ءۇرىمجى قالاسى ىندەتتەن ساقتانۋ - تىزگىندەۋ شۇعىل جاعدايعا توتەپ بەرۋ مەحانيزمىن ىسكە قوستى
2022.03.31 10:45 كەلۋ قاينارى : حالىق تورابى
3 - ايدىڭ 30 - كۇنى، ءتىلشىنىڭ ءۇرىمجى قالالىق حالىق ۇكىمەتىنىڭ اقپارات كەڭسەسى اشقان جاڭا تيپتى ايدارشا ۆيرۋس وكپە قابىنۋ ىندەتى مەن ىندەتتەن ساقتانۋ - تىزگىندەۋ قىزمەتى جاعدايى جونىندەگى اقپار جاريالاۋ ماجىلىسىنەن ۇعىسۋىنشا، ءۇرىمجى قالاسىنىڭ ميدۇڭ رايونىنداعى اۋرۋ بەلگىسى جوق 2 ادام باسقا ولكەلەردەن شينجياڭعا كەلگەن بولىپ، ءتۇيىندى شيپاحانالارعا جەتكىزىلىپ، اۋاشالاپ مەديتسينالىق باقىلاۋ جۇرگىزىلۋدە ەكەن. تەكسەرىلىپ انىقتالعان تىعىز جاناسۋشىلاردى اۋاشالاپ مەديتسينالىق باقىلاۋ شارالارى تۇگەلدەي تياناقتاندىرىلعان.
ىندەت تۋىلعاننان كەيىن، ءۇرىمجى قالالىق پارتكوم، قالالىق ۇكىمەت ىندەتتەن ساقتانۋ - تىزگىندەۋ شۇعىل جاعدايعا توتەپ بەرۋ مەحانيزمىن دەرەۋ ىسكە قوسىپ، ىندەتكە تۇجىرىم جاساۋ، ەپيدەميولوگيالىق انىقتاۋ ـ تەكسەرۋ، اۋاشالاپ تاسىمالداۋ، نۋكلەين قىشقىلىن تەكسەرۋدى دەرەۋ ورىستەتتى. سونىمەن بىرگە، قالا، رايون سىندى ەكى دارەجەلى ورتانى باقىلاۋ - ديزەنفەكسيالاۋ قىزمەتى كاسىپتىك قوسىنىن ۇيىمداستىرىپ، شوعىرلى مەديتسينالىق باقىلاۋ تۇيىنىندەگى الەۋمەتتىك وڭىرلەردى، قىزمەتكەرلەردى تاسىمالدايتىن اۆتوكولىكتەردەن، قوقىر - قوقسىقتى تاسىمالدايتىن اۆتوكولىكتەردەن ۇلگى الىپ نۋكلەين قىشقىلىن تەكسەردى، اۋرۋ بەلگىسى جوق جۇعىمدالۋشىلاردىڭ جاتقان ورتاسىن، جول بويىنداعى باسىپ وتكەن ورىنداردى تۇبەگەيلى ديزەنفەكسيالادى. قاتىستى ادامدار مەن سىرتقى ورتانىڭ نۋكلەين قىشقىلىن تەكسەرۋ ناتيجەسى تۇگەلدەي بولىمسىز بولدى.
ميدۇڭ رايونى 3 - ايدىڭ 29 - كۇنى ساعات 15 تە ءوڭىر بويىنشا نۋكلەين قىشقىلىن تەكسەرۋدى باستادى. 3 - ايدىڭ 30 - كۇنىنە دەيىن تەكسەرۋ ناتيجەسى تۇگەلدەي بولىمسىز بولدى.
مەديتسينالىق باقىلاۋ تۇيىندەرىندە كۇندەلىكتى ديزەنفەكسيالاۋ، دەنە تەمپەراتۋراسىن ولشەۋ، نۋكلەين قىشقىلىن تەكسەرۋ، جەكە قورعانۋ سياقتى شارالاردى قاتاڭ تياناقتاندىرىپ، تۇرمىستىق قوقىر ـ قوقسىقتار مەن ەمدەۋ جاراقسىز زاتتارىن اداقتاۋ جانە جوتكەۋدى ارناعا ءتۇسىرىپ، زارارسىزداندىرۋدى ەستەلىككە الۋ ەسەبىن ويداعىداي جاساپ، شوعىرلى مەديتسينالىق باقىلاۋ تۇيىندەرىنىڭ جۇيەلى جۇمىس جۇرگىزۋىنە كەپىلدىك ەتتى.
قازىر قاراستى رايون كولەمىنىڭ قاتىناسى قالىپتى جۇرىلۋدە، بۇقارانىڭ ءوندىرىسى مەن تۇرمىسى قالىپتى، ىندەتكە شۇعىل توتەپ بەرۋ، ءبىر جاقتى ەتۋ قىزمەتتەرى تارتىپپەن ىلگەرىلەتىلۋدە.
ءۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى قالا تۇرعىندارىنا 14 كۇن ىشىندە ميدۇڭ رايونىنداعى اۋرۋ بەلگىسى جوق 2 ادامنىڭ جۇرگەن جولىمەن توعىسقان ادامدار بولسا، سونداي ـ اق پەشەتتەلگەن رايونعا (باسقارۋ - مەڭگەرۋ رايونى، ساقتانۋ رايونى) بارعان بولسا قاراستى جەردەگى ءمالى (اۋىل ـ قالاشىق)، الەۋمەتتىك اۋماق (قىستاق) نەمەسە قىزمەت ورىندارىنا دەرەۋ مالىمدەپ، سونداي ـ اق بەلگىلەمە بويىنشا جەكە قورعانۋ قىزمەتىن جاقسى ىستەپ، الەۋمەتتىك اۋماقتىڭ نۋكلەين قىشقىلىن تەكسەرۋ سياقتى ىندەتتەن ساقتانۋ - تىزگىندەۋ شارالارىن ويداعىداي ىستەۋىنە سەلبەسۋدى ەسكەرتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
