ۋاكىل قايسار ابدۇكەرىم:
”بۇقارانىڭ ءۇمىت - تىلەگى مەنىڭ جاۋاپكەرشىلىگىم“
□ انار بۇلت / شينجياڭ گازەتىنىڭ ءتىلشىسى لياڭ ليحۋا
2022.02.23 16:49 كەلۋ قاينارى : شينجياڭ گازەتى
”حالىق قۇرىلتايى ۋاكىلى بۇقارادان سايلانادى، ولار حالىقتىڭ جارشىسى“، - دەدى 2 - ايدىڭ 21 - كۇنى مەملەكەتتىك حالىق قۇرىلتايىنىڭ ۋاكىلى، شينجياڭ مەديتسينا داشۋەسى پارتكومىنىڭ ورىنباسار شۋجيى، مەكتەپ باستىعى قايسار ابدۇكەرىم.
”بۇقارانىڭ ۇنىنە ءاردايىم قۇلاق اسقاندا عانا، ولاردىڭ حال - جايىن بىلۋگە بولادى، بۇل ۋاكىلدەردىڭ بۇقارامەن ەتەنە بايلانىس جاساۋىنداعى نەگىزگى تالاپ“. قايسار ابدۇكەرىم كوپ رەت وقۋشىلارمەن اڭگىمە ءماجىلىس وتكىزىپ، وقۋشىلاردىڭ وقىتۋ ساپاسى، تۇرمىس شارت - جاعدايى سياقتى جاقتارداعى پىكىر، ۇسىنىستارىن تىڭدادى ءارى قاتىستى باسقارما، كەڭسەلەرمەن بىرگە سول جەردىڭ وزىندە وقۋشىلاردىڭ كۇدىك - كۇمانىنا جاۋاپ بەرىپ، وقۋشىلاردىڭ ۇيرەنۋ، تۇرمىس جاعىنداعى قيىنشىلىقتارىن دەر كەزىندە شەشىپ، ادام تاربيەلەۋ ورتاسىن ۇزدىكسىز ساپالىلاندىردى.
ناۋقاس كورسەتۋ، ەمدەلۋ − بۇقارانىڭ ەڭ كوڭىل ءبولىپ وتىرعان ماسەلەسى. ساپالى ەمدەۋ بايلىعىن نەگىزگى ساتىعا بەيىمدەۋ ءۇشىن، سوڭعى جىلدارى قايسار ابدۇكەرىم ”شينجياڭ مەديتسينا داشۋەسى وقىتۋ، پراكتيكا شيپاحاناسىنىڭ“ جەرگىلىكتى شيپاحانالارمەن بىرلەسۋىن بەلسەنە جەبەپ، تەحنيكالىق جەتەكتەۋ، دارىندى تاربيەلەۋ، ءپان قۇرىلىسى ارقىلى جەرگىلىكتى شيپاحانالاردىڭ دياگنوز قويۋ، ەمدەۋ دەڭگەيىن جوعارىلاتۋ، ەمدەۋ قىزمەتكەرلەرىنىڭ ماعلۇماتىن جوعارىلاتۋ، شيپاحانانىڭ مازمۇندىق دامۋىن جەبەۋ سياقتى جاقتاردا ماڭىزدى رول اتقارىپ، ناۋقاستاردىڭ اۋداننان شىقپاي - اق 3A دارەجەلى شيپاحانانىڭ ەمدەۋ قىزمەت وتەۋىنەن يگىلىكتەنۋىنە مۇمكىندىك جاساپ، ەمدەلۋ شىعىنىن ەڭ زور مولشەردە ۇنەمدەپ، ”سالماقتى ناۋقاستى اۋداننان شىقپاي ەمدەتۋ، دەنساۋلىعىن نەگىزگى ساتىدا قالپىنا كەلتىرۋ“ سىندى دارەجەگە ءبولىپ دياگنوز قويۋ، ەمدەۋدەي ەمدەلۋ جاڭا ارناسىن قالىپتاستىردى.
”بۇقارانىڭ ارمان - تىلەگى مەنىڭ موينىمداعى جاۋاپكەرشىلىك“، - دەدى قايسار ابدۇكەرىم.
تۇرارجاي سالاسىن ينفورماتسيالاندىرۋ قۇرىلىسىن ىلگەرىلەتىپ، سيفرلاندىرىپ دارەجەسىن جوعارىلاتۋ ارقىلى جۇمىس ءتارتىبىن قايتا جاساۋدى جانە جۇمىس ۇلگىسى وزگەرىسىن جەبەپ، بۇقارانىڭ جۇمىس بىتىرۋدە ”كوپ بولعاندا ءبىر رەت بارۋىنا“ نەمەسە ”بارماي - اق بىتىرۋىنە“ مۇمكىندىك جاساۋدى العا قويدى؛ تەرەزەدە ارناۋلى ”قارتتار جاسىل ارناسىن“ اشىپ، ”وتباسىنا بارىپ ءبىتىرۋ“، ”بارىپ ءبىتىرۋ“ سياقتى جاندى جادىراتار قىزمەت وتەۋلەردى قاراستىرىپ، تەلەفونمەن الدىن الا ۋادەلەسۋ بويىنشا قىزمەت وتەۋ ساپاسىن ۇزدىكسىز جوعارىلاتىپ، بۇقارانى قولايلى قىزمەت وتەۋمەن قامدادى... مىندەتىن اتقارۋ بارىسىندا قايسار ابدۇكەرىم بۇقارانىڭ ءجىتى قاداعالاپ وتىرعان ماسەلەلەرىنە بەلسەنە اڭىس قايتارىپ، مەديتسينالىق وقىتۋ ساپاسىن ۇزدىكسىز جوعارىلاتۋ، ەمدەۋ، دەنساۋلىق ساقتاۋ دەڭگەيىن جوعارىلاتۋ تۇرعىسىنان كوپتەگەن شىن مانىندە ورىندالارلىق ۇسىنىستاردى العا قويدى.
”ۇسىنىس ساپاسىنىڭ جوعارى بولۋ - بولماۋى بۇقارانىڭ ءتول مۇددەسىنە بايلانىسىپ جاتادى، باستان - اياق بۇقارانىڭ مۇددەسىن شىعار ءتۇيىن ەتىپ، بۇقارانىڭ اراسىنا بارىپ، بۇقارانىڭ ۇنىنە قۇلاق اسىپ، بۇقارانىڭ ءۇنىن دەر كەزىندە دۇرىس جەتكىزۋ كەرەك“، - دەدى قايسار ابدۇكەرىم.
تاياۋدا وقۋ - اعارتۋ مينيسترلىگى 2 - توپتاعى بۇكىل ەلدەگى جوعارى مەكتەپتەردىڭ حۋاڭ دانيان ۇلگىسىندەگى وقىتۋشىلار ۇجىمىن جاريالادى، شينجياڭ مەديتسينا داشۋەسىندەگى گۋان ياچۇن پروفەسسوردىڭ اتى ”نەگىزدىك مەديتسينا وقىتۋشىلار ۇجىمى“ قاتارىنان كورىندى.
”بۇل شينجياڭ مەديتسينا داشۋەسىنىڭ جوعارى ساپالى مازمۇندىق دامۋدى ىلگەرىلەتۋىنىڭ جەتىستىگى“، - دەدى قايسار ابدۇكەرىم.
مىندەت اتقارعان كەزىندە قايسار ابدۇكەرىم شينجياڭ مەديتسينا داشۋەسىنىڭ جوعارى ساپالى مازمۇندىق دامۋىن ىلگەرىلەتۋ، جىبەك جولى ەكونوميكالىق بەلدەۋى وزەكتى رايون قۇرىلىسىمەن بەلسەنە توعىسۋ ءۇشىن قۇلشىنىپ كەلدى.
شينجياڭ مەديتسينا داشۋەسى ”قوس ون مىڭ جوسپارى“، وقىتۋ جەتىستىكتەرى سيلىعىنا باۋلۋ جانە ونى ءوتىنىش ەتۋ، ەرەن شيپاگەرلەردى تاربيەلەۋ، باۋلۋ، كاسىپتىك كۋالاندىرۋ سياقتىلاردى تۇتقا ەتىپ، وقۋ - وقىتۋ رەفورماسىن، دارىندىلاردى باۋلۋ ۇلگىسى رەفورماسىن، كاسىپتىك قۇرىلىس، سونداي - اق ساباق جۇيەسى رەفورماسىن ۇزدىكسىز تەرەڭدەتىپ، جان - جاقتىلى، كوپ ساتىلى، تۇتاس رايوننىڭ ەمدەۋ، دەنساۋلىق ساقتاۋ ىستەرىنىڭ دامۋىنا قىزمەت وتەۋ جاڭا ارناسىن قالىپتاستىردى.
بيىلعى مەملەكەتتىك ەكى ماجىلىستە قايسار ابدۇكەرىم شينجياڭ مەديتسينا داشۋەسىنە قاراستى 1 - شيپاحانانى جىبەك جولى ەكونوميكالىق بەلدەۋى وزەكتى رايونىنىڭ ەمدەۋ ورتالىعى ەتىپ قۇرۋدى قولداۋ ۇسىنىسىن تاپسىرماقشى، ول شينجياڭ مەديتسينا داشۋەسىنىڭ ابزال بايلىعى ارقىلى ”ءبىر بەلدەۋ، ءبىر جول“ قۇرىلىسىنا، ءتىپتى، جاقسى قىزمەت وتەپ، مەملەكەتتىڭ باتىسقا ەسىك اشۋىنا ۇلەس قوسۋدى ءۇمىت ەتۋدە.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
