بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تاباندىلىقپەن ىستەۋ حالىق ءۇشىن، تاباندى بولۋدىڭ ءوزى − جەڭىس

«حالىق گازەتىنىڭ» شولۋشىسى

2022.05.10 16:49     كەلۋ قاينارى : حالىق تورابى

  قازىر بۇكىل دۇنيە جۇزىندە ىندەت ءالى دە جوعارى دەڭگەيدە تۇر، ەلىمىزدىڭ ىندەتتەن ساقتانۋ - تىزگىندەۋ قىزمەتى «اعىنعا قارسى جۇزەتىن، العا ىلگەرىلەمەسەك كەرى شەگىنەتىن» شەشۋشى مەزگىلدە جانە ماشاقاتتى كەزەڭدە تۇر. 5 - ايدىڭ 5 - كۇنى باس شۋجي شي جينپيڭ ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشتى، ءماجىلىس قازىرگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا ىشكەرىلەي تالداۋ جاساپ، «ءبىزدىڭ ساقتانۋ - تىزگىندەۋ باعىتىمىزدى پارتيانىڭ سيپاتى مەن ماقساتى بەلگىلەگەن» دەگەندى تەرەڭ اتاپ كورسەتىپ، «تاباندى بولۋدىڭ ءوزى − جەڭىس» دەگەندى دارىپتەپ، «ىندەتكە قارسى اتتانۋ كۇرەسىنىڭ كۇردەلىلىگى مەن جاپالىلىعىن تەرەڭ تانىپ»، «سالعىرتسۋ يدەياسىن، شايقاستان قاجۋ نىسايىن، باق سىناۋ ويىن، بوساڭسۋ پيعىلىن جەڭىپ، جاپپاي اتتانىسقا كەلتىرىپ، جان - جاقتى ورنالاستىرۋ جاساپ، ۋاقىت كۇتىپ تۇرمايدى دەيتىن رۋحپەن، مينۋت - سەكۋندتپەن جارىساتىن ارەكەت - قيمىلمەن ىندەتتەن ساقتانۋ - تىزگىندەۋ قىزمەتتەرىن ناقتى، ەگجەي - تەگجەيلى يگەرۋدى» تالاپ ەتتى.

  پارتيامىز حالىقتان كەلگەن، حالىققا تامىر تارتقان، حالىققا باقىت جاراتادى، بۇكىل ىنتا - پەيىلىمەن حالىق ءۇشىن قىزمەت ىستەۋ − پارتيانىڭ ءتۇبىرلى ماقساتى، ءسوز جوق، ەڭ قالىڭ حالىقتىڭ ءتۇبىرلى مۇددەسىن بارلىق قىزمەتىمىزدىڭ ءتۇبىرلى شىعار ءتۇيىنى جانە تابان تىرەر تياناعى ەتۋىمىز كەرەك. ىندەتتەن ساقتانۋ – تىزگىندەۋ ۇدايىلاندىرىلعاننان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى «حالىقتى بارىنەن جوعارى قويۋ، ءومىردى بارىنەن جوعارى قويۋ» ۇستانىمىندا باستان - اياق تاباندى بولىپ، «سىرتتان كىرۋدەن ساقتانۋدا، ىشتە قايتا بەلەڭ بەرۋدەن ساقتانۋدا تاباندى بولۋ» باس تاكتيكاسى مەن «اۋقىمدىق نولگە ءتۇسىرۋ» باس باعىتىندا تاباندى بولىپ، ىندەتتىڭ سوققىسىنا توتەپ بەرىپ، حالىقتىڭ باس اماندىعى مەن سالاماتتىعىن مۇمكىندىكتىڭ بارىنشا قورعادى. اسىرەسە، بيىل 3 – ايدان بەرى بۇكىل ەل بويىنشا جوعارىدان تومەنگە دەيىن ءبىر جاعادان باس، ءبىر جەڭنەن قول شىعارىپ، تىزە قوسا شايقاس جاساۋ ارقىلى ءبىز ۋحاندى قورعاۋ شايقاسىنان بەرگى ەڭ اۋىر ىندەتتەن ساقتانۋ - تىزگىندەۋ سىناعىنان ءوتىپ، كەزەڭدىك ونىمدىلىككە قول جەتكىزدىك. اماليات مىنانى تاعى ءبىر رەت دالەلدەدى: «اۋقىمدىق نولگە ءتۇسىرۋ» − عىلىمعا، زاڭدىلىققا قۇرمەت ەتۋدىڭ پارمەندى بەينەسى، ونان دا ماڭىزدىسى، حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولۋدىڭ تابيعي تالابى. حالىقتىڭ ءومىرى مەن اماندىعىن قورعاۋ الدىندا ءبىز، ءسوز جوق، بارلىق بوداۋ بەرۋدەن تايىنباۋىمىز كەرەك، بارلىق بوداۋ بەرۋدەن تايىنبايمىز دا! ادامنىڭ ءومىرى ەڭ قاستەرلى، ءومىر ءبىر - اق رەت كەلەدى، قولدان كەتسە قايتا كەلمەيدى، حالىقتىڭ باس اماندىعىن قورعاۋ ءۇشىن، ءبىز ەشنارسەدەن تايىنبايمىز!

  ىندەتتى تەز ارادا تەجەۋ عانا − ءاربىر تىرشىلىككە شىنايى قۇرمەت ەتكەندىك، «اۋقىمدىق نولگە ءتۇسىرۋ» شىن مانىندە حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولعاندىق. الەۋمەتتىك دەنساۋلىق ساقتاۋ تۇرعىسىنان قاراعاندا، بارلىق ادامدار توبى وميكرون وزگەرگەن شتامى وڭاي جۇعاتىن ادامدار توبى سانالادى، ەشقانداي قورعانۋ شاراسى بولماعان جاعدايدا ءبىر جۇعىمدالۋشى ورتا ەسەپپەن 9.5 ادامعا تاراتا الادى. وميكرون وزگەرگەن شتامى استە «ءبىرىنشى ءنومىرلى جۇقپالى تۇماۋ» ەمەس، ونداعى اۋرۋدان قازا بولۋ ورتاشا شاماسى ادەتتەگى جۇقپالى تۇماۋدىڭ 7 - 8 ەسەسىندەي، قارتتار توبىنىڭ، اسىرەسە 80 جاستان اسقان قارتتار قاۋىمىنىڭ اۋرۋدان قازا بولۋ شاماسى % 10 تەن اسادى، بۇل ادەتتەگى جۇقپالى تۇماۋدىڭ قۋاتىنىڭ 100 ەسەسىنە جۋىق. بۇكىل دۇنيە جۇزىندەگى ىندەتتىڭ تارالۋ جاعدايىنان قاراعاندا، قازىر ۆيرۋس ءالى دە توقتاۋسىز وزگەرۋدە، ىندەتتىڭ ەڭ سوڭعى بەتالىسىندا ءالى دە اسا زور تۇراقسىزدىق ءومىر ءسۇرىپ وتىر. حالىقارالىق الەۋمەتتىك دەنساۋلىق ساقتاۋ ماماندارى بىلاي دەپ اتاپ كورسەتتى: ىندەت ءالى اياقتاعان جوق، ءالى دە قىراعىلىقتى ساقتاۋعا تۋرا كەلەدى، كەيبىر «شالقاسىنان جاتقان» ەلدەر قازىر ايانىشتى بوداۋ بەرىپ وتىر. ەلىمىزدىڭ ءىس جۇزىندىك جاعدايىنان قاراعاندا، قارتتاردىڭ سانى وتە كوپ، ونىڭ ۇستىنە نەداۋىر سانداعى بالالار مەن ۆاكسينا سالدىرۋىنا ۇيلەسپەيتىن اۋرۋعا شالدىعۋ سەبەبىنەن امالسىزدان ۆاكسينا سالدىرا الماي وتىرعان ادامدار بار، ۆاكسينانىڭ ەگىلۋ شاماسى سالماقتى اۋرۋلار مەن اۋرۋدان كوز جۇمۋعا توتەپ بەرە الاتىن قالتقى قالىپتاستىرا العان جوق. ىندەتتەن ساقتانۋ - تىزگىندەۋدى بوساڭسىتىپ، ۆيرۋستىڭ تارالۋىنا جول بەرسەك، كەڭ كولەمدى ادامدار توبى جۇعىمدالىپ، قىرۋار سالماقتى اۋرۋلار جارىققا شىعىپ، قىرۋار ادام قازا بولىپ، ونىڭ زاردابىن مەجەلەۋ قيىنعا سوعادى. «اۋقىمدىق نولگە تۇسىرۋدە» تاباندى بولۋ − ءبىر ميلليارد 400 ميلليوننان استام حالقى بار ءىرى ەلدە، ءسوز جوق، تاباندى بولۋعا ءتيىستى ىندەتتەن ساقتانۋ - تىزگىندەۋدىڭ تومەنگى شەگى، حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىن امالياتتا ەڭ جاقسى ايگىلەگەندىك.

  ءبىر مەزگىلدەن بەرى بۇكىل ەلدىڭ جەر - جەرىندە ءار شەپ قىزمەت ورنىنان تاپجىلماي، ۇزدىكسىز شايقاس جاساپ، قالىڭ پارتيالى كادرلار، ەمدەۋ قىزمەتكەرلەرى، الەۋمەتتىك اۋماق قىزمەتكەرلەرى، ەرىكتىلەر اۋىر مىندەتتى باتىلدىقپەن ارقالاپ، اتويلاپ الدا ءجۇرىپ، توتەنشە جاپالى قۇلشىنىستار جاساپ، ىندەتتىڭ تارالۋىن تەجەۋگە ماڭىزدى ۇلەس قوستى. قازىر بۇكىل ەل بويىنشا ىندەتتىڭ جالپى جاعدايى جاقسارعانىمەن، ءالى دە كۇردەلى دە اۋىر بولىپ وتىر، ىندەتتىڭ قايتالانۋ قاتەرى ءومىر ءسۇرىپ وتىر، ءسوز جوق، ءىشىنارا شوعىرلى ىندەتتى ءبىر جاقتى ەتۋدى جەدەلدەتىپ، ساقتانۋ - تىزگىندەۋ شارالارىن دەر كەزىندە كەمەلدەندىرىپ، ىندەتكە توتەپ بەرۋگە ويداعىداي دايىندالۋ كەرەك. تاباندى بولعاندا عانا جەڭىسكە جەتۋگە بولادى، وسى شەشۋشى مەزگىل مەن قيىن كەزەڭدە، ءبىز ءتىپتى دە بوساڭسىماۋىمىز، ءتىپتى دە ۇزدىكسىز كۇش سالىپ، جىگەرلەنە ءتۇسىپ، جاعدايعا قاراي العا باسۋىمىز كەرەك، وڭاي - وسپاق قولعا كەلمەگەن ىندەتتەن ساقتانۋ - تىزگىندەۋ جەتىستىكتەرىن قولدان كەتىرۋىمىزگە استە بولمايدى. «اۋقىمدىق نولگە ءتۇسىرۋ» باس باعىتىندا بۇلجىماي تاباندى بولۋ، سالعىرتتىققا سالىنباۋ، شايقاستان جالىقپاۋ، باق سىناماۋ، بوساڭسىماۋ، تەكسەرۋگە تيىستىلەرىن مۇمكىندىكتىڭ بارىنشا تەكسەرۋ، اۋاشالاۋعا تيىستىلەرىن تۇگەل اۋاشالاۋ، جيىپ الۋعا تيىستىلەرىن مۇمكىندىكتىڭ بارىنشا جيىپ الۋ، ەمدەۋگە تيىستىلەرىن مۇمكىندىكتىڭ بارىنشا ەمدەۋ، بۇقارانىڭ نەگىزگى تۇرمىسىن قامتاماسىز ەتۋدەن، تۇرمىستىق زاتتارمەن قامداۋدى قاتار ويداعىداي ىستەۋدەن ۇنەمىلىك ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋعا دەيىن، قاجىرلىلىقپەن ناقتى ىستەۋ، ۇزدىكسىز شايقاس جاساۋ رۋحىن باستان - اياق ساۋلەلەندىرىپ، پارتيا ورتالىق كوميتەتىنىڭ شەشىم - ورنالاستىرۋلارىن اناعۇرلىم قاتاڭ ستيل، اناعۇرلىم ناقتى شارالار ارقىلى تياناقتاندىرىپ، ۆيرۋسپەن كۇرەسۋ بارىسىندا ىرىقتىلىقپەن جەڭىسكە جەتۋ كەرەك.

  تاباندى بولۋدىڭ ءوزى − جەڭىس، شۇعىلا الدىڭعى جاقتا. نەعۇرلىم قيىن - قىستاۋ كەزدەردە، سولعۇرلىم بايسالدى بولۋ، سولعۇرلىم قامال الىپ، قيىنشىلىقتاردى جەڭەتىن قايسارلىق بولۋ كەرەك. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، سەنىمدى بەكەمدەپ، تار جول، تايعاق كەشۋدەن بىرگە ءوتىپ، ءبىر نيەتپەن ىنتىماقتاسىپ، «العان بەتتەن قايتپايتىن» قايسارلىقپەن، «قانشالىق قيىن بولعان سايىن، سولعۇرلىم العا ىلگەرىلەيتىن» قايسارلىقپەن ىندەتتەن ساقتانۋ - تىزگىندەۋ قىزمەتتەرىن شىنايى، ەگجەي - تەگجەيلى يگەرىپ، بولماشى جەڭىستى زور جەڭىسكە اينالدىرساق، ءبىز، ءسوز جوق، حالىقتىڭ باس اماندىعى مەن سالاماتتىعىن قورعاۋدىڭ بەرىك قورعانىس شەبىن بەكەمدەپ، ىندەتتەن ساقتانۋ - تىزگىندەۋ سىندى وسى قيان - كەسكى شايقاستىڭ جەڭىسىنە، ءسوز جوق، ەرتەرەك قول جەتكىزە الامىز.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار