ءپىشان (تۇرپان − قۇمىل) 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سالىنىپ ءبىتىپ، ىسكە قوسىلدى
ءپىشان جاڭا ەنەرگياسىنىڭ قابىلداۋ قۋاتى 6 ەسەگە تاياۋ جوعارىلادى
2022.04.01 21:05 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى چىن چياڭۋي 3 - ايدىڭ 30 - كۇنى ۇرىمجىدەن حابارلايدى. 3 - ايدىڭ 29 - كۇنى ءپىشان (تۇرپان − قۇمىل) 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سالىنىپ ءبىتىپ، ىسكە قوسىلدى، بۇل شينجياڭداعى بيىل تۇڭعىش رەت ىسكە قوسىلعان اسقىن جوعارى قىسىمداعى ەلەكتر تورى قۇرىلىسى ينجەنەرياسى سانالادى. وسى ينجەنەريا ءپىشان، شىسانجيانفاڭ ءوڭىرىنىڭ جاڭا ەنەرگيا شىعارۋ ارناسىن تۇتاستىرىپ، ءپىشان جاڭا ەنەرگياسىنىڭ قابىلداۋ قۋاتى 300 مىڭ كيلوۆاتتان 2 ميلليون كيلوۆاتقا جوعارىلاپ، 6 ەسەگە تاياۋ ارتتى.
بۇل ينجەنەريا تۇرپان قالاسىنىڭ ءپىشان اۋدانىنا ورنالاسقان، ينجەنەرياعا 737 ميلليون يۋان يكەمدى قارجى قوسىلعان، جەلىنىڭ ۇزىندىعى 17 مىڭ 841 مەتر بولىپ، جالپى 42 تەمىر مۇنارا سالىنعان، 2019 - جىلى 8 - ايدا قۇرىلىس باستاعان.
ءپىشان اۋدانىنىڭ كومىر بايلىعى شوعىرلى بولىپ، ءىرى تيپتەگى وت ەلەكترىن اشۋ شارت - جاعدايىن ازىرلەگەن. سونىمەن بىرگە، وسى ءوڭىردىڭ كۇن ەنەرگياسى، جەل ەنەرگياسى بايلىعى مول، كەزەكتە وسى اۋداندا جاڭا ەنەرگيا الاڭ - بەكەتىنەن جالپى 23ى بار بولىپ، جالپى اگراگاتتار سيىمدىلىعى 872 مەگاۆات، مۇنىڭ ىشىندە فوتوۆولت 480 مەگاۆات، جەل كۇشى ارقىلى ەلەكتر تاراتۋ 392 مەگاۆات.
بۇدان بۇرىن ءپىشان ءوڭىرى مەن شىعىس شينجياڭ 750 كيلوۆولتتىق نەگىزگى تور تۇعىرىنىڭ بايلانىستىرىلۋى ءبىرشاما ءالسىز بولىپ، جاڭا ەنەرگيا سانالعان جەل ەنەرگياسىنان باز كەشۋ، كۇن ەنەرگياسىنان باز كەشۋ ماسەلەسى كورنەكتى ەدى. لانجوۋ − شينجياڭ 2 - جەلىسى ەلەكترلەنگەن تەمىر جولىنىڭ تۇرپاننان قۇمىلعا دەيىنگى ارالىعىندا 11 جەتەلەۋ بەكەتى بار بولىپ، ءالسىز تور تۇعىرى تەمىر جولدى ەلەكترمەن قامداۋدىڭ سەنىمدىلىگى جوعارى بولماۋ ماسەلەسىنە اپارىپ سوقتى. پىشان (تۇرپان − قۇمىل) 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىن سالۋ وسى ماسەلەلەردى ءونىمدى شەشە الادى.
2019 - جىلى ينجەنەريا قۇرىلىس باستاعاننان بەرى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى قىزمەتكەرلەردى، زاتتىق ماتەريالداردى ۇيلەسىمدى سەپتەپ، بارىستىق باسقارۋ - مەڭگەرۋدى كۇشەيتىپ، قۇرىلىسقا ات سالىساتىن ورىنداردى قۇرىلىس مەزگىلى قىسىلتاياڭ، مىندەت اۋىر، ىندەتتەن ساقتانۋ - تىزگىندەۋ سىندى كوپتەگەن اۋىر سىن - سايىستارعا بەلسەنە توتەپ بەرۋگە ۇيىمداستىرىپ، ينجەنەريانىڭ ساپالى، جوعارى ءونىمدى ورىندالۋىنا بار كۇشپەن شىنايى كەپىلدىك ەتتى.
ۇعىسۋعا قاراعاندا، وسى ينجەنەريا شينجياڭداعى نەگىزگى تورلاردىڭ ىشىندەگى تۇڭعىش ءۇش ولشەمدى جوبالاۋدان ۇلگى كورسەتۋ قولدانىلمالى ينجەنەرياسى، سونداي - اق تۇڭعىش رەتكى جابدىقتارعا جۇكتەلگەن ”ءبىر كنوپكامەن ءساتتى مەڭگەرۋ“ تەحنيكاسىنىڭ 750 كيلوۆولتتىق كەرنەۋ وزگەرتۋ پۋنكتى ينجەنەرياسى سانالادى ەكەن. ءۇش ولشەمدى جوبالاۋ ينجەنەريانىڭ ساندى مالىمەت ينفورماتسياسىنىڭ ينجەنەريا قۇرىلىسى جۇمىسىنىڭ تۇتاس اينالىم پەريوتى ىشىندەگى ”ءبىر رەت ەنگىزۋ، بىرگە يگىلىكتەنۋ، بىرگە پايدالانۋىن“ جۇزەگە اسىرىپ، ءتۇرلى كاسىپتەردىڭ جوبالاۋ قىزمەتىن ءبىر ۋاقىتتا ورىستەتۋگە مۇمكىندىك جاساپ، ەلەكترلەنگەن بولىگى مەن جەر بەتىنە وتكىزىلگەن بولىگى اراسىنداعى حاۋىپسىز ارالىقتى ءونىمدى سالىستىرىپ - تەكسەرىپ، تۇرلىشە جابدىقتار اراسىنداعى نەگىزدىك سوعىلىسۋ سياقتى ماسەلەلەردەن ساقتاندىرادى. ”ءبىر كنوپكامەن ءساتتى مەڭگەرۋ“ تەحنيكاسىنىڭ قولدانىلۋى كەرنەۋ وزگەرتۋ پۋنكتىنىڭ تيەك اۋىستىرۋ مەڭگەرۋىن ”ادام كۇشى ارقىلى تۇرلەر بويىنشا مەڭگەرۋدەن“ ”كومپيۋتەر ارقىلى الىس ارالىقتان اۆتوماتتى مەڭگەرۋگە“ اۋىسۋىن جۇزەگە اسىردى.
وسى ينجەنەريا سالىنىپ ءبىتىپ، ىسكە قوسىلعاننان كەيىن ءپىشاننىڭ جاڭا ەنەرگيا شىعارۋداعى كەدەرگىگە ۇشىراۋ ماسەلەسى جاپپاي شەشىم تاۋىپ، جەرگىلىكتى ورىننىڭ تازا ەنەرگياسىنىڭ كەڭ كولەمدە اشىلۋى، پايدالانىلۋى ءۇشىن بەرىك نەگىز قالايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
