ەمشىلىك ىستەۋ تولىمدىلىعى مەن تاجىريبەسى بولماسا دا، جايما جايۋ فورماسىندا ەمشىلىك ىستەپ، ادام ولىمىنە سەبەپكەر بولعان
چۇڭچيڭدا ءبىر جالعان جۇڭگوشا شيپاگەر زاڭسىز ەمشىلىك ىستەۋ قىلمىسى بويىنشا ون جىلدىق مەرزىمدى قاماق جازاسىنا ۇكىم ەتىلدى
2022.02.21 16:42 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ليۋ ياڭ، ەرىكتى ءتىلشىسى شۇي شيانفەي حابارلايدى. ەمشىلىك ىستەۋ تولىمدىلىعى مەن ەمدەۋ، دياگنوز قويۋ تاجىريبەسى بولماسا دا، ينە شانشۋ، لوڭقا قويۋ سياقتى ەمدەۋ ارەكەتتەرىمەن شۇعىلدانىپ، ەمدەلگەن ادامنىڭ ولىمىنە سەبەپكەر بولعان. چۇڭچيڭ قالاسى چيجياڭ رايوندىق حالىق سوتى زاڭسىز ەمشىلىك ىستەۋگە قاتىستى دەلوعا ءبىرىنشى سوتتىڭ تەرگەۋ ۇكىمىن جاريالادى، ايىپكەر چىن X زاڭعا قايشى ەمشىلىك ىستەۋ قىلمىسى بويىنشا 10 جىلدىق مەرزىمدى قاماق جازاسىنا ۇكىم ەتىلدى ءارى وعان 10 مىڭ يۋان اقشالاي ايىپ سالىندى، قىلمىستىق جازاسى اياقتاعان كۇننەن باستاپ، 5 جىلعا دەيىن ەمشىلىكپەن اينالىسۋىنا تيىم سالدى.
2021 – جىلى 9 – ايدىڭ 24 – كۇنى، شيپاگەرلىك تولىمدىلىق كۋالىگى مەن شيپاگەرلىكپەن شۇعىلدانۋ تولىمدىلىق كۋالىگىن الماعان، سونداي – اق، ەشقانداي ەمدەۋ – دياگنوز قويۋ تاجىريبەسى بولماعان جاعدايدا، ايىپكەر چىن X چيجياڭ رايونى شىجياۋ قالاشىعىندا باسقالار اشقان ءدارى – دارمەك ماتەريالدارى دۇكەنىندە جايما جايۋ فورماسىندا ينەمەن ەمدەۋ، لوڭقا قويۋ قاتارلى ەمدەۋ ارەكەتتەرىمەن شۇعىلدانعان.
2021 – جىلى 10 – ايدىڭ 9 – كۇنى ساعات 9 دا، زياندالۋشى لو X تىڭ ونە بويى جايسىزدانعاندىقتان، ءدارى – دارمەك دۇكەنىنە بارىپ، اۋرۋىن كورسەتپەك بولادى، چىن X لو X تىڭ يىعىنا، ارقاسىنا ينە شانشىپ، لوڭقا قويىپ ەمشىلىك جاساعان. لوڭقانى العان سوڭ، لو X تا جوتەلۋ، دەمىگۋ، بەتى قىزارۋ قاتارلى ناشار جاعداي بايقالعان، چىن X بۇل جاعدايدى كورگەن سوڭ دەرەۋ ونى سول جەردەگى دەنساۋلىق ساقتاۋ ۇيىنە جەتكىزىپ قۇتقارعان، سوڭىنان چيجياڭ رايوندىق حالىق ەمحاناسىنا جوتكەپ ەمدەتپەك بولعان. جوتكەۋ بارىسىندا لو X ەسىنەن تانعان، ەمدەۋ قىزمەتكەرلەرى ونى سول ماڭداعى سانجياڭ مالىسىندەگى دەنساۋلىق ساقتاۋ بولىمىنە اپارىپ، شۇعىل قۇتقارۋعا العان، سوڭىنان شۇعىل قۇتقارۋ ءونىم بەرمەي قازا بولعان. ءمايىتتى بورشالاپ ساراپتاۋ جۇرگىزۋ ارقىلى، ينە شانشىپ ەمدەگەننەن كەيىن لو X تىڭ ەكى وكپەسىنىڭ ۇشىنداعى كوكىرەك پەردەسى ءبۇلىنىپ، كوكىرەك قۋىسىنا اۋا جينالىپ، تىنىس الۋى قيىنداسىپ، دىڭكەسى قۇرىپ قايتىس بولعانىن راستاعان.
بۇل ءىس تۋىلعان سوڭ، قوعام حاۋىپسىزدىگى ورگاندارى چىن X تى قوعام حاۋىپسىزدىگى بولىمشەسىنە اۋىزشا شاقىرعان، ول تەكسەرۋ بارىسىندا قىلمىس فاكتىسىن شىنايى بايانداعان ءارى قىلمىسىن مويىنداپ، جازالاۋعا مويىنسال بولاتىنىن بىلدىرگەن.
سوت مەكەمەسى تەرگەۋدەن كەيىن بىلاي دەپ قاراعان: ايىپكەر چىن X ەمشىلىك ىستەۋ تولىمدىلىعىنا يە بولماستان، ءوز بەتىمەن ەمشىلىك ىستەپ، لو X تىڭ ولىمىنە سەبەپكەر بولعان، ونىڭ ارەكەتى زاڭسىز ەمشىلىك ىستەۋ قىلمىسىن قالىپتاستىرعان. چىن X زاڭسىز ەمشىلىك ىستەۋ بارىسىندا ادام ولىمىنە سەبەپكەر بولعاندىقتان، زاڭ بويىنشا 10 جىلدان جوعارى مەرزىمدى قاماق جازاسىنا ۇكىم ەتىلۋى ءارى وعان اقشالاي ايىپ سالىنۋى كەرەك. چىن X زياندالۋشىنىڭ قازا بولعانىن بىلگەن سوڭ، باسقالاردىڭ ونىڭ ۇستىنەن دەلو مالىمدەگەنىن ەستىپ، ەمحانادا ىرىقتىلىقپەن حالىق ساقشىلارىن توسقان، ءوزىن مالىمدەۋگە جاتادى، زاڭ بويىنشا جازاسىن جەڭىلدەتۋگە بولادى؛ چىن X قىلمىسىن ىرىقتىلىقپەن مويىنداپ، جازاعا موينسال بولعاندىقتان، زاڭ بويىنشا كەڭشىلىكپەن ءبىرجاقتى ەتۋگە بولادى. وسى دەلوداعى قىلمىس جاعدايىنا جانە ونىڭ قايتادان قىلمىس وتكىزۋىنىڭ الدىن الۋدىڭ قاجەتىنە نەگىزدەلە وتىرىپ، سوت مەكەمەسى چىن X تىڭ بۇل كاسىپپەن شۇعىلدانۋىنا تيىم سالۋ ۇيعارىمىن جاساعان. سوت مەكەمەسى زاڭ بويىنشا جوعارىداعىداي ۇكىم شىعارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
