بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ىندەتتەن ساقتانۋداعى «جەرگىلىكتى دورەكى شارالاردى» تيۋدا، ءسوزسىز، «تامىرىنا بالتا شابۋ» كەرەك

2022.04.22 13:24     كەلۋ قاينارى : حالىق تورابى

  اتا – اناسى سىرت جەردەن ورالعان سوڭ بەلگىلەمە بويىنشا تىزىمدەلمەگەندىكتەن، مەكتەپ ونىڭ بالاسىن وقۋدان شىعارعان. 4 – ايدىڭ 19 – كۇنى «سۇيحۋا قالالىق وقۋ – اعارتۋ مەكەمەسىنىڭ» حابارلاندىرۋى ينتەرنەتتە كەڭىنەن تارالدى. حابارلاندىرۋعا قاراعاندا، سۇيحۋا قالاسىنا توتە قاراستى مەكتەپتە وقيتىن ءبىر وقۋشىنىڭ اتا – اناسى سىرت جەردەن قايتىپ كەلگەن سوڭ، تالاپقا ساي مەكتەپكە حابارلاماعان، وقۋشىنىڭ اتا – اناسى ناۋقاسپەن تىكە جاناسۋشىلار بولىپ شىعىپ، بۇكىل كلاستاعى وقۋشىلار مەن وسى كلاسقا ساباق وتكەن 8 مۇعالىم، سونداي – اق، ولارمەن بىرگە تۇراتىنداردىڭ بارلىعى اۋاشالاپ باقىلاۋعا الىنعان. مەكتەپ وسى ىسكە بايلانىستى بۇل وقۋشىنى وقۋدان شىعارۋ سىندى ءبىرجاقتى ەتۋ بەكىمىن شىعارعان.

  بۇل حابارلاندىرۋعا كوپتەگەن توراپتاستار كۇمان ءبىلدىردى. ءبىر ءتاۋىرى، سۇيحۋا قالاسى دەرەۋ جاۋاپ قاتىپ، وقۋ – اعارتۋ مەكەمەسىنىڭ حابارلاندىرۋىن كۇشىنەن قالدىرىپ، جاۋاپكەرشىلىگى بار قاتىستى ادامداردى ءبىرجاقتى ەتتى.

  وقۋشىنى قالاعانىنشا وقۋدان شىعارۋ ارەكەتى وتە ورەسكەل ءىس، بۇل نەگىزگى ساتىداعى ءىشىنارا جەرلەر مەن مەكەمەلەردىڭ ىندەتتەن ساقتانۋدا «جەرگىلىكتى دورەكى ساياساتتاردى» قولداناتىن قيسىنسىز ارەكەتتەرىن اشىققا شىعاردى. ءىشىنارا جەرلەر ورتالىق كوميتەتتىڭ رۋحىنان الشاقتاپ، ىندەتتەن ساقتانۋدا بەتالدى «جەرگىلىكتى دورەكى ساياساتتاردى» ىسكە قوستى، بۇل ىندەتتەن ساقتانۋدىڭ نەگىزگى تالابىنان الشاقتاپ، ىندەتتەن ساقتانۋ – تىزگىندەۋ جانە ەكونوميكا مەن قوعام دامۋىن «قوسارىنان ءبىرتۇتاس جوسپارلاۋ» تالابىن ويداعىداي اتقارماعانىمەن قويماي، ەمدەۋ، قاتىناس، كوكونىس ساتىپ الۋ قاتارلى حالىق تۇرمىسىنداعى نەگىزگى قاجەتتىلىكتەرگە توسالعى بولدى، از سانداعى ادامداردىڭ ءوز بىلگەنىنشە الباتى شارا قولدانۋى بۇقارانىڭ كوڭىلىنە قاياۋ سالىپ، ناشار اڭىسقا وتە وڭاي مۇرىندىق بولۋى دا ىقتيمال.

  «بايقالعان سايىن الاستاپ وتىرۋ» باس باعدارىنان جازباۋدا، ۇدايىلانعان ساقتانۋ – تىزگىندەۋ شارالارىن قاتاڭ اتقارۋ، ىندەتتەن ساقتانۋدىڭ ەكونوميكا مەن قوعام دامۋىنا جاسايتىن ىقپالىن بارىنشا ازايتۋ كەرەك. ىندەتتەن ساقتانۋدا «جەرگىلىكتى دورەكى ساياساتتاردى» الباتى ۇستەمەلەۋ «بايقالعان سايىن الاستاپ وتىرۋ» باس باعدارىنان لاعىپ كەتكەندىك بولادى. مۇندايدا، ءسوزسىز، قارسى تۇرۋ كەرەك. ورتالىق كوميتەتتىڭ رۋحىنا ساي كەلمەيتىن «جەرگىلىكتى دورەكى ساياساتتاردى» تۇزەتۋ، توقتاتۋ ارقىلى ساياساتتى الباتى وزىنە بەيىمدەۋگە، ءوز بىلگەنىنشە كەسەتۋگە وراي بەرمەي، ساياساتتى تياناقتاندىرۋدا باسقاشا بولىپ وزگەرىپ كەتپەۋىنە كەپىلدىك ەتۋ، حالىقتى بارلىعىنان جوعارى قويۋدى، ادام ءومىرىن بارلىعىنان جوعارى قويۋدى شىنايى ايگىلەۋ بولىپ سانالادى.

  ىندەتتەن ساقتانۋ – تىزگىندەۋدە «ءاركىمنىڭ ءوز ءالاۋلايىن ايتىپ، ءوز اريايدايىن جالعاستىرۋىنا» بولمايدى، «بۇكىل مەملەكەت ءبىر تۇلعا بولۋ»، «جالپى جاعدايدى ساناعا ۇيالاتۋ» تالابىن شىنايى ورىنداۋ كەرەك. ىندەتتەن ساقتانۋ – تىزگىندەۋ — بەينە ءبىر اينا سياقتى، پارتيا ورتالىق كوميتەتىمەن وسكەلەڭ بىردەيلىكتى ساقتاي الدى ما، جوق پا دەگەندى پارىقتايتىن، باستى ماقسات تانىمى مەن جونگە سالۋ قۋاتىن پارىقتايتىن تۇس وسى. «جەرگىلىكتى دورەكى ساياسات» ناشار ىقپال تۋدىراتىندىقتان، «كەتكەن ءورتتى سوندىرۋمەن» بىرگە، ءىس تۋىلاردان بۇرىن «تامىرىنا بالتا شابۋ» تىپتەن قاجەت. بەلگىلەمە شىعارسا، تىزىمگە الدىرۋى كەرەك، ساياساتتى اتقارۋعا باقىلاۋ جۇرگىزۋ قاجەت، ىندەتتەن ساقتانۋدا ۇقىقتى جاريا اتقارۋ قاجەت.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار