شينجياڭدا قاتىناس سالاسىندا جۇرتشىلىقتىڭ ءجۇرىس – تۇرىسىنا قىزمەت وتەۋ جۇيەسىنىڭ دارەجەسى جاپپاي جوعارىلاتىلدى
جول جاعدايى ينفورماتسياسى، تاس جول بويىنداعى وڭىرلەردىڭ اۋا رايى، پاراساتتى ءجۇرىس – تۇرىس ينفورماتسيالارى قاتارلىلاردى ءبىر تەتىكپەن تەكسەرۋگە بولادى
2022.04.07 15:29 كەلۋ قاينارى : حالىق تورابى
شينجياڭ گازەتىنىڭ 4 – ايدىڭ 3 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى لۋ فىڭباۋ حابارلايدى. 3 – ايدىڭ 31 – كۇنى، اۆتونوميالى رايوندىق قاتىناس سالاسىندا جۇرتشىلىقتىڭ ءجۇرىس – تۇرىسىنا ينفورماتسيالىق قىزمەت وتەۋ تورابى (http://cxfw.jtyst.xinjiang.gov.cn) جانە «شينجياڭ جول تورابى» (新疆路网) ۋيچات تەكشەسى جاڭالانىپ، دارەجەسى جوعارىلاتىلعان سوڭ ينتەرنەتكە رەسمي شىعارىلعان، اۆتوموبيل جۇرگىزۋشىلەر كومپيۋتەر مەن تەلەفون ارقىلى جول جاعدايى، تاس جول بويىنداعى وڭىرلەردىڭ اۋا رايى، پاراساتتى ءجۇرىس – تۇرىس ينفورماتسيالارى قاتارلى مازمۇنداردى تەكسەرە الادى.
سول كۇنى تۇستەن بۇرىن، ءتىلشىنىڭ اۆتونوميالى رايوندىق قاتىناس – تاسىمال مەڭگەرمەسى جول تورابىن باقىلاۋ – تەكسەرۋ جانە شۇعىل جاعدايلاردى ءبىرجاقتى ەتۋ ورتالىعى وتكىزگەن پاراساتتى ءجۇرىس – تۇرىس تەكشەسىن ىسكە قوسۋ سالتىنان ۇعىسۋىنشا، اتالعان ورتالىق تاس جولعا قاتىستى كەسكىندەردى بۇلت تەحنيكاسى ارقىلى ينتەرنەتكە قوسۋ، ىرىدەرەك، زەردەلى تالداۋ جاساۋ قاتارلى جاڭا تەحنيكالار مەن شينجياڭنىڭ تاس جول تورابىنىڭ اينالىمىن باقىلاۋ – تەكسەرۋ، ءجۇرىس – تۇرىسقا ينفورماتسيالىق قىزمەت وتەۋ قاتارلىلاردى ىشكەرىلەي توعىستىرىپ، ءجۇرىس – تۇرىسقا «ءبىر بەكەت فورماسىنداعى، جان – جاقتى» قىزمەت وتەۋ ينفورماتسيالىق تەكشەسىن قالىپتاستىرعان.
بۇل توراپ بەكەتى مەن ۋيچات تەكشەسىنىڭ دارەجەسى جالپى بەتتىك جوعارىلاتىلعان سوڭ، ۋيچات تەكشەسى ارقىلى قولفونمەن، كومپيۋتەرمەن قالاعان ۋاقىتتا «ءبىر تەتىكپەن ۇعىسۋعا، ءبىر تەتىكپەن تەكسەرۋگە، ءبىر تەتىكپەن وقۋعا» بولادى، بۇكىل شينجياڭداعى تاس جول تورابىنىڭ اينالىم جاعدايى مەن جول جاعدايىن دەر كەزىندە تەكسەرۋگە، بۇكىل شينجياڭداعى جوعارى قارقىندى تاس جولدارداعى جاعدايدى كەسكىن ارقىلى دەر كەزىندە كورۋگە، بۇكىل شينجياڭداعى تاس جولداردى بويلاعان وڭىردەگى اۋا رايىنىڭ جاعدايىن دەر كەزىندە ۇعىسۋعا، قىزمەت وتەۋ رايونىنداعى مۇناي ونىمدەرىنىڭ تۇرلەرى، زاريادتاۋ قۇرىلعىلارىنىڭ سانى، اس – سۋ، قولايلى دۇكەن جانە اقى الۋ بەكەتىنىڭ اينالىم جاعدايى قاتارلىلاردى بىلۋگە بولادى.
سونىمەن بىرگە، بۇكىل شينجياڭداعى اقىلى تاس جولداردا قاتىناۋ اقىسى، قاتىناس – تاسىمال سالاسىنداعى جولاۋشى جانە جۇك تاسىمالى جاعدايى، اۆتوموبيلدى جوندەۋ، اۆتوموبيل جۇرگىزۋدى ۇيرەتۋ، زات تاسىمالى قاتارلى جاقتارداعى حالىققا قولايلى ينفورماتسيالاردى، تاڭداۋلى ساياحات جەلىلەرى، قىزىل ءتۇستى ساياحات كورىنىس رايوندارى، ساياحاتقا قاتىستى ساۋاتتار، ساياحاتقا قاتىستى بەلگىلەر جونىندەگى ينفورماتسيالاردى تەكسەرۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
