بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ءبىلىم بەرىپ، ادام تاربيەلەۋدىڭ جاڭا جاۋاپناماسىن جازدى

انار بۇلت / شينجياڭ گازەتىنىڭ تىلشىلەرى جاۋ شييا، حان چين - يان

2022.04.27 17:15     كەلۋ قاينارى : حالىق تورابى

  ادام تاربيەلەپ، دارىندى جەتىلدىرۋ − مەملەكەتتىڭ نەگىزى.

  2014 - جىلى 4 - ايدىڭ 28 - كۇنى باس شۋجي شي جينپيڭ كونەشار اۋدانى توققۇزاق قالاشىعى سەنترلى باستاۋىش مەكتەبىنە كەلىپ، قوس ءتىل وقىتۋ جاعدايىن ۇعىسىپ، پارتيا ورتالىق كوميتەتىنىڭ شىنايى قامقورلىعىن ءار ۇلت وقىتۋشى - وقۋشىلارىنىڭ جۇرەگىنە جەتكىزدى. باس شۋجي وقىتۋشىلاردى مەكتەپ دارىپتەگەن ”بارلىعى وقۋشىلار ءۇشىن، بارلىق وقۋشىلار ءۇشىن، وقۋشىلاردىڭ بارلىق ءىسى ءۇشىن“ ۇستانىمىن ويداعىداي امالياتتا ايگىلەۋگە شابىتتاندىردى.

  8 جىلدان بەرى اۆتونوميالى رايوندىق پارتكوم مەن ۇكىمەت باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن رۋح سومداپ، ادام تاربيەلەۋگە تاباندى بولىپ، پارتيانىڭ وقۋ - اعارتۋ قىزمەتىنە جاپپاي باسشىلىعىن شىنايى كۇشەيتىپ، ءار دارەجەلى، ءار تۇردەگى وقۋ - اعارتۋدىڭ جوعارى ساپالى دامۋىن ۇزدىكسىز ىلگەرىلەتىپ، ءبىلىم بەرىپ، ادام تاربيەلەۋدىڭ جاڭا جاۋاپناماسىن قۇلشىنا جازدى.

  مەملەكەتتە ءبىر تۇتاس قولدانىلاتىن ءتىل - جازۋ وقىتۋىمەن جاپپاي قامتىدى

  اق تەرەكتەر اسپانعا بوي سوزىپ، كوكتەم گۇلدەرى جامىراي اشىلدى. 4 - ايدىڭ 20 - كۇنى تىلشىلەر كونەشار اۋدانى توققۇزاق قالاشىعى سەنترلى باستاۋىش مەكتەبىنە بارعاندا تازا دا رەتتى كىتاپ وقۋ مەرەيىنە شومعان مەكتەپ اۋلاسىن كوردى. مەكتەپتىڭ ”العىس ايتۋ عيماراتىنىڭ“ 1 - قاباتىنداعى زالدىڭ سولتۇستىك جاعىنا 2014 - جىلى باس شۋجي شي جينپيڭنىڭ مەكتەپتىڭ وقىتۋشى - وقۋشىلارىمەن بىرگە تۇسكەن ۇلكەن سۋرەتى ءىلىنىپتى، وسى ارادان ءجۇرىپ وتكەن ءاربىر وقىتۋشى - وقۋشى ونان مول مەيىر سەزىنەدى.

  6 - جىلدىق 1 - كلاستىڭ ساباقحاناسىندا وقۋشىلار كوپ مەديالى ەلەكتروندى ۇلكەن ەكران ارقىلى «التىن قارماقتىڭ» ءۇزىندىسىن ساڭقىلداعان ۇنمەن، تەرەڭ سەزىممەن وقىپ وتىر.

  توققۇزاق قالاشىعى سەنترلى باستاۋىش مەكتەبىنىڭ وقۋشىلارى پۋتۇڭحۋانى جاتىق سويلەپ قانا قالماستان، كوركەم جازۋ، بەيجيڭ تەاترى، جۇڭگوشا سۋرەت سياقتى جۇڭحۋانىڭ تاڭداۋلى ءداستۇرلى مادەنيەتىنە دە قاتتى قىزىعادى. ءار كۇنى تۇستەن كەيىن مەكتەپ اشقان اۋەسقويلىق كلاستارىنىڭ بارلىعىنا وقۋشىلار لىق تولادى.

  ”شي جينپيڭ اتاي ەگەر مەكتەپكە تاعى كەلسە، ءسوز جوق، ءبىزدىڭ بەينەمىزدى القايتىن بولادى“، - دەدى 6 - جىلدىق وقۋشىسى نافيسا وبۇل نىق سەنىممەن.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل بولۋىندە، قامقورلىعىندا، رايونىمىز مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋىن جالپى بەتتىك ىلگەرىلەتتى. 2017 - جىلى اۆتونوميالى رايون مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋىمەن جاپپاي قامتۋ قىزمەتىن جالپى بەتتىك باستاپ، كوپ ءتۇرلى شارانى قاتار جولعا قويا وتىرىپ وقىتۋشىلار بايلىعى كۇشىن نىعايتتى. 2018 - جىلعى كۇزگى وقۋ ماۋسىمىندا مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋىنىڭ رايونىمىزدا جاپپاي قامتىلۋىن جۇزەگە اسىرىپ، مىندەتتى وقۋ - اعارتۋ كەزەڭىندە مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋىمەن جاپپاي قامتۋ نىساناسىن 2 جىل بۇرىن ورىندادى.

  ”مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋ بالالاردىڭ دۇنيەنى تانۋىنا ۇلكەن قاقپا اشىپ، ولاردىڭ ءتىپتى دە بيىككە، ءتىپتى دە الىسقا سامعاپ، 9 ميلليون 600 مىڭ شارشى كيلومەتردەن استام جەردى ساحنا ەتىپ، بۇكىل ەلدىڭ جەر - جەرىنە بارىپ ءوز رولدارىن ساۋلەلەندىرۋىنە مۇمكىندىك جاسادى“. ءۇشتۇرپان اۋدانى يماملىرىم قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ باستىعى قۇربان نيازدىڭ ءسوزى رايونىمىزدىڭ مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋىنىڭ دامۋىن ىلگەرىلەتۋدەگى جەتىستىگىن ايتتى. ول تانىستىرىپ بىلاي دەدى: مەكتەپتەن وقۋ تاۋىسقان وقۋشىلاردىڭ اراسىندا ءىشىنارا وقۋشىلار چيڭحۋا داشۋەسى، نانجيڭ داشۋەسى سياقتى جۇڭگوداعى ايگىلى جوعارى مەكتەپتەرگە ءوتتى، تاعى كەيبىر وقۋشىلار كاسىپتىك - تەحنيكالىق جوعارى مەكتەپتەرگە كىرىپ وقىپ، وقۋ تاۋىسقاننان كەيىن ءوز كۇشىنە سۇيەنىپ شارۋاشىلىق قۇرۋدى جۇزەگە اسىرىپ، جۇمىستاندى.

  مىندەتتى وقۋ - اعارتۋدىڭ نەگىزىنەن بىركەلكى بولۋى جاپپاي جۇزەگە استى

  توققۇزاق قالاشىعى سەنترلى باستاۋىش مەكتەبىندە جاتاق عيماراتى، كىتاپحانا، عىلىم - تەحنيكا سارايى، سپورت الاڭى سياقتى يقۋاتتىق قۇرىلعىلار تولىق، ءاربىر اتا - انا بالالارىنىڭ وسى مەكتەپتە وقىپ جاتقاندىعىن ماقتانىش سانايدى ءارى پارتيانىڭ جاقسى ساياساتىنا تەرەڭ سەزىممەن العىس ايتادى.

  8 جىلدىڭ الدىندا باس شۋجيدى كورگەن كەزىن ويلاعاندا توققۇزاق قالاشىعى سەنترلى باستاۋىش مەكتەبىنىڭ ورىنباسار باستىعى چين لييىڭ ءالى دە اسەرلەنگەن كوڭىل كۇيىن باسا المايدى. ”ءبىز وقۋشىلاردى جاقسى تاربيەلەگەندە عانا، باس شۋجيدىڭ تاپسىرماسىن جەردە قالدىرماعان بولامىز“. چين لييىڭ بىلاي دەدى: 8 جىلدىڭ الدىنداعىمەن سالىستىرعاندا، مەكتەپتىڭ بەت - بەينەسىندە وراسان زور وزگەرىستەر تۋىلىپ، مەكتەپ ۇيلەرىنىڭ كولەمى 3 ەسە كەڭەيىپ، وسىزاماندانعان مەكتەپكە اينالدى.

  ”’بانبانتۇڭمەن‘ جاپپاي قامتىلىپ، ءاربىر وقىتۋشىعا كومپيۋتەر سەپتەلدى، وقۋشىلارىمىز گۋاڭجوۋداعى وقۋشىلارمەن بىرگە ساباقتى تەڭ وقي الاتىن بولدى“. ساباق دەتالىن اشقان چين لييىڭ مەكتەپتىڭ وقىتۋ شارت - جاعدايىنىڭ بارعان سايىن جاقسارىپ، باۋراۋ قۋاتىنىڭ بارعان سايىن كۇشەيىپ، مەكتەپتەگى وقۋشىلاردىڭ 2014 - جىلعى 410 ادامنان قازىرگى 1318 ادامعا ارتقاندىعى جونىندە قۋانىشپەن وي ورتاقتاستى.

  شەت - شالعاي اۋىل - قىستاقتاردا كىتاپ وقىعان جارقىن ۇندەر ەستىلدى؛ جارىق ساباقحانالاردا وسى زامانعى وقىتۋ جابدىقتارى كەمەلدەندى؛ پلاستماسسا الاڭداردا بالالار شاتتانا اسىر سالدى... قازىر تيانشان الابىنداعى قىستاق، قالاشىقتاردا ەڭ كورىكتى قۇرىلىس مەكتەپ بولىپ تابىلادى. بۇل شينجياڭنىڭ قالا مەن اۋىلدىڭ وقۋ - اعارتۋ بايلىعى جاعىنداعى پارقىن كىشىرەيتىپ، مىندەتتى وقۋ - اعارتۋدىڭ بىركەلكىلەنىپ دامۋىن ىلگەرىلەتۋى الا كەلگەن وراسان زور وزگەرىس.

  رايونىمىز وقۋ - اعارتۋدى قازىنالىق شىعىستاعى ءتۇيىندى سالا رەتىندە الدىمەن قامتاماسىز ەتۋگە باستان - اياق تاباندى بولىپ، ءار دارەجەلى، ءار ءتۇرلى وقۋ - اعارتۋ قاراجاتتارىنىڭ ۇسىنىلىم مەحانيزمىن بىرتىندەپ كەمەلدەندىردى. 2016 - جىلدان بەرى بۇكىل رايونداعى ادەتتەگى الەۋمەتتىك مەجە ەسەپتەگى وقۋ - اعارتۋ قاراجاتى جىلىنا ورتا ەسەپپەن %8.12 ارتتى. اۆتونوميالى رايون وقۋشى سانىنىڭ نورمادان ارتىپ كەتۋىن كۇش سالا جويىپ، اۋىل - قالاشىقتارداعى جاتاقتى مەكتەپ جانە اۋىل - قىستاقتاعى شاعىن كولەمدى مەكتەپ قۇرىلىسىن كۇشەيتىپ، اۋىل - قىستاق مەكتەپتەرى وقۋ - اعارتۋىن ينفورماتسيالاندىرۋ قۇرىلىسىن ىلگەرىلەتىپ، مىندەتتى وقۋ - اعارتۋ كەزەڭىندەگى مەكتەپتەردىڭ وقىتۋ جۇرگىزۋ شارت - جاعدايىن كورنەكتى جاقسارتىپ، وقۋ - اعارتۋ، ءبىلىم بەرۋ ساپاسىن ورنىقتى جوعارىلاتتى.

  2021 - جىلى رايونىمىزدا 96 اۋداننىڭ (قالا، رايون) اۋدان كولەمىندەگى مىندەتتى وقۋ - اعارتۋدىڭ نەگىزىنەن بىركەلكى دامۋى جاعىندا مەملەكەتتىڭ قۋزاپ - جەتەكشىلىك ەتىپ، باعالاپ - تۇراقتاندىرۋىنان جالپى تۇلعالىق جاقتان ءوتۋى شينجياڭنىڭ اۋدان كولەمىندەگى مىندەتتى وقۋ - اعارتۋىن نەگىزىنەن بىركەلكى دامىتۋ مىندەتىنىڭ جاپپاي ورىندالعانىن ايگىلەدى، وسىدان باستاپ مىندەتتى وقۋ - اعارتۋدى ساپالى، بىركەلكى دامىتۋدىڭ جاڭا بەلەسىنە قادام تاستالدى.

  وقىتۋشىلار قوسىنى قۇرىلىسىن الدىمەن قامتاماسىز ەتتى

  وتانىمىزدىڭ باتىس سولتۇستىگىنەن باتىس وڭتۇستىگىنە دەيىنگى ارالىعى 1000 كيلومەتردەي قاشىقتىقتا، باس شۋجيمەن بىرگە تۇسكەن ”وتباسىلىق سۋرەتتى“ سىچۋان داشۋەسىنىڭ وقۋشىسى ادىلجان اسقار ەشقاشان جانىنان تاستاعان ەمەس. 8 جىلدىڭ الدىندا، باس شۋجي شي جينپيڭ توققۇزاق قالاشىعى سەنترلى باستاۋىش مەكتەبىنە كەلگەن كەزدە ادىلجان باستاۋىشتىڭ 5 - جىلدىعىندا وقيتىن، كىشكەنتاي سەرىكتەرىمەن بىرگە شي جينپيڭ اتايىمەن ەستەن كەتپەس قۇندى ەستەلىك قالدىردى.

  8 جىلدان بەرى ”عىلىم، مادەنيەت بىلىمدەرىن ويداعىداي ۇيرەنىپ، وتاننىڭ ءۇمىتىن اقتاۋ“ ادىلجاننىڭ كوكەيىندە ساقتاعان بەرىك نىساناسى بولدى.

  ”شي جينپيڭ اتاي ءبىزدى جاقسى وقىپ، كۇن سايىن العا باسۋعا، ەرجەتكەندە قوعامعا جارامدى ادام بولۋعا جىگەرلەندىردى، وسى سوزدەر مەنى ۇنەمى مەيىرگە بولەپ، شابىتتاندىرىپ كەلدى“، - دەدى ادىلجان، ونىڭ تولىسىپ - جەتىلۋىن، دارىندى بولۋىن وقۋ - اعارتۋ ارقىلى حالىققا تيىمدىلىك جاساۋداعى قىرۋار ساياساتتاردى اتقارۋدان بولە قاراۋعا بولمايدى ءارى اۋىل - قىستاق وقىتۋشىلار قوسىنى قۇرىلىسىن ۇزدىكسىز ىلگەرىلەتۋدەن ءتىپتى دە بولە قاراۋعا بولمايدى.

  2014 - جىلى توققۇزاق قالاشىعى سەنترلى باستاۋىش مەكتەبىندە 32 وقىتۋشى عانا بار بولاتىن، قازىر 87 وقىتۋشىعا كوبەيىپ، جاڭا كۇشتەردىڭ تولىقتانۋى مەكتەپكە وزىق وقىتۋ ۇستانىمىن اكەلىپ، وقۋ - اعارتۋ ساپاسى جاعىندا وڭتۇستىك شينجياڭنىڭ الدىڭعى ورنىنا شىقتى. مەكتەپتەن ىلگەرىندى - كەيىندى 260تان استام وقۋشى شينجياڭ ءىشى ورتالاۋ كلاسىنا، ەلىمىزدەگى وزگە ولكەلەردەگى شينجياڭ تولىق ورتا كلاسىنا قابىلداندى، 563 بالا داشۋەگە ءوتتى.

  باس شۋجي شي جينپيڭ بىلاي دەپ باسا دارىپتەدى: جاقسى مەكتەپتەردىڭ ەرەكشەلىگى ءبىر - بىرىنە ۇقساماعانىمەن، الايدا ءبىر ورتاق ەرەكشەلىگى بولادى، ياعني بارلىعىندا ۇزدىك وقىتۋشىلار قوسىنى بار. پارتيا 18 - قۇرىلتايىنان بەرى باس شۋجي شي جينپيڭ پارتيا مەن مەملەكەت ىستەرىن دامىتۋدى ۇرپاقتان - ۇرپاققا جالعاستىرۋدىڭ، كەيىنگى ىستەردى جالعايتىن ءىزباسار بولۋدىڭ ستراتەگيالىق بيىگىنەن جاڭا داۋىردەگى وقىتۋشىلار قوسىن قۇرىلىسىنا العا باسۋ بەتالىسىن ايقىن كورسەتىپ، وقىتۋشىلار قىزمەتىنە ايقىن تالاپ قويدى.

  رايونىمىز پارتيا ورتالىق كوميتەتىنىڭ شەشىمدەرىن، ورنالاستىرۋلارىن ەش بۇلجىتپاستان دايەكتىلەندىرىپ، تياناقتاندىرىپ، وقىتۋشىلار قوسىن قۇرىلىسىن نەگىزدىك قىزمەت ەتۋگە تاباندى بولىپ، وقىتۋشى قابىلداۋدا ءتۇيىندى تۇردە وڭتۇستىك شينجياڭعا، اۋىل - قىستاق مەكتەپتەرىنە قاراي بەيىمدەلىپ، وقىتۋشى قابىلداۋ مەحانيزمىنە ۇزدىكسىز رەفورما جاساپ، كەمەلدەندىرىپ، نوپوس قاتارلى شەكتەمەلەردى تالقانداپ، يدەيا، ساياسي ساپانى وقىتۋشى قابىلداۋدىڭ ماڭداي الدى ولشەمى ەتىپ، وقىتۋشى قابىلداۋدىڭ وتكەلىن قاينارىنان باستاپ ويداعىداي يگەردى؛ ورتالىقتىڭ ارنايى شتات جوسپارىنا بەلسەندى قول جەتكىزىپ، اۆتونوميالى رايوننىڭ ارنايى شتات جوسپارىن باستاپ اتقارىپ، جەرگىلىكتى ورىننىڭ ءوزى وقىتۋشى قابىلداۋىنا قولداۋ كورسەتتى، سونىمەن بىرگە شينجياڭ سىرتىنداعى جوعارى مەكتەپتەردەن وقۋ تاۋىسقان وقۋشىلاردى قابىلداۋ كولەمىن ۇزدىكسىز كەڭەيتتى.

  رايونىمىز وقىتۋشىلاردىڭ مامىلەسىن، اتاق - ابىرويىن قامتاماسىز ەتۋدى ۇزدىكسىز كۇشەيتىپ، ”قۇرمەتكە يە بولاتىن، جالىندى كۇشكە يە“ وقىتۋشىلار قوسىنىن قۇردى. كەزەكتە تۇتاس رايونداعى 96 اۋداندا (قالا، رايون) تۇگەلدەي مەجە ەسەپ بويىنشا مىندەتتى وقۋ - اعارتۋ وقىتۋشىلارىنىڭ ورتاشا ەڭبەكاقى كىرىس دەڭگەيىنىڭ جەرگىلىكتى ورىنداعى مەملەكەت قىزمەتكەرلەرىنىڭ ورتاشا ەڭبەكاقى دەڭگەيىنەن تومەن بولماۋى ورنالاستىرىلىپ جۇزەگە اسىرىلدى.

  2017 - جىلدان بەرى اۆتونوميالى رايون وڭتۇستىك شينجياڭداعى 4 ايماق - وبلىستىڭ وزدەرى قابىلداعان وقىتۋشىلاردىڭ ەڭبەكاقىسىنا 8 ميلليارد 348 ميلليون يۋان قوسىمشا قاراجات بەردى. وڭتۇستىك شينجياڭداعى 4 ايماق - وبلىستاعى اۋىل - قىستاق وقىتۋشىلارىنا تۇرمىستىق قوسىمشا قاراجات بەرۋ ساياساتىن اتقارىپ، جان باسىنا ورتا ەسەپپەن ايىنا بەرىلەتىن 200 يۋاندى 300 يۋانعا جوعارىلاتتى. سونىمەن بىرگە وقىتۋشىلاردىڭ جاتاق، تاماق، قاتىناس ماسەلەسىن ويداعىداي شەشتى.

  ءبىر قىدىرۋ رەفورما شارالارى شينجياڭداعى وقىتۋشىلار قوسىنى كولەمىن ۇزدىكسىز زورايتتى، قالىڭ وقىتۋشىلار ونەگە كورسەتىپ ادام تاربيەلەۋ ءتۇبىرلى مىندەتىن باتىل تياناقتاندىرىپ، قىزمەت ورنىن ءسۇيىپ، كاسىبىن قاستەرلەپ، ءبىلىم بەرىپ، ادام تاربيەلەپ، رەفورما جاساپ، جاڭالىق اشىپ، قوعامعا قىزمەت وتەپ، وقىتۋشىلار قوسىنى قۇرىلىسى قىزمەتىنىڭ ونىمدىلىگى كورنەكتى بولدى. 2021 - جىلدىڭ سوڭىنا دەيىن تۇتاس رايوندا (بيڭتۋاندى قامتىمايدى) ءار دارەجەلى، ءار ءتۇرلى مەكتەپتەردە جالپى ارناۋلى وقىتۋشىدان 377 مىڭ 100 ادام بار بولدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار