بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

سەنىمدى بەكەمدەپ، تار جول، تايعاق كەشۋلەردەن بىرگە ءوتىپ، ءبىر نيەتپەن ىنتىماقتاسىپ، ىندەتكە قارسى اتتانۋ قىزمەتىن ويداعىداي ىستەيىك

«حالىق گازەتىنىڭ» شولۋشىسى

2022.05.09 16:32     كەلۋ قاينارى : حالىق تورابى

  «اماليات ءبىزدىڭ ساقتانۋ - تىزگىندەۋ باعىتىمىزدى پارتيانىڭ سيپاتى مەن باس ماقساتى بەلگىلەگەنىن، ءبىزدىڭ ساقتانۋ - تىزگىندەۋ ساياساتىمىزدىڭ تاريحتىڭ سىنىنان وتە الاتىنىن، ءبىزدىڭ ساقتانۋ - تىزگىندەۋ شارالارىمىزدىڭ عىلمي، ءونىمدى ەكەنىن دالەلدەپ وتىر». 5 - ايدىڭ 5 - كۇنى باس شۋجي شي جينپيڭ ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشتى، ءماجىلىس قازىرگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا ىشكەرىلەي تالداۋ جاساپ، ىندەتتەن ساقتانۋ - تىزگىندەۋدىڭ ءتۇيىندى قىزمەتتەرىن جەدەل، ناقتى يگەرىپ، قالىڭ كادر - جۇرتشىلىقتىڭ سەنىمدى بەكەمدەپ، تار جول، تايعاق كەشۋلەردەن بىرگە ءوتىپ، ءبىر نيەتپەن ىنتىماقتاسىپ، ىندەتكە قارسى اتتانۋ قىزمەتىن جاقسى ىستەپ، ىندەتتەن ساقتانۋ - تىزگىندەۋ سىندى قيان - كەسكى شايقاستىڭ جەڭىسىنە ەرتەرەك قول جەتكىزۋى ءۇشىن جىگەر - قايراتتى تاسقىنداتىپ، ورتاق تانىم ۇيىستىردى.

  ىندەتكە سوققى بەرۋدە سەنىمدى بەكەمدەۋ وتە ماڭىزدى. قازىر بۇكىل دۇنيە جۇزىندە ىندەت ءالى دە جوعارى دەڭگەيدە تۇر، ۆيرۋس ءالى دە توقتاۋسىز وزگەرۋدە، ىندەتتىڭ ەڭ سوڭىندا قالاي بەت الۋىندا ءالى دە اسا زور تۇراقسىزدىق ءومىر سۇرۋدە، بۇكىل ەل بويىنشا ىندەتتىڭ جالپى جاعدايى جاقسارعانىمەن، ءالى دە كۇردەلى، اۋىر بولىپ، قايتادان بەلەڭ الۋ قاتەرى ءومىر ءسۇرىپ وتىر. ءادىس قاشان دا قيىنشىلىقتان كوپ، بەكىم قاشان دا سىن - سايىستان زور. ۋحاندى قورعاۋ شايقاسىنان ىندەتتەن ساقتانۋ - تىزگىندەۋدى ۇدايىلاندىرۋعا دەيىن، ونان دەلتا، وميكرون سياقتى قاتەرلى شتامداردان دالمە - ءدال ساقتانۋعا دەيىن، ءبىز «اۋقىمدىق نولگە ءتۇسىرۋ» باس باعىتىندا باستان - اياق تاباندى بولىپ، تەكسەرۋ، جوتكەۋ، اۋاشالاۋ، جيىپ الىپ ەمدەۋ سياقتى كۇشتەردى دەر كەزىندە ءبىر تۇتاس ورنالاستىرىپ، بىرگە بايقاپ، بىرگە جويىپ، ىندەتتىڭ كەڭ كولەمدە تارالۋىن ءونىمدى تەجەپ، ۆيرۋس تارالۋىنىڭ قاتەرلى جاعدايىن پارمەندى تۇردە وزگەرتتىك. ەكى جىلدان استام ۋاقىتتان بەرگى ىندەتتەن ساقتانۋ - تىزگىندەۋ امالياتى مىنانى دالەلدەدى: «اۋقىمدىق نولگە ءتۇسىرۋ» حالىق بۇقاراسىنىڭ باس اماندىعى مەن دەنساۋلىق اقاۋسىزدىعىن بارىنشا قورعاپ، ىندەتتىڭ مەملەكەتتىڭ تۇتاس تۇلعالىق ەكونوميكالىق، قوعامدىق دامۋىنا جاسايتىن ىقپالىن بارىنشا ازايتتى، جول دۇرىس، ونىمدىلىك جاقسى. يدەيا مەن ارەكەتتى ونان ارى بىرلىككە كەلتىرىپ، ساقتانۋ - تىزگىندەۋ تالابىن ونان ارى تياناقتاندىرىپ، ىندەتتىڭ قورعانىس شەبىن ونان ارى بەكەمدەپ، قابىلەت دەڭگەيىن ونان ارى جوعارىلاتىپ، ءتورت جاقتىڭ جاۋاپكەرلىگىن ونان ارى قاتايتساق، ءبىز وميكرون وزگەرگەن شتامىنىڭ جۇعۋى مەن تارالۋىن جەڭۋگە قابىلەتىمىز، نەگىزىمىز، شارت - جاعدايىمىز جار بەرەدى، ەڭ قىسقا ۋاقىت ىشىندە ىندەتتى جويىپ، ەڭ از وزىندىك قۇنمەن ەڭ زور ساقتانۋ - تىزگىندەۋ ونىمدىلىگىن جۇزەگە اسىرا الامىز.

  ىندەتتەن ساقتانۋ - تىزگىندەۋ − جالپى تۇلعالىق شايقاس، ءسوز جوق، بۇكىل ەل كولەمىندە ءبىر تۇتاس جوبا جاساۋدا تاباندى بولۋ كەرەك. ىندەت تارتىپپەن تىزگىندەلگەندە عانا، حالىقتىڭ ءومىرى مەن دەنساۋلىعىنا بەرىك كەپىلدىك ەتۋگە، قالىپتى ءوندىرىس پەن تۇرمىسقا ءتيىمدى شارت - جاعداي جاراتۋعا بولادى. مىنانى كورە بىلگەنىمىز ءجون: ىندەت تۋىلعاننان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ىندەتتىڭ وزگەرىسىن دۇرىس يگەرىپ، جالپى جاعدايدى تياناق ەتىپ، جالپى جاعدايدى كوزدە ۇستاپ، ىندەتتەن ساقتانۋ - تىزگىندەۋگە ورتالىقتانعان ءبىر تۇتاس باسشىلىقتى جاپپاي كۇشەيتىپ، جاعدايعا قاراي كەلەلى ستراتەگيالىق تاكتيكا بەلگىلەپ، بۇكىل ەل بويىنشا ءبىر تۇتاس قولباسشىلىق ەتۋ، جاپپاي ورنالاستىرۋ، سترەولدى ساقتانۋ - تىزگىندەۋ ستراتەگيالىق ورنالاستىرۋىن جەدەل قالىپتاستىرىپ، اۋرۋ ازابىنا قارسى اتتانۋدىڭ قۇدىرەتتى بىرىككەن كۇشىن توپتادى. «اعىنعا قارسى جۇزەتىن، العا ىلگەرىلەمەسەك كەرى شەگىنەتىن» شەشۋشى مەزگىلدە جانە ماشاقاتتى كەزەڭدە ءبىز يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، ماسەلەگە ماكرولىق تۇرعىدان، توپتىق تۇرعىدان، اۋقىمدىق تۇرعىدان قاراپ، قىسقا مەرزىمدىك جانە ۇزاق ۋاقىتتىق قاتىناستى، ءىشىنارالىق پەن تۇتاس تۇلعانىڭ قاتىناسىن، جەكە تۇلعا مەن توپتىڭ قاتىناسىن ويداعىداي شەشىپ، ءبىر جاعىنان، ءوز رايونىنداعى، ءوز سالاسىنداعى ساقتانۋ - تىزگىندەۋ قاجەتىن ويلاستىرىپ، تاعى ءبىر جاعىنان، ءتۇيىندى رايوندارعا، بۇكىل ەلگە جاسايتىن ساقتانۋ - تىزگىندەۋ ىقپالىن ويلاستىرىپ، ىندەتكە قارسى اتتانۋ قىزمەتىن باتىل دا پارمەندى ىستەپ، تيتتەي دە بويكۇيەزدىككە سالىنباي جاقسى ىستەپ، ەڭ تەز قارقىنمەن، ەڭ جوعارى ونىمدىلىكپەن جۇعۋ قاينارىن ءۇزىپ، ىندەتتىڭ تارالۋ كولەمىن مۇمكىندىكتىڭ بارىنشا تىزگىندەپ، بۇكىل ەل بويىنشا ىندەتتەن ساقتانۋ - تىزگىندەۋدىڭ جالپىلىق جەڭىسىنە قول جەتكىزۋگە قۇلشىنۋىمىز كەرەك.

  باس شۋجي شي جينپيڭ: «ىنتىماق − تەمىر، ىنتىماق − قۇرىش، ىنتىماق − كۇش. ىنتىماق − جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق حاۋىپ - قاتەر مەن سىن - سايىستى جەڭىپ، جەڭىستەن - جەڭىسكە ۇزدىكسىز جەتۋىنىڭ ماڭىزدى كەپىلى» دەپ دارىپتەگەن بولاتىن. ىندەتتەن ساقتانۋ - تىزگىندەۋ قىزمەتىندە ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار اركىم ءوز جاۋاپكەرلىگىن ءبىلىپ، اركىم ءوز جاۋاپكەرلىگىن ادا ەتۋى، جەر - جەر، تاراۋلار شۇعىل قيمىلداپ، تياناقتاندىرۋدى مىقتى يگەرىپ، ءوزارا قولداۋ كورسەتۋى، ءار سالا، ءار كاسىپ جۇدىرىقتاي جۇمىلىپ، ءبىر نيەتپەن ىنتىماقتاسىپ، ءبىرىنشى شەپتە شايقاس جاساۋى كەرەك ... اماليات ىندەتتەن ساقتانۋ - تىزگىندەۋ سىندى حالىقتىق شايقاستىڭ جەڭىسىنە قول جەتكىزۋدە، ءسوز جوق، جۇدىرىقتاي جۇمىلىپ، قيىنشىلىقتاردى جەڭۋ كەرەكتىگىن دالەلدەدى. جۇرت تىلەگى توعىسسا، تاۋدى دا كوشىرۋگە بولادى. ىندەتكە قارسى اتتانۋ كۇرەسىنىڭ كۇردەلىلىگى مەن جاپالىلىعىن جەتە تانىپ، وي - سانانى باستان - اياق سەرگەك ۇستاپ، «اۋقىمدىق نولگە ءتۇسىرۋ» باس باعىتىندا بۇلجىماي تاباندى بولىپ، تانىمنىڭ، دايىندىقتىڭ، قىزمەتتىڭ جەتكىلىكسىز بولۋى سياقتى ماسەلەلەردى باتىل جەڭىپ، نەمقۇرايدى قاراۋ، ەلەپ - ەسكەرمەۋ، وزىنىكىن ءجون ساناۋ سياقتى يدەيالاردى باتىل جويىپ، ەلىمىزدىڭ ىندەتتەن ساقتانۋعا قاتىستى باعىت - ساياساتتارىن بۇرمالايتىن، ودان كۇمانداناتىن، ونى تەرىسكە شىعاراتىن ءسوز - ارەكەت اتاۋلىمەن باتىل كۇرەس جۇرگىزىپ، سالعىرتسۋ يدەياسىن، شايقاستان قاجۋ نىسايىن، باق سىناۋ ويىن، بوساڭسۋ پيعىلىن جەڭىپ، ىندەتتى ءتىپتى دە ەرتە بايقاپ، ءتىپتى دە تەز ءبىر جاقتى ەتىپ، ساقتانۋ، تىزگىندەۋ شارالارىن اناعۇرلىم ناقتى تياناقتاندىرىپ، بۇقاراعا قىزمەت وتەۋدى اناعۇرلىم تىڭعىلىقتى ىستەۋ كەرەك. حالىق بۇقاراسىنا تىعىز ارقا سۇيەي وتىرىپ حالىقتىق شايقاستى ويداعىداي جۇرگىزىپ، ينفورماتسيا جاريالاۋدى كۇشەيتىپ، قوعامنىڭ الاڭداۋشىلىعىنا ىرىقتىلىقپەن جاۋاپ قايتارىپ، قالىڭ بۇقارانى جاۋاپكەرلىك تانىمىن، ءوزىن قورعاۋ تانىمىن كۇشەيتۋگە، ساقتانۋ - تىزگىندەۋ جاۋاپكەرلىگى مەن بورىشىن سانالى تۇردە ارقالاۋعا، جەكە ادام، وتباسى سياقتىلاردىڭ كۇندەلىكتى ساقتانۋ - قورعانۋ شارالارىن تياناقتاندىرۋعا جەتەكتەپ، يممۋنيتەتتى كۇشەيتۋ ۆاكسيناسىن ەگۋ قىزمەتىن ىلگەرىلەتىپ، بۇقارالىق ساقتانۋدىڭ، بۇقارالىق تىزگىندەۋدىڭ قورعانىس شەبىن بەكەمدەۋ كەرەك.

  جوعارى – تومەن تىلەكتەس بولعاندار جەڭىسكە جەتەدى. پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل تياناقتاندىرىپ، ستراتەگيالىق تاباندىلىقتى ساقتاپ، ءسوزسىز، جەڭىسكە جەتۋ سەنىمىن بەكەمدەپ، كۇرەس رۋحىن ساۋلەلەندىرىپ، ءتۇرلى ىندەتتەن ساقتانۋ قىزمەتىن شىنايى، ەگجەي - تەگجەيلى، ناقتى يگەرىپ، ءبىر نيەت، ءبىر تىلەكتە بولىپ، تىزە قوسا ورتاق كۇش سالىپ، ءبىر تىلەكپەن ىندەتتەن ساقتانىپ، قيىنشىلىقتى بىرگە جەڭەتىن قۇدىرەتتى كۇش - قۋاتتى ۇيىستىرساق، ءبىز، ءسوز جوق، وسى ىندەتتى جەڭىپ، وڭاي - وسپاق قولعا كەلمەگەن ىندەتتەن ساقتانۋ - تىزگىندەۋ جەتىستىكتەرىن بەكەمدەي الامىز.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار