بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ءبىر جاعادان باس، ءبىر جەڭنەن قول شىعارىپ، ىندەتكە قارسى اتتانۋدىڭ جەتىستىكتەرىن بەكەمدەپ، ۋاقىتقا، جاعدايعا قاراي دالمە - ءدال ساقتانۋ - تىزگىندەۋدى ويداعىداي ىستەيىك

«حالىق گازەتىنىڭ» شولۋشىسى

2022.05.07 16:25     كەلۋ قاينارى : حالىق تورابى

  «تاباندى بولۋدىڭ ءوزى − جەڭىس». 5 - ايدىڭ 5 - كۇنى باس شۋجي شي جينپيڭ ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشتى. ءماجىلىس قازىرگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا ىشكەرىلەي تالداۋ جاساپ، «ءار دارەجەلى پارتكومدار مەن ۇكىمەتتەر سەنىمدى بەكەمدەپ، ىندەتكە قارسى اتتانۋ كۇرەسىنىڭ كۇردەلىلىگى مەن جاپالىلىعىن جەتە تانىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل تياناقتاندىرىپ، كۇرەس رۋحىن تولىق ساۋلەلەندىرىپ، ىندەتتەن ساقتانۋ - تىزگىندەۋ قالتقىسىن باتىل بەكەمدەپ، وڭاي - وسپاق قولعا كەلمەگەن ىندەتتەن ساقتانۋ - تىزگىندەۋ جەتىستىكتەرىن باتىل بەكەمدەپ، اركىم ءوز جاۋاپكەرلىگىن ءبىلۋ، اركىم ءوز جاۋاپكەرلىگىن ادا ەتۋ كەرەك» دەگەندى دارىپتەدى.

  بيىل 3 - ايدان بەرى سۇراپىل كەلگەن وميكەرون وزگەرگەن شتامى بۇكىل دۇنيە ءجۇزىن شارپىدى، ەلىمىزدىڭ ءوز ىشىندەگى شوعىرلى ىندەتتە تۇيىندەر كوپ، كولەمى كەڭ بولۋ، ءجيى تۋىلۋ ەرەكشەلىكتەرى جارىققا شىقتى. كۇردەلى دە اۋىر ىندەتتەن ساقتانۋ - تىزگىندەۋ جاعدايى الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتى «حالىقتى بارىنەن جوعارى قويۋدا، ءومىردى بارىنەن جوعارى قويۋدا» تاباندى بولىپ، «سىرتتان كىرۋدەن، ىشتە قايتادان بەلەڭ الۋدان ساقتانۋ» باس تاكتيكاسى مەن «اۋقىمدىق نولگە ءتۇسىرۋ» باس باعىتىندا تاباندى بولىپ، وڭىرلەر بويىنشا دارەجەگە ايىرۋ، پارىقتاندىرۋ، دالمە - ءدال ساقتانۋ، تىزگىندەۋ دەڭگەيىن ۇزدىكسىز جوعارىلاتىپ، بۇكىل ەل بويىنشا جوعارىدان تومەنگە دەيىن ءبىر جاعادان باس، ءبىر جەڭنەن قول شىعارىپ، تىزە قوسا شايقاس جاساپ، ۋحاندى قورعاۋ شايقاسىنان بەرگى ەڭ اۋىر ىندەتتەن ساقتانۋ - تىزگىندەۋ سىناعىنان ءوتتى. شىنجىن قالاسى 7 كۇندىك «باياۋ تۇرمىستى» باستان كەشىرگەننەن كەيىن قوعامدىق جاعدايدى اۋقىمدىق نولگە ءتۇسىردى، شىنجىننىڭ قارقىنى قايتادان تەزدەي باستادى؛ شاڭحاي قالاسىندا جۋىقتان بەرى ءار كۇنى جاڭادان قوسىلعان جۇعىمدالۋشىلاردىڭ سانى ءۇرتىس تومەندەدى، ىندەتتەن ساقتانۋ - تىزگىندەۋ جاعدايى ۇزدىكسىز ورنىعۋعا بەت الدى؛ جيلين ولكەسىنىڭ ىندەت جاعدايى ءالى دە سوڭعى كەزەڭدە تۇر، اۋاشالاۋ تۇيىندەرى مەن تۇيىقتاپ باسقارۋ رايونىنان وزگە جەرلەردە حاۋىپ - قاتەر نەگىزىنەن تىزگىندەلدى؛ بەيجيڭ قالاسىنداعى ىندەت وڭىرلىك نۋكلەين قىشقىلىن تەكسەرۋ جانە تىعىز جاناسۋشىلاردى اداقتاپ تەكسەرۋ ارقىلى تىزگىندەلىپ، تارالۋ حاۋىپ - قاتەرى ازايدى ... ىندەتتەن ساقتانۋ - تىزگىندەۋدە قول جەتكەن كەزەڭدىك تابىستار پارتيا ورتالىق كوميتەتى بەلگىلەگەن ىندەتتەن ساقتانۋ - تىزگىندەۋ باعىت - ساياساتتارىنىڭ بۇكىلدەي دۇرىس ەكەنىن، قولدانىلعان ءتۇرلى ساقتانۋ - تىزگىندەۋ شارالارى عىلمي، ءونىمدى بولعانىن تولىق دالەلدەدى.

