ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋ گرۋپپاسى شينجياڭدا: ماناس وزەنىنىڭ ءىشىنارا ەكولوگيالىق فۋنكتسيالىق رايوندارى اۋىر دارەجەدە توزعان
ەكى ورىننىڭ اتى اتالدى
2022.04.08 13:59 كەلۋ قاينارى : حالىق تورابى
 |
2022 ـ جىلى 3 ـ ايدىڭ 28 ـ كۇنى باقىلاۋ ـ تەكسەرۋ گرۋپپاسى ناق مايداندا باقىلاۋ ـ تەكسەرۋ جۇرگىزگەندە حۇڭشانكوۋ سۋ يگىلىگى تورابىنىڭ وزەن سۋىن شىعىس جاعاداعى ۇلكەن توعانعا كەسىپ تاستاعانىن بايقادى. سۋرەتتى ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋ 5 ـ گرۋپپاسى بەرگەن
|
حالىق تورابىنىڭ 4 - ايدىڭ 6 - كۇنى ۇرىمجىدەن بەرگەن حابارى. ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ 6 - توپتاعى گرۋپپاسى ءبىرىنشى شەپكە، ناق مايدانعا ىشكەرىلەي ارالاسىپ، ەكولوگيالىق ورتاعا قاتىستى كورنەكتى ماسەلەلەردەن ءبىر توبىن تەكسەرىپ انىقتاپ، ءىس تىندىرماۋ، باياۋ ىستەۋ، جاۋاپكەرلىك ارقالاماۋ، قيىندىققا جولاماۋ، ءتىپتى ەپتەپ - سەپتەپ توتەپ بەرۋ، كوز بوياۋشىلىق ىستەۋ سياقتى فورماشىلدىق، تورەشىلدىك ماسەلەلەرىنەن ءبىر توبىن انىقتادى. ساقتاندىرۋ رولىن ساۋلەلەندىرىپ، ماسەلەلەردى رەتتەۋ ـ تۇزەتۋدى شىنايى ىلگەرىلەتۋ ءۇشىن، 4 - ايدىڭ 6 - كۇنى ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋ گرۋپپاسى 1 ـ توپتاعى 5 تيپتىك دەلونى شوعىرلى تۇردە اشىق حابارلاندىردى. مۇنىڭ ىشىندە ماناس وزەنىنىڭ سۋ بايلىعىن بەلگىلەمەگە قايشى ءبولۋ، اعاردان زاڭعا قايشى سۋ الۋ ماسەلەسى كوپ تۋىلىپ، ەكولوگياعا قاجەتتى سۋدى يەلەپ، ەكولوگيالىق فۋنكتسيالىق رايونعا باراتىن وزەن ارناسى ۇزاق ۋاقىت تارتىلىپ قالىپ، ءىشىنارا ەكولوگيالىق فۋنكتسيالىق رايوندار اۋىر دارەجەدە توزعان.
ماناس وزەنى الابىن باسقارۋ مەكەمەسى: باسقارىپ وتىرعان دۇنيەسىن ءوزى ۇرلاپ، 2021 - جىلى كۋالىكسىز 55 ميلليون تەكشەمەتر سۋ العان
«جۇڭحۋا حالىق رەسپۋبليكاسىنىڭ سۋ زاڭى» مەن «سۋ الۋ رۇقساتى مەن سۋ بايلىعى اقىسىن الۋدى باسقارۋ ەرەجەسىندە» مىنالار تالاپ ەتىلدى: سۋ الۋعا رۇقسات ەتۋ ءءتۇزىمى مەن اقىلى پايدالانۋ ءتۇزىمى زاڭ بويىنشا اتقارىلادى، بەكىتۋدەن وتكىزبەي تۇرىپ ءوز بەتىمەن سۋ الۋعا تيىم سالىنادى.
