ۋحان جۇقپالى اۋرۋدىڭ الدىن الۋ جانە تىزگىندەۋ ورتالىعى تاعى دا ەسكەرتۋ جاريالادى: قاجەتتى بولماسا ۋحاننان كەتپەڭىز
2022.02.25 09:08 كەلۋ قاينارى : حالىق تورابى
جۇڭگو اقپارات تورابىنىڭ 2 - ايدىڭ 24 - كۇنى بەرگەن حابارى. «ۋحان جاريالايدى» اتتى الەۋمەتتىك ءۇنحات تەكشەسىنىڭ حابارىنا قاراعاندا، ۋحان قالاسىنىڭ وسى رەتكى ىندەت جاعدايى تۋىلعاننان بەرى، 2 - ايدىڭ 23 - كۇنى ساعات 12گە دەيىن ۋحان قالاسىندا تەكسەرۋ ناتيجەسى بولىمدى بولعان جۇعىمدالۋشىلاردان 23ىن مالىمدەدى. ەل ءىشى - سىرتىنداعى ىندەتتىڭ قازىرگى جاعدايىن كوزدە ۇستاي وتىرىپ، ۋحان جۇقپالى اۋرۋدىڭ الدىن الۋ جانە تىزگىندەۋ ورتالىعى تاعى دا ەسكەرتۋ جاريالادى:
قالىڭ قالا تۇرعىندارى قاجەتتى بولماسا ۋحاننان كەتپەۋگە تاباندى بولۋى، اسىرەسە، ورتا، جوعارى حاۋىپ - قاتەرى بار رايوندار مەن ىندەت بايقالعان رايوندارعا ساياحاتتاماۋى، ءىسساپارعا شىقپاۋى، تۋىسشىلاماۋى كەرەك. ساپارعا شىعۋ شىنىندا قاجەت بولسا، ساپار جوباسىن كۇنى بۇرىن جاقسى ىستەپ، جالپى بارىستا جەكە قورعانۋ قىزمەتىن جاقسى ىستەۋ كەرەك. ۇشاق كۇتۋ، پويەز كۇتۋ كەزىندە، اۋاسى الماساتىن جەرلەردە كۇتۋ، سىعىلىسقان، جابىق ورىنداردا ۇزاق ۋاقىت تۇرماۋ كەرەك. قارتتار، جۇكتى ايەلدەر جانە سوزىلمالى اۋرۋى بار ەرەكشە ادامدار شاما بار ساپارعا شىقپاۋى كەرەك.
سوڭعى 14 كۇننىڭ ىشىندە ورتا، جوعارى حاۋىپ - قاتەرى بار رايوندارعا بارعان، ورتا، جوعارى حاۋىپ - قاتەرى بار رايوندار تۇرعان قالالارداعى حاۋىپ - قاتەرى تومەن رايوندارعا، ىندەتكە شالدىققاندار بار ايماقتارعا بارىپ، ۋحانعا قايتىپ كەلگەندەر نەمەسە ىندەتكە شالدىققاندارىڭ جاريالانعان ءجۇرىس - تۇرىسىمەن بايلانىستى بولعاندار ٶزى تۇرعان الەۋمەتتىك اۋماق پەن قاراستى رايونداعى اۋرۋدى تىزگىندەۋ ورتالىعىنا قاتىستى جاعدايلاردى ىرىقتىلىقپەن مالىمدەپ، نۋكلەين قىشقىلىن تەكسەرتۋى ءارى قاتىستى ساقتانۋ - تىزگىندەۋ شارالارىن تياناقتاندىرۋعا سايكەسۋى كەرەك. مالىمدەمەي جاسىرۋ، جالعان مالىمدەۋ سالدارىنان اۋىر زارداپ تۋىلسا، جاۋاپكەرشىلىكتى زاڭ، بەلگىلەمە بويىنشا قاتاڭ قۋزاستىرۋ كەرەك.
بۇكىل قالاداعى قوناق ۇيلەر، قوناق سارايلارى، حالىقتىق تۇسەلحانا سياقتى جاتىن ورىنمەن قامدايتىن ورىندار، شيپاحانا، ساۋدا سارايى، كورىنىس رايونى، تاعامجاي، شاشتارازحانا سياقتى الەۋمەتتىك ورىندار قوناقتاعان جولاۋشىلار، دۇكەنگە كىرگەن قاريدارلار، ەمدەلۋشىلەر سياقتىلاردىڭ تەمپەراتۋراسىن ولشەۋ، دەنساۋلىق ءنومىرى مەن ساپار ءنومىرىن تەكسەرۋدى قاتاڭ تياناقتاندىرىپ، ەگەر دەنە تەمپەراتۋراسى قالىپسىز نەمەسە دەنساۋلىق ءنومىرى، ساپار ءنومىرى قالىپسىز نەمەسە ىندەتكە ساياتىن رايوندارعا بارىپ ۋحانعا قايتىپ كەلگەندەردى بايقاسا، ءوزى تۇرعان الەۋمەتتىك اۋماق پەن قاراستى رايوننىڭ ىندەتتى تىزگىندەۋ ورتالىعىنا دەر كەزىندە مالىمدەۋ ءارى قاتىستى باسقارۋ ـ مەڭگەرۋ شارالارىن تياناقتاندىرۋعا سايكەسۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
