سيبۋتراميننەن ارىقتاتۋ ءونىمىن جاساپ ساتقاندىقتان
ەرلى – زايىپتىلار اۋىر جازاعا تارتىلدى ءارى ولارعا 3 ميلليون 500 مىڭ يۋان اقشالاي ايىپ سالىندى
2022.03.31 17:31 كەلۋ قاينارى : حالىق تورابى
حالىق سوتى گازەتىنىڭ ءتىلشىسى جوۋ رۇيپيڭ، ەرىكتى ءتىلشىسى ۋاڭ كۇن حابارلايدى. ەرلى – زايىپتىلار ينتەرنەت ارقىلى ادام دەنەسىن ۋلايتىن، زياندى شيكىزاتتاردى ساتىپ الىپ، ارىقتاتۋ ونىمدەرىن وندىرگەن ءارى ساتقان، وسى ارقىلى قوماقتى پايداعا كەنەلگەن. جۋىردا انحۇي ولكەسى ليۋ – ان قالالىق ورتا دارەجەلى حالىق سوتى ۋلى، زالالدى ازىق – تۇلىكتەردى ءوندىرۋ، ساتۋ قىلمىستىق دەلوسىنا ۇكىمدى اشىق جاريالاپ، ايىپكەر شۇي ۋىنفىڭدى 11 جىل 6 ايلىق مەرزىمدى قاماق جازاسىنا ۇكىم ەتكەن ءارى وعان 2 ميلليون يۋان اقشالاي ايىپ سالعان؛ شۇي ميڭيانى 10 جىل 6 ايلىق مەرزىمدى قاماق جازاسىنا ۇكىم ەتكەن ءارى وعان ءبىر ميلليون 500 مىڭ يۋان اقشالاي ايىپ سالعان.
سوت مەكەمەسىنىڭ تەكسەرۋ ارقىلى انىقتاۋىنشا، 2019 – جىلدىڭ باسىندا، شۇي ۋىنفىڭ، شۇي ميڭيا ەسىمدى ەرلى – زايىپتىلار بايدۋ تەكشەسى ارقىلى قۇرامىندا سيبۋترامين سىندى ادام دەنەسىن ۋلايتىن، زالالدى شيكىزاتتى ساتۋشىلارمەن بايلانىس جاساعان ءارى ساتىپ العان، تاۋباۋ تورابى ارقىلى شامگۇل ۇنتاعى، ارپا جاپىراعى قويمالجىڭى، جەمىس شىرىنى ۇنتاعى قاتارلى قوسىمشا ماتەريالداردى، سونداي – اق، قابىرشاق ءدارى جاساۋ تاقتاسى، تابىلەتكا جاساۋ ماشيناسى، ارالاستىرۋ ماشيناسى قاتارلىلاردى ساتىپ العان، شاندۇڭ ولكەسى لياۋچىڭ قالاسىنان ءۇي مايلاپ، ارىقتاتۋ ونىمدەرىن جاساۋدى باستاعان، بۇل ونىمدەردى ينتەرنەت ارقىلى ساتقان. شۇي ۋىنفىڭ نەگىزىنەن وندىرىسكە جاۋاپتى بولسا، شۇي ميڭيا نەگىزىنەن ساتۋعا جاۋاپتى بولعان، وندىرگەن ارىقتاتۋ ونىمدەرى: ارىقتاتۋ قابىرشاقتى ءدارىسى، ارىقتاتۋ كامپيتتەرى جانە از مولشەردەگى ارىقتاتۋ چوكلاتتارىن قامتيدى. 2019 – جىلى 2 – ايدان 2021 – جىلى 5 – ايعا دەيىن، ەكەۋى بىرگە ساتقان زاڭعا قايشى ارىقتاتۋ ونىمدەرىنىڭ سوماسى جيىنى ءبىر ميلليون 600 مىڭ يۋاننان اسقان، زاڭعا قايشى تۇردە 550 مىڭ يۋانداي پايدا تاپقان، قازىر زاڭسىز تاپقان پايداسىنان 300 مىڭ يۋانىن قايتارىپ بولعان.
تەكسەرۋ ارقىلى قولعا تۇسىرگەن ءوندىرىس شيكىزاتتارى مەن ونىمدەرىن تەكسەرۋ ارقىلى قۇرامىندا سيبۋترامين بار ەكەنى انىقتالعان. سيبۋتراميننەن جاسالعان ارىقتاتۋ ونىمدەرى اۋىر زارداپ تۋدىرادى. 2010 – جىلدىڭ وزىندە – اق، مەملەكەتتى ازىق – تۇلىك، ءدارى – دارمەكتەردى باقىلاۋ – باسقارۋ مەكەمەسى ەل ىشىندە سيبۋترامينعا قاتىستى جاساۋلى دارىلەرى مەن دارىلىك شيكىزاتتاردى ءوندىرۋدى، ساتۋدى توقتاتۋدى جاريالاعان.
سوت مەكەمەسى تەرگەۋدەن سوڭ بىلاي دەپ قاراعان: ايىپكەر شۇي ۋىنفىڭ، شۇي ميڭيا زاڭعا قايشى پايداعا قول جەتكىزۋ ءۇشىن وندىرگەن ارىقتاتۋ ونىمدەرىنە ۋلى، زالالدى، ازىق – تۇلىككە جاتپايتىن شيكىزاتتاردى قوسقان ءارى ونى ساتقان، ەكەۋى دە ۋلى، زالالدى ازىق – تۇلىكتەردى ءوندىرۋ، ساتۋ قىلمىسىن قالىپتاستىرعان. ەكى ايىپكەردىڭ قىلمىسىنىڭ ىقپالى كەڭ، قوعامدىق زالالى زور، قىلمىس جاعدايى وتە اۋىر، سوت مەكەمەسى زاڭ بويىنشا جوعارىداعىداي ۇكىم شىعارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