باقىلاۋ ـ تەكسەرۋ گرۋپپاسى ماناس وزەنى الابىن باسقارۋ مەكەمەسىنىڭ باقىلاۋ ـ باسقارۋى پارمەندى بولماعاندىعىن، اعارلاردا زاڭعا قايشى سۋ الۋ ماسەلەسى كوپ تۋىلاتىندىعىن بايقادى. ماناس وزەنى الابىنداعى 54 جەردەگى جەر بەتىندەگى 1 - دارەجەلى سۋ الۋ اۋزىنىڭ ىشىندە 22 سى رۇحسات كۋالىگىن الماعان. بۇدان سىرت، ماناس وزەنى ارناسىنىڭ سىرتىنداعى ءبىر كيلومەتر كولەم ىشىندە 633 جەر استى سۋى قۇدىعى بار بولىپ، تالاپ بويىنشا ماناس وزەنى الابىن باسقارۋ مەكەمەسى سۋ الۋ رۇقساتىن بەرۋ كەرەك بولعانىمەن، ءبىراق قازىرگە دەيىن 573 جەر استى سۋ قۇدىعى رۇحسات كۋالىگىن الماعان.
ماناس وزەنى الابىنداعى نەگىزگى باقىلاۋ ـ باسقارۋ تاراۋى رەتىندە، ماناس وزەنى الابىن باسقارۋ مەكەمەسى جەر استى سۋىن زاڭسىز پايدالانۋدى تەكسەرىپ ءبىر جاقتى ەتپەگەنىمەن قويماي، زاڭ اتقارۋدا زاڭعا قايشىلىق جاساعان. 2015 ـ جىلى ماناس وزەنى الابىن باسقارۋ مەكەمەسى ماناس وزەنىنەن 21 جەر استى سۋى قۇدىعىن قازعان، قازىرگە دەيىن سۋ الۋ رۇقسات كۋالىگىن الماي، بەلگىلەمەگە قايشىلىق جاساپ ماناس اۋدانى مەن شىحىزى قالاسىن سۋمەن قامداعان ءارى سۋ اقىسىن العان، 2021 ـ جىلدىڭ وزىندە كۋالىكسىز سۋ الۋ مولشەرى 55 ميلليون تەكشەمەترگە جەتكەن.
بۇدان سىرت، ماناس وزەنى الابىن باسقارۋ مەكەمەسى سۋ بايلىعىن باسقارۋ ءتۇزىمىن قاتاڭ تياناقتاندىرماعان، نەگىزگى ەكولوگيالىق سۋ قاجەتىن قامتاماسىزداندىرماعاندىقتان، ماناس وزەنىنىڭ ءبىر ءبولىم وزەن ارنالارىنىڭ ۇزاق ۋاقىت تارتىلىپ قالۋىنا اپارىپ سوققان.
2019 – جىلى، شينجياڭ ۇيعۇر اۆتونوميالى رايوندىق حالىق ۇكىمەتىنىڭ ماقۇلداۋىمەن باسىپ تاراتىلعان «شينجياڭ ماناس وزەنىنىڭ جەر بەتى سۋ مولشەرىن ءبولۋ جوباسىندا» ماناس وزەنىندە بەلگىلەنگەن ەڭ تومەنگى ەكولوگيالىق نەگىز بويىنشا سۋ اعۋ مولشەرى ايقىن تالاپ ەتىلدى. الايدا ماناس وزەنى الابىن باسقارۋ مەكەمەسىنىڭ تياناقتاندىرۋى پارمەندى بولماعان، مەملەكەتتىڭ قاتىستى تاراۋلارى تەكسەرىپ بەكىتكەن «كەڭسۋات سۋ يگىلىگى تورابى ينجەنەرياسىنىڭ سەنىمدىلىگىن زەرتتەۋ مالىمەتىنىڭ» ەكولوگيالىق اعىن مولشەرى تالابىن اتقارعان كەزدە ۇعىمدى اۋىستىرىپ، حۇڭشانزۇي قيما بەتىندەگى سەكۋنتىنا 4.17 تەكشەمەترلىك ەڭ كىشى ەكولوگيالىق نەگىزگى اعىس مولشەرىن جىلدىق جالپى سۋ مولشەرى 130 ميلليون تەكشەمەتر دەپ بۇرمالاپ ءتۇسىنىپ، ءىس جۇزىندىك جۇمىس بارىسىندا تاسقىن مەزگىلىندە سۋ مولشەرىن ءبىر جولدا تولىق قويا بەرىپ، تاسقىن سۋدى اعىزۋ سۋ مولشەرىن ەكولوگيالىق سۋ مولشەرىنىڭ ورنىنا پايدالانعان، ال تاسقىن مەزگىلى بولماسا وزەن سۋى تۇگەلدەي شىعىس جاعاداعى ۇلكەن توعانعا قۇيىلعان. ەكولوگيالىق اعىن مولشەرى اۋىر دارەجەدە جەتىسپەگەندىكتەن، حۇڭشانزۇي سۋ يگىلىگى تورابىنان جياحىزى سۋ قويماسىنا دەيىنگى 30 كيلومەترگە جۋىق وزەن ارناسىندا 7 -، 8 - ايلارداعى تاسقىن مەزگىلىنەن سىرت ۋاقىتتا جىل بويى سۋ تارتىلعان كۇيدە بولعان.
شىحىزى قالالىق سۋ ىستەرى مەكەمەسى: زاڭدى بىلە تۇرا زاڭعا قايشىلىق جاساعان، 480 گەكتار سازدىق ەكولوگيالىق فۋنكتسياسىنان نەگىزىنەن ايرىلعان
«جۇڭحۋا حالىق رەسپۋبليكاسىنىڭ وزەن ارناسىن باسقارۋ ەرەجەسىندە» بىلاي دەپ بەلگىلەنگەن: وزەن ارناسىن باسقارۋ كولەمىندە توسپا، سۋ توساتىن توعان، سۋ توساتىن جول سالۋعا تيىم سالىنادى. «مەملەكەتتىك سازدىق باقشاسىن باسقارۋ ادىسىندە» سازدىق سۋ قاينارىن ءۇزىپ تاستاۋعا تيىم سالىنادى دەپ بەلگىلەنگەن.
باقىلاۋ ـ تەكسەرۋ گرۋپپاسى شىحىزى قالاسىنىڭ سۋ يگىلىگى قۇرىلىسىن باسقارۋ قىزمەت كورسەتۋ ورتالىعىنىڭ بەلگىلەمەگە قايشىلىق جاساپ ماناس وزەنى مەملەكەتتىك سازدىق باقشاسىنىڭ وزەن ارناسىنا توسپا سالىپ، سازدىقتىڭ سۋ قاينارىن ءۇزىپ تاستاپ، ماناس وزەنىنىڭ تابيعي وزەن ارناسىنىڭ ۇزاق ۋاقىت تارتىلىپ قالعاندىعىن، ماناس وزەنى مەملەكەتتىك سازدىق باقشاسىنىڭ، ماناس وزەنى الابىنىڭ ورتا، جوعارى اعارىنداعى سازدىق ولكە دارەجەلى جاراتىلىستىق قورىق رايونىنىڭ ءبىر ءبولىم ماڭىزدى سازدىق ەكولوگيالىق يقۋاتىنىڭ توزعاندىعىن بايقادى.
جاساندى سەرىكتىڭ الىستان كورۋ سۋرەتىندە كورسەتىلۋىنشە، 2018 ـ جىلدان 2021 ـ جىلعا دەيىن ماناس وزەنى مەملەكەتتىك سازدىق باقشاسىنداعى 3 شارشى كيلومەترگە جۋىق سازدىق تارتىلىپ قالعان. باقشا باسقارۋ تاراۋلارىنىڭ تانىستىرۋىنا قاراعاندا، تاياۋ جىلداردان بەرى سازدىق باقشاسىنداعى وزەن ارناسىنداعى جىڭعىل سياقتى وسىمدىكتەردىڭ ءتۇرى سيرەپ، ازعىنداپ، قۇستاردىڭ باسقا جەرلەرگە قونىس اۋدارۋ قۇبىلىسى بىرتىندەپ جارىققا شىققان. قاتىستى دالەلدەۋ مالىمەتتەرىندە دە بىلاي دەپ اتاپ كورسەتىلدى: ماناس وزەنى الابىنداعى ورتا، جوعارى اعارداعى سازدىق ولكە دارەجەلى جاراتىلىستىق قورىق رايونىنداعى ماناس وزەنى ارناسىندا تاسقىن مەزگىلىنەن سىرت، وزەن ارناسىندا مۇلدە اعىن سۋ جوق بولىپ، وزەن ارناسىنىڭ تابيعي وسىمدىك جامىلعىسى كۇرت ازايىپ، جابايى حايۋاناتتار سيرەپ كەتكەن، 480 گەكتار سازدىق ەكولوگيالىق يقۋاتى نەگىزىنەن جويىلعان.
ناق مايداندا باقىلاۋ ـ تەكسەرۋ جۇرگىزگەندە، وسى بولەك وزەن ارناسىنداعى سازدىقتىڭ ىشكى بولەگىندەگى وڭىرلەر، ءتىپتى، اۋىر دارەجەدە قۇرعاپ، نەگىزگى سۋ جەتكىزۋ فۋنكتسياسىنان ايىرىلىپ، ماڭايىندا سۋ وسىمدىكتەرىن كورۋ قيىنعا سوققان.
باقىلاۋ ـ تەكسەرۋ گرۋپپاسى قاتىستى جاعدايلاردى ىشكەرىلەي تەكسەرىپ انىقتايتىندىعىن ءارى تالاپ بويىنشا كەيىنگى باقىلاۋ ـ تەكسەرۋ قىزمەتىن ويداعىداي ىستەيتىندىگىن ءبىلدىردى.
ماناس وزەنىنىڭ جالپى ۇزىندىعى 504.3 كيلومەتر، تيانشاننىڭ سولتۇستىك بوكتەرىندەگى ەڭ ۇلكەن وزەن، حالىقاراداعى جىل قۇستارىنىڭ كوشۋ جەلىسىنىڭ ماڭىزدى ءتۇيىنى، قۇستار سياقتى ورگانيزمدەردىڭ الۋان تۇرلىلىگىن قورعاۋدا جانە وڭىرلىك ەكولوگيالىق تەپە ـ تەڭدىكتى ساقتاۋدا ماڭىزدى ەكولوگيالىق مانگە يە. 2021 ـ جىلى 8 ـ ايدىڭ 3 ـ كۇنى شينجياڭ ۇيعۇر اۆتونوميالى رايوندىق وزەن ـ كول باستىعى ءتۇزىمى كەڭسەسى جاريالاعان «شينجياڭ ۇيعۇر اۆتونوميالى رايونىنىڭ باس وزەن (كول) باستىعى، ورىنباسار وزەن (كول) باستىعى، سونداي ـ اق شينجياڭ ۇيعۇر اۆتونوميالى رايوننىڭ رايون دارەجەلى وزەن ـ كول باستىقتارىنىڭ ەسىمدىگى حابارلاندىرۋىندا» كورسەتىلۋىنشە، وزەن باستىعى لي يفي، ورىنباسار وزەن باستىعى ما شيۇڭچىڭ، لي شينميڭ بولعان.
حابارلاندىرىلعان شينجياڭ ماناس وزەنى الابىن باسقارۋ مەكەمەسى شينجياڭ ۇيعۇر اۆتونوميالى رايونىنىڭ ۋاكىلدىك قۇرىلىمى بولىپ، ماناس وزەنى الابىندا سۋ اكىمشىلىك باسقارۋ تاراۋىنىڭ مىندەتىن اتقارادى، مىسالى، سۋ اكىمشىلىك زاڭ اتقارۋ، سۋ ىستەرىن باقىلاۋ، اعارعا پايدالانىلاتىن سۋدى ءبىرتۇتاس سايكەستىرۋ، سۋ الۋ جالپى مولشەرىن تىزگىندەۋ، ت ب. 2021 ـ جىلى 6 ـ ايدا، بۇل مەكەمە «مەملەكەت بويىنشا وزەن باستىعى ءتۇزىمىن، كول باستىعى ءتۇزىمىن جاپپاي اتقارۋ قىزمەتىندەگى وزات كوللەكتيۆ» بولعان. (ما لياڭ)
كەلۋ قاينارى: حالىق تورابى
 |
2022 ـ جىلى 3 ـ ايدىڭ 28 ـ كۇنى باقىلاۋ ـ تەكسەرۋ گرۋپپاسى باقىلاۋ - تەكسەرۋ باسىندا ماناس وزەنى مەملەكەتتىك شۇرات باقشاسىنا توسپا سالىپ، سازدىقتىڭ سۋ قاينارىن ٴۇزىپ تاستاعانىن بايقادى. سۋرەتتى ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋ 5 ـ گرۋپپاسى بەرگەن
|
 |
2022 ـ جىلى 3 ـ ايدىڭ 28 ـ كۇنى باقىلاۋ ـ تەكسەرۋ گرۋپپاسى ۇشقىشسىز ۇشاقتان پايدالانىپ سۋرەتكە تۇسىرگەن ماناس وزەنى مەملەكەتتىك سازدىق باقشاسىنداعى قۇرعاپ قالعان وزەن ارناسى. سۋرەتتى ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋ 5 ـ گرۋپپاسى بەرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
