اۋىل شارۋاشىلىعى جانە اۋىل – قىستاق مينيسترلىگى: «التىن جەۋ ادەتىن» تەجەپ، ازىق – تۇلىكتىك اۋىل شارۋاشىلىعى ونىمدەرىنە زاڭعا قايشى تۇردە التىن، كۇمىس ۇنتاعىن قوسۋعا قاتىستى ماسەلەلەردى جاپپاي تەكسەرەدى
شارۋالار گازەتى، جۇڭگو شارۋالار تورابىنىڭ ءتىلشىسى ديڭ يۋەكۇن
2022.02.24 14:48 كەلۋ قاينارى : حالىق تورابى
شارۋالار گازەتى، جۇڭگو شارۋالار تورابىنىڭ ءتىلشىسى ديڭ يۋەكۇن حابارلايدى. جۋىردا جاريالانعان حاباردا التىن ۇنتاقتى چوكلات، التىن ۇنتاقتى بالكۇلشە قاتارلىلاردىڭ بازاردا كەڭىنەن تارالعانى جونىندە، اتاپ ايتقاندا، ازىق – تۇلىك حاۋىپسىزدىگىنە قاتىستى ماسەلە ساقتالىپ وتىرعانى، قوعامدىق سالتقا دا ىقپال ەتكەنى ايتىلعان. وسى ماسەلە جونىندە، جۋىردا اۋىل شارۋاشىلىعى جانە اۋىل – قىستاق مينيسترلىگى «ازىق – تۇلىكتىك اۋىل شارۋاشىلىعى ونىمدەرىنە زاڭعا قايشى تۇردە التىن، كۇمىس ۇنتاعىن قوسۋعا قاتىستى ماسەلەلەردى جاپپاي تەكسەرۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەپ اتالادى) جاريالاپ، جەر – جەردەگى اۋىل شارۋاشىلىعى جانە اۋىل – قىستاق تاراۋلارىنان بۇل ىسكە ايرىقشا ءمان بەرىپ، ءبىر ماسەلە ارقىلى باسقا ماسەلەلەردى تاۋىپ، بەلسەندى دە ىرىقتى تۇردە شارا قولدانىپ، ازىق – تۇلىكتىك اۋىل شارۋاشىلىعى ونىمدەرىنەن وسى تەكتەس ماسەلەنىڭ بايقالۋىنىڭ الدىن الۋدى تالاپ ەتتى.
«ۇقتىرۋدا» مىنالار اتاپ كورسەتىلگەن: جەر – جەر ازىق – تۇلىكتىك اۋىل شارۋاشىلىعى ونىمدەرىنە قاتىستى ەگىمشىلىك، باعىمشىلىق، باستاپقى مانەرلەۋ جانە جيناپ ساقتاۋ، تاسىمالداۋ قاتارلى «الدىڭعى ءۇش» باسقىشقا باعىتتاي وتىرىپ، ءبىر ايلىق ۋاقىتپەن شوعىرلى اداقتاۋ ارەكەتىن ورىستەتىپ، ازىقتىق ماي، شاي، جەمىس – جيدەك، كوكونىس قاتارلى ءتۇيىندى اۋىل شارۋاشىلىعى ونىمدەرى مەن ءوندىرىس ورنىنداعى العاشقى مانەرلەۋ ورنى قاتارلى ءتۇيىندى ورىنداردى توڭىرەكتەي وتىرىپ، التىن، كۇمىس ۇنتاعىن قوسۋ جاعدايىنىڭ بار – جوقتىعىنا جاپپاي تەكسەرۋ جۇرگىزۋى، بارلىعىن قامتۋعا كەپىلدىك ەتۋى كەرەك.
اۋىل شارۋاشىلىعى جانە اۋىل – قىستاق مينيسترلىگى ساپالىق حاۋىپسىزدىكتى باقىلاۋ مەڭگەرمەسىنىڭ قاتىستى جاۋاپتىسىنىڭ ايتۋىنشا، جەر – جەر وسى رەتكى اداقتاۋدى نەگىز ەتىپ، زاڭعا قايشى تۇردە التىن، كۇمىس ۇنتاعىن قوسۋدى اۋىل شارۋاشىلىعى ونىمدەرىنىڭ ساپالىق حاۋىپسىزدىگىنە كۇندەلىكتى باقىلاۋ – باسقارۋ جۇرگىزۋ جاۋاپكەرشىلىك تىزىمدىگىنە قوسىپ، كۇندەلىكتى شارلاپ تەكسەرۋدى كۇشەيتۋى كەرەك. اۋىل شارۋاشىلىعى تەحنيكالارىن جالپىلاستىرۋعا جاۋاپتى تاراۋلاردىڭ، قاتىستى سالالىق بىرلەستىكتەردىڭ جانە شارۋالاردىڭ كاسىپتىك سەلبەستىك كوپەراتيۆتەرىنىڭ رولىن تولىق ساۋلەلەندىرىپ، اۋىل شارۋاشىلىعى ونىمدەرىن وندىرەتىن جانە تيجارات ەتەتىن تۇلعالاردىڭ وزىندىك ءتارتىپتى كۇشەيتۋىنە جەتەكشىلىك ەتۋ كەرەك.
ۇعىسۋعا قاراعاندا، التىن، كۇمىس ۇنتاعى — ازىقتىق ماتەريالىنا جاتپايدى، ازىق – تۇلىك قوسپاسىنا دا جاتپايدى، التىن، كۇمىس ۇنتاعىن تۇتىنۋدىڭ ەشقانداي رولى بولماۋمەن قويماي، ادام دەنساۋلىعىنا زيان جەتكىزۋى مۇمكىن. «ۇقتىرۋدا» اڭىستى باقىلاۋدى كۇشەيتىپ، اڭىس ەتۋ، اشكەرەلەۋ ارنالارىن ىركىلىسسىزدەندىرىپ، قاتىستى تاراۋلارمەن سايكەسە وتىرىپ، التىن، كۇمىس ۇنتاعى قوسىلعان دەگەن جەلەۋمەن ازىق – تۇلىكتىك اۋىل شارۋاشىلىعى ونىمدەرىن دابىرالاپ ۇگىتتەۋ ارەكەتىنە قاتاڭ سوققى بەرىپ، «التىن جەۋ ادەتىن» باتىل تيۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
