130285 ساقشى ءنومىرى قايتادان ىسكە قوسىلدى
2022.04.01 16:41 كەلۋ قاينارى : حالىق تورابى
«مەن 130285 ساقشى ءنومىرىن ومىرلىك داڭق ساناپ، اكەمنىڭ قىزىل ءتۇستى گەنىنە مۇراگەرلىك ەتىپ، قاستەرلى حالىق ساقشىسى ىستەرىنە باسىمدى ءباي تىگەمىن».
3 – ايدىڭ 28 – كۇنى، باقىت ساپاربەك ۇلى جولداستىڭ 130285 ساقشى ءنومىرىن قايتادان ىسكە قوسۋ سالتى قاراپايىم دا سالتاناتتى وتكىزىلدى. ونىڭ قىزى ءدىلنۇر باقىت حالىق ساقشىسى تۋى الدىندا ايبىندى سەرت بەردى.
2017 – جىلى 5 – ايدىڭ 9 – كۇنى كەشتە، شينجياڭ ءوندىرىس – قۇرىلىس بيڭتۋانى 13 – شىسى باركول تىڭ يگەرۋ رايونىندا، قوعام حاۋىپسىزدىگى مەكەمەسى ەل ءىشى حاۋىپسىزدىگىن قورعاۋ ۇلكەن اترەتىنىڭ بۇرىنعى باستىعى باقىت ساپاربەك ۇلى حۇڭشان اۋىل شارۋاشىلىعى الاڭى 8 – ليانىندە قىزمەت ىستەپ، تاسقىننان ساقتانۋ توسپاسىن جوندەۋ، مالشى وتباسىنا كەتكەن ءوتتى ءوشىرۋ، قىزمەت وتەۋ اۋماعىندا بوگەتتى تەڭشەپ، سۋدىڭ باعىتىن وزگەرتۋ قاتارلى مىندەتتەردى اتقارىپ، 24 بويى ساعات قىزمەت ىستەگەن سوڭ، شەكتەن تىس قالجىراۋ سەبەبىنەن كەنەتتەن جۇرەك اۋرۋى ۇستاپ، قىزمەت ىستەپ جاتقان جەردە جىعىلعان، قۇتقارۋ ءونىم بەرمەي، قىزمەت ۇستىندە قازا بولعان.
2018 – جىلى قوعام حاۋىپسىزدىگى مينيسترلىگى وعان مەملەكەت بويىنشا قوعام حاۋىپسىزدىگى جۇيەسىندەگى «2 – دارەجەلى قاھارمان ۇلگى» دەگەن داڭقتى اتاقتى تولىقتاپ بەردى، ول پايدالانعان ساقشى ءنومىرىن ساقتاپ قويدى. «مەن اكەمنىڭ باتىر ادام ەكەنىن بىلەمىن، ول حالىق بۇقاراسى ءۇشىن مەنەن ماڭگى الىستادى»، — دەيدى قىزى ءدىلنۇر. اكەسى قايتىس بولعان سوڭ، ءدىلنۇردىڭ كوكەيىندە: «اكەمنىڭ كاسىبىنە مۇراگەرلىك ەتىپ، ساقشىلار قوسىنىنا قوسىلمايمىن با» دەگەن وي تۋىندايدى. سونىمەن، ءوزىنىڭ مۋزيكامەن شۇعىلدانۋ ارمانىنان باز كەشىپ، شينجياڭ ساقشىلار شۋەيۋانىنا وقۋعا تۇسەدى.
«تۇتقىنداۋ، سايىسۋ قاتارلى ساباق تۇرلەرىنىڭ دەنە قۋاتىنا قوياتىن تالابى وتە جوعارى، ونىڭ ۇستىنە، ءبىز ادەتتە بۇكتەمەلى ورىندىق، كورپە قاتارلى بۇيىمداردى كوتەرىپ، 5 كيلومەترلىك دالا جورىعىنا شىعامىز»، - دەيدى ول. جاتتىعۋ وتە قاتاڭ ءارى جاپالى بولادى.
ءدىلنۇر بىلاي دەيدى: «ونداي ساتتەردە مەن اكەمدى ەسىمە الامىن، كەزىندە ول دا، ءسوزسىز، وسىلاردى باستان كەشىرگەن، ول قايسار بولعان ەكەن، مەن دە قايسار بولۋىم كەرەك دەپ ويلايمىن». ءدىلنۇر قات – قابات قيىنشىلىقتاردى جەڭىپ، اقىرى وقۋدى ءساتتى ءبىتىرىپ، اكەسى قىزمەت ىستەگەن جەرگە ورالىپ، 13 – ديۆيزيا شينشيڭ قالالىق قوعام حاۋىپسىزدىگى مەكەمەسىنىڭ ساقشىسى بولىپ، اكەسىنىڭ 130285 دەگەن ساقشى نومىرىنە مۇراگەرلىك ەتتى.
ول بىلاي دەدى: «اكە، قازىر مەن ءسىزدىڭ تىلەگىڭىزدى ورىنداپ، داڭقتى حالىق ساقشىسى بولىپ، كەزىندەگى ءسىز كيگەن سياقتى كيىمدى كيىپ، ءسىز ىستەگەن سياقتى ىستەردى ىستەپ، ءسىز قىزمەت ىستەگەن جەردە قىزمەت ىستەپ، ءسىز تاماقتانعان جەردەن تاماقتانىپ ءجۇرمىن، مەن ءوزىمدى ءسىز سياقتى ەلەستەتەمىن، ءبىراق، بۇكىلدەي ءسىزدىڭ ورنىڭىزدامىن دەي المايمىن، الايدا، مەن ءسىزدىڭ عۇمىرىڭىزدىڭ جالعاسىمىن، ءسىزدىڭ قىزىڭىز بولعانىم ءۇشىن ماقتانامىن، مەن قازىر ءسىزدىڭ اياقتاتا الماي كەتكەن بورىشىڭىزدى ورىنداۋ جولىنا ءتۇستىم».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
