قۇمىل:
ءبىر پەشتەن قورىتىلعان تيتاننىڭ ءونىم مولشەرى مەملەكەتتىك رەكوردتى جاڭالادى
2022.02.23 16:47 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋي يۇڭگۇي، ەرىكتى ءتىلشى تيان يۇي 2 - ايدىڭ 21 - كۇنى قۇمىلدان حابارلايدى. 2 - ايدىڭ 17 - كۇنى قۇمىل جوعارى، جاڭا تەحنيكالىق كاسىپ سالالارىن اشۋ رايونى وڭتۇستىك بولىك اينالمالى ەكونوميكا كاسىپ سالاسى باقشاسىنان قۋانىشتى حابار تارالدى: شينجياڭ شياڭرۇن جاڭا ماتەريالدار عىلىم - تەحنيكا شەكتى سەرىكتەستىگىنىڭ قالپىنا كەلتىرىپ بۋلاندىرىپ ايىرۋ سەحىندا ءبىر پەشتەن شىققان گۋبكا تيتاننىڭ ءونىم مولشەرى 16 تونناعا، ساپتىق دارەجەسى 0 دارەجەگە جەتكەن (ەڭ جوعارى دارەجە) ونىمدەر سالىستىرماسى %94كە جەتىپ، ەل ىشىندەگى وسى سالانىڭ قوس بىردەي رەكوردتىن جاڭالاعان.
شينجياڭ شياڭرۇن جاڭا ماتەريالدار عىلىم - تەحنيكا شەكتى سەرىكتەستىگى قۇمىلدىڭ ساۋداگەر شاقىرىپ، قارجى ەنگىزۋدە تياناقتاندىرعان جوعارى عىلىم - تەحنيكالىق جاڭا ماتەريالدار وندىرەتىن ءىرى كاسىپورىن، 2016 - جىلى قۇرىلعان. اتالعان سەرىكتەستىك وندىرگەن تيتان جانە تيتان قورىتپا ماتەريالدارىنىڭ قاتتىلىعى جوعارى، سەرپىمدىلىگى كۇشتى، شىرىتۋگە شىدامدى، ىستىققا ءتوزىمدى بولىپ، اۆياتسيا، حيميا ونەركاسىبى، مەديتسينا سياقتى كاسىپتىك سالالاردا كەڭىنەن قولدانىلادى، قازىر سەرىكتەستىكتىڭ وندىرىستىك قۋاتى بۇكىل مەملەكەت بويىنشا 2 - ورىندى يەلەپ وتىر، 2021 - جىلى وندىرگەن گۋبكا تيتاننىڭ ءونىم مولشەرى 20 مىڭ توننادان اسىپ، تيتان ماتەريالدارى 11 مىڭ توننادان استامعا جەتىپ، وندىرىسكە قوسىلعاننان بەرگى تىڭ بيىكتى باعىندىردى.
”ءبىز قولدانىپ وتىرعان قورىتۋ جابدىعى قازىر ەل ءىشى بويىنشا ەڭ جاقسى جابدىق سانالادى“، - دەدى اتالعان سەرىكتەستىكتىڭ قورىتۋ - قۇيۋ زاۆودى تەحنيكا ءبولىمىنىڭ باستىعى لۇي حۋاجياڭ. ونىڭ ايتۋىنشا، وزىق جابدىقتىڭ قولداۋىندا، سەرىكتەستىكتىڭ تيتان ونىمدەرىنىڭ قورىتىلۋ ساپاسى بارىنشا جوعارىلاپ، ەل ىشىندەگى وسى سالانىڭ ءونىم مولشەرى رەكوردىن قاتارىنان كوپ رەت جاڭالاعان.
قۇمىل قالاسى شىعىس تيانشان تاۋىنىڭ ءتۇستى مەتالدار كەنىشتى وڭىرىنە ورنالاسقان، مول ءتۇستى مەتال بايلىعىنا يە، اسىرەسە، ونداعى ۆانادي - تيتان ماگنيتتى تەمىر كەنىنىڭ قورى مول، ساپاسى جوعارى، اشۋعا وڭاي بولۋ باسىمدىعىنا يە.
”سەرىكتەستىگىمىز وندىرىسكە قوسىلعاننان بەرى شينجياڭنىڭ تيتان جانە تيتان ماتەريالدارى ونىمدەرى جاعىنداعى اقتاڭداعىن تولتىرۋمەن بىرگە، تەحنيكالىق جاڭالىق اشۋ، كاسىپ سالاسى تىزبەگىن قالىپتاستىرۋ، بازار ءورىسىن كەڭەيتۋ سياقتى جاقتاردا سالا بويىنشا جەتەكشى ورىندا كەلەدى“. اتالعان سەرىكتەستىكتىڭ ستراتەگيالىق دامۋ ءبولىمىنىڭ باستىعى لياڭ فيلۇڭ بيىل شينجياڭ شياڭرۇن جاڭا ماتەريالدار عىلىم - تەحنيكالىق شەكتى سەرىكتەستىگىنىڭ قۇمىلدىڭ مول تيتان بايلىعىنا ارقا سۇيەپ جوعارعى، تومەنگى كاسىپ سالاسى تىزبەگىن ۇزارتۋدى جەدەلدەتىپ، ونىمدەرىنىڭ بازارداعى باسەكەلىك قۋاتىن ۇزدىكسىز جوعارىلاتاتىندىعىن ءبىلدىردى.
”’14 - بەسجىلدىققا‘ وتكەن سوڭ، ءبىز ستراتەگيالىق جاڭا گۇلدەنگەن كاسىپ سالالارىن ۇزدىكسىز جەدەل جەتىلدىرە جانە دامىتا تۇسەمىز. سولاردىڭ ىشىندە حالىقارا بويىنشا، ەل ءىشى بويىنشا ماڭداي الدى ورىنداعىلارعا تۋرالانىپ، جاڭا ماتەريالدار كاسىپ سالاسىنىڭ دامۋىن جەدەلدەتىپ، تيتان قورىتپا مەتالدارى، ماگني قورىتپا مەتالدارى، كرەمني نەگىزدى جاڭا ماتەريالدار سياقتىلاردى ءتۇيىندى تۇردە دامىتىپ، شينجياڭنىڭ ماڭىزدى جاڭا ماتەريالدار ءوندىرىس بازاسىن بىرتىندەپ قۇرىپ شىعامىز“، - دەدى قۇمىل قالالىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ليۋ جيڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
