بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تاباندىلىق − جەڭىس

«حالىق گازەتىنىڭ» شولۋشىسى

2022.04.15 17:34     كەلۋ قاينارى : حالىق تورابى

  «ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ، دامۋ مەن حاۋىپسىزدىكتى ءبىر تۇتاس جوسپارلاۋ كەرەك»، حايناندا قىزمەت تەكسەرگەندە باس شۋجي شي جينپيڭ «تاباندىلىق − جەڭىس» دەگەندى قايتالاي دارىپتەپ، «حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، سىرتتان كىرۋدەن ساقتانۋدا، ىشتە قايتا بەلەڭ بەرۋدەن ساقتانۋدا تاباندى بولىپ، عىلمي، دالمە - ءدال، اۋقىمدىق نولگە تۇسىرۋدە تاباندى بولىپ، ىندەتتەن ساقتانۋ - تىزگىندەۋ شارالارىن ەگجەي - تەگجەيلى يگەرۋ، ناقتى يگەرۋ كەرەكتىگىن» ايقىن تالاپ ەتتى، بۇل ءبىزدىڭ ۇدايىلانعان ساقتانۋ - تىزگىندەۋ شارالارىن قاتاڭ تياناقتاندىرىپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن بارىنشا ازايتۋىمىزدا كەلەلى جەتەكشىلىك مانگە يە.

  ەلىمىز − ءبىر ميلليارد 400 ميلليوننان استام حالقى بار ءىرى ەل، اۋىر ىندەت پەن توسىن تۋىلعان الەۋمەتتىك دەنساۋلىق ساقتاۋ حاۋىپ - قاتەرىنەن ساقتانىپ جانە ونى شەشىپ، حالىق بۇقاراسىنىڭ باس اماندىعى مەن دەنساۋلىعىنا كەپىلدىك ەتۋ − باستان - اياق پارتيامىزدىڭ ەل باسقارۋداعى كەلەلى مىندەتى جانە استە بوساڭسىتۋعا بولمايتىن ءىرى ءىسى. ىندەتتەن ساقتانۋ - تىزگىندەۋدى ۇدايىلاندىرعاننان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىز حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىندا تاباندى بولىپ، «سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ» باس تاكتيكاسى مەن «اۋقىمدىق نولگە ءتۇسىرۋ» باس باعىتىندا تاباندى بولىپ، نەشە ونداعان رەتكى ءىشىنارا رايوندارداعى شوعىرلى ىندەتتى جەدەل، ءونىمدى ءبىر جاقتى ەتىپ، حالىقتىڭ باس اماندىعى مەن دەنساۋلىق اقاۋسىزدىعىن ەڭ جوعارى شەكتە قورعادى، ەلىمىز ىندەتتەن ساقتانۋ - تىزگىندەۋدە ەڭ تومەنگى وزىندىك قۇنمەن ەڭ زور ونىمدىلىككە قول جەتكىزدى، ەكونوميكانىڭ دامۋى مەن ىندەتتەن ساقتانۋ - تىزگىندەۋ دۇنيە ءجۇزى بويىنشا الدىڭعى ورىندى ساقتادى. ەلىمىزدىڭ ىندەتكە قارسى اتتانۋ امالياتى «اۋقىمدىق نولگە ءتۇسىرۋ» مەملەكەت جاعدايىنا ۇيلەسەتىنىن، عىلىمعا ۇيلەسەتىنىن، ءونىمدى بولاتىنىن، حالىقتى بارىنەن جوعارى قويۋ، ءومىردى بارىنەن جوعارى قويۋ يدەياسىنىڭ ەڭ جاقسى امالياتى ەكەنىن تولىق دالەلدەدى.

  تاياۋدا ەلىمىزدىڭ كوپتەگەن ولكەلەرىندە ءبىر مەزگىلدە، كوپ جەردە وميكرون شتامىن نەگىز ەتكەن ىندەتتەن ساقتانۋ - تىزگىندەۋ جاعدايى جارىققا شىقتى، ساقتانۋ - تىزگىندەۋ جاعدايى قاتاڭ دا كۇردەلى بولدى. نەعۇرلىم وسىنداي بولعان سايىن، «اۋقىمدىق نولگە ءتۇسىرۋ» باس باعىتىندا سولعۇرلىم تاباندى بولۋ، ءارى - ءسارى بولماۋ، سولقىلداقتىق ىستەمەۋ كەرەك. وميكرون شتامىنىڭ ەرەكشەلىگىنەن قاراعاندا، ونىڭ اۋرۋ تۋدىرۋى باسقا ۋلى شتامدارعا جەتپەگەنىمەن، جۇقپالىلىعى كۇشتى، تارالۋ قارقىنى تەز، جاسىرىنۋ سيپاتى جوعارى بولۋداي ەرەكشەلىككە يە، اۋرۋ بەلگىسى جوق جانە جەڭىل اۋرۋعا شالدىعۋشىلار ءبىرشاما كوپ بولىپ، كەڭ كولەمدە وڭاي تارالادى. ەگەر دەر كەزىندە قاتاڭ ساقتانباسا، وڭاي جۇعىمدالاتىن ادامداردىڭ ينفەكسيالانۋ قاتەرىن ارتتىرىپ، ەمدەۋ بايلىعىن ىعىستىرادى، زاردابىن بولجاۋ قيىن. ەلىمىزدىڭ رەال مەملەكەت جاعدايىنان قاراعاندا، 60 جاستان اسقان حالىق سانى 267 ميلليونعا جەتكەن، تاعى 50 ميلليوننان استام قارت جاڭا تيپتى ايدارشا ۆيرۋس ۆاكسيناسىن تولىق سالدىرىپ بولعان جوق. ەلىمىزدىڭ جالپى حالىق سانى وراسان كوپ، قارتتار شوعىرىنىڭ كولەمى دە مول، ەگەر شالقادان ءتۇسىپ جاتساق، ساقتانۋعا كىرىسپەي، ەمدەۋمەن عانا بولساق، جاسى ەگدەلەگەن ناۋقاستار، سالماقتى نەگىزدىك اۋرۋعا شالدىققاندار سياقتى ەرەكشە قاۋىمدى ۆيرۋستىڭ اۋىر قاتەرىنە ۇشىراتىپ قالماستان، كولەمدى كەرى سەرپىلىس قالىپتاستىرىپ، ىندەتتەن ساقتانۋ - تىزگىندەۋ جەتىستىكتەرىن بۇلدىرەمىز، ءتىپتى وراسان زور بوداۋ بەرۋىمىزگە تۋرا كەلەدى. بىلايشا ايتقاندا، «اۋقىمدىق نولگە تۇسىرۋدە» تاباندى بولۋ − حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىندا تاباندى بولۋدىڭ تابيعي تالعامى، ءبىر ميلليارد 400 ميلليوننان استام حالىق سانى بار ءىرى ەل قازىرگى جاعدايدا، ءسوز جوق، ساقتاپ قالۋعا ءتيىستى ىندەتتەن ساقتانۋ قورعانىس شەبى.

