ءمۇتالىپ توقسۇن:
وزگە ءۇشىن ءوزىن قۇربان ەتىپ، ساقشى رۋحىن سومدادى
□ انار بۇلت / شينجياڭ گازەتىنىڭ ءتىلشىسى حان چينيان
2022.02.23 16:52 كەلۋ قاينارى : شينجياڭ گازەتى
2 - ايدىڭ 19 - كۇنى قاعىلىق اۋدانى كوكيار اۋىلى مومۇق قىستاعىنىڭ قىستاق تۇرعىندار كوميتەتى اۋلاسىندا ورلەم ماحمۇت قىستاق تۇرعىندارىنا جۇبايى ءمۇتالىپ توقسۇننىڭ ەرلىگىن، سونداي - اق پارتيا مەن ۇكىمەتتىڭ وتباسىنداعىلارعا جاساعان قامقورلىعىن بايانداپ بەردى.
”جۇبايىم قۇربان بولدى، پارتيا مەن مەملەكەت، قوعامنىڭ ءار سالاسى ونى ۇمىتقان جوق، وعان قىرۋار ماراپات - داڭق بەردى“، - دەدى ورلەم، - ”تۇرمىستا قيىنشىلىققا تاپ بولعاندا پارتيا مەن ۇكىمەت بۇرىنعىداي بىزگە كوڭىل ءبولىپ كەلەدى“.
2019 - جىلى 7 - ايدىڭ 14 - كۇنى ساعات 21دەن 40 مينۋت مولشەرىندە قاعىلىق اۋداندىق قوعام حاۋىپسىزدىگى مەكەمەسىنىڭ جاردەمشى ساقشىسى ءمۇتالىپ توقسۇن سۋعا ءتۇسىپ كەتكەن بۇقارانى ەرلىكپەن قۇتقارۋ جولىندا نەبارى 27 جاسىندا قۇربان بولدى.
”ءمۇتالىپ باسىنا تونگەن قاتەرگە قاراماستان، سۋعا ءتۇسىپ كەتكەن بۇقارانى قۇتقارۋ ءۇشىن ەرلىكپەن اتوي سالدى“. ءمۇتالىپتىڭ ەكپىندى سۋ اعىسىندا بۇقارانى قۇتقارعان ەرلىگىن تىلگە تيەك ەتكەندە، ءمۇتالىپ توقسۇننىڭ قىزمەتتەسى، قاعىلىق اۋدانى جۇڭچىڭ رايونى قىزىلتۋ الەۋمەتتىك اۋماعىنىڭ حالىق ساقشىسى مۇرادىل ميجيتتىڭ كوزىنە جاس ىركىلدى.
”بىرەۋ سۋعا ءتۇسىپ كەتتى“. 2019 - جىلى 7 - ايدىڭ 14 - كۇنى كەشتە قاعىلىق اۋداندىق قوعام حاۋىپسىزدىگى مەكەمەسىنىڭ حالىق ساقشىلارى شارلاۋ جاساپ جۇرگەندە بۇقارادان كەلگەن كومەك سۇراۋ شاقىرۋىن تاپسىرىپ الادى. توعاننىڭ تومەنگى اعارىن شارلاپ جۇرگەن ءمۇتالىپ حاباردى ەستي سالىسىمەن جوعارعى اعارعا قاراي تۇرا جۇگىرەدى.
توعان سۋىنىڭ 2 ادامدى تومەنگى اعارعا قاراي اعىزىپ بارا جاتقاندىعىن كورگەن قىسىلتاياڭ ساتتە مۇتالىپكە ءبىر وي ورالا كەتەدى، ول جانىنداعى قۇرامالى ساقشى تاياعىنىڭ ءبىر ۇشىن سۋعا اعىپ بارا جاتقان ادامعا ۇستاتا قويادى. سۋعا ءتۇسىپ كەتكەن ادام تاياقتىڭ ءبىر ۇشىن ۇستاي الادى، الايدا توعان جاعالاۋى وتە تىك، سۋ اعىنى قاتتى، توعان جاعالاۋىندا قولعا ىلىنەرلىك ەشتەڭە بولماعاندىقتان ءمۇتالىپ تە توعان سۋىنا ءتۇسىپ كەتەدى.
ءمۇتالىپ اعىنى قاتتى سۋ ىشىندە بىردە تۇرىپ، بىردە جىعىلعانىمەن باستان - اياق سۋعا ءتۇسىپ كەتۋشىنى مىقتاپ ۇستايدى ءارى توعان بويىنان قولعا ىلىنەرلىك بىردەڭە ىزدەيدى. ۇزدىكسىز بىرنەشە رەت سىناپ كورگەن ول توعان جاعاسىنداعى شىعىڭقى تۇرعان تاستان ۇستاپ، سۋعا اعۋشىنى قۇشاقتاي الادى.
حاباردى ەستي سالا جەتكەن جاقىن ماڭداعى تۇرعىندار توعان جاعاسىنا ارقان تاستاپ، ولاردى جاعاعا تارتىپ شىعارادى.ءمۇتالىپ بۋىرقانىپ اققان سۋ ىشىندە بار كۇشىمەن بۇلقىنىپ، سۋعا اعۋشىنى توعان جاعاسىنا يتەرىپ شىعارادى دا ءوزى ابدەن قالجىراعاندىقتان ەسىنەن تانىپ قالادى.
ءمۇتالىپ جاعاعا شىعارىلىپ، شۇعىل قۇتقارىلعانىمەن، ءونىمى بولماي قىرشىنىنان قيىلادى.
”ءمۇتالىپ ءوزىنىڭ عۇمىرى ارقىلى ماعان ءومىر سيلادى“، - دەدى ءمۇتالىپ قۇتقارىپ جاعاعا شىعارعان قاعىلىق اۋدانى تەتىر اۋىلى تەتىر قىستاعىنىڭ تۇرعىنى ءادىل ابلا تەبىرەنىپ.
قىزمەتكە قاتىناسقاننان بەرى ءمۇتالىپ شوگەل ءارى ءتوزىمدى بولىپ، باستان - اياق قايىسپاس تاباندىلىعىمەن ساقاداي ساي تۇردى؛ ول پارتياعا كىرۋ ءوتىنىشىن جازىپ، بەلسەندى تۇردە پارتيا ۇيىمىنا جاقىنداعان ەدى.
ءمۇتالىپ توقسۇن قۇربان بولعاننان كەيىن جۇڭگو كوممۋنيستىك پارتياسى قاعىلىق اۋداندىق كوميتەتى ونى جۇڭگو كوممۋنيستىك پارتياسىنىڭ مۇشەسى دەپ تانىدى. 2021 - جىلى 2 - ايدا ءمۇتالىپ توقسۇنعا اۆتونوميالى رايوندىق حالىق ۇكىمەتى جاعىنان قۇربان اتاعى بەرىلدى، 2021 - جىلى 8 - ايدا ورتالىق وركەنيەت كەڭسەسى جاعىنان ”ادىلەت جولىندا ايانباعان ىزگى جان“ بولىپ باعالاندى، بيىل جانە 7 - كەزەكتى اۆتونوميالى رايوندىق ءمورال ۇلگىسى بولىپ باعالاندى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
