شينجياڭنىڭ قار شاڭعى الاڭدارىندا ساياحاتشىلار قاۋىرت مولايدى
2022.02.24 15:23 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ياۋ گاڭ 2 - ايدىڭ 22 - كۇنى ۇرىمجىدەن حابارلايدى. ”ءبىز 2 - ايدىڭ 26 - كۇنى التايعا توتە ۇشاتىن 2 ۇشاقتى جالعا الۋدى ۇيىمداستىردىق، تىزىمدەلگەن ادام سانى 200گە تايادى“. 2 - ايدىڭ 22 - كۇنى گۋاڭدۇڭ شۋەليان دەنە تاربيە شەكتى سەرىكتەستىگىنىڭ قۇرۋشىسى چىن جيان - ان ۇشاق جالداپ شاڭعى تەبۋگە بارۋدىڭ دايىندىعىن ىستەۋدە.
شيەچىڭداعى ەسىك بەلەتى تۋرالى ساندى مالىمەتتە كورسەتىلۋىنشە، 2021 - جىلى 12 - ايدان قازىرگە دەيىن، شينجياڭ وڭىرىندەگى قار شاڭعى الاڭىنا بارعان ساياحاتشىلار سانى سايكەس مەزگىلدەگىدەن ％121 ارتقان، تاپسىرىس بەرۋ مولشەرى الدىڭعى 5 ورىندى يەلەگەن قار شاڭعى الاڭدارى جەكە - جەكە مىنالار: شينجياڭ جىبەك جولى حالىقارالىق دەمالىس اۋماعى، باييۇن حالىقارالىق قار شاڭعى الاڭى دەمالىس ورنى، ءۇرىمجى ۋيسىتى قار شاڭعى الاڭى، قۇلجا قالاسى كۋايلىشيڭ قار شاڭعى الاڭى، حوتان كۇنلۇنشان چيشيڭشۋە قار شاڭعى الاڭى. شينجياڭدا شاڭعى تەبەتىن ادامدار شوعىرىندا جەرگىلىكتى ساياحاتشىلار ％60تى ۇستادى، بالا - شاعاسىن ەرتكەن ساياحاتشىلاردىڭ سانى بىلتىرعى سايكەس مەزگىلدەگىمەن سالىستىرعاندا ％50كە تاياۋ ارتقان.
”بيىلعى قارلى ماۋسىمدا ءبىزدىڭ قار شاڭعى الاڭىمىزعا كەلگەن شينجياڭنىڭ سىرتىنداعى ساياحاتشىلار سايكەس مەزگىلمەن سالىستىرعاندا ％50 ارتقان، ولار نەگىزىنەن گۋاڭدۇڭ، حۋبەي، چۇڭچيڭ، سىچۋان قاتارلى جەرلەردەن كەلگەن“. شينجياڭ جىبەك جولى حالىقارالىق دەمالىس ورنىنىڭ ماركا تانىستىرۋ، جالپىلاستىرۋ ءبولىمىنىڭ ديرەكتورى جاي تيڭفي بىلاي دەدى: سىرت جەرلەردەن كەلگەن ساياحاتشىلار ءبىرلى - جارىمدى ساياحاتشىلاردى نەگىز ەتتى، ”كەيبىرەۋى قار شاڭعى الاڭىمىزدا جارتى اي ۋاقىت بولدى، كەيبىرەۋى بىرنەشە كۇن شاڭعى تەپكەننەن كەيىن، التاي سياقتى جەرلەردەگى قار شاڭعى الاڭدارىن كورىپ قايتۋعا كەتتى“.
ساياحاتشىلاردىڭ قاجەتىنە ساي، ينتەرنەت جەلىسىندەگى ساياحات تەكشەلەرى قار شاڭعى تەبۋدەگى كوزەۋلى ورىنداردى تانىستىرۋ تەبىنىن كۇشەيتتى. مافىڭۋو قار شاڭعى الەۋمەتتىك اۋماعى بىرلەسپە تەكشەسى GOSKI شاڭعى تەبۋ تاكتيكاسىن جولعا قويىپ، بۇكىل ەلدە قار شاڭعى تەبۋدەگى تانىمال ورىنداردى تانىستىردى، مۇندا التايداعى گەنەرال تاۋى حالىقارالىق قار شاڭعى دەمالىس ورنى مەن شينجياڭ جىبەك جولى حالىقارالىق دەمالىس ورنى دا قامتىلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
