«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋدە تاباندى بولىپ، بۇكىل پارتيانىڭ، بۇكىل قوعامنىڭ كۇشىن جۇمىلدىرىپ، اۋىل - قىستاقتىڭ گۇلدەنۋىن ىلگەرىلەتەيىك
2022.04.01 16:39 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 31 - كۇنى، بەيجيڭ. 4 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 7 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋدە تاباندى بولىپ، بۇكىل پارتيانىڭ، بۇكىل قوعامنىڭ كۇشىن جۇمىلدىرىپ، اۋىل - قىستاقتىڭ گۇلدەنۋىن ىلگەرىلەتەيىك» اتتى ماڭىزدى ماقالاسى جاريالانادى.
ماقالادا بىلاي دەپ دارىپتەلدى: كەدەيلىكتەن ارىلتۋدان قامال الۋ تابىستارىن بەكەمدەپ جانە كەڭەيتىپ، اۋىل - قىستاقتىڭ گۇلدەنۋىن جاپپاي ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ − بۇكىل پارتيانىڭ ايرىقشا ءمان بەرۋىن قاجەت ەتەتىن كەلەلى جاعدايعا قاتىستى كەلەلى ماسەلە. بۇكىل پارتيا جاڭا دامۋ كەزەڭىندە اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ماڭىزدىلىعى مەن كوكەي تەستىلىگىن، ءسوز جوق، جەتە تانىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندەگى ەڭ ماڭىزدى ورىنعا قويۋدا تاباندى بولىپ، بۇكىل پارتيانىڭ، بۇكىل قوعامنىڭ كۇش - قۋاتىن جۇمىلدىرا وتىرىپ اۋىل - قىستاقتىڭ گۇلدەنۋىن ىلگەرىلەتىپ، اۋىل شارۋاشىلىعىنىڭ ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەۋى كەرەك.
ماقالادا بىلاي دەپ اتاپ كورسەتىلدى: جاڭا دامۋ كەزەڭىندەگى اۋىل شارۋاشىلىعى، اۋىل - قىستاق، شارۋالار قىزمەتىن شىنايى يگەرىپ، ناقتى ىستەۋ كەرەك. جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدان قاراعاندا، ۇلتتى گۇلدەندىرۋ ءۇشىن، اۋىل - قىستاقتى، ءسوز جوق، گۇلدەندىرۋ كەرەك. اۋىل شارۋاشىلىعى، اۋىل - قىستاق، شارۋالار ماسەلەسىن تەرەڭ تۇسىنگەندە عانا پارتيامىزدى، مەملەكەتىمىزدى، ۇلتىمىزدى ءتىپتى دە جاقسى تۇسىنە الامىز. جاپپاي سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ەڭ جاپالى، ەڭ اۋىر مىندەتى ءالى دە اۋىل - قىستاقتا، ەڭ كەڭ، ەڭ مىعىم نەگىزى ءالى دە اۋىل - قىستاقتا. دۇنيە جۇزىندە ءجۇز جىلدان بەرى بولماعان زور وزگەرىس جاعدايىنان قاراعاندا، اۋىل شارۋاشىلىعىنىڭ نەگىزگى جاعدايىن ورنىقتىرۋ، اۋىل شارۋاشىلىعى، اۋىل - قىستاق، شارۋالار نەگىزىن ويداعىداي ساقتاۋ − وزگەرىسكە توتەپ بەرىپ، جاڭا جاعداي اشۋدىڭ «ورنىقتىرعىشى». اۋىل شارۋاشىلىعى، اۋىل – قىستاق، شارۋالار قىزمەتى جاقسارۋعا بەت السا، جالپى جاعدايدا ىرىقتى بولامىز.
ماقالادا بىلاي دەپ اتاپ كورسەتىلدى: كەدەيلىكتەن ارىلتۋدان قامال الۋدىڭ تابىسىن بەكەمدەۋ، كەڭەيتۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتۋ − اۋىل شارۋاشىلىعى، اۋىل - قىستاق، شارۋالار قىزمەتىنىڭ ماڭىزدى تۇيىنىندەگى تاريحي بۇرىلىس. كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى تۇردە ويداعىداي ۇشتاستىرۋ كەرەك. كەدەيلىكتەن ارىلتۋدان قامال الۋ نىساناسى مەن مىندەتى ورىندالعان سوڭ كەدەيلىكتەن ارىلعان اۋداندار جونىندە كەدەيلىكتەن ارىلعان كۇننەن باستاپ 5 جىلدى وتپەلى مەزگىل ەتىپ بەلگىلەۋ كەرەك. وتپەلى مەزگىلدە نەگىزگى كومەكتەسۋ - سۇيەمەلدەۋ ساياساتىنىڭ جالپى تۇلعالىق تۇراقتىلىعىن ساقتاۋ كەرەك.
ماقالادا بىلاي دەپ اتاپ كورسەتىلدى: استىق حاۋىپسىزدىگىنىڭ ىرىقتىلىق ۇقىعىن مىقتاپ يگەرۋ كەرەك. استىقتىڭ كوبىرەك، ازىراق بولۋى − تاكتيكالىق ماسەلە، استىق حاۋىپسىزدىگى − ستراتەگيالىق ماسەلە. استىق ءوندىرىسىن جىل سايىن مىقتى يگەرۋ، جەر كولەمىن، ءونىم مولشەرىن كەمىتىپ جىبەرمەۋ، قامداۋدان، بازاردان ماسەلە شىعارماۋ كەرەك. ەگىستىك جەر − استىق ءوندىرىسىنىڭ جان تامىرى، ءبىر ميلليارد 800 ميلليون مۋ ەگىستىك جەردىڭ قىزىل سىزىعىن قاتاڭ ساقتاپ، «تۇلەتىپ وتىرۋدىڭ» قاتاڭ شارالارىن قولدانىپ، ەگىستىك جەردى قورعاۋدىڭ ەڭ قاتاڭ ءتۇزىمىن تياناقتاندىرۋ كەرەك. اۋىل شارۋاشىلىعى عىلىم - تەحنيكاسىندا ءوزىن ەڭسەلەندىرۋدەن، ءوزىن الۋەتتەندىرۋدەن جازباي، اۋىل شارۋاشىلىعىنىڭ شەشۋشى وزەكتى تەحنيكالارىنان قامال الۋدى جەدەل ىلگەرىلەتۋ كەرەك. شارۋالاردىڭ استىق ەگۋ بەلسەندىلىگىن جۇمىلدىرۋدىڭ تەتىگى شارۋالاردىڭ استىق ەگىپ، اقشا تابۋىنا مۇمكىندىك جاساۋدا. جەرگىلىكتى ءار دارەجەلى پارتكومدار مەن ۇكىمەتتەر استىق حاۋىپسىزدىگىنىڭ ساياسي جاۋاپكەرلىگىن ارقالاۋى، استىق حاۋىپسىزدىگىندە پارتكوم مەن ۇكىمەت بىردەي جاۋاپكەرلىك ارقالاۋى كەرەك.
ماقالادا مىنالار اتاپ كورسەتىلدى: اۋىل - قىستاقتى كوركەيتۋدىڭ تياناقتانىپ، ناتيجە بەرۋىن جاپپاي ىلگەرىلەتۋ كەرەك. اۋىل - قىستاقتى گۇلدەندىرۋ ستراتەگياسىن جالپى بەتتىك اتقارۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى، ءسوز جوق، جوعارى دەڭگەيدە جوبالاۋدى كۇشەيتىپ، اناعۇرلىم پارمەندى شارامەن، اناعۇرلىم قۋاتتى كۇش ۇيىستىرىپ ىلگەرىلەتۋ كەرەك. ءبىرىنشى، اۋىل - قىستاق كاسىپ سالالارىن جەدەل دامىتۋ كەرەك. ەكىنشى، سوتسياليستىك رۋحاني وركەنيەت قۇرىلىسىن كۇشەيتۋ كەرەك. ءۇشىنشى، اۋىل - قىستاق ەكولوگيالىق وركەنيەت قۇرىلىسىن كۇشەيتۋ كەرەك. ءتورتىنشى، اۋىل - قىستاق رەفورماسىن تەرەڭدەتۋ كەرەك. بەسىنشى، اۋىل - قىستاق قۇرىلىسى ارەكەتىن اتقارۋ كەرەك. التىنشى، قالا مەن اۋىلدىڭ توعىسا دامۋىن ىلگەرىلەتۋدە ناقتى ونىمدىلىككە قول جەتكىزۋدى ىلگەرىلەتۋ كەرەك. جەتىنشى، اۋىل - قىستاقتى جونگە سالۋدى كۇشەيتۋ جانە جاقسارتۋ كەرەك.
ماقالادا بىلاي دەپ اتاپ كورسەتىلدى: پارتيانىڭ اۋىل - قىستاق، اۋىل شارۋاشىلىعى، شارۋالار قىزمەتىنە جالپى بەتتىك باسشىلىعىن كۇشەيتۋ كەرەك. ءار دارەجەلى پارتكومدار ساياسي جاۋاپكەرلىك ارقالاپ، اۋىل شارۋاشىلىعىن، اۋىل - قىستاقتى الدىمەن دامىتۋ باعىتىن تياناقتاندىرىپ، اناعۇرلىم زور تەبىنمەن اۋىل - قىستاقتى گۇلدەندىرۋدى ىلگەرىلەتۋى كەرەك. اۋىل - قىستاقتى كوركەيتۋدىڭ ءتۇرلى ساياساتتارى ەڭ سوڭىندا اۋىل - قىستاق نەگىزگى ساتى پارتيا ۇيىمدارى ارقىلى تياناقتاندىرىلادى. اۋىل - قىستاقتى كوركەيتۋدىڭ تەتىگى ادامدا، تەتىگى ىستەۋدە. ءسوز جوق، اۋىل - قىستاقتى گۇلدەندىرۋدىڭ ساياسيدا تاباندى، قابىلەتى مىعىم، ستيلى قاتاڭ كادرلار قوسىنىن قۇرۋ كەرەك. شارۋالارعا كەڭ كولەمدە سۇيەنىپ، شارۋالاردى تاربيەلەپ، جەتەكتەپ، شارۋالاردى ۇيىمداستىرىپ، باستاماشىلىق ەتىپ، قالىڭ شارۋالار بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن قاۋلاتىپ، اۋىل - قىستاقتى كوركەيتۋگە ات سالىسىپ، كورىكتى مەكەن قۇرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
