مەملەكەت ەنەرگيا توبى شينجياڭ سەرىكتەستىگى:
1 - ايداعى كومىر ءوندىرۋ - ساتۋ مولشەرى سايكەس مەزگىلدەگىدەن ％50 ارتتى
2022.02.23 16:48 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ما بەي، ەرىكتى ءتىلشى جاڭ جۇيكۇن 2 - ايدىڭ 21 - كۇنى ۇرىمجىدەن حابارلايدى. تاياۋدا مەملەكەت ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگى حۇڭشاچۋان اشىق كومىر كەنىنىڭ ءوندىرىس جۇمىس باسىندا تاسىمال اۆتوموبيلدەرىنە رەتىمەن كومىر تيەلىپ، كومىرمەن ورنىقتى قامداۋدى قامتاماسىز ەتتى.
اۆتونوميالى رايونداعى كومىرمەن ءتۇيىندى قامدايتىن كاسىپورىن رەتىندە، بيىل 1 - ايدا اتالعان سەرىكتەستىكتىڭ كومىر ءوندىرىسى 6 ميلليون 402 مىڭ توننا، كومىردىڭ ساتىلۋ مولشەرى 6 ميلليون 568 مىڭ توننا (قامبادا ساقتالعانى قامتىلادى) بولىپ، ءوندىرۋ - ساتۋ مولشەرى سايكەس مەزگىلدەگىدەن ％50 ارتىپ، وتكەن جىلداردىڭ سول تۇستاعىسىمەن سالىستىرعاندا ەڭ جوعارى ورەنى جاراتتى: مۇندا ەلەكتر تاراتۋ، جىلۋمەن قامداۋ سياقتى سالالارداعى حالىق تۇرمىسىنا پايدالانىلاتىن كومىر 3 ميلليون 742 مىڭ 900 توننا بولىپ، سايكەس مەزگىلدەگىدەن ءبىر ميلليون 524 مىڭ 300 توننا ارتىپ، ارتۋ مولشەرى ％69 بولىپ، العاشقى ايداعى ”جاقسى باستامانى“ جۇزەگە اسىردى.
”بىلتىردان بەرى سەرىكتەستىكتىڭ جىلدىق كومىر ءوندىرۋ - ساتۋ مولشەرى سايكەس مەزگىلدەگىدەن 10 ميلليون توننا ارتىپ، ارتقان ءونىم مولشەرى ەلەكتر تاراتۋ، حالىق تۇرمىسى بويىنشا جىلۋمەن قامداۋ، سونداي - اق كاسىپورىنداردىڭ كومىر پايدالانۋ قاجەتىنە ىستەتىلدى“. مەملەكەت ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگىنىڭ قاراماعىنداعى تاسىمالداۋ - ساتۋ سەرىكتەستىگىنىڭ ورىنباسار باس ديرەكتورى جاڭ لەي تانىستىرىپ بىلاي دەدى: كەزەكتە كومىرمەن قامداۋ كولەمى مەن ءوڭىرى دە شينجياڭ ىشىندەگى ءداستۇرلى كومىر پايدالاناتىن كاسىپورىنداردان سىچۋان، چيڭحاي، گانسۋ، نيڭشيا، چۇڭچيڭ قاتارلى رايون سىرتىنداعى جىلۋ - ەلەكتر كاسىپورىندارىنا كەڭەيدى.
بۇكىل ەلدەگى تۇڭعىش توپتاعى زەردەلىلەنگەن قۇرىلىس ۇلگى كورسەتۋ كەن قۇدىعى رەتىندە، 1 - ايدىڭ سوڭعى شەنىندە سەرىكتەستىك قاراماعىنداعى ۋدۇڭ كومىر كەنى زەردەلىلەنگەن جۇيەدە ينتەرنەت جەلىسىنە شىعىپ اينالىم جاساۋدى جۇزەگە اسىرىپ، زەردەلى كومىر اشۋ، زەردەلى قازۋ، ءبىر تۇلعالانعان شوعىرلى مەڭگەرۋ تۇعىرى سياقتى قاتىستى جۇيە قۇرىلىسىن ورىندادى.
”وسى جابدىقتار قۇدىققا ءتۇسىرىلىپ، پايدالانۋعا بەرىلگەننەن كەيىن، جۇمىسشىلاردىڭ كومپيۋتەردە كىنوپكانى باسىپ جۇمىس جۇرگىزۋىنە بولاتىن بولدى، ماشينادان قۇتىلىپ قۇدىق استىنداعى مەڭگەرۋ بولمەسىندە، اۋەلى، جەر بەتىندەگى قىزمەت عيماراتىنداعى زەردەلى باسقارۋ - مەڭگەرۋ ورتالىعىندا تۇرىپ - اق جۇمىس جۇرگىزە بەرەتىن بولدى، ءسويتىپ، ادامدى قاجەت ەتپەۋدى، از اداممەن عانا كومىر قازۋدى جۇزەگە اسىردى“، - دەدى ۋدۇڭ كومىر كەنىنىڭ جاۋاپتىسى.
سونىمەن بىرگە سەرىكتەستىك كەلەلى نىسان قۇرىلىسىندا دا قامال الۋ سيپاتتى ىلگەرىلەۋشىلىكتەرگە قول جەتكىزدى. قۇمىل قالاسىندا قارجى قوسىپ ورنالاستىرىلعان ”كومىر - مۇناي، حيميا جاڭا ماتەريال، جاڭا ەنەرگيا ۇلگى كورسەتۋ بازاسى“ نىسانى كومىر، جاڭا ەنەرگيا، سۋ ەلەكتر، سۋ تارتىپ ەنەرگيا ساقتاۋ سياقتى كوپتەگەن كاسىپ سالالارىن جارىققا شىعاردى. سونىمەن ءبىر ۋاقىتتا گانچۋانباۋ ەكونوميكالىق، تەحنيكالىق اشۋ رايونى جالپىلىق ەنەرگيا بازاسى، جۇندۇڭ ەكونوميكالىق، تەحنيكالىق اشۋ رايونى جاڭا ەنەرگيا بازاسى، حىجيڭ اۋدانى قايدۋ وزەنى تازا ەنەرگيا بازاسى سياقتى ءتۇيىندى نىسان قۇرىلىستارىن ىسكە قوستى.
بۇگىنگى تاڭدا، كۇنى كەشەگى جاپان تۇزدە سۋمەن، ەلەكترمەن قامداۋ ينجەنەرياسى، كومىر ساقتاۋ الاڭى، كولىك توقتاتۋ الاڭى، ولشەۋ رايونى سياقتىلار جۇلدىزشا جامىراپ، كومىر تاسىعان اۆتوكولىكتەر سىرتقا توقتاۋسىز كومىر تاسۋدا.
بيىل مەملەكەت ەنەرگيا توبى شينجياڭ سەرىكتەستىگىنىڭ رايوننان شىعاراتىن كومىر مولشەرىن 8 ميلليون توننادان اسىرۋدى جوسپارلاپ وتىر. ”بيىل ءبىز اۆتونوميالى رايوننىڭ حالىق تۇرمىسىنا قاجەتتى ەلەكتردى، كومىردى، جىلۋمەن قامداۋدى جانە ۇزاق توقتامعا وتىرعان قاريدارلاردى كومىرمەن قامداۋدى تولىق قامتاماسىز ەتىپ، اۆتونوميالى رايوندى جانە ءىشىنارا ولكە - قالالاردى كومىرمەن قامداۋ قىزمەتىن ويداعىداي ىستەيمىز“، - دەدى جاڭ لەي.
اتالعان سەرىكتەستىك پارتكومىنىڭ ورىنباسار شۋجيى، باس ديرەكتور لي حايچاۋ مىنالاردى ءبىلدىردى: بيىل مەملەكەت پەن اۆتونوميالى رايوننىڭ كاسىپ سالاسى ساياساتىنا ۇشتاستىرا وتىرىپ، سەرىكتەستىكتىڭ ”14 - بەسجىلدىق“ جوبا نىساناسىنا ساي، سەرىكتەستىگىمىز 100 ميلليون توننالىق دارەجەدەگى كومىر كاسىپورنىن تۇلعالاۋعا كىرىسىپ، كومىردىڭ جىلدىق ءونىم مولشەرىن 65 ميلليون تونناعا جەتكىزىپ، كومىر كەنىن زەردەلىلەندىرۋ قۇرىلىسىنىڭ تيبىن جاڭالاپ، دارەجەسىن ءوسىرۋدى جاپپاي ورىستەتپەكشى؛ جاسىل ءوندىرىس ءتاسىلىن جەدەل قالىپتاستىرىپ، مەملەكەت دارەجەلى جاسىل كەن قۇرۋ سالىستىرماسىن ％100كە جەتكىزىپ، تازا تاسىلمەن تاسىمالداۋ سالىستىرماسىن ％70كە جەتكىزىپ، ەنەرگيا كاسىپورىندارىنىڭ جوعارى ساپالى دامۋىن جۇزەگە اسىرادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
