مۇساجان نۇردىن:
لاچين اعايدىڭ ەرلىك ىزگى ىستەرى مەنى اسەرلەندىردى
□ انار بۇلت / شينجياڭ گازەتىنىڭ ءتىلشىسى ءجازيرا نەسىپبەك
2022.02.23 16:51 كەلۋ قاينارى : شينجياڭ گازەتى
”اۆتونوميالى رايوندىق ءمورال ۇلگىسى بولىپ باعالانعاندىعىمدى توتەنشە داڭق سانايمىن“. 2 - ايدىڭ 20 - كۇنى قۇلجا اۋدانى يىڭتام قالاشىق پارتكومىنىڭ مۇشەسى، تومەنگى ون قىستاعى پارتيا ياچەيكاسىنىڭ شۋجيى مۇساجان نۇردىن: ”مەن لاچين اعايدىڭ ەرلىك ىزگى ىستەرىن كوكەيىمدە ماڭگى ساقتاپ، ونىڭ قالتقىسىز ۇلەس قوسۋ رۋحىن ساۋلەلەندىرە بەرەمىن“، - دەدى.
2021 - جىلى 1 - ايدىڭ 4 - كۇنى قاشقار داشۋەسىندە باۋلۋعا قاتىناسىپ جاتقان مۇساجان مەن تاشقورعان تاجىك اۆتونوميالى اۋدانىنان كەلگەن لاچين بايەكە مەكتەپ اۋلاسىنداعى جاساندى كولدىڭ جانىنان ءوتىپ بارا جاتىپ بىرەۋدىڭ قۇتقارىڭدار دەگەن داۋىسىن ەستيدى.
”لاچين اعاي ادامدى قۇتقارماقشى بولىپ جالما - جان مۇز بەتىنە قاراي تۋرا جۇگىردى، مەن دە ونىڭ سوڭىنان ىلەستىم“، - دەدى سول كەزدەگى وقيعانى ەسىنە العان مۇساجان، - لاچين بالانى قۇتقارماقشى بولعاندا ويلاماعان جەردەن مۇز جارىلىپ، ەكەۋى مۇزداي سۋىق كول سۋىنا ءتۇسىپ كەتتى“.
لاچين اعايدىڭ كولگە ءتۇسىپ كەتكەنىن كورىپ ساسقالاقتاعانىمنان مۇزعا ەكپەتتەپ ولارعا قاراي جىلجىدىم“. مۇساجان بىلاي دەدى: ”لاچين اعاي بار كۇشىن سالىپ، بالانى قولىمەن جوعارى كوتەردى دە ماعان تىگىلە قاراپ بار داۋىسىمەن: ’بالانى قۇتقار، الدىمەن بالانى قۇتقار‘ دەپ ايعاي سالدى. سول كەزدە ونىڭ سۋىقتان قالتىراپ، ەرىندەرىنىڭ كوگەرىپ كەتكەندىگىن بايقادىم“.
”مەن ۇستىمدەگى كيىمدەرىم مەن ءشارپىمدى جالعاپ، سۋ ىشىندە جانتالاسىپ جۇرگەن لاچين اعاي مەن بالانى تارتىپ شىعارماقشى بولدىم، الايدا ابايسىزدا ءوزىم دە كولگە ءتۇسىپ كەتتىم“، - دەدى مۇساجان ەسكە الىپ.
وسىدان سوڭ باسقا قۇتقارۋشىلاردىڭ كومەگىندە مۇساجان مەن بالا ءساتتى قۇتقارىلادى. ”الايدا لاچين اعاي جاعاعا شىعا المادى، وسىنى ويلاعاندا كوكىرەگىم قارس ايىرىلادى“. مۇساجان: ”ونىڭ بالانى تىك كوتەرىپ تۇرعان بەينەسى كوز الدىمنان ءبىر ساتكە كەتەر ەمەس، لاچين اعاي مەنىڭ ونەگەم“، - دەدى.
لاچيننىڭ ەرلىك ىزگى ىستەرى مۇساجانعا تەرەڭ ىقپال جاساپ، ول قىزمەتتە تيتتەي دە بويكۇيەزدىككە سالىنبايتىن بولدى.
”كوكىرەك كەرە العا شىعاتىن ىسكە تاعى كەز بولاتىن بولسام، مەن، ءسوز جوق، الدىڭعى جولى ادام قۇتقارعانداعىداي ەرلىك كورسەتەمىن. ادەتتە مەن ءدال وسىنداي ءوزىن قالتقىسىز ارنايتىن رۋحپەن قىزمەتكە بەل شەشىپ كىرىسىپ، قىستاق تۇرعىندارى ءۇشىن ىجداعاتتىلىقپەن جاقسى ءىس، ناقتى ءىس ىستەيمىن“، - دەدى مۇساجان.
مۇساجان 2012 - جىلدان باستاپ تومەنگى ون قىستاعىنىڭ پارتيا ياچەيكا شۋجيى مىندەتىن اتقارىپ كەلەدى، ونىڭ جانە قىستاق كادرلارىنىڭ بىرگە قۇلشىنۋىندا تومەنگى ون قىستاعىنا اسفالت جول جەتكىزىلىپ، كەشتە جول شىراقتارى سامالاداي جارقىرادى، الەۋمەتتىك اۆتوبۋز قىستاققا كەلدى؛ ول قىستاق تۇرعىندارىن باعىمشىلىق تەحنيكاسىنا باۋلۋ تەبىنىن كۇشەيتىپ، تومەنگى ون قىستاعىن الىس - جاقىنعا اتى ايگىلى باعىمشىلىق ءىرى قىستاعىنا اينالدىردى، قىستاقتا وندىرىلگەن جاسىل اۋىل شارۋاشىلىق قوسىمشا ونىمدەرى تۇتىنۋشىلاردىڭ قارسى الۋىنا بولەنىپ، قىستاق تۇرعىندارىنىڭ كىرىسىن ارتتىراتىن ماڭىزدى ارناعا اينالدى... 2021 - جىلى تومەنگى ون قىستاعىنىڭ جان باسىندىق ورتاشا تازا كىرىسى 18 مىڭ يۋانعا جەتتى.
”كوكتەم كەلىسىمەن ءبىز 4800 مۋلىق جوعارى ولشەمدى ەگىنجايدى قولعا الىپ، جەردى اۋىل شارۋاشىلىعىن دامىتۋعا ءتىپتى دە قابىلەتتى ادامعا اينالىمعا بەرۋدى جوسپارلاپ وتىرمىز. وسىلايشا قىستاقتىڭ اۋىل شارۋاشىلىعىن جوعارى ساپالى دامىتىپ قانا قويماي، قىرۋار قىستاق تۇرعىندارىن اتىز باسىنان ازات ەتىپ، جۇمىس ىستەتۋ ارقىلى كىرىستەرىن ارتتىرامىز“، - دەدى مۇساجان جاڭا جىلداعى كىرىستى ارتتىرۋ ەسەبىن ىجداعاتپەن ەسەپتەپ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
