بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭنىڭ 2 قىسقى وليمپيادا مادەنيەت الاڭىندا قار - مۇزدىڭ عالامات تارتىمدىلىعى بارىنشا ايگىلەندى

2022.02.23 16:49     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى ءابيبا 2 - ايدىڭ 21 - كۇنى ۇرىمجىدەن حابارلايدى. 2 - ايدىڭ 20 - كۇنى كورلا قالاسى جۇڭگو مۇناي - تابيعي گاز شەكتى جارنا سەرىكتەستىگى تارىم مۇناي الابى شاعىن اۋماعىنىڭ قىسقى وليمپيادا مادەنيەت الاڭىندا VR (ۆيرتۋالدى شىندىق) كوزاينەگىن تاعىپ، قولىنا سىرعىما تاياق ۇستاعان قالا تۇرعىنى ابدۇسامەت الي ۆيرتۋالدى قاردان سىرعانادى. ”وتە شىنايى سەزىلەدى ەكەن، بەينە شاڭعى الاڭىندا سامعاپ جۇرگەندەيمىن“، - دەدى ابدۇسامەت.

  قىسقى وليمپيادا مادەنيەت الاڭى − قىسقى وليمپيادا تاقىرىپتىق قالا مادەنيەتى قيمىلىن وتكىزۋدەگى ماڭىزدى مازمۇنداردىڭ ءبىرى، ايقىن وليمپيادا ەرەكشەلىگىنە يە، قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن جۇرتشىلىققا تەگىن جالعاپ تاراتۋدى نەگىز ەتەدى، سونىمەن قاتار باي مازمۇندى مادەنيەت قيمىلدارىن ورىستەتەدى. ءار كەزەكتى وليمپيادا سپورت جارىسىن وتكىزۋشى ەلدەر مەن وتكىزۋشى قالالاردىڭ ءبارى مادەنيەت الاڭىن قۇرۋ ءتاسىلى ارقىلى جەرگىلىكتى ورىننىڭ تاريحي مادەنيەتىن، عىلىم - تەحنيكالىق جاڭالىعىن، ەكونوميكاسىنىڭ دامۋىن جانە جەرگىلىكتى سالت - سانانى جالپى بەتتىك ايگىلەيدى. بۇكىل ەلدە جالپى 8 ولكەدە 30 قىسقى وليمپيادا قالا مادەنيەتى الاڭى ىسكە قوسىلعان، بۇلاردىڭ اراسىندا كورلا قالاسى جۇڭگو مۇناي - تابيعي گاز شەكتى جارنا سەرىكتەستىگى تارىم مۇناي الابى شاعىن اۋماعى قىسقى وليمپيادا مادەنيەت الاڭى، قارامايلى باۋشىحۋا قىسقى وليمپيادا مادەنيەت الاڭى بار.

  باۋشىحۋا قوجالىق باسقارۋ شەكتى سەرىكتەستىگى تارىم مۇناي الابى بولىمشە سەرىكتەستىگى پارتكومىنىڭ شۋجيى ياڭ يۇڭ بىلاي دەپ تانىستىردى: كورلا قالاسى جۇڭگو مۇناي - تابيعي گاز شەكتى جارنا سەرىكتەستىگى تارىم مۇناي الابى شاعىن اۋماعى قىسقى وليمپيادا مادەنيەت الاڭىنىڭ يەلەگەن جەر اۋدانى 16 مىڭ 200 شارشى مەتر، وندا قىسقى وليمپيادا ارناۋلى تاقىرىپتىق كورمە اۋماعى، قار - مۇز سپورتىن باستان كەشىرىپ سەزىنۋ اۋماعى، قىسقى وليمپيادا ەرەكشە رۇقسات ەتىلگەن ونىمدەردى كورمەگە قويىپ ساتۋ اۋماعى، قىسقى وليمپيادا پوچتالىق بۇيىمداردى جيناۋ كورمە اۋماعى، قالا ەرىكتىلەر قىزمەت وتەۋ اۋماعى، حاتكەرلىك، سۋرەت كورمە اۋماعى قاتارلىلار ورنالاستىرىلعان. مۇندا قىسقى وليمپيادا مادەنيەت الاڭىنداعى قار - مۇز سپورتىن باستان كەشىرىپ سەزىنۋ اۋماعى دالاداعى قار - مۇز ويىندارىن باستان كەشىرىپ سەزىنۋ جانە ءۇي ىشىندەگى قار - مۇز ويىنىن VR باستان كەشىرىپ سەزىنۋدى قامتىعان، دالاداعى قار - مۇز ويىندارىن باستان كەشىرىپ سەزىنۋ اۋماعىندا دوڭگەلەكتى كونكي الاڭى بار بولىپ، وندا مۇزدا سىرعاناۋعا، ۇقساتىپ جاسالعان قار شانا ايداۋىنا، مۇز دوپ تەبۋگە، ت.ب بولادى.

  2 - ايدىڭ 20 - كۇنى قارامايلى باۋشىحۋا قىسقى وليمپيادا مادەنيەت الاڭىنداعى ۇلكەن ەكراندا قىسقى وليمپيادا سپورت جارىسىنىڭ ءتۇرلى جارىستارى قايتالاي تاراتىلىپ جاتتى. ”قار شانا جارىسى وتە قيان - كەسكى، وتە تارتىمدى ەكەن، كورگەندە الاقانىمنان تەر شىعىپ كەتتى“، - دەدى قالا تۇرعىنى ۋاڭ شياۋشياۋ. قىسقى وليمپيادا سپورت جارىسى كەزىندە ءار كۇنى كوپتەگەن قالا تۇرعىنى وسىندا كەلىپ قىسقى وليمپيادا سپورت جارىسىن تاماشالاپ، سپورتشىلاردى بىرگە ماداقتاي الاقايلادى.

  قارامايلى قالا تۇرعىندارىنىڭ مادەني تۇرمىسىن بايىتۋ ءۇشىن، 2 - ايدىڭ 4 - كۇنى قارامايلى باۋشىحۋا قىسقى وليمپيادا مادەنيەت الاڭى 2022 ”قىسقى وليمپيادانى قارسى الۋكوكتەم مەرەكەسىن قۇتتىقتاۋجاڭا جىل وتكىزۋ“ قيمىلىن وتكىزدى. قيمىلدا تارتىمدى ءبي نومىرلەرىنەن تىس، تاعى «ايداعار سامعاپ، بارىس سەكىرىپ جاڭا جىلدى قارسى الدى» اتتى ۇلتتىق ايداعار ءبيى بيلەندى، قارامايلىق ءانشى حۋ ياڭنىڭ «قار - مۇزدى قارامايلى» اتتى ءانى قيمىلدىڭ مەرەيىن ونان ارى اسىردى.

  باۋشىحۋا قوجالىعى شينجياڭ مۇناي الابى ءوڭىرى سەرىكتەستىگىنىڭ ورىنباسار باس ديرەكتورى ان شينلي بىلاي دەپ تانىستىردى: قارامايلى باۋشىحۋا قىسقى وليمپيادا مادەنيەت الاڭىنىڭ يەلەگەن جەر اۋدانى 12 مىڭ 600 شارشى مەتر، وندا كەرلينيگ ويىنىن باستان كەشىرىپ سەزىنۋ اۋماعى، وليمپيادا سپورتى بىلىمدەرى كورمە اۋماعى، قالا مادەنيەت، كوركەمونەر كورمە اۋماعى قاتارلىلار بار. ”قىسقى وليمپيادا مادەنيەت الاڭى قارامايلى قالاسىنىڭ قار - مۇز سپورتى بىلىمدەرىن ۇگىتتەپ، قار - مۇز جارىسى قيمىلدارىن كورسەتەتىن، قار - مۇز سپورتىنىڭ وڭ ەنەرگياسىن تاراتاتىن نەگىزگى شەپكە اينالدى. قار - مۇز سپورتىمەن اينالىسۋدىڭ كۇشتى رايىن قالىپتاستىرۋ ارقىلى جالپى حالىقتىڭ ات سالىسۋ ىنتاسىن قاۋلاتىپ، قار - مۇز سپورتىن ادامداردىڭ تۇرمىس تاسىلىنە اينالدىرۋدى ءۇمىت ەتەمىن“، - دەدى ان شينلي.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار