كوڭىل بولىڭدەر! كاسىپورىندار قورشاعان ورتا ينفورماتسيالارىن زاڭ بويىنشا دەر كەزىندە جاريالاۋى كەرەك
2022.02.24 14:52 كەلۋ قاينارى : حالىق تورابى
شينحۋا اگەنتتىگىنىڭ 2 ـ ايدىڭ 23 ـ كۇنى بەيجيڭنەن بەرگەن حابارى. ءتىلشىنىڭ 2 ـ ايدىڭ 23 ـ كۇنى ەكولوگيالىق ورتا مينيسترلىگىنەن ۇعىسۋىنشا، «كاسىپورىنداردىڭ قورشاعان ورتا ينفورماتسياسىن زاڭ بويىنشا جاريالاۋدى باسقارۋ ءادىسى» تاياۋدا رەسمي اتقارىلدى، كاسىپورىندار ءار جىلى 3 ـ ايدىڭ 15 ـ كۇنىنەن بۇرىن وتكەن جىلعى 1 ـ ايدىڭ 1 ـ كۇنىنەن 12 ـ ايدىڭ 31 ـ كۇنىنە دەيىنگى قورشاعان ورتا ينفورماتسيالارىن جاريالاۋى كەرەك.
ج ك پ ەكولوگيالىق ورتا مينيسترلىگى قورشاعان ورتانى جوبالاۋ مەكەمەسىنىڭ ورىنباسار باستىعى يان گاڭ سول كۇنى وتكىزىلگەن اقپار جاريالاۋ ماجىلىسىندە بىلاي دەدى: قورشاعان ورتا ينفورماتسياسىن جاريا ەتۋدى زاڭ بويىنشا ورىستەتۋ − كاسىپورىننىڭ قوعامدىق جاۋاپكەرشىلىگى، ينفورماتسيانىڭ سايكەسپەۋىنەن بازاردىڭ جانسىزدانۋى مەن قوعامنىڭ باقىلاۋى كەمشىل بولۋدى جويۋدىڭ ماڭىزدى نەگىزى، سونداي ـ اق حالىقارادا كاسىپورىنداردىڭ قورشاعان ورتا جاۋاپكەرشىلىگىن تياناقتاندىرۋدىڭ جالپىلىق ءادىسى.
ەكولوگيالىق ورتا مينيسترلىگى 2021 ـ جىلى «قورشاعان ورتا ينفورماتسياسىن زاڭ بويىنشا جاريالاۋ ءتۇزىم رەفورما جوباسىن» باسىپ تاراتتى ءارى «كاسىپورىنداردىڭ قورشاعان ورتا ينفورماتسياسىن زاڭ بويىنشا جاريالاۋدى باسقارۋ ءادىسى» سياقتى سايكەستى قۇجاتتاردى باسىپ تاراتتى.
يان گاڭ بىلاي دەپ تانىستىردى: باسقارۋ ءادىسى نازاردى ءتۇيىندى كاسىپورىندار مەن ماڭىزدى قورشاعان ورتا ينفورماتسيالارىنا شوعىرلاندىرىپ، دالمە ـ ءدال بولۋعا كۇش سالدى. لاس زاتتاردى شىعارۋ مولشەرى زور، ورتا حاۋىپ - قاتەرى جوعارى، ۋلى، زياندى زاتتاردى شىعاراتىن، قوعامنىڭ نازار اۋدارۋ دارەجەسى جوعارى، ازاماتتاردىڭ مۇددەسىمەن تىعىز قاتىستى كاسىپورىنداردى ورتا ينفورماتسياسىن جاريالايتىن نەگىزگى تۇلعا ەتىپ بەلگىلەپ، كاسىپورىنداردىڭ ەكولوگيالىق ورتا جونىندەگى زاڭ - ەرەجەلەر مەن ورتانى جونگە سالۋ احۋالىن جان - جاقتى اڭىس ەتۋ كەرەك. كاسىپورىنداردىڭ ورتا ارەكەتى قوعامعا، بۇقاراعا جانە قارجى قوسۋشىلارعا اۋىر ىقپال جاساۋى نەمەسە بازار حاۋىپ - قاتەرىن تۋدىرۋى مۇمكىن بولعان كەزدە، قاتىستى ماڭىزدى ورتا ينفورماتسيالارىن دەر كەزىندە جاريالاپ، بۇقارانىڭ جاعدايدان حاباردار بولۋ ۇقىعىن ونان ارى قامتاماسىزداندىرىپ، ورتا حاۋىپ - قاتەرى مەن بازار حاۋىپ - قاتەرىنەن ساقتانۋ تالاپ ەتىلدى.
«ينفورماتسيا جاريالاۋدىڭ ەڭ سوڭعى ماقساتى ينفورماتسيادان پايدالانۋدى جەبەپ، ورتانى باسقارۋعا ءتىپتى دە جاقسى قىزمەت وتەۋ» دەدى ول، قورشاعان ورتا ينفورماتسياسىن جاريالاۋ رەفورماسىندا 10 نەشە قاتىستى تاراۋدىڭ باسقارۋ مىندەتى ايقىندالىپ، ينفورماتسيادان بىرگە يگىلىكتەنۋ مەحانيزمى ورناتىلىپ، باسقارۋدىڭ بىرىككەن كۇشى قالىپتاستى. سونىمەن بىرگە، ينفورماتسيالاندىرۋ تاسىلىنەن پايدالانىپ، كاسىپورىنداردىڭ ورتا ينفورماتسياسىن زاڭ بويىنشا جاريالاۋ جۇيەسىن ورناتىپ جانە كەمەلدەندىرىپ، كاسىپورىنداردىڭ جاريالايتىن مازمۇنىن جاريالاپ، كاسىپورىنداردىڭ اۋىرتپالىعىن جەڭىلدەتۋمەن بىرگە، قوعامداعى بۇقارانىڭ ينفورماتسيا الۋىنا قولايلىلىق جاراتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
