دۇنيە جۇزىنە سەنىم، دوستىق جانە ءۇمىت جەتكىزەيىك
− بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ اياقتاعاندىعىن قىزۋ قۇتتىقتايمىز
2022.03.15 17:36 كەلۋ قاينارى : شينجياڭ گازەتى
بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ اياقتاۋ سالتى 3 - ايدىڭ 13 - كۇنى كەشتە مەملەكەتتىك دەنە تاربيە الاڭىندا سالتاناتپەن وتكىزىلدى. كوز جاۋىن العان ءتۇستى جارقىلداقتار مەن ويناقى مۋزيكا ىشىندە، بەيجيڭ مۇگەدەكتەر قىسقى وليمپيادا سپورت جارىسى تولىق تابىسپەن اياقتادى.
باس شۋجي شي جينپيڭ سالتاناتپەن: ”بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن جاقسى وتكىزۋ − جۇڭگونىڭ حالىقارالىق قوعامعا بەرگەن ايبىندى ۋادەسى“، - دەپ جاريالاعان بولاتىن. بۇكىل الەمدەگى تۇڭعىش ”قوس وليمپيادا قالاسى“ رەتىندە، بەيجيڭ دۇنيە ءجۇزىنىڭ جەر - جەرىنەن كەلگەن مۇگەدەكتەر وليمپيادا سپورتشىلارىنىڭ جارىس الاڭىندا قايسارلىقپەن ايقاسىپ، وزدەرىن جەڭىپ، دۇنيە جۇزىنە ءبىر كەزەك ۇنەمشىل، حاۋىپسىز، تارتىمدى مۇگەدەكتەر قىسقى وليمپيادا سالتاناتىن تارتۋ ەتكەندىگىنە كۋا بولدى. بەيجيڭ مۇگەدەكتەر قىسقى وليمپيادا سپورت جارىسىنىڭ تابىستى وتكىزىلۋى ”باتىلدىق، بەكىم، ىنتالىلىق، تەڭدىك“ سىندى مۇگەدەكتەر وليمپياداسى قۇن كوزقاراسىن اسقاقتاتىپ، ”رۋح − سپورتتان بيىك“ دەگەن مۇگەدەكتەر وليمپياداسى ۇستانىمى مەن ”تەڭدىك، قاتىناسۋ، بىرگە يگىلىكتەنۋ“ سىندى جۇڭگو مۇگەدەكتەر ءىسىن دامىتۋ ۇستانىمىن تاراتىپ، ”بولاشاققا بىرگە اتتانايىق“ دەگەن تاماشا سيمفونيانى شىعانداتتى. بۇل بەيجيڭ 2008 - جىلعى مۇگەدەكتەر وليمپيادا سپورت جارىسىنان كەيىن، جۇڭگو وتكىزگەن مۇگەدەكتەر دەنە تاربيەسىنىڭ تاعى ءبىر الەمدىك سالتاناتى، ءسوز جوق، دۇنيە جۇزىلىك مۇگەدەكتەر دەنە تاربيە ىستەرىنىڭ تاريح پاراعىنان ورىن الادى.
بۇل وزىنە سىن - سايىس جاريالاپ، بوگەتتەردى بۇزىپ وتكەن دەنە تاربيە سالتاناتتى جينالىسى. جارىس الاڭىندا ءاربىر مۇگەدەك وليمپيادا سپورتشىلارى تۇگەلدەي ادامدى سۇيىندىرگەن جەڭىمپاز، ولار ادام ويعا الۋعا دا باتپايتىن قيىنشىلىقتاردى جەڭىپ، ەرەكشە جاپا - ماشاقاتتاردى باستان كەشىرىپ، قايران قالارلىق بەينەمەن مۇگەدەكتەر وليمپيادا سپورتىنىڭ باسەكەلەسۋ كوركەمدىگىن، رۋحاني كوركەمدىگىن، ءومىر كوركەمدىگىن ايگىلەپ، ءوزىن تىنباي قۇدىرەتتەندىرۋدىڭ، ەرلىكپەن ەلدەن وزۋعا تالپىنۋدىڭ ءومىر اسقاق جىرىن جازدى. جۇڭگولىق مۇگەدەك وليمپيادا سپورتشىلارى بورىش مەنىڭ ارقامدا، كۇرەستە مەن بارمىن رۋحىن اسقاقتاتىپ، باتىلدىقپەن سايىسىپ، ەرلىكپەن باسىپ وزىپ، 18 التىن مەدال، 20 كۇمىس مەدال، 23 قولا مەدال الۋداي ۇزدىك ناتيجەگە قول جەتكىزىپ، جۇڭگو دەنە تاربيە ۋاكىلدەر ۇيىرمەسىنىڭ مۇگەدەكتەر قىسقى وليمپيادا سپورت جارىسىنا قاتىناسقانىنان بەرگى جاڭا رەكوردتى جاراتىپ، قالىڭ مۇگەدەكتەردى ءوزىن قۇرمەتتەۋگە، وزىنە سەنىمدى بولۋعا، ءوزىن قۇدىرەتتەندىرۋگە، ءوزىن الۋەتتەندىرۋگە شابىتتاندىرىپ جانە ىنتالاندىرىپ، بۇكىل ەل حالقىنا جاڭا جورىقتا ەكپىندەي ىلگەرىلەيتىن، جاڭا داۋىردە ەسە قوساتىن پارمەندى كۇش - قۋات سيلادى.
