2022 – جىلى 4 – ايدان باستاپ اتقارىلاتىن جاڭا بەلگىلەمەلەر
2022.03.31 15:04 كەلۋ قاينارى : حالىق تورابى
شاعىن كولەمدەگى باجى تاپسىرۋشىلاردان ارتقان قۇن باجىسى الىنبايدى
قازىنا مينيسترلىگى، باجى ىستەرى باس مەكەمەسى ۇقتىرۋ شىعارىپ، مىنانى ايقىندادى: 2022 – جىلى 4 – ايدىڭ 1 – كۇنىنەن 2022 – جىلى 12 – ايدىڭ 31 – كۇنىنە دەيىن، شاعىن كولەمدەگى ارتقان قۇن باجىسىن تاپسىرۋشىنىڭ %3 تىك باجى الۋ مولشەرىنە ۇيلەسەتىن باجى تاپسىرۋعا ءتيىستى ساتۋ كىرىسىنەن ارتقان قۇن باجىسى الىنبايدى؛ %3 تىك الدىن الا باجى الۋ مولشەرىنە ۇيلەسەتىن ارتقان قۇن باجىسىن الدىن الا تاپسىراتىن نىسانداردان ارتقان قۇن باجىسىن الدىن الا جيۋ ۋاقىتشا توقتاتىلادى.
جاڭادان C6 شوفەرلىك كۋالىگى قوسىلادى
وزگەرىس ەنگىزىلگەننەن كەيىنگى «موتورلى كولىكتەردى جۇرگىزۋ كۋالىگىن الۋعا ءوتىنىش بەرۋ جانە ونى پايدالانۋ جونىندەگى بەلگىلەمە» 4 – ايدىڭ 1 – كۇنىنەن باستاپ اتقارىلادى، جەڭىل تۇرپاتتى تىركەمەلى اۆتوموبيلدى جۇرگىزۋگە بولاتىن كۋالىك (C6) جاڭادان قوسىلادى، بۇل بۇقارانىڭ ءۇي اۆتوموبيلىن جۇرگىزىپ ساياحاتتاۋ قاجەتىن اناعۇرلىم ويداعىداي قاناعاتتاندىرىپ، ءۇي اۆتوموبيلىمەن ساياحاتتاۋ سىندى جاڭا كاسىپ كۇيىن دامىتۋعا ءتيىمدى بولادى.
قاتىناس زاڭىنا قايشى ارەكەتتەرگە بايلانىستى ءنومىر تارتۋ بەلگىلەمەسىنە رەتتەۋ جۇرگىزىلەدى
«تاس جولداعى قاتىناس حاۋىپسىزدىگىنە ساياتىن زاڭعا قايشى ارەكەتتەرگە بايلانىستى ءنومىر تارتۋدى باسقارۋ ءادىسى» 4 – ايدىڭ 1 – كۇنىنەن باستاپ اتقارىلادى، قازىر اتقارىلىپ وتىرعان قاتىناس زاڭىنا قايشى ارەكەتتەرگە قاتىستى ءنومىر تارتۋ بەلگىلەمەسىنە رەتتەۋ جۇرگىزىلىپ، ءبىر رەتتە 12 ءنومىر، 9 ءنومىر، 6 ءنومىر، 3 ءنومىر، ءبىر نومىر تارتۋ قاتارلى بەس ءتۇرلى ءنومىر ەسەپتەۋ ءتاسىلى اتقارىلادى.
حۋاڭحى وزەنىنەن بالىق اۋلاۋعا تيىم سالۋ كولەمى كەڭەيتىلەدى
اۋىل شارۋاشىلىعى جانە اۋىل – قىستاق مينيسترلىگى حۋاڭحى وزەنىنەن بالىق اۋلاۋعا تيىم سالۋ مەزگىلىنە قاتىستى بەلگىلەمەگە رەتتەۋ جۇرگىزدى، حۋاڭحى وزەنىنىڭ وزەن قاينارى ءوڭىرى مەن جوعارعى اعارىنداعى ءتۇيىندى سۋ الابىندا 2022 – جىلى 4 – ايدىڭ 1 – كۇنىنەن 2025 – جىلى 12 – ايدىڭ 31 – كۇنىنە دەيىن جىل بويى بالىق اۋلاۋعا تيىم سالۋ بەلگىلەمەسى اتقارىلادى، حۋاڭحى وزەنىنىڭ نيڭشياداعى بولىگىنەن تارتىپ تەڭىزگە قۇياتىن الابىنا دەيىن بالىق اۋلاۋعا تيىم سالۋ ۋاقىتى ءبىر اي ۇزارتىلادى.
اۋىل شارۋاشىلىعى قامسىزداندىرۋى بويىنشا تولەم بەرگەندە تولەمدى تەڭگەرمەشىلدىكپەن بەرۋگە بولمايدى
«اۋىل شارۋاشىلىعى قامسىزداندىرۋى بويىنشا تولەم بەرۋدى مىندەتىنە الۋدى باسقارۋ ءادىسى» 4 – ايدىڭ 1 – كۇنىنەن باستاپ اتقارىلادى، قامسىزداندىرۋ قۇرىلىمىنىڭ قامسىزداندىرۋدى مىندەتىنە العان كەزدە ۇيلەسىمسىز تاسىلدەر ارقىلى قامسىزداندىرۋعا قاتىناسۋعا زورلاۋىنا نەمەسە قامسىزداندىرۋعا قاتىناسۋعا شەكتەمە قويۋىنا بولمايدى دەپ باسا دارىپتەلگەن؛ تولەم بەرگەن كەزدە توقتامعا ءمان بەرىپ، سەنىمدى قىزمەت وتەۋى قاجەت، تولەمدى تەڭگەرمەشىلدىكپەن بەرۋگە، ءوزارا كەلىسۋ ارقىلى تولەم بەرۋگە بولمايدى.
تەلەفيلمدەردىڭ ۋاقىتىنىڭ ۇزىن – قىسقالىعىنا ايقىن تالاپ قويىلادى
«تەلەفيلمدەردىڭ قالىبىن جاساۋ جونىندەگى بەلگىلەمە» 4 – ايدىڭ 1 – كۇنىنەن باستاپ اتقارىلادى، جاي تەلەفيلمدەردىڭ نەگىزگى كينو بولەگى 41 مينۋتتان كەم بولماۋى، كينو ايدارى مەن كينو سوڭىنىڭ ۋاقىتى 90 سەكۋندتان، 180 سەكۋندتان اسپاۋى، «الدىڭعى ءبولىمىن ەسكە ءتۇسىرۋ»، «كەيىنگى بولىمىنەن مالىمەت بەرۋ» ۋاقىتى، پرينسيپتىك جاقتان، 30 سەكۋندتان اسپاۋى قاجەت.
امبەباپ باجىسىز زاتتار وڭىرىندەگى قىزمەت وتەۋ كولەمى كەڭەيتىلەدى
«جۇڭحۋا حالىق رەسپۋبليكاسى كەدەندىك امبەباپ باجىسىز زاتتار ءوڭىرىن باسقارۋ ءادىسى» 4 – ايدىڭ 1 – كۇنىنەن باستاپ اتقارىلادى، اۋماق كولەمىندەگى كاسىپورىندار زاڭ بويىنشا ورىستەتۋگە بولاتىن 11 ءتۇرلى كاسىپ ءتۇرى ايقىندالعان، باجسىز جوندەۋ، قارجى ەنگىزىپ مايعا بەرۋ، شەكارا اتتاعان ەلەكتروندى ساۋدا، قايتالاي جاساۋ قاتارلى جاڭا كاسىپ كۇيلەرى مەن جاڭا فورمالاردىڭ اۋماققا كىرىپ دامۋىنا قولداۋ كورسەتىلەدى.
جاڭادان سالىناتىن قۇرىلىستارعا كۇن ەنەرگياسى جۇيەسىن ورنالاستىرۋ قاجەت
«قۇرىلىستاردا ەنەرگيا ۇنەمدەۋ مەن تۇلەمە ەنەرگيانى پايدالانۋعا قاتىستى جالپىلىق قولدانىلاتىن بەلگىلەمە» 4 – ايدىڭ 1 – كۇنىنەن باستاپ اتقارىلادى، جاڭادان سالىناتىن قۇرىلىستارعا كۇن ەنەرگياسى جۇيەسى ورنالاستىرۋ ايقىندالعان، مۇندا شوعىرلى ىسىتۋ اسپابىن جوبالاعاندا، 15 جىلدان استام ۋاقىت پايدالانۋعا بولاتىن ەتىپ جوبالاۋ قاجەت، فوتوەلەكترلىك بولشەكتەردى جوبالاعاندا، 25 جىلدان استام ۋاقىت پايدالانۋعا بولاتىن ەتىپ جوبالاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
