ەڭ جاڭا جاعدايلار: ەكى قارا قوبديشاداعى دەرەكتەردى شەشۋ جۇمىسى جۇرگىزىلۋدە
2022.04.01 16:50 كەلۋ قاينارى : حالىق تورابى
3 – ايدىڭ 31 – كۇنى تۇستەن بۇرىن، مەملەكەتتىك شۇعىل جاعدايلاردى ءبىرجاقتى ەتۋ قولباسشىلىق كەڭسەسى شىعىس اۆياتسياسى MU5735 ۇشاعىنىڭ 3 – ايدىڭ 21 – كۇنى شىرعالاڭعا ۇشىراۋىنا بايلانىستى 3 – ايدىڭ 31 – كۇنى تۇستەن بۇرىن اقپار جاريالاۋ ءماجىلىسىن اشىپ، ىزدەۋ قىزمەتىندەگى ەڭ جاڭا جاعداي جونىندە اقپارات جاريالادى.
باستى ىزدەۋ مىندەتى نەگىزىنەن ورىندالىپ بولدى
قازىر قولباسشىلىق كەڭسەسىنىڭ نەگىزگى ىزدەۋ مىندەتى نەگىزىنەن ورىندالىپ بولدى. 3 – ايدىڭ 30 – كۇنىنە دەيىن، شۇعىل جاعدايدى ءبىرجاقتى ەتۋ قىزمەتى بارىسىندا، ءارقايسى جاقتارداعى كۇشتەردى شوعىرلاندىرىپ، جيىنى 50 مىڭ ادام (رەت) جۇمىس اتقارعان، ءورت ءوشىرۋ اۆتوموبيلدەرىنەن جيىنى 216 اۆتوموبيلدى، ۇشقىشسىز ۇشاقتاردان جيىنى 16 ۇشاقتى، قۇرىلىس ماشينالارىنان جيىنى 30 ماشينانى، گەولوگيالىق تەكسەرۋ جابدىقتارىنان 9 جابدىقتى، سونداي – اق، شىرعالاڭ تۋىلعان جەردە بارلاۋ اسپاپتارىنان 100 گە جۋىق اسپاپتى، قورعانۋ كيىمدەرى مەن جابدىقتارىنان 1000 نان استامىن، ءورت ءوشىرۋ – قۇتقارۋ اسپاپتارىنان 20 مىڭنان استامىن ىسكە قوسىپ، ۇشاقتىڭ سىنىقتارى مەن جارىقشاقتارىنان 49 مىڭنان استامىن ىزدەپ تاپقان. ۇشاق سىنىقتارىنىڭ كوپ ءبولىمى ساقتاۋ قويماسىنا تۇگەلدەي جوتكەپ اپارىلعان، قازىر سىنىقتاردى تازالاۋ قىزمەتى ورىستەتىلۋدە.
ەكى قارا قوبديشاداعى دەرەكتەردى شەشۋ قىزمەتى ورىستەتىلۋدە
10 كۇنگە جۋىق قۇلشىنۋ ارقىلى، تەكسەرۋ قىزمەتىندە باستاپقى قادامدا ىلگەرىلەۋشىلىك بولدى. ەڭ الدىمەن، سىنىقتاردى ىزدەۋ قىزمەتى نەگىزىنەن ورىندالىپ بولدى. ۇشاقتىڭ ۇشۋدى ەستەلىككە الاتىن 2 اسپابىنان سىرت، موتور قاتارلى ماڭىزدى بولەكتەرى دە تابىلدى. سونىمەن بىرگە، العاشقى قادامداعى ساراپتاۋ قىزمەتى ورىستەتىلىپ، شىرعالاڭ تۋىلعان جەردىڭ قورشاعان ورتاسى، سىنىقتاردىڭ تارالۋ جاعدايى، سوعىلۋدان قالعان ىزدەر قاتارلىلاردىڭ ورنىن بەلگىلەۋ، سۋرەتكە ءتۇسىرۋ قىزمەتتەرى ورىندالدى، ۇشاقتىڭ جەرگە جۋىقتاعان كەزدەگى قوزعالىس بارىسى، بەينەسى جانە ەكپىنى قاتارلىلاردىڭ ىقتيمالدىعىنا تۇجىرىم جاسالدى. ۇشۋدى باسقارۋ تاراۋلارىنىڭ رادارىنداعى اۆتوماتتاندىرىلعان جۇيەنىڭ دەرەكتەرىنە ساراپتاۋ جاساۋ ارقىلى، شىرعالاڭ تۋىلاردىڭ الدىنداعى ناقتى ۇشۋ بارىسىن ەلىكتەمەلى تۇردە قالپىنا كەلتىرىپ، وسى ۇشاققا قاتىستى جولاۋشى، جۇك، پوچتالىق جونەلتىلىم قاتارلى ماتەريالدارعا تەكسەرۋ جۇرگىزدى. ۇشۋدى ەستەلىككە الاتىن ەكى اسپاپتاعى دەرەكتەردى شەشۋ جۇمىسى ورىستەتىلۋدە.
شىرعالاڭ تۋىلعان كۇننەن باستاپ 30 كۇن ىشىندە العاشقى قادامداعى تەكسەرۋ مالىمەتىن ورىنداپ بولادى
الداعى قىزمەت ءتۇيىنى شىرعالاڭ جونىندە بىرتىندەپ تەحنيكالىق ساراپتاما جاساۋ جانە تەكسەرىپ ىسپات الۋ كەزەڭىنە قادام تاستايدى. حالىقارالىق حالىقتىق اۆياتسيا شارتى قوسىمشا قۇجاتى مەن ەلىمىزدىڭ حالىقتىق اۆياتسيا ەرەجەسىندەگى قاتىستى تالاپتارعا نەگىزدەلە وتىرىپ، شىرعالاڭ تۋىلعان كۇننەن باستاپ 30 كۇن ىشىندە العاشقى قادامداعى تەكسەرۋ مالىمەتى ورىندالىپ بولادى، بارلىق تەكسەرۋ اياقتاعان سوڭ، تولىق تەكسەرۋ مالىمەتى جۇرتشىلىققا اشىق جاريالانادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
