تاباندا ارەكەتتەنىپ، تاباندا تۇزەتۋ! لۋيۋان كوشەسى ءمالى باسقارماسى بۇقارانىڭ قورشاعان ورتانى قورعاۋ شاعىمدارىن جىلدام شەشتى
2022.04.01 21:38 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 3 - ايدىڭ 29 - كۇنى ۇرىمجىدەن حابارلايدى. تاياۋدا ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسى بۇقارانىڭ ءۇرىمجى قالاسى ساڭفاڭگوۋ ورتا جولىنداعى ءبىر تۇرعىندار اۋلاسىنىڭ ءىشىنىڭ قورشاعان ورتاسىنىڭ لاس، بىلىققان، ناشار دەگەن اڭىسىن قابىلدادى. 3 - ايدىڭ 28 - كۇنى وسى تۇرعىندار اۋلاسى قارايتىن لۋيۋان كوشەسى ءمالى باسقارماسى قۋزاۋ - تەكسەرۋ گرۋپپاسى تاپسىرعان ارىز - ارماندى جەدەل ءبىر جاقتى ەتىپ، بۇقارانىڭ كوڭىل ءبولىپ وتىرعان قورشاعان ورتا ماسەلەسىن بار كۇشپەن شەشتى.
تەكسەرۋ ارقىلى شاعىم ايتقان ءوڭىر ۆەلوسيپەد زاۆودىنىڭ تۇرعىندار اۋلاسى بولىپ، شاعىن اۋماقتاعى تۇرمىس اۋماعىندا شاشىلىپ جاتقان قوقىر - قوقسىق بار ەكەندىگى، كوگالدا جاپىراق، بۇتاق سياقتى ۇساق - تۇيەك نارسەلەردىڭ ءۇيىلىپ جاتقاندىعى، سونىمەن بىرگە تاعى بۇرىننان قالعان قۇرىلىستىق قوقىر - قوقسىقتار بار ەكەندىگى انىقتالدى. لۋيۋان كوشەسى ءمالى باسقارماسى پارتيا قىزمەتى كوميتەتىنىڭ ورىنباسار شۋجيى ۋاڭ دۇڭ تانىستىرىپ بىلاي دەدى: 13 عيمارات، 600دەن استام تۇرعىنى بار بۇل شاعىن اۋماقتا 2 تازالىق قىزمەتكەرى عانا ورنالاستىرىلعان، وعان قوسا قوجالىق تاراۋىنىڭ مىندەت وتەۋىنىڭ تياناقتى بولماۋى قوقىر - قوقسىقتاردىڭ دەر كەزىندە تازالانباۋ جاعدايىنىڭ جارىققا شىعۋىنا مۇرىندىق بولعان.
ايتىلعان شاعىمعا مەڭزەس، لۋيۋان كوشەسى ءمالى باسقارماسى تازالىق قىزمەتكەرلەرىن، الەۋمەتتىك اۋماق قىزمەتكەرلەرىن جانە ەرىكتىلەردى دەرەۋ ۇيىمداستىرىپ، شاعىن اۋماقتىڭ ورتاسىن تازالاپ، كوگالداعى قوقىر - قوقسىقتاردى تازالاپ، بوس جەرلەردى تەگىستەپ، قالدىق قۇرىلىس قوقىر - قوقسىعى سياقتىلاردى تاسىپ، سول كۇنى رەتتەپ جونگە سالىپ بولدى. شاعىن اۋماقتىڭ تۇرعىنى رىن شيۋيىڭ مىنالاردى ءبىلدىردى: تۇرعىندار اڭىس ەتكەن ماسەلەلەردىڭ جىلدام تياناقتانعاندىعىنا جانە شەشىلگەندىگىنە ەرەكشە ريزا بولدىم، تۇرعىنداردىڭ قورشاعان ورتانى ايالاپ، شاعىن اۋماقتى ءتىپتى دە كورىكتەندىرە ءتۇسۋىن ءۇمىت ەتەمىن.
ۋاڭ دۇڭ مىنالاردى ءبىلدىردى: الداعى ۋاقىتتا باسقارۋدى ءۇرتىس كۇشەيتىپ، تازالىق قىزمەتكەرلەرىن 7گە جەتكىزەمىز، سونىمەن بىرگە جاڭا قوجالىق سەرىكتەستىگىن ەنگىزىپ، شاعىن اۋماقتى كۇندەلىكتى قورعاۋ قىزمەتىنە جاۋاپتاندىرىپ، رەتتى دە تازا، كورىكتى، اقاۋسىز، جاراسىمدى قونىس ورتاسىن ىلگەرىلەگەن تۇردە جاراتامىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
