شينجياڭنىڭ جەر - جەرى بۇقارا اڭىس ەتكەن ەكولوگيالىق ورتا ماسەلەلەرىن بەلسەنە شەشتى
2022.04.01 21:37 كەلۋ قاينارى : شينجياڭ گازەتى
گازەتىمىزدىڭ جيناق حابارى. 3 - ايدىڭ 29 - كۇنىنە دەيىن، ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسى 4 توپتا جالپى 113 ارىز - ارمان ءىسىن شينجياڭنىڭ بىتىرۋىنە وتكىزدى، ءار ۇلت بۇقاراسىنىڭ ارىز - ارمان ايتۋ ارقىلى اشكەرەلەگەن ەكولوگيالىق ورتا ماسەلەلەرى، باستىسى، شۋىلدان لاستانۋ، اتموسفەرانىڭ، توپىراقتىڭ لاستانۋى سياقتى لاستانۋ تۇرلەرىنە شوعىرلاندى. ءارقايسى ايماق، وبلىس، قالا بىتىرۋگە وتكىزىلگەن ارىز - ارمان ىستەرىن تاپسىرىپ العان سوڭ، ايرىقشا ءمان بەرىپ، قاتىستى تاراۋلار تاباندا ءىستىڭ باسى - قاسىنا بارىپ تەكسەرىپ، ءبىر جاقتى ەتىپ، بىتىرۋگە وتكىزىلگەن ارىز - ارمان ىستەرىندە ايتىلعان ماسەلەلەردى رەتتەۋ - تۇزەتۋدى تياناقتاندىرۋدى تىڭعىلىقتى، ويداعىداي يگەرىپ، ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋىنىڭ ناقتى ونىمدىلىككە قول جەتكىزۋىنە شىنايى كەپىلدىك ەتتى.بۇراتالا وبلىسى: جاۋاپكەرشىلىكتى ناقتىلاپ، ءىستى تاپسىرىپ الىسىمەن دەرەۋ ءبىتىردى
3 - ايدىڭ 29 - كۇنىنە دەيىن، بۇراتالا موڭعۇل اۆتونوميالى وبلىسى ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسى بىتىرۋگە وتكىزگەن 2 ارىز - ارمان ءىسىن تاپسىرىپ الدى. مۇندا بۇراتالا قالاسىنا تاپسىرىلعان ءبىر ءىس، اراسان اۋدانىنا تاپسىرىلعان ءبىر ءىس تۇگەلدەي سۋدىڭ لاستانۋى تۇرىندەگى ماسەلە بولدى.
بۇراتالا وبلىستىق پارتكوم، ۇكىمەت قاراستى جەر جاۋاپتى بولۋ، العاشقى اتقارۋشى ورىن جاۋاپتى بولۋ، شاپشاڭ، دەر كەزىندە بولۋ، مۇقيات، ءدال بولۋ پرينسيبى بويىنشا، ارىز - ارمان ىستەرىن تاباندا بىتىرۋگە وتكىزىپ، تاباندا اداقتاپ تەكسەرىپ، تاباندا رەتتەپ - تۇزەتىپ، تاباندا اشىق جاريالاپ، تاباندا قايتالاي ۇعىستى.
بۇراتالا وبلىستىق ەكولوگيالىق ورتا مەكەمەسى پارتيا باسشىلىق گرۋپپاسىنىڭ شۋجيى، مەكەمەنىڭ ورىنباسار باستىعى ۋاڭ باۋۋي مىنانى ءبىلدىردى: بۇراتالا وبلىسىنداعى ءار دارەجەلى ەكولوگيالىق ورتا تاراۋلارى قاتاڭ، مۇقيات، جاۋاپتى بولۋ پوزيتسياسىمەن بىتىرۋگە وتكىزىلگەن ءاربىر ارىز - ارمان ءىسىن ويداعىداي ءبىتىرىپ، اڭىس ەتىلگەن ەكولوگيالىق ورتا ماسەلەلەرىنىڭ دەر كەزىندە، ءونىمدى ءبىر جاقتى ەتىلۋىنە شىنايى كەپىلدىك ەتىپ، بۇقارانىڭ تابىس سەزىمى مەن باقىت سەزىمىن ۇزدىكسىز كۇشەيتتى.
