شاي ءىشۋ ارقىلى ءتۇرلى اۋرۋلاردى ەمدەۋمەن بىرگە، بايۋعا بولادى دەگەن ءسوز راس پا؟ جالعامالى ساتۋمەن شۇعىلداناتىنداردىڭ ايلاسىنا قۇرىق بويلامايدى، جولاماعان ءجون
2022.04.06 16:00 كەلۋ قاينارى : حالىق تورابى
«قان قىسىمى جوعارى بولۋ، قانداعى ماي قۇرامى جوعارى بولۋ، قانداعى قانت قۇرامى جوعارى بولۋ قاتارلى ناۋقاستاردى ەمدەۋمەن بىرگە، راكقا دا ەم بولادى، جاڭا تيپتى ايدارشا ۆيرۋستان ساقتانۋعا بولادى، بۇل شايدان الىپ ىشەسىز بە؟»، «7000 مىڭ يۋان تاپسىرساڭىز، 100 مىڭ يۋان اقشا تابۋىڭىزعا بولادى» ... جۋىردان بەرى، اقپارات قۇرالدارىنىڭ حابارلاۋىنشا، وسىنىڭ الدىندا كوپ جەردەگى زاڭ اتقارۋ تاراۋلارى جالعامالى ساتۋمەن شۇعىلداندى دەگەن كۇمانمەن دەلو تۇرعىزىپ، تەكسەرۋ جۇرگىزگەن حۋالاي قارا شايى فۋجوۋدا بايقالىپ، بۇل شايدى ساتاتىن بىرنەشە دۇكەن اشىلعان، شايدى ساتۋشىلار بۇل شايدىڭ دارىلىك رولىن اسىرەلەۋمەن بىرگە، قارا شايدىڭ «جاڭا تيپتى ايدارشا ۆيرۋستان ساقتانۋ» رولى بار دەپ ۇگىتتەگەن، ونىڭ ۇستىنە، جالعامالى ساتۋمەن شۇعىلداندى دەگەن كۇمان تۋدىرعان.
اشكەرەلەۋگە قاراعاندا، حۋالاي قارا شايىن ساتاتىن ساۋداگەرلەر ينتەرنەت ارقىلى ەلەكتروندى ساۋدامەن شۇعىلداناتىن زات ساتۋ تەكشەلەرىندە اتالعان شايدى ساتۋمەن بىرگە، ينتەرنەتتەن تىس، سەرىكتەستىكتىڭ سيلىق بەرۋ ءتۇزىمىن ۇگىتتەپ، ساۋدا جۇرگىزۋ، قارجى قوسۋ، قىزمەت وتەۋ نىساندارى مەن پايدا تابۋ بولاشاعىن اسىرەلەۋ قاتارلى تاسىلدەر ارقىلى تۋىس – تۋعاندارى مەن دوس – جاراندارىن حۋالاي قارا شايىن ساتىپ الۋعا ۇزدىكسىز ءناسيحاتتاعان، سونىمەن بىرگە، قاتارعا تارتقان ادام سانىن اقى ەسەپتەۋدىڭ نەمەسە قارىمجى بەرۋدىڭ نەگىزى ەتىپ، باسقالاردى توپقا قوسىلۋعا شىرعالاپ، سويىل سوعارلار جيناپ، ساتىلى قارىم – قاتىناس قالىپتاستىرعان.
مۇنداي «ەلەكتروندى ساۋدا ىستەرى + ءوزارا كومەكتەسۋ فورماسىنداعى بولشەك ساتۋ» فورماسى وتە تانىس سەزىلىپ تۇرعان شىعار؟ بۇل وسىنىڭ الدىندا ۇكىمەت تۇراقتاندىرعان جالعامالى ساتۋدىڭ ەرەكشەلىكتەرىنە ۇيلەسەدى: مۇشەلىك اقى تاپسىرادى، توپقا ادام تارتادى، اقىنى ساتى بويىنشا ەسەپتەيدى.
اسپاننان شەلپەك جاۋادى دەپ جۇرگەنىڭ، اياعىڭنىڭ استىنداعى تۇزاق بولىپ جۇرمەسىن دەگەن ءسوز بار. قارا شايدىڭ ەمدىك رولىن اسىرەلەپ ۇگىتتەگەن سوڭ، اتالمىش «ۇستازدار» وزدەرىنىڭ «ەكى ايدا 100 مىڭ يۋان تاپقانىن»، «6 ساعاتتا 70 – 80 مىڭ يۋان تاپقانىن» ايتۋ ارقىلى باسقالاردى شىرعالايدى، مۇنداي «تەز بايۋدىڭ» استارىنداعى كادىكتى ءبىر قاراپ – اق بىلۋگە بولادى، الايدا، از اقشا قوسىپ، مول پايداعا كەنەلۋدىڭ ەلىكتىرۋىندە، ءالى دە كوپتەگەن ادامدار جالعامالى ساتۋدىڭ تۇزاعىنا ىلىنۋدە ءارى بارعان سايىن قۇيعا باتىپ، قۇتىلىپ شىعۋعا شاراسىز قالۋدا، مال – مۇلكى شاشىلىپ، شاڭىراعى شايقالعاندار دا بار.
