپورت جارىسىندا «ەرىكتىلەرگە قۇرمەت ءبىلدىرۋ» دەگەن قيمىل بۋىنى العاش قوسىلعان بولاتىن ءارى وسىدان باستاپ وليمپيادا سپورت جارىسىنىڭ جابىلۋ سالتىنداعى داستۇرگە اينالعان ەدى. وسى كەزەكتى قىسقى وليمپيادا سپورت جارىسى كەزىندە نەشە ون مىڭ ەرىكتى ىستىق ىقىلاسپەن قىزمەت وتەپ، قاجىرلىلىقپەن ەڭبەك ەتىپ، جاپپاي القاۋعا يە بولدى.
ۇلكەن ەكراندا حالىقارالىق وليمپيادا كوميتەتىنىڭ «سەنىمنىڭ قۇدىرەتى» اتتى قىسقا فيلمى قويىلىپ، «اناعۇرلىم تەز، اناعۇرلىم جوعارى، اناعۇرلىم كۇشتى − اناعۇرلىم ىنتىماقتى» وليمپيادا رۋحى جاندى ايگىلەندى.
سالتاناتتى جينالىس اياقتالۋعا تايادى، قوشتاساتىن كەز دە جەتتى. جۇڭگودا بۇرىن تال بۇتاعىن سىندىرىپ قيماس سەزىممەن قوناقتاردى اتتاندىرىپ سالۋ ءداستۇرى بولعان. ءار سالا، ءار كاسىپتەگى، تۇرلىشە جاستاعى قاراپايىم بۇقارادان 365 ادام تال بۇتاعىن كوتەرىپ، مايدان ورتالىعىنا جينالىپ، ءبىر جىلدىڭ 365 كۇنىندەگى ساعىنىشتى سەزىمدى بەينەلەدى. اق ءتۇستى جارىق شوعى الاڭنىڭ ورتاسىنان كوتەرىلىپ، جارقىراعان الىپ ەسكەرتكىش پايدا بولىپ، «الىپ قار گۇلى» اتتى نەگىزگى الاۋدى كوتەرىپ تۇردى. ۇلكەن ەكراندا «2022 – جىل، ءبىز بارمىز» اتتى قىسقا فيلم قويىلىپ، قىسقى وليمپيادا سپورت جارىسىنىڭ جۇرت جۇرەگىن ەلجىرەتەر كورىنىستەرى كوز الدىعا ەلەستەتىلدى.
وسىدان كەيىن گرەتسيانىڭ مەملەكەت تۋىن شىعارۋ، گرەتسيانىڭ مەملەكەت ءانىن ورىنداۋ سالتى وتكىزىلدى.
حىبەيدىڭ فۋپيڭ تاۋلى رايونىنان كەلگەن بالالار وليمپيادا ءانىن تاعى ءبىر رەت شىرقادى، وليمپيادا تۋى ءان اۋەنى ىشىندە باياۋ ءتۇسىرىلدى.
وليمپيادا تۋىن وتكىزىپ بەرۋ - وتكىزىپ الۋ سالتى باستالدى. بەيجيڭ قالاسىنىڭ قالا باستىعى چىن جي - نيڭ بەس ساقينالى تۋدى حالىقارالىق وليمپيادا كوميتەتىنىڭ ءتوراعاسى باحقا تاپسىردى. باح وليمپيادا تۋىن كەلەسى كەزەكتى قىسقى وليمپيادا سپورت جارىسىن وتكىزەتىن قالا * يتاليانىڭ ميلان قالاسىنىڭ قالا باستىعى سارا مەن كورتينادانپەزو قالاسىنىڭ قالا باستىعى گاديناعا تاپسىرىپ بەردى.
ناق مايداندا يتاليانىڭ مەملەكەت ءانى ورىندالىپ، يتاليانىڭ مەملەكەت تۋى شىعارىلدى. ميلان قالاسى مەن كورتينادانپەزو قالاسى «قوس قالا بىرلىگى، كۇش قوسا شۇعىلالى ناتيجە جاراتۋ» دەگەن ادەبيەت - كوركەمونەر كونسەرتىن ورىندادى.
وسىدان كەيىن بەيجيڭ قىسقى وليمپيادا سپورت جارىسىن ۇيىمداستىرۋ كوميتەتىنىڭ ءتوراعاسى ساي چي ارناۋ ءسوز سويلەپ بىلاي دەدى: ەستەن كەتپەس 16 كۇندە دۇنيە ءجۇزىنىڭ جەر - جەرىنەن كەلگەن سپورت ساڭلاقتارى جارىس الاڭىن شۇعىلاعا بولەپ، سپورت قۇدىرەتىن ايگىلەپ، «اناعۇرلىم تەز، اناعۇرلىم جوعارى، اناعۇرلىم كۇشتى − اناعۇرلىم ىنتىماقتى» بولۋ سىندى وليمپيادا ۇستانىمىن جاندى دا جالىندى بەينەلەدى. وليمپيادا ۇلى شاڭىراعىنىڭ مۇشەلەرى ىنتىماقتاسا سەلبەستى، مەديالار جارىستى دەن قويا جالعاپ حابار تاراتىپ، بۇكىل دۇنيە جۇزىنە بەيجيڭ قىسقى وليمپيادا سپورت جارىسى الاڭىنىڭ ءىشى - سىرتىنداعى تاماشا ساتتەردى كورسەتتى. بەيجيڭ قىسقى وليمپيادا سپورت جارىسىنا قاتىناسقان، قولداۋ كورسەتكەن جانە ۇلەس قوسقان بارلىق دوستارعا راقىمەت، سىزدەر دە قىسقى وليمپيادا سپورت جارىسىنىڭ قىزىعىن ايگىلەدىڭىزدەر. بەيجيڭ «قوس وليمپيادا قالاسىنا» اينالدى، قىسقى وليمپيادا سپورت جارىسى كەرەمەت بولدى. بەيجيڭ قىسقى وليمپيادا سپورت جارىسى دۇنيە جۇزىلىك قار - مۇز سپورتىنىڭ جاڭا ءداۋىرىن اشتى، ەستەن كەتپەس وسى قىسقى وليمپيادا ساتتەرىن ەستە بەرىك ساقتاپ، ادامزاتتىڭ اناعۇرلىم كوركەم بولاشاعىن قول ۇستاسا جاراتايىق.