ۇعىسۋىمىزشا، بۇراتالا وبلىستىق ارىز - ارمان مەكەمەسى بىتىرۋگە وتكىزىلگەن ارىز - ارمان ىستەرىن عىلمي تۇجىرىمداپ، تۇرلەرگە ءبولىپ ءبىر جاقتى ەتىپ، ءبىر - بىردەن اقىلداسىپ، ءبىر - بىردەن اشالاپ، ءبىر - بىردەن جىكتەپ، ماسەلەلەر ءتىزىمىن، مىندەت ءتىزىمىن، جاۋاپكەرشىلىك ءتىزىمىن جاساپ، بىرەۋىن رەتتەپ - تۇزەتكەندە بىرەۋىن ەسەپتەن ءوشىرىپ، ماسەلەلەردى انىق تەكسەرمەگەندەرگە، جاۋاپكەرشىلىكتى تياناقتاندىرماعاندارعا، تىڭعىلىقتى رەتتەپ - تۇزەتپەگەندەرگە، بۇقارا رازى بولماعاندارعا استە كەشىرىم جاساماعان.بايىنعولين وبلىسى: وبلىس پەن قالا بىرلەسە قيمىلداپ، رەتتەۋ - تۇزەتۋدى تياناقتاندىردى
3 - ايدىڭ 29 - كۇنىنە دەيىن، بايىنعولين موڭعۇل اۆتونوميالى وبلىسى ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسى بىتىرۋگە وتكىزگەن 2 ارىز - ارمان ءىسىن تاپسىرىپ الدى، بۇقارا ارىز - ارمان ايتۋ ارقىلى، باستىسى، كورلا قالاسىنداعى توپىراقتىڭ جانە اتموسفەرانىڭ لاستانۋى تۇرىنە قاتىستى ماسەلەلەردى اڭىس ەتكەن.
بايىنعولين وبلىستىق پارتكوم، ۇكىمەت ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋىنىڭ ماڭىزدىلىعىنا، قاتاڭدىعىنا جانە قۇزىرەتتىلىگىنە ايرىقشا ءمان بەرىپ، ەڭ باتىل پوزيتسيامەن، ەڭ وتكىر ارەكەتپەن، ەڭ پارمەندى شارامەن ارىز - ارمان ىسىندە اڭىس ەتىلگەن ماسەلەلەردى رەتتەۋ - تۇزەتۋدى تياناقتاندىرۋدى شىنايى ىلگەرىلەتتى.
بايىنعولين وبلىسى بىتىرۋگە وتكىزىلگەن ارىز - ارمان ىستەرىن تاپسىرىپ العان سوڭ، ءىستى ءبىتىرۋ ءتارتىبى بويىنشا كورلا قالالىق ۇكىمەتكە دەرەۋ تاپسىرىپ، سونىمەن بىرگە تالداۋ، تۇجىرىمداۋ جيىنىن اشىپ، مۇقيات ساراپتاپ، تالقىلاپ، قىزمەت شارالارىن اشالاپ، رەتتەۋ - تۇزەتۋدىڭ ۋاقىت شەگىن ايقىندادى. سونىمەن بىرگە، اۆتونوميالى رايوندىق ەكولوگيالىق ورتا مەڭگەرمەسى ەكولوگيالىق ورتا بويىنشا باقىلاۋ - تەكسەرۋشى 5 - ارناۋلى ۋاكىل كەڭسەسىمەن بەلسەنە سايكەسىپ، قاتىستى تاراۋلاردىڭ جاۋاپتىلارىن دەرەۋ ءىستىڭ باسى - قاسىنا بارۋعا ۇيىمداستىردى ءارى ءىستى بىتىرۋگە باسى - قاسىندا قۋزاۋشىلىق جاسادى.
