كاتار الەم چەمپيوناتىنا قاتىناساتىن كوماندالاردى جەرەبە تارتىپ گرۋپپاعا ءبولۋ اياقتالدى
يسپانيا، گەرمانيا، جاپونيا كوماندالارى «اجال گرۋپپاسىنا» ءبولىندى
2022.04.02 16:02 كەلۋ قاينارى : حالىق تورابى
گەرمانيانىڭ ايگىلى فۋتبولشىسى ماتەۆز (ورتادا) جەرەبە تارتۋدا. شينحۋا اگەنتتىگى
شينحۋا اگەنتتىگىنىڭ 4 – ايدىڭ 1 – كۇنى دوحادان بەرگەن حابارى. 2022 – جىلعى كاتار الەم چەمپيوناتىنا قاتىناساتىن كوماندالاردى جەرەبە تارتۋ ارقىلى گرۋپپاعا ءبولۋ سالتى DECC دوحا كورمە ورتالىعىندا وتكىزىلدى. يسپانيا، گەرمانيا، جاپونيا كوماندالارى «اجال گرۋپپاسىنا» ءبولىندى. A گرۋپپاعا بولىنگەن الاڭ يەلەرى كاتار كومانداسى مەن ەكۆادور كومانداسى 11 – ايدىڭ 21 – كۇنى الەم چەمپيوناتىنىڭ شىمىلدىعىن اشادى.
وسى رەتكى الەم چەمپيوناتىنا جيىنى 32 كوماندا قاتىناسادى، بۇل كوماندالار 8 گرۋپپاعا بولىنگەن. قازىر 29 كوماندانىڭ جارىسقا قاتىناساتىنى تۇراقتانىپ بولدى، ەڭ سوڭعى 3 كوماندا 6 – ايداعى قوسىمشا جارىستان سوڭ بەلگىلى بولادى. حالىقارالىق فۋتبول بىرلەستىگىنىڭ ەڭ جاڭا الەمدىك قاتارى بويىنشا، جارىسقا قاتىناساتىن كوماندالار ءتورت دارەجەگە بولىنگەن، الاڭ يەسى كاتار كومانداسى مەن دۇنيە جۇزىندە ەڭ الدىڭعى قاتاردا تۇراتىن 7 كوماندا ءبىرىنشى دەڭگەيدەگى كوماندالار بولىپ تاڭدالدى.
ناقتى گرۋپپاعا ءبولۋ جاعدايى مىناداي: A گرۋپپا: كاتار، ەكۆادور، سەنەگال، گوللانديا؛ B گرۋپپا: انگليا، يران، ا ق ش، ەۆروپا وڭىرىندەگى قوسىمشا جارىستىڭ جەڭىمپازى (ۆەلس \ شوتلانديا \ ۋكراينا)؛ C گرۋپپا: ارگەنتينا، ساۋد ارابياسى، مەكسيكا، پولشا؛ D گرۋپپا: فرانسيا، قۇرلىقتار ارا قوسىمشا جارىستىڭ جەڭىمپازى (اراب بىرىككەن امىرلىگى \ اۆستراليا \ پەرۋ)، دانيا، تۋنيس؛ E گرۋپپا: يسپانيا، قۇرلىقتار ارا قوسىمشا جارىستىڭ جەڭىمپازى (كوستا – ريكا \ جاڭا زەللانديا)، گەرمانيا، جاپونيا؛ F گرۋپپا: بەلگيا، كانادا، ماروككو، حورۆاتيا؛ G گرۋپپا: برازيليا، سەربيا، شۆەتساريا، كامەرۋن؛ H گرۋپپا: پورتۋگاليا، گانا، ۋرۋگۋاي، كورەيا.
جەرەبە جاعدايىنان الىپ قاراعاندا، يسپانيا، گەرمانيا جانە الدىڭعى كەزەكتى 16 مىقتىنىڭ قاتارىنا كىرگەن جاپونيا كومانداسى بولىنگەن E گرۋپپاسىنا كىل مىقتىلار جينالعان دەپ قاراۋعا بولادى، بۇل كوماندا بارشا جۇرت كوز تىگەتىن «اجال گرۋپپاسى» بولارى داۋسىز. برازيليا، سەربيا، شۆەتساريا، كامەرۋن كوماندالارى بولىنگەن G گرۋپپاداعى كوماندالاردىڭ ءاربىرىنىڭ وزىندىك ەرەكشەلىگى بار، وتە ءالسىز كوماندا جوق. بۇل برازيليا، سەربيا، شۆەتساريا كوماندالارىنىڭ الدىڭعى كەزەكتى الەم چەمپيوناتىنان كەيىن تاعى ءبىر رەت ءبىر گرۋپپادا كەزدەسۋى. ارگەنتينا، مەكسيكا، پولشا، ساۋد ارابياسى كوماندالارى بولىنگەن C گرۋپپا مەن پورتۋگاليا، گانا، ۋرۋگۋاي، كورەيا كوماندالارى بولىنگەن H گرۋپپالارى دا قۋاتتى كوماندالار جينالعان گرۋپپالار.
ازيا كولەمىندە ەكىنشى رەت وتكىزىلەتىن الەم چەمپيوناتى بولعانىمەن، ازيادان قاتىناسقان كوماندالاردىڭ جەرەبەدەن باعى جانبادى دەۋگە بولادى. جاپونيا، كورەيا جانە ساۋدا ارابياسى كوماندالارىنان سىرت، الاڭ يەلەرى كاتار كومانداسى دا ەۆروپاداعى ەگەي كوماندا گوللانديامەن جانە افريكا چەمپيوناتىنىڭ جاڭا چەمپيونى سەنەگالمەن كەزدەسەدى، يران كومانداسى انگليا، ا ق ش كوماندالارىنىڭ «قىسپاعىندا» قالدى.
حالىقارالىق فۋتبول بىرلەستىگىنىڭ ءتوراعاسى ينفانتينو: «بۇل رەتكى الەم چەمپيوناتىن شامامەن 3 ميلليون كورەرمەن الاڭعا بارىپ تاماشالايدى، دۇنيە ءجۇزى بويىنشا 5 ميلليارد ادام ەكران ارقىلى تاماشالايدى»، — دەدى.
كاتار الەم چەمپيوناتى ورتا شىعىس ەلدەرىندە العاش رەت وتكىزىلەتىن الەم چەمپيوناتى، سونىمەن بىرگە، سولتۇستىك جارتى شارداعى قىس مەزگىلىندە تۇڭعىش رەت وتكىزىلەتىن الەم چەمپيوناتى، جارىس ۋاقىتى 11 – ايدىڭ 21 – كۇنىنەن 12 – ايدىڭ 18 – كۇنىنە دەيىن كاتارداعى 8 سپورت الاڭىندا وتكىزىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