حالىقارالىق وليمپيادا كوميتەتىنىڭ ءتوراعاسى باح ءسوز سويلەدى. ول بىلاي دەدى: وسى كەزەكتى قىسقى وليمپيادا سپورت جارىسىندا وليمپيادا قىستاعى وزگەشە دارالىققا يە بولدى، جارىستىڭ الاڭ - سارايلارى ادامدى قايران قالدىرادى، ۇيىمداستىرۋ قىزمەتى ەرەكشە كورنەكتى بولدى. ءبىز بەيجيڭ قىسقى وليمپيادا سپورت جارىسىن ۇيىمداستىرۋ كوميتەتىنە، جۇڭگونىڭ ۇكىمەت تاراۋلارىنا، سونداي - اق جۇڭگوداعى بارلىق سەلبەستىك سەرىكتەرىمىزگە جانە دوستارعا شىنايى العىس ايتامىز. بۇل ناعىز تەڭدەسسىز قىسقى وليمپيادا جارىسى بولدى، ءبىز جۇڭگونىڭ قار - مۇز سپورتىنداعى ءىرى ەلگە اينالعانىنا قۋانامىز. ەڭ سوڭىندا باح 24 - كەزەكتى قىسقى وليمپيادا سپورت جارىسىنىڭ جابىلعانىن جاريالادى ءارى دۇنيە جۇزىندەگى جاستاردى 4 جىلدان كەيىن ميلان، كورتينادانپەزو قالالارىندا باس قوسىپ، 25 - كەزەكتى قىسقى وليمپيادا سپورت جارىسىنا قاتىناسۋعا ۇندەدى.
ۇلكەن ەكراندا «جولدارىڭىز بولسىن! بولاشاققا بىرگە قادام تاستايىق!» دەگەن جازۋلار كورىنىپ، وسى كەزەكتى قىسقى وليمپيادا سپورت جارىسى اياقتالۋ الدىندا تۇرعان وسىناۋ ساتتە جۇڭگو حالقى مەن دۇنيە ءجۇزى حالقىنىڭ تەڭىزدەي تەرەڭ دوستىق سۇيىسپەنشىلىگىن بەينەلەدى.
ساعات 21 دەن 35 مينۋت وتكەندە 2008 - جىلعى بەيجيڭ وليمپيادا سپورت جارىسىنىڭ «مەن جانە سەن» اتتى اسەرلى تاقىرىپتىق ءان اۋەنى تاعى ءبىر رەت كوتەرىلىپ، جالت - جۇلت ەتە نۇر شاشقان وليمپيادا سپورت جارىسىنىڭ 5 ساقيناسى مايدان ورتاسىنان كوتەرىلدى. «الىپ قار گۇلى» نەگىزگى الاۋى باياۋ ءتۇسىرىلدى، تۇنىق داۋىسپەن باياۋ شىرقالعان «قار گۇلى» ءانى ىشىندە 16 كۇن جانعان وليمپيادا الاۋى بىرتىندەپ ءسوندى.
سالتاناتتى وت جالىن اسپانعا كوتەرىلىپ، دەنەتاربيە سارايىنىڭ اسپانىندا 5 ساقينا فورماسى جانە «دۇنيە جۇزىندەگى ادامزات ءبىر شاڭىراقتىڭ ادامدارى» دەگەن حانزۋشا - اعىلشىنشا جازۋ نۇر شاشا پايدا بولدى، ءان اۋەنى، شاپالاق ءۇنى، الاقايلاعان داۋىستار اسپاندى جاڭعىرتتى، مەملەكەتتىك دەنەتاربيە سارايى شاتتىق تەڭىزىنە شومدى.
بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، بەيجيڭدەگى مەملەكەتتىك ساياسي كەڭەس ءتوراعاسىنىڭ ورىنباسارلارى جانە ورتالىق اسكەري ىستەر كوميتەتىنىڭ مۇشەلەرى جابىلۋ سالتىنا قاتىناستى.
حالىقارالىق وليمپيادا كوميتەتىنىڭ جاۋاپتىلارى جابىلۋ سالتىنا قاتىناستى.
كەلۋ قاينارى: حالىق تورابى
 |
2 - ايدىڭ 20 - كۇنى كەشتە 24 - كەزەكتى قىسقى وليمپيادا سپورت جارىسىنىڭ جابىلۋ سالتى مەملەكەتتىك دەنەتاربيە الاڭىندا سالتاناتپەن وتكىزىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جابىلۋ سالتىنا قاتىناستى.
سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
