شينجياڭداعى قۇندىزدى قورعاۋ جانە زەرتتەۋ ورتالىعى بيىل سالىنا باستادى
2022.03.29 16:10 كەلۋ قاينارى : حالىق تورابى
 |
شينجياڭ قۇندىزدى قورعاۋ جانە زەرتتەۋ ورتالىعىنىڭ سىرتقى جوبا سۋرەتى. سۋرەتتى شينجياڭ بۇلعىن قۇندىز مەملەكەت دارەجەلى جاراتىلىستىق قورىعىن باسقارۋ مەكەمەسى بەرگەن
|
شينجياڭ گازەتىنىڭ حابارى. قۇندىز تۋرالى بىلگىڭىز كەلە مە؟ ولاي بولسا، شىڭگىل اۋدانىنا بارىپ 3D تولىق كەسكىنى ارقىلى قۇندىزدىڭ وزگەرىسى مەن ورگانيزمدەردىڭ بىرتىندەپ دامۋ بارىسىن كورە الاسىز. بيىل 4 ـ ايدا شىڭگىل اۋدانى شينجياڭ قۇندىزدى قورعاۋ جانە زەرتتەۋ ورتالىعىن باستاپ سالماقشى، بۇل ورتالىق عىلىم جالپىلاستىرۋ، عىلىمي زەرتتەۋ، باقىلاۋ ـ تەكسەرۋدى ءبىر تۇلعالاندىرعان بولىپ، بۇقارانىڭ قۇندىز جايلى بىلەتىن ماڭىزدى ورنى سانالادى.
ۇعىسۋعا قاراعاندا، قۇندىزدى قورعاۋ جانە زەرتتەۋ ورتالىعى شىڭگىل اۋدانىنىڭ تايكەشكەن قالاشىعىندا، بۇل ارا شينجياڭداعى بۇلعىن وزەنى مەملەكەت دارەجەلى جاراتىلىستىق قورىعىن باسقارۋ مەكەمەسى تۇرعان جەر، ورتالىقتىڭ قۇرىلىس اۋماعى 1500 شارشى مەتر، جەر بەتىندە 2 قابات، جەر استىندا 1 قابات قۇرىلىستان قۇرالعان، جەر بەتىندەگى ءبىر قابات پەن جەر استى قاباتىندا ساياحاتشىلاردى قابىلداۋ زالى، كوپ فۋنكتسيالى ەلەكترلى وقىتۋ كورمە زالى، دىبىس ـ كەسكىن بولمەسى، سۋرەت كورمە بولمەسى، ساباقحانا، جيىن زالى، ماتەريال بولمەسى سياقتىلار بار. جەر بەتىنىڭ 2 - قاباتى موڭعۇليا - شينجياڭ قۇندىزدى قورعاۋ بيولوگيا تاجىريبەحاناسى، جابايى حايۋاناتتار ىندەتىنىڭ قاينارىن، ىندەتىن باقىلاۋ - تەكسەرۋ تاجىريبەحاناسى، ورمان شارۋاشىلىعىنا زياندى ورگانيزمدەردەن ساقتانۋ - ەمدەۋ تاجىريبەحاناسى، قۇستاردىڭ ساقينا بەلگى ورتالىعى، ورمان ەكولوگياسى ونىمدىلىگىن باقىلاۋ - تەكسەرۋ ورتالىعى، ماتەريال ءبولىمى جانە ارحيۆ ءبولىمى قاتارلىلاردى قامتيدى.