ىندەت تۋىلعان مەزگىلدە، ءىشىنارا قارا نيەتتى ساۋداگەرلەر جۇرتتىڭ ىندەت كەزىندە دەنساۋلىعىنان الاڭداعان كوڭىل – كۇيىنەن پايدالانىپ، «قارا شاي راكتان ساقتانۋدا، راكتى ەمدەۋدە ءونىمدى بولىپ قالماستان، ءتىپتى جاڭا تيپتى ايدارشا ۆيرۋس پەن قان قىسىمى جوعارى بولۋ، قانداعى ماي قۇرامى جوعارى بولۋ، قانداعى قانت قۇرامى جوعارى بولۋ سىندى اۋرۋلاردان دا ساقتاندىرۋ رولى بار» دەپ ۇگىتتەگەن. مۇنداي ۇگىتتەۋ ءتاسىلى تۋرالى ماماندار مىنانى ايقىن ءبىلدىردى: بۇل قارا شايدىڭ رولىن تىلسىمدەندىرۋگە جاتادى، حۋالاي قارا شايىن تاتىپ كورۋ سارايىنىڭ قىزمەتكەرلەرىنىڭ بۇلاي ايتۋى قيسىنسىز.
جۇرتشىلىق جونىنەن ايتقاندا، شايدىڭ اسىلى مەن جاسىعى جوق، وزىنە ۇناسا بولعانى. قارا شايدىڭ قارجى قوسۋ، جيناپ ساقتاۋ سىندى فينانستىق سيپاتى مەن تۇرمىستاعى دەنساۋلىقتى كۇتىمدەۋ جاعىنداعى قاسيەتىن جات نيەتتى ساۋداگەرلەر ءوز مۇددەلەرىنە پايدالانىپ، جاي ساتىلىمداعى قارا شايدى «جالعامالى ساتىلاتىن شايعا» اينالدىرىپ، قارا شاي بازارىنىڭ ءتارتىبىن ءبۇلدىرىپ، تۇتىنۋشىلاردىڭ ۇيلەسىمدى ۇقىق – مۇددەسىن زيانداپ، قوعامدا ەرەكشە زور زيان تۋدىرىپ، كوپتىڭ كەگىن قوزعادى.
جالعامالى ساتۋ تەك قوعامدىق ماسەلە عانا ەمەس، ارىسىن ايتقاندا، زاڭعا قايشى قىلمىس سانالادى. ۇزاق ۋاقىتتان بەرى، قوعامداعىلار مەن زاڭ سالاسىنداعىلار ساۋاتتىق بىلىمدەردى جالپىلاستىرۋ جاعىندا تىزە قوسا ارەكەتتەنىپ، تاماشا ونىمدىلىككە قول جەتكىزدى. الايدا، جالعامالى ساتۋعا سوققى بەرۋ ءبىر كۇندە ىسكە اساتىن ءىس ەمەس، الدا تاعى ۇزاق مەرزىمدىك ءونىمدى مەحانيزم قۇرىلىسىن كۇشەيتىپ، كوپ تاراۋ بىرلەسىپ جان – جاقتى جونگە سالۋدى ىلگەرىلەتىپ، باستان اياق جوعارى قىسىمدى كۇيدى ساقتاپ، جالعامالى ساتۋ سىندى قاتەرلى وسپەنى باتىل الاستاۋ كەرەك.
دەنساۋلىقتى كۇتىمدەۋ — جۇرت تۇگەل ءمان بەرەتىن تاقىرىپ، الايدا، «جازبايتىن اۋرۋى جوق» دەپ ۇگىتتەلگەن دەنساۋلىق ساقتاۋ ونىمدەرىنە بايسالدىلىقپەن قاراۋ كەرەك. وتە – موتە، كوكتەن ەشقانداي سەبەپسىز شەلپەك جاۋامايتىنىن ءتۇسىنىپ، ۇيىقتاماي ءتۇس كورىپ، جالعامالى ساتۋدىڭ قۇرىعىنا ىلىنگەننەن گورى، قىزمەتتى تاباندىلىقپەن ىستەگەن ءجون، ەڭبەك ەتسەڭ ەرىنبەي، تويادى قارنىڭ تىلەنبەي دەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