كورلا قالالىق پارتكوم مەن ۇكىمەت ماسەلەنى باعدار ەتۋگە تاباندى بولىپ، ساياسي جاۋاپكەرشىلىكتى كۇشەيتىپ، ەكولوگيالىق ورتانى قورعاۋ جاۋاپكەرشىلىگىن باتىل اتقارىپ، كىناراتتاردى ءدال كوزدەپ شارا قولدانىپ، ورتالىق ەكولوگيالىق ورتانى قورعاۋدى قۋزاۋ - تەكسەرۋ گرۋپپاسى بىتىرۋگە وتكىزگەن ماسەلەلەردى رەتتەۋ - تۇزەتۋدى تياناقتاندىرۋدى ۇزدىكسىز ىلگەرىلەتىپ، قوعام كوڭىل ءبولىپ وتىرعان ماسەلەلەر مەن بۇقارانىڭ ءۇمىت - تىلەگىنە شىنايى جاۋاپ قايتاردى. جاۋاپتى باسشى دەرەۋ ءىستىڭ باسى - قاسىنا بارىپ سايكەستىرىپ، قولباسشىلىق ەتىپ، پارمەندى شارا قولدانىپ، ماسەلەنىڭ رەتتەۋ - تۇزەتىلۋىن تىڭعىلىقتى ىلگەرىلەتتى. قازىرگە دەيىن، بىتىرۋگە وتكىزىلگەن 2 ارىز - ارمان ءىسىنىڭ ەكەۋى دە جۇيەلى تۇردە ىلگەرىلەتىلۋ، رەتتەلۋ - تۇزەتىلۋ ۇستىندە.قۇمىل قالاسى: شاپشاڭ ارەكەت ەتىپ، اداقتاپ تەكسەرىپ، ءبىر جاقتى ەتتى
3 - ايدىڭ 29 - كۇنىنە دەيىن، قۇمىل قالاسى ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسى بىتىرۋگە وتكىزگەن 10 ارىز - ارمان ءىسىن تاپسىرىپ الدى، اڭىس ەتىلگەن ماسەلەلەر يجوۋ رايونىنا شوعىرلانعان.
قۇمىل قالالىق پارتكوم مەن قالالىق ۇكىمەت ايرىقشا ءمان بەرىپ، تاراۋلاردان شىنداپ كىرىسىپ، ماشاقاتتى تۇيىنمەن بەتپە - بەت كەلىپ، تياناقتاندىرۋدى ويداعىداي يگەرۋدى تالاپ ەتتى. يجوۋ رايونى ارىز - ارمان ىسىندە اڭىس ەتىلگەن ماسەلەلەر جونىندە، پەيىل جاعىندا ىرىقتىلىقپەن تانىپ جانە قابىلداپ، ارەكەت جاعىندا بەلسەنە رەتتەپ - تۇزەتىپ، ءادىس جاعىندا عىلمي، قاتاڭ بولىپ، ماسەلەلەردەن قاشقالاقتاماۋدى، ولقىلىقتاردى جاسىرىپ - جاپپاۋدى، جاۋاپكەرشىلىكتى باسقاعا يتەرمەلەمەۋدى ورىنداپ، ماسەلەلەردى رەتتەۋ - تۇزەتۋدىڭ ورىندالۋىن جاپپاي ىلگەرىلەتتى.
قۇمىل قالاسى وبيەكتيۆ تە ءادىل بولۋ، شىندىقتى ءىس جۇزىنەن ىزدەۋ پرينسيبىنە تاباندى بولىپ، ارىز - ارمان ىستەرىن زاڭ بويىنشا ءبىتىرىپ، ماسەلەلەردى تەكسەرىپ انىقتاماي تىنباۋدى، رەتتەپ - تۇزەتپەي تىنباۋدى، جاۋاپكەرشىلىكتى تياناقتاندىرماي تىنباۋدى، بۇقارانى رازى ەتپەي تىنباۋدى ورىنداپ، بۇقارا كوڭىل ءبولىپ وتىرعان ەكولوگيالىق ورتاعا قاتىستى قولامتالى ماسەلەلەردى ءاردايىم ءجىتى نازاردا ۇستادى. سونىمەن بىرگە، ماسەلەنى باعدار ەتۋگە تاباندى بولىپ، ۇقساس تۇردەگى جاعدايلاردى اداقتاپ تەكسەرىپ، ءسۇزىپ شىعىپ، ساياساتتىق ۇگىت پەن قوعامدىق پىكىر جەتەكشىلىگىن ويداعىداي ىستەپ، ورتالىق ەكولوگيالىق ورتانى قورعاۋدى قۋزاۋ - تەكسەرۋ گرۋپپاسى بىتىرۋگە وتكىزگەن ارىز - ارمان ىستەرىندە ماسەلەلەردى رەتتەۋ - تۇزەتۋدە ناقتى ونىمدىلىككە قول جەتكىزۋگە شىنايى كەپىلدىك ەتتى.
(انار بۇلت / شينجياڭ گازەتىنىڭ ءتىلشىسى ۋاڭ يايۇن، ەرىكتى تىلشىلەر زوۋ شياۋمەي، جاڭ چىن، جۋ ي)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