«شينجياڭ قۇندىزدى قورعاۋ جانە زەرتتەۋ ورتالىعى عىلىم جالپىلاستىرۋ ۇگىت يقۋاتىنا يە، جۇرتشىلىققا اشىق ۇستالادى. ەكسكۋرسيالاۋشىلاردىڭ قۇندىز مەن قورىق رايونىنىڭ جالپى بەت - بەينەسىن ءتىپتى دە تىكە كورۋىنە قولايلى بولۋ ءۇشىن، دىبىس، جارىق، ەلەكتر ءبىر تۇلعالانعان 3D تولىق كەسكىندى جۇيەسىن قۇرادى، كورەرمەندەر 3D تولىق كەسكىنى ارقىلى قۇندىزدىڭ وزگەرىسى مەن ورگانيزمدەردىڭ بىرتىندەپ دامۋ بارىسىن كورۋمەن بىرگە، قۇندىز قورىعىنىڭ جەر بەدەرى، وسىمدىك جامىلعىسى، جابايى حايۋانات، قۇرىلىس سياقتىلاردى دا كورە الادى، قۇندىز قورىق رايونىنىڭ وسىمدىك جامىلعىلارىنىڭ تارالۋى، يقۋات بويىنشا ءبولىنۋى، ءارقايسى قورعاۋ پۋنكتتەرىنىڭ قورعاۋ كولەمى سياقتى ينفورماتسيالاردى ءتۇسىنىپ، قۇندىز بەن قورىق رايونىن تولىق تاني الادى». شينجياڭ بۇلعىن قۇندىز مەملەكەت دارەجەلى جاراتىلىستىق قورىعىن باسقارۋ مەكەمەسىنىڭ باستىعى حۋاڭ چىڭنىڭ تانىستىرۋىنشا، شينجياڭ قۇندىزدى قورعاۋ جانە زەرتتەۋ ورتالىعى 10 - ايدا رەسمي پايدالانۋعا بەرىلەدى دەپ جوسپارلانۋدا.
ءتىلشىنىڭ ۇعىسۋىنا قاراعاندا، بۇلعىن وزەنى التاي تاۋىنىڭ شىعىس بوكتەرىندەگى موڭعۇليا شەكاراسىنىڭ ىشىنەن باستاۋ العان، سوڭىندا جۇڭگو شينجياڭ التاي ايماعىنىڭ شىڭگىل اۋدانىنا كىرەدى، بۇل ۇلىڭگىر وزەنى (كول) سازدىق رايونىنىڭ جوعارى اعارىنداعى نەگىزگى تارماق اعارلاردىڭ ءبىرى. بۇلعىن وزەنىندە ەلىمىز بويىنشا 1 - دارەجەلى قورعالاتىن جابايى حايۋانات موڭعۇليا - شينجياڭ قۇندىزى تىرشىلىك ەتەدى، وسى سيرەك كەزدەسەتىن باعالى ءتۇردى قورعاۋ ءۇشىن 1980 - جىلى شىڭگىل اۋدانىندا بۇلعىن قۇندىزى جاراتىلىستىق قورىعى قۇرىلدى، 2013 - جىلى مەملەكەت دارەجەلى جاراتىلىستىق قورىق دارەجەسىنە كوتەرىلدى، بۇل قورىق ەلىمىزدەگى بىردەن - ءبىر مەملەكەت دارەجەلى قۇندىز جاراتىلىستىق قورىق رايونى، قورىق رايونىنداعى موڭعۇليا - شينجياڭ قۇندىزى قازىر 162گە جەتىپ، شينجياڭداعى موڭعۇليا - شينجياڭ قۇندىز تۇقىمداسىنىڭ %20ىن ۇستايدى، تۇقىم قۋالاۋ، الۋان تۇرلىلىككە كەپىلدىك ەتەتىن ماڭىزدى ءوڭىر سانالادى، اسا جوعارى عىلىمي زەرتتەۋ قۇنىنا جانە جاراتىلىستىق قورعاۋ قۇنىنا يە.
كەلۋ قاينارى: حالىق تورابى
 |
شينجياڭ قۇندىزدى قورعاۋ جانە زەرتتەۋ ورتالىعىنىڭ ىشكى جوبا سۋرەتى. سۋرەتتى شينجياڭ بۇلعىن قۇندىز مەملەكەت دارەجەلى جاراتىلىستىق قورىعىن باسقارۋ مەكەمەسى بەرگەن
|
 |
| شينجياڭ قۇندىزدى قورعاۋ جانە زەرتتەۋ ورتالىعىنىڭ ىشكى جوبا سۋرەتى. سۋرەتتى شينجياڭ بۇلعىن قۇندىز مەملەكەت دارەجەلى جاراتىلىستىق قورىعىن باسقارۋ مەكەمەسى بەرگەن |
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
