بۇل قوسىمشا قاراجات ءار مۋ جەرگە 220 يۋاننان بولادى

2022.03.25 15:47   كەلۋ قاينارى : حالىق تورابى

　　سۋرەتتە: 3 – ايدىڭ 6 – كۇنى، جىڭ اۋدانىنىڭ اقشي اۋىل شارۋاشىلىعى الاڭىنداعى اتىزدا شارۋالار تراكتورمەن جازدىق استىق ەگۋدە. نان دىڭ فوتوسى

　　شينجياڭ گازەتى ءتىلشىسىنىڭ شينجياڭ ۇيعۇر اۆتونوميالى رايونىنىڭ كوكتەمگى اۋىل شارۋاشىلىعى ءوندىرىسى جونىندەگى تەلەۆيزور – تەلەفون ماجىلىسىنەن ۇعىسۋىنشا، بيىل اۆتونوميالى رايوننىڭ جازدىق ءبيداي ەگۋگە ساياساتتىق قوسىمشا قاراجات بەرۋ سوماسى كۇزدىك ءبيداي ەككەن كەزدە بەرىلگەن قوسىمشا قاراجات سوماسىمەن ۇقساس بولىپ، ورتا ەسەپپەن ءار مۋىنا 220 يۋان بولادى. رەتتەۋ جۇرگىزىلىپ، جاقسارتىلعاننان كەيىنگى قوسىمشا قاراجات بەرۋ ءتاسىلى شارۋالاردىڭ استىق ەگۋدەن تابىس تابۋ جوسپارىن اناعۇرلىم ورنىقتىرىپ، شارۋالاردىڭ استىق ەگۋ بەلسەندىلىگىن جوعارىلاتادى.

　　جىل باسىنان بەرى، ورتالىق پەن اۆتونوميالى رايون ارناۋلى قاراجات ورنالاستىرىپ، ءبيداي وندىرىسىنە قولداۋ ءبىلدىردى، ورتالىقتىڭ استىق ەگەتىن شارۋالارعا ءبىر رەتتىك قوسىمشا قاراجات بەرۋ ارقىلى پارمەندى قولداۋ كورسەتۋىنىڭ ارقاسىندا، اۆتونوميالى رايون استىق وندىرىسىنە بەرىلەتىن ءتۇرلى قوسىمشا قاراجاتتاردى ءبىرتۇتاس جوسپارلاپ پايدالانىپ، جازدىق ءبيداي ەگۋگە بەرىلەتىن قوسىمشا قاراجاتتى ءار مۋىنا 220 يۋانعا جوعارىلاتىپ، شارۋالاردىڭ استىق ەگۋ بەلسەندىلىگىن جەبەپ، جەر – جەردىڭ جازدىق استىقتى ەگۋ نىسانالىق مىندەتىن ورىنداۋىن ىلگەرىلەتەدى.

　　كەلۋ قاينارى: حالىق تورابى