  ىندەتتەن ساقتانۋ - تىزگىندەۋ ءاربىر ادامنىڭ باس اماندىعى مەن دەنساۋلىعىنا سايادى، ەشكىم دە قول قۋسىرىپ قاراپ تۇرماۋى، بارلىق ادام جاۋاپتى بولۋى كەرەك. مىنانى كورە ءبىلۋ كەرەك: ۇدايىلانعان ىندەتتەن ساقتانۋ – تىزگىندەۋ − جاپالى دا اۋىر ءارى باياندى تاباندى بولۋعا ءتيىستى قىزمەت. تاباندى بولۋدىڭ ءوزى توتەنشە جاپالى بوداۋ بەرۋدى، توتەنشە قالجىراعان جاعدايدا تاباندىلىق ىستەپ، ءتىستى تىسكە باسىپ وتكەلدەن ءوتۋدى، اسىرەسە، ىندەت جاعدايى اۋىر جەرلەردە تۇيىقتاپ تىزگىندەۋ سياقتى شارالاردى قولدانۋدى اڭعارتادى، بۇل ادامداردىڭ قىزمەتىنە، ۇيرەنۋىنە جانە تۇرمىسىنا قولايسىزدىق تۋدىرۋى مۇمكىن، ءبىراق بۇل − ۆيرۋستىڭ ماجبۇرلەۋىمەن ىستەلىپ وتىرعان ەرىكسىز توتەپ بەرۋ شاراسى ءارى امالياتتىڭ دالەلدەۋىنەن وتكەن ءونىمدى توتەپ بەرۋ شاراسى. ۇزاق بولاشاقتان قاراعاندا، ءبىر مەزەتتىك قولايسىزدىق اناعۇرلىم ۇزاق ۋاقىتتىق قولايلىلىق ءۇشىن؛ ءىشىنارالىق تاباندىلىق بۇقارانىڭ اناعۇرلىم كەڭ كولەمدى، اناعۇرلىم اۋقىمدى قالىپتى ءوندىرىس، تۇرمىس كەشىرۋى ءۇشىن بولىپ تابىلادى. ىندەتتەن ساقتانۋ - تىزگىندەۋ قىزمەتىن زاڭ بويىنشا قولداۋ جانە وعان سايكەسۋ ءارى ءوزىن قورعاعاندىق، ءارى باسقالاردى قورعاعاندىق بولادى، وسىلاي ىستەگەندە ايقاسپالى ينفەكسيالانۋ قاتەرىن ازايتۋعا ءارى ىندەتتەن ساقتانۋ - تىزگىندەۋ جالپى جاعدايىنا ۇلەس قوسۋعا بولادى.

  قازىر ىندەت جاعدايى ءالى دە جوعارى دەڭگەيدە جالعاسۋدا، شارپۋ كولەمى ونان ارى كەڭەيۋدە، ساقتانۋ مەن تىزگىندەۋ شەشۋشى، ماڭىزدى كەزەڭدە تۇر. جەر - جەر، تاراۋلار، ءارقايسى جاقتار، ءسوز جوق، «اۋقىمدىق نولگە ءتۇسىرۋ» باس باعىتىندا ۇزدىكسىز تاباندى بولىپ، ءارى - ءسارى بولماي، ءسوزسىز جەڭىسكە جەتۋ سەنىمىن بەكەمدەپ، اناعۇرلىم باتىل، پارمەندى بولىپ، ءتۇرلى ساقتانۋ - تىزگىندەۋ شارالارىن ءاربىر بۋىنعا دەيىن تياناقتاندىرۋى كەرەك. «اۋقىمدىق نولگە ءتۇسىرۋدىڭ» ماڭىزى بىرىنشىدەن، جىلدام بولۋىندا، ەكىنشىدەن، دالمە – ءدال بولۋىندا. ۆيرۋسقا قاراعاندا ءتىپتى دە تەز قيىلداپ، جەدەل ساقتانىپ، تىزگىندەۋ شارالارىن كىشكەنەدەن باستاپ شىن مانىندە ەگجەي – تەگجەيلى تياناقتاندىرۋ كەرەك. ۆيرۋستىڭ وزگەشەلەنۋىنىڭ جاڭا ەرەكشەلىگىنە قاراتا عىلمي، دالمە - ءدال ساقتانۋ - تىزگىندەۋ قۋاتىن جوعارىلاتىپ، ءتۇرلى شۇعىل جاعدايعا توتەپ بەرۋ جوباسىن كەمەلدەندىرىپ، ۇدايىلانعان ساقتانۋ - تىزگىندەۋ شارالارىن قاتاڭ تياناقتاندىرۋ كەرەك. بۇقارانىڭ قالىپتى ءوندىرىس، تۇرمىسىنىڭ ورنىقتى، ءتارتىپتى بولۋىن ساقتاپ، تۇرمىسقا قاجەتتى بۇيىمدارمەن قامداۋدى ويداعىداي ىستەپ، بۇقارانىڭ ەمدەلۋ قاجەتىن ويداعىداي قامتاماسىز ەتۋ كەرەك. جەر - جەر، تاراۋلار، ءارقايسى جاقتار يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، پارتيا مەن ۇكىمەت بىردەي جاۋاپكەرلىك ارقالاپ، بىرگە يگەرىپ، بىرگە باسقارىپ، اركىم ءوز جاۋاپكەرلىگىن ءبىلىپ، اركىم ءوز جاۋاپكەرلىگىن ادا ەتۋى كەرەك. ىندەت جاعدايى ءبىرشاما اۋىر جەرلەردە پارتيا، ۇكىمەت ورىندارىنىڭ نەگىزگى باسشىلارى مەن ءار دارەجەلى باسشى كادرلار اۋرۋدىڭ الدىن الۋ قىزمەتىن ماڭداي الدى ورىنعا قويۋدا تاباندى بولىپ، شايقاسقا بار كۇشپەن اتتانىپ، شەشۋشى شايقاستىڭ شەشۋشى جەڭىسىنە قول جەتكىزۋى كەرەك. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار رولىن ۇزدىكسىز بەلسەنە ساۋلەلەندىرىپ، ساقتانۋ - تىزگىندەۋدىڭ ءبىرىنشى شەبىندە تاباندى بولىپ، بۇقارامەن ىشكەرىلەي ارالاسىپ، بۇقارانىڭ مۇڭ - مۇقتاجىن شەشۋگە شىن پەيىلمەن، شىنايى سۇيىسپەنشىلىكپەن كىرىسىپ، كۇش سالا كومەكتەسۋى كەرەك.

  تاباندىلىق − جەڭىس، تاباندى بولعاندا عانا جەڭىسكە جەتۋگە، جەڭىستى ساقتاپ قالۋعا بولادى. 45 كۇندىك جاپالى شايقاس ارقىلى جيلين ولكەسىنىڭ ءارقايسى قالا، وبلىستارى ىندەتتەن ساقتانۋ - تىزگىندەۋدە قوعامدىق جاقتان نولگە ءتۇسىرۋ نىساناسىن جۇزەگە اسىردى. بۇل ءبىزدىڭ «اۋقىمدىق نولگە ءتۇسىرۋ» نىساناسىنا جەتۋ نەگىزىمىز، شارت - جاعدايىمىز، قۋاتىمىز تولىق ەكەنىن تاعى ءبىر رەت دالەلدەدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ستراتەگيالىق تاباندىلىقتى ساقتاپ، العان بەتتەن قايتپايتىن قايسارلىقپەن، نەعۇرلىم قيىن بولعان سايىن سولعۇرلىم العا باساتىن قايسارلىقپەن ۇزدىكسىز قامال الىپ، قيىنشىلىقتاردى جەڭىپ، قايسارلىقپەن كۇرەس جۇرگىزىپ، بولماشى جەڭىستەردى ۇلكەن جەڭىسكە اينالدىرساق، ءبىز، ءسوز جوق، ىندەتتەن ساقتانۋ - تىزگىندەۋ سىندى وسى قامال الۋ شايقاسىنىڭ ۇزاققا سوزىلاتىن شايقاسىندا جەڭىسكە جەتىپ، حالىق بۇقاراسىنىڭ ءومىرى مەن دەنساۋلىعىن جانە ەكونوميكالىق، قوعامدىق دامۋدى پارمەندى، ءونىمدى قامتاماسىز ەتە الامىز.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار