شينجياڭ جوعارى دارەجەلى حالىق سوتى مەكەمەسى قوماقتى سوماداعى «بويالعان شاي» دەلوسىنا قاتىستى تەرگەۋدى اياقتاتتى
ايىپكەر شايعا بوياۋ قوسىپ، جالعان، جارامسىز ءونىم ءوندىرۋ، ساتۋ قىلمىسىن قالىپتاستىرعاندىقتان، 15 جىلدىق مەرزىمدى قاماق جازاسىنا ۇكىم ەتىلدى
2022.03.29 16:15 كەلۋ قاينارى : حالىق تورابى
حالىق سوتى گازەتىنىڭ حابارلاۋىنشا، جۋىردا شينجياڭ ۇيعۇر اۆتونوميالى رايوندىق جوعارى دارەجەلى سوتى مەكەمەسى شينجياڭدا تۇڭعىش رەت تۋىلعان شايعا بوياۋ قوسۋ دەلوسىنا سوڭعى سوت ۇكىمىن شىعارىپ، ايىپكەر حاي X تى جالعان، جارامسىز ءونىم ءوندىرۋ، ساتۋ قىلمىسى بويىنشا 15 جىلدىق مەرزىمدى قاماق جازاسىنا ۇكىم ەتتى ءارى وعان 12 ميلليون 450 مىڭ يۋان اقشالاي ايىپ سالدى.
ايىپكەر حاي X تۇتىنۋشىلاردىڭ ۇقىق – مۇددەسىن كاپەرىنە الماي، مول پايدانى عانا كوزدەپ، شايعا ليمون سارىسى، شاپاق سارى قاتارلى بوياۋلاردى قوسقان، ساتىلىم سوماسى 24 ميلليون يۋاننان اسقان، مەملەكەتتىڭ ءونىم ساپاسىن باسقارۋ بەلگىلەمەسىنە قايشىلىق جاساپ، تۇتىنۋشىلاردىڭ دەنساۋلىعىن اۋىر دارەجەدە زيانداعان. 2021 – جىلى 12 – ايدىڭ 30 – كۇنى، شينجياڭ جوعارى دارەجەلى حالىق سوتى ىلە قازاق اۆتونوميالى وبلىستىق بولىمشە سوتى شايعا بوياۋ قوسۋعا قاتىستى وسى دەلو جونىندە زاڭ بويىنشا ءبىرىنشى سوتتىڭ ۇكىمىن شىعارعان، ايىپكەر جوعارىلاپ ارىزدانعان.
شينجياڭ جوعارى دارەجەلى حالىق سوتى مەكەمەسى تەكسەرۋ ارقىلى مىنانى انىقتاعان: 2020 – جىلى 4 – ايدا، ايىپكەر حاي X شايعا ليمون سارىسى، شاپاق سارى قاتارلى بوياعىش زاتتاردى تۇراقتى سالىستىرما بويىنشا تەڭشەپ قوسىپ، وندىرگەن شايىنىڭ ءتۇسىن جاي شايلارمەن سالىستىرعاندا ادەمى، ءدامى ونان گورى ءتاتتى ەتىپ جاساعان. شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ مەكەمەسىنىڭ تەكسەرىپ تۇراقتاندىرۋىنشا، بۇل شاي جالعان، جارامسىز ونىمگە جاتادى. حاي X تابيعي تۇلعا دەربەس قارجىلاندىرعان سەرىكتەستىكتى تىزىمدەتۋ ارقىلى بۇل شايلاردى شەتەلگە ساتقان ءارى جارناما جاريالاپ، ءوزىنىڭ وندىرگەن شايىن ساپالى، قوسپا قوسىلماعان دەپ جارسالا ۇگىتتەپ، ساتىلىم مولشەرىن زور مولشەردە جوعارىلاتقان. دەلو انىقتالعانعا دەيىن، حاي X وسى دەلوعا قاتىستى شايدان جيىنى 24 ميلليون يۋاننان استام شاي ساتقان.
سوت مەكەمەسى تەرگەۋ ارقىلى بىلاي دەپ قاراعان: ايىپكەر حاي X زاڭسىز پايداعا كەنەلۋ ءۇشىن «ازىق – تۇلىك حاۋىپسىزدىگىنىڭ مەملەكەتتىك ولشەمى، ازىق – تۇلىككە قوسپا قوسۋ ولشەمىندەگى» بەلگىلەمەگە قايشى كەلىپ، ليمون سارىسى، شاپاق سارى قاتارلى قوسپالاردى ءوزى وندىرگەن شاي ونىمىنە قوسىپ ساتقان، ونىڭ ارەكەتى جالعان، جارامسىز شاي ءوندىرۋ، ساتۋ قىلمىسىن قالىپتاستىرعان، دەلوعا قاتىستى سوما قوماقتى. حاي X جوعارىلاپ ارىزدانۋ بارىسىندا، ءوزى وندىرگەن شايدى دامدەندىرگىش شاي، ازىق – تۇلىك قوسپاسىن قوسۋعا بولادى دەپ اقتالعان، الايدا، كاسىپ سالاسىنداعى قاتىستى بەلگىلەمەلەرگە نەگىزدەلگەندە، دامدەندىرگىش شاي دە شاي ونىمىنە جاتادى، شايدى نەگىزگى ماتەريال ەتەدى، ول — مانەرلەپ جاسالاتىن، قايناتۋ – شىلاۋ ارقىلى ىشۋگە بولاتىن ءونىم، مەملەكەتتىڭ ازىق – تۇلىككە قوسپا قوسۋ ولشەمىندەگى بەلگىلەمەلەرگە ۇيلەسۋى كەرەك، شايعا بوياعىش رولىنا يە ازىق – تۇلىك قوسپاسىن قوسۋعا بولمايدى. حاي X دىڭ جوعارىلاپ ارىزدانعان دالەلى شىندىققا ساي كەلمەيدى.
سوندىقتان، سوت مەكەمەسى جوعارىداعىداي ۇكىم شىعارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