بۇل ىنتىماقتى جەبەگەن، دوستىقتى ارتتىرعان دەنە تاربيە سالتاناتى. جاڭا تيپتى ايدارشا ۆيرۋس وكپە قابىنۋ ىندەتى الا كەلگەن قيىنشىلىقتار مەن قولايسىزدىقتار الدىندا، جۇڭگو جاسىل، بىرگە يگىلىكتەنۋ، اشىق، پاك بولۋ سىندى وليمپيادا وتكىزۋ ۇستانىمىن امالياتتا ايگىلەپ، ىندەتتىڭ ىقپالىن بار كۇشپەن جەڭىپ، حالىقارالىق مۇگەدەكتەر وليمپيادا كوميتەتى سياقتى جاقتارمەن كۇش قوسا سەلبەسىپ، بەيجيڭ مۇگەدەكتەر قىسقى وليمپيادا سپورت جارىسىنىڭ قىزمەتتەرىن دەن قويا جاقسى ىستەدى. كەدەرگىسىز قۇرىلعىلاردى جوعارى ولشەممەن سالىپ، سپورتشىلار، بىرگە كەلگەن ءمانساپتىلار، سونداي - اق قىزمەتكەرلەر ءۇشىن ساپالى قىزمەت وتەۋ ازىرلەۋدەن جارىس ىستەرى قامتاماسىزدىعى، ەمدەۋ، قۇتقارۋ - كومەكتەسۋ، قاتىناس، ءجۇرىس - تۇرىس، قولايلى حاۋىپسىزدىك تەكسەرۋ سياقتىلاردى ەگجەي - تەگجەيلى، جوعارى ءونىمدى ۇيىمداستىرىپ، سپورتشىلاردىڭ جارىسقا قاتىناسۋىنا قولايلىلىق ازىرلەۋگە دەيىن؛ ونان 9000نان استام ەرىكتىنىڭ ىنتالى دا مۇقيات ەرىكتىلەر قىزمەت وتەۋىنە دەيىن، بارلىعىندا تەڭ، توعىسۋ، سيىسىمدى بولۋداي قاستەرلى رۋح ايگىلەندى. بەيجيڭ مۇگەدەكتەر قىسقى وليمپيادا سپورت جارىسى مۇگەدەكتەر وليمپيادا سپورتشىلارى ءۇشىن مۇگەدەكتەر وليمپيادا سپورتىنىڭ باۋرامدىلىعىن تولىق ايگىلەيتىن ساحنا قۇرىپ، ءار ەل حالىقتارىنىڭ بارىس - كەلىسىن، ءتۇسىنىسۋىن جانە دوستىعىن جەبەدى.
مۇگەدەكتەر الەمدەگى جالپى حالىق سانىنىڭ شامامەن ％15ىن ۇستايدى، ولار قۋانىش پەن جۇبانىشتى بىرگە وتكەرەتىن ادامزاتتىڭ تاعدىرلاس ورتاق تۇلعاسىنىڭ ماڭىزدى قۇرامداس ءبولىمى. مۇگەدەكتەر ىستەرى قاستەرلى ادامگەرشىلىك ءىس، دەنە تاربيە مۇگەدەكتەر ءۇشىن ءار الۋان تۇرمىسقا باراتىن قاقپا اشىپ، ولاردىڭ قوعامعا تەڭ تۇرعىدا ارالاسۋ جولىنا تۇسۋىنە كومەكتەستى. بەيجيڭ 2008 - جىلعى مۇگەدەكتەر وليمپيادا سپورت جارىسىنان بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنا دەيىن، اشىق جۇڭگو حالىقاراداعى بورىشىن بەلسەندىلىكپەن ارقالاپ، حالىقارالىق مۇگەدەكتەر دەنە تاربيە ىستەرىنە جان - جاقتى ات سالىسىپ، جۇڭگونىڭ مۇگەدەكتەر ىستەرىنىڭ دامۋىن پارمەندى جەبەپ، حالىقارالىق مۇگەدەكتەر دەنە تاربيە سپورتىنىڭ دامۋىنا كورنەكتى ۇلەستەر قوستى. بەيجيڭ مۇگەدەكتەر قىسقى وليمپيادا سپورت جارىسىنىڭ ءساتتى وتكىزىلۋى مۇگەدەكتەردىڭ وزىنە سەنىم مەن ومىرشەڭدىك كۇشكە تولى كەلبەتىن كورسەتىپ، ادامداردىڭ مۇگەدەكتەرگە بولعان ءتىپتى دە كوپ تۇسىنىگىن، قۇرمەتىن جانە قامقورلىعىن وياتتى، ول، ءسوز جوق، الەمدەگى ءبىر ميلليارد 200 ميلليون مۇگەدەككە نازار اۋدارۋ، باۋىرمال بولۋ جانە كەدەرگىسىز بولۋ دەڭگەيىن ونان ارى جوعارىلاتىپ، دۇنيە جۇزىنە سەنىم، دوستىق جانە ءۇمىت جەتكىزىپ، ادامزاتتىڭ تاعدىرلاس ورتاق تۇلعاسىن قۇرۋداي تاماشا ءۇمىت - تىلەكتى تولىق ايگىلەدى.
باس شۋجي شي جينپيڭ: ”مۇگەدەكتەر ەرەكشە قيىنشىلىعى بار شوعىر، ايرىقشا قامقورلىق جاساۋدى، ايرىقشا كوڭىل ءبولۋدى قاجەت ەتەدى“، - دەپ اتاپ كورسەتتى. پارتيا 18 - قۇرىلتايىنان بەرى جۇڭگو مۇگەدەكتەر ىستەرىن ”بەستى ءبىر تۇلعالاندىرۋ“ جالپى تۇلعالىق ورنالاستىرۋى مەن ”ءتورتتى جاپپاي ورىنداۋ“ ستراتەگيالىق ورنالاستىرۋىنا كىرگىزىپ، تىڭعىلىقتى، ءونىمدى شارالاردى جولعا قويىپ، مۇگەدەكتەر دەنە تاربيەسىنىڭ قارىشتاپ دامۋىن جەبەدى. مۇگەدەكتەر دەنە تاربيە سپورتىنىڭ دەڭگەيى ۇزدىكسىز جوعارىلاپ، مۇگەدەك سپورتشىلار ءوزىن تىنباي قۇدىرەتتەندىرىپ، قايسارلىقپەن ايقاسىپ، وتانعا داڭق اپەرىپ، قوعامدى جىگەرلەندىردى، مۇگەدەكتەر دەنە تاربيە ىستەرى قول جەتكىزگەن تاريحي تابىستار جۇڭگونىڭ مۇگەدەكتەر ىستەرىنىڭ دامۋىن ىلگەرىلەتكەن تۇزىمدىك ابزالدىعىن ايگىلەدى، جۇڭگونىڭ مۇگەدەكتەردىڭ ۇقىق - مۇددەسىنە قۇرمەت ەتۋدەگى جانە قامتاماسىز ەتۋدەگى كورنەكتى تابىستارىن كورسەتتى. بەيجيڭ مۇگەدەكتەر قىسقى وليمپيادا سپورت جارىسىن وراي ەتىپ، ءتىپتى دە كوپ ادامنىڭ مۇگەدەكتەر ىستەرىنە نازار اۋدارۋىنا، تۇسىنۋىنە مۇمكىندىك جاساپ، مۇگەدەكتەر مەن دەنساۋلىعى قالىپتى ادامدار توعىسقان، سيىسىمدى قوعامدى بىرگە قۇراتىن، ودان بىرگە يگىلىكتەنەتىن تاماشا راي جاراتساق، ءسوز جوق، مۇگەدەكتەر ىستەرىنىڭ وسىزاماندانۋعا قادام تاستاۋىن ىلگەرىلەتىپ، مۇگەدەكتەردىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرا الاتىن بولامىز.
كوكتەم وركەن جاياتىن ماۋسىم. جانعا جايلى كوكتەم سامالىنىڭ تەربەۋىندە، بەيجيڭ مۇگەدەكتەر قىسقى وليمپيادا سپورت جارىسى بەيبىتشىلىك، دوستىق، قامقورلىق تۇقىمىن ءتىپتى دە كوپ ادامنىڭ جۇرەگىنە سەپتى، ونان مول جەمىس ءونىپ شىعارى ءسوزسىز. قول ۇستاسا بىرگە ىلگەرىلەپ، بولاشاققا بىرگە اتتانىپ، مۇگەدەكتەر ىستەرىنىڭ ۇزدىكسىز دامۋىن، العا باسۋىن تىزە قوسا جەبەپ، ادامزاتتىڭ تاعدىرلاس ورتاق تۇلعاسىن قۇرۋدىڭ شىت جاڭا تاراۋلارىن بىرگە جازايىق.
(شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