  ۇدايىلاندىرىلعان ىندەتتەن ساقتانۋ - تىزگىندەۋ − جاپالى دا اۋىر ءارى باياندى تاباندىلىقتى قاجەت ەتەتىن قىزمەت، ءسوز جوق، ىندەتكە قارسى اتتانۋ كۇرەسىنىڭ كۇردەلىلىگى مەن جاپالىلىعىن جەتە تانۋ كەرەك. سىرتقى ورتادان قاراعاندا، قازىر بۇكىل دۇنيە جۇزىندە ىندەت ءالى دە قاۋىرت تارالۋدا، ۆيرۋس ءالى دە ۇزدىكسىز وزگەرۋدە، ىندەتتىڭ ەڭ سوڭعى بەتالىسىندا ءالى دە اسا زور تۇراقسىزدىق ءومىر ءسۇرىپ وتىر، تىنىستاپ، دەمالىپ الايىق دەيتىن كەزگە ءالى جەتكەن جوقپىز. ىشكى ورتادان قاراعاندا، ەلىمىز ءبىرشاما زور سىرتتان كىرۋدەن ساقتانۋ قىسىمىنا ءدوپ كەلىپ وتىر، جەرگىلىكتى جەرلەردە ىندەتتىڭ تۋىلۋ قاتەرى ءالى دە ءبىرشاما جوعارى، ەل ىشىندە ىندەتتىڭ كوپ تۇيىندە بىتىراڭقى تارالۋى مەن ءىشىنارالىق شوعىرلى ىندەت قاتار ءومىر ءسۇرىپ، رايوندار ارا ايقاسپالى كىرۋ قاتەرى ءبىرشاما جوعارى بولۋدا، ىندەتتەن ساقتانۋ - تىزگىندەۋ جاعدايى ءالى دە قاتاڭ دا كۇردەلى. ۆيرۋستىڭ ەرەكشەلىگىنەن قاراعاندا، وميكرون وزگەرگەن شتامىنىڭ جۇقپالىلىعى كۇشتى، تارالۋ قارقىنى تەز، جاسىرىنۋ سيپاتى جوعارى بولۋ ەرەكشەلىكتەرى بار، اۋرۋ بەلگىسى جوقتار جانە جەڭىل دارەجەدە جۇعىمدالعاندار ءبىرشاما كوپ بولىپ، كەڭ كولەمدە وڭاي تارالادى. « اعىنعا قارسى جۇزەتىن، العا ىلگەرىلەمەسەك كەرى شەگىنەتىن» شەشۋشى مەزگىلدە جانە ماشاقاتتى كەزەڭدە، ءسوز جوق، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل تياناقتاندىرىپ، «اۋقىمدىق نولگە ءتۇسىرۋ» باس باعىتىندا تاباندى بولىپ، ءارى - ءسارى بولماي، ءسوزسىز جەڭىسكە جەتۋ سەنىمىن بەكەمدەپ، اناعۇرلىم زور بەكىممەن، اناعۇرلىم زور تەبىنمەن، جاعدايعا قاراي العا ۇمتىلىپ، ارىننان قايتپاي، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە تەز ارادا قول جەتكىزۋ كەرەك.

  نىساناعا جاقىنداعان سايىن، قايراتتانا ۇمتىلىپ، يدەيانى بىرلىككە كەلتىرىپ، سەرپىندى ارتتىرىپ، شىنايى يگەرىپ، ناقتى ىستەۋ كەرەك. مىنانى ايقىن تانۋىمىز كەرەك: «اۋقىمدىق نولگە ءتۇسىرۋ» − ەلىمىزدىڭ نەگىزگى مەملەكەت جاعدايى بەلگىلەگەن، پارتيامىزدىڭ حالىقتىڭ باس اماندىعى مەن دەنساۋلىعىن ءبىرىنشى ورىنعا قويۋدا تاباندى بولۋىنىڭ تابيعي تالابى. وميكرون وزگەرگەن شتامى سياقتى ۆيرۋسپەن شايقاسقاندا، «شالقادان ءتۇسىپ جاتۋعا» بولمايدى، «جاتىپ جەڭۋ» مۇمكىن ەمەس. ەلىمىزدىڭ جالپى حالىق سانىنىڭ نەگىزدىك سانى وراسان زور، قارتتار شوعىرىنىڭ كولەمى وتە ۇلكەن، ەگەر «شالقادان ءتۇسىپ جاتساق»، «ساقتانۋعا» نەمقۇرايدى قاراپ، «جونگە سالۋدى» عانا يگەرسەك، وندا ەڭبەگىمىز سەلگە كەتىپ، ساقتانۋ - تىزگىندەۋ جەتىستىكتەرىنەن ايرىلىپ قالۋىمىز مۇمكىن. ءبىز ستراتەگيالىق تۇراقتىلىقتى ساقتاپ، ىندەتتەن ساقتانۋ - تىزگىندەۋدىڭ ۇدايىلانعان شارالارىن قاتاڭ تياناقتاندىرىپ، عىلمي، دالمە - ءدال ساقتانۋ - تىزگىندەۋ قۋاتىن جوعارىلاتىپ، وڭاي - وسپاق قولعا كەلمەگەن ىندەتتەن ساقتانۋ - تىزگىندەۋ جەتىستىكتەرىنىڭ تەككە كەتۋىنە استە جول بەرمەۋىمىز كەرەك. كۇرەس رۋحىن ساۋلەلەندىرىپ، «العان بەتىنەن قايتپايتىن» قايسارلىقپەن، «نەعۇرلىم قيىن بولعان سايىن سولعۇرلىم العا تارتاتىن» قايسارلىقپەن ۇزدىكسىز قامال الىپ، قيىنشىلىقتاردى جەڭىپ، قيىندىقتاردان تايسالماي العا ۇمتىلىپ، قايسارلىقپەن كۇرەس جۇرگىزۋىمىز كەرەك. سالعىرتسۋ يدەياسىن، شايقاستان قاجۋ نىسايىن، باق سىناۋ ويىن، بوساڭسۋ پيعىلىن جەڭىپ، ءبىر نيەتپەن ىنتىماقتاسىپ، جۇدىرىقتاي جۇمىلىپ، ىندەتكە قارسى اتتانۋدىڭ قۇدىرەتتى رۋحاني قورعانىس شەبىن قالىپتاستىرۋىمىز كەرەك.

  ىندەتتەن ساقتانۋ - تىزگىندەۋ − جان تۇرشىگەرلىك شايقاس ءارى اسا ماشاقاتتى ۇلكەن سىناق. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ۇزدىكسىز اتويلاپ الدا ءجۇرىپ، قايسارلىقپەن كۇرەس جاساپ، جاۋىنگەر قورعاندىق جانە اۆانگارد ۇلگىلىك رولىن ساۋلەلەندىرىپ، اركىم ءوز جاۋاپكەرلىگىن ءبىلۋ، اركىم ءوز جاۋاپكەرلىگىن ادا ەتۋ كەرەك. بارلىعىمىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاۋاپكەرلىك ارقالاۋ باتىلدىعىن، عىلمي ساقتانۋ - تىزگىندەۋ اقىل - پاراساتىن، ءبىر تۇتاس جوسپارلاپ، تەڭ ءمان بەرۋ جوسپارىن، ۇيىمداستىرىپ اتقارۋ قابىلەتىن ونان ارى شىڭداپ، ءبىر جاعادان باس، ءبىر جەڭنەن قول شىعارىپ، ىندەتكە قارسى اتتانۋدىڭ جەتىستىكتەرىن ءبىر نيەتپەن بەكەمدەپ، جاعدايعا قاراي دالمە - ءدال ساقتانۋ - تىزگىندەۋدى ويداعىداي ىستەپ، زور شايقاستا اۋەلگى ماقسات پەن بورىشتى امالياتتا ايگىلەپ، ۇلكەن سىناقتا تولىمدى جاۋاپ قايتارىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ قوس جەڭىسىنە قول جەتكىزۋگە قۇلشىنايىق.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار