شينجياڭنان ءبىر كوللەكتيۆ، ءبىر جەكە «جۇڭگو جاستار 4 - مامىر مەدالىنا» يە بولدى
2022.05.05 14:19 كەلۋ قاينارى : حالىق تورابى
شينجياڭ گازەتىنىڭ 5 - ايدىڭ 3 - كۇنى ۇرىمجىدەن بەرگەن حابارى. انار بۇلت / شينجياڭ گازەتىنىڭ ءتىلشىسى گۋان مىڭيڭ 5 - ايدىڭ 3 - كۇنى ۇرىمجىدەن حابارلايدى: 4 - مامىر جاستار مەرەكەسى قارساڭىندا، كوممۋنيستىك جاستار وداعى ورتالىق كوميتەتى، مەملەكەتتىك جاستار بىرلەستىگى بىرلەسىپ 26 - كەزەكتى «جۇڭگو جاستار 4 - مامىر مەدالىن» تاراتتى، شينجياڭنان ءبىر كوللەكتيۆ، ءبىر جەكە ماراپاتتالىپ سيلاندى، ولار جەكە - جەكە: حوتان اۋدانى تاۋاككۇل اۋىلى باعدوڭ قىستاعى باستاۋىش مەكتەبى باتىس بولىك جوسپارى ەرىكتىلەرىنىڭ كۇش جالعاپ وقۋ - اعارتۋعا كومەك بەرۋ بويىنشا قىزمەت وتەۋ اترەتى، التاي ايماقتىق تابيعاتتى قورعاۋ قوعامىنىڭ باستىعى چۋ ۋىنۋىن.
حوتان اۋدانى تاۋاككۇل اۋىلى باعدوڭ قىستاعى باستاۋىش مەكتەبى باتىس بولىك جوسپارى ەرىكتىلەرىنىڭ كۇش جالعاپ وقۋ - اعارتۋعا كومەك بەرۋ بويىنشا قىزمەت وتەۋ اترەتىندە قازىر 42 ادام بار، مۇنىڭ ىشىندە جۇڭگو كوممۋنيستىك جاستار وداعى مۇشەسى 26 ادام، جۇڭگو كوممۋنيستىك پارتياسىنىڭ مۇشەسى 12 ادام، 35 جاستان تومەن جاستاردىڭ سانى %92.8 ىن ۇستايدى. 2017 - جىلدان بەرى شينجياڭ ۇيعۇر اۆتونوميالى رايوندىق وداق كوميتەتى ءار جىلى بۇكىل ەلدىڭ جەر - جەرىنەن كەلگەن باتىس بولىك جوسپارىنداعى داشۋە وقۋشىلارى ەرىكتىلەرى مەن وقۋ - اعارتۋعا كومەكتەسەتىن وقىتۋشىلاردى باعدوڭ قىستاعىنا تاڭداپ جىبەرىپ، مەكتەپتىڭ وقىتۋشى كۇشى ءالسىز بولۋ، وقىتۋ ءتاسىلى جالاڭ بولۋ ماسەلەلەرىن شەشۋىنە كومەكتەسىپ، سۇيەمەلدەپ كەلەدى. سوڭعى جىلدارى باتىس بولىك جوسپارىنداعى 147 ەرىكتىنىڭ بىرگە قۇلشىنۋىندا باعدوڭ قىستاعى باستاۋىش مەكتەبىنىڭ وقىتۋ ساپاسى كورنەكتى جوعارىلادى.
چۋ ۋىنۋىن 2017 - جىلى بەيجيڭ ورمان شارۋاشىلىعى داشۋەسىنەن ماگيسترلىق بىتىرگەن سوڭ، التايعا قايتىپ مىڭشين قۇندىزىن قورعاۋ قىزمەتىمەن اينالىسقان، جۇرت ونى جاقىن تارتىپ «قۇندىز حانىشا» دەپ اتاپ كەتتى. ونىڭ ۇجىمدى باستاپ قوعامدىق قارىم - قاتىناس مەدياسى تەكشەسىنەن پايدالانىپ باستاعان شينجياڭ مىڭشين قۇندىزىن قورعاۋ جەلىلەس الەۋمەتتىك يگىلىك نىسانى − «قۇندىز اسحاناسى»، «قۇندىز قاتارلاسپا قايىعى» سياقتىلار 90 - جىلدان كەيىن، 95 - جىلدان كەيىن تۋعان ءبىر ميلليوننان استام جاستى شينجياڭنىڭ التاي تاۋىنداعى تابيعاتتى قورعاۋ جۇمىستارىنا ات سالىسۋعا باۋراپ، مىڭشين قۇندىزى ءتۇرى توبىنىڭ سانىن ％20 ارتتىردى ءارى بىرلەسكەن مەملەكەتتەر ۇيىمىنىڭ «ورگانيزمدەردىڭ الۋان تۇرلىلىگى 100 + الەمدەگى تيپتىك مىسالىنا» ءساتتى تاڭدالدى.
«جۇڭگو جاستار 4 - مامىر مەدالى» − كوممۋنيستىك جاستار وداعى ورتالىق كوميتەتىنىڭ، مەملەكەتتىك جاستار بىرلەستىگىنىڭ جۇڭگوداعى تاڭداۋلى جاستارعا بەرەتىن ەڭ جوعارى اتاعى، ساياسيدا العاباسار، ءمورالى اسقاق، ۇلەسى كورنەكتى بولعان تاڭداۋلى جاستاردىڭ تيپتەرىن ورناتىپ، قازىرگى زامان جاستارىنىڭ رۋحاني قاسيەتى مەن قۇن تالپىنىسىن بەينەلەۋدى ماقسات ەتكەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
