”شينجياڭ جاقسى جەر“ اتىنداعى اراب بىرىككەن امىرلىگىنە ارنالعان بەينە ەكران اۋىس - كۇيىس ءماجىلىسى اشىلدى
شينجياڭنىڭ جاقسى - جاماندىعى جونىندە حالىق ءسوز سويلەۋگە ەڭ ۇقىقتى
2022.04.01 21:06 كەلۋ قاينارى : ءتاڭىرتاۋ تورابى
انار بۇلت / شينجياڭ گازەتىنىڭ ءتىلشىسى فان چيۇڭيان 3 - ايدىڭ 30 - كۇنى ۇرىمجىدەن حابارلايدى. 3 - ايدىڭ 29 - كۇنى ”شينجياڭ جاقسى جەر“ اتىنداعى اراب بىرىككەن امىرلىگىنە ارنالعان بەينە ەكران اۋىس - كۇيىس ءماجىلىسى ۇرىمجىدە جانە ابۋدابيدە ءبىر ۋاقىتتا وتكىزىلدى. شينجياڭنىڭ جوعارى مەكتەپ وقىتۋشىلارى، بۇرىنعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىلەر، جۇمىسكەرلەر، ايەلدەر ۋاكىلدەرى، ءدىني قايراتكەرلەر بەينە ەكران بايلانىس ارقىلى ءتول كەشىرمەلەرىمەن ورتاقتاسىپ، امەريكاداعى، باتىستاعى جۇڭگوعا قارسى كۇشتەردىڭ ويدان قۇراستىرعان ايتىلمىس شينجياڭعا ساياتىن ”زورلىقپەن ەڭبەككە سالۋ“، ”ءدىندى تۇنشىقتىرۋ“، ”ءناسىل جويۋ“ سىندى وسەك - اياڭدارىنا جانە ساندىراقتارىنا تويتارىس بەردى.
اۆتونوميالى رايوننىڭ ءتوراعاسى ەركىن تۇنياز، حالىقارالىق زورلىقتى كۇشكە، ۇشقارىلىققا قارسى تۇرۋدان ۇلگى كورسەتۋ ورتالىعىنىڭ ءتوراعاسى ءالي راشيد نوۋمي، جۇڭگونىڭ اراب بىرىككەن امىرلىگىندە تۇراتىن باس ەلشىسى ني جيان، اراب بىرىككەن امىرلىگىنىڭ جۇڭگودا تۇراتىن باس ەلشىسى ءالي وبەيد زاحيري، اۆتونوميالى رايون باسشىلارىنان لي شۋەجۇن ماجىلىسكە قاتىناستى.
ەركىن تۇنياز جۋىق جىلداردان بەرگى شينجياڭنىڭ ورنىقتىلىق، دامۋ جاعدايىن تانىستىرعان كەزدە بىلاي دەدى: لاڭكەستىككە قارسى تۇرۋدىڭ قاتاڭ دا كۇردەلى جاعدايى مەن ءار ۇلت بۇقاراسىنىڭ تىنىشتىققا، ورنىقتىلىققا دەگەن كوكەي تەستى تالابىنا ءدوپ كەلگەندە ءبىز سوتسياليستىك زاڭمەن باسقارۋ تۋىن بيىك ۇستاپ، حالىقارالىق قوعامنىڭ لاڭكەستىككە قارسى تۇرۋ تاجىريبەلەرىنەن، تاسىلدەرىنەن ۇلگى الىپ، ونى قابىلداپ، زورلىقتى كۇش، لاڭكەس قىلمىستارىنا زاڭ بويىنشا قاتاڭ سوققى بەرۋمەن بىرگە، قاينارىنان باستاپ باسقارۋدى ورىستەتۋگە ءمان بەرىپ، حالىق تۇرمىسىن جاقسارتۋ، زاڭمەن باسقارۋ ۇگىت تاربيەسىن كۇشەيتۋ ارقىلى زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرىپ، كومەكتەسۋ، سۇيەمەلدەۋ، تاربيەلەۋ سياقتى كوپ ءتۇرلى تاسىلدەردى جۇرگىزۋ ارقىلى ءار ۇلت بۇقاراسىنىڭ نەگىزگى ۇقىق - مۇددەسىنىڭ زيانعا ۇشىراماۋىن ەڭ جوعارى شەكتە قامتاماسىز ەتتىك. اراب بىرىككەن امىرلىگى مەن جۇڭگونىڭ شينجياڭىنىڭ اراسىن سانسىز تاۋ، وزەن ءبولىپ جاتقانىمەن، دوستىق دانەكەرى ءبىزدى تىعىز بايلانىستىرىپ وتىر. ارابتاردا ”كۇننىڭ نۇرىن توسا المايسىڭ، اقيقاتتىڭ الاۋىن سوندىرە المايسىڭ“ دەگەن ءتامسىل بار. وسى رەتكى بەينە ەكران اۋىس - كۇيىس ءماجىلىسى ارقىلى كوپشىلىكتىڭ شينجياڭنىڭ ناقتى جاعدايىنا دەگەن تۇسىنىگىنىڭ، تانىمىنىڭ ارتاتىندىعىنا سەنەمىن.
ءالي راشيد نوۋمي مىنالاردى ءبىلدىردى: ”كوپشىلىكتىڭ تانىستىرۋى ارقىلى شينجياڭنىڭ وراسان زور دامۋ تابىستارىنا قول جەتكىزگەندىگىن ءبىلدىم. مەن كەزىندە شينجياڭدا ساپاردا بولعانمىن، جەرگىلىكتى ۇكىمەت مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋ ارقىلى اناعۇرلىم كوپ از ۇلت بۇقاراسىنىڭ ءتىپتى دە جاقسى تاربيە الۋىنا مۇمكىندىك جاساعان“.
ني جيان ارناۋ سوزىندە مىنالاردى ءبىلدىردى: كەزىندە شينجياڭنىڭ نەگىزگى ساتىسىندا ءبىر مەزگىل قىزمەت ىستەگەنمىن، قازىر شينجياڭنىڭ دامۋىنا ءتىپتى دە شىن جۇرەكتەن قۋانامىن. شينجياڭ جاقسى ما - جامان با ەكەندىگى جونىندە شينجياڭ حالقىنىڭ ەڭ سويلەۋ ۇقىعى بار. الايدا كەيبىر مەملەكەتتەر مەن ساياسي الاياقتار شينجياڭنىڭ قول جەتكىزگەن تاريحي تابىسىن ەلەمەي، ايتىلمىس ”ءناسىل جويۋ“، ”زورلىقپەن ەڭبەككە سالۋ“ دەگەن سياقتى وسەك - اياڭداردى ويدان قۇراستىردى، ولاردىڭ سۇرقيا نيەتى − جۇڭگونىڭ شينجياڭدى باسقارۋ ساياساتىن داتتاپ، جۇڭگونىڭ ىشكى ىسىنە كيلىگۋ.
ءالي وبەيد زاحيري مىنالاردى ءبىلدىردى: ۇشقارىلىققا سوققى بەرۋ مەملەكەت شەكاراسىنا بولىنبەيدى، شينجياڭنىڭ ۇشقارىلىققا سوققى بەرۋدەگى جەتىستىكتەرى مەن تاجىريبەلەرى ۇيرەنۋگە جانە ۇلگى الۋعا تاتيدى.
”تاربيەلەۋ - باۋلۋ ورتالىعى مەنى ءدىني ۇشقارى يدەيانىڭ قۇيىنان الىپ شىعىپ، جاڭا تۇرمىس سيلادى“. بەينە جالعانىم كەزىندە بۇرىنعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى ءدىلمۇرات ەركىن قول تەلەفونىن الىپ شىعىپ، وتباسىنداعى 4 جاننىڭ باقىتتى تۇرمىسىن كورسەتتى؛ اتۇش قالاسى اعۋ اۋىلى لاڭگار قىستاعى ايەلدەر بىرلەستىگىنىڭ ءتورايىمى ايقامار تۇرسۇن قىستاقتاعى شارۋاشىلىق قۇرعان اپەكە - سىڭلىلەردى ماقتانىشپەن تانىستىردى، ولار ەكراندا سەنىممەن كۇلىمسىرەپ تۇر؛ جوعارى مەكتەپ وقىتۋشىسى جەننەتحان مامۇت ءوزىنىڭ ءبىلىم الۋ جانە قىزمەت كەشىرمەسىن ءبولىستى؛ جۇمىسكەر ابدۇراحىمان ءماتتۇرسۇن ءوزىنىڭ باقىتتى تۇرمىسىن باياندادى؛ ءدىني قايراتكەر وبۇلاسەن تۇرسۇننياز شينجياڭنىڭ ءدىني سەنىم ەركىندىگىن زاڭ بويىنشا قامتاماسىز ەتۋ جاعدايىن باياندادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